تكفون لاتخلوني

انا راح احط نفسي مكان ابوه
عني مراح اسامح ولن ارضي عليه
انتوو صعبتووها يووم ملكتوو
الاب عنده مبدا
انه ولده كسرر كلمته وتزوج بدوون رضاه
وصدقيني مراح يرضي
وعلي قولتكم بتسوون عزيمه راح يحرجكم ومراح يجي
خلي الاب مع ا ولده يتفاهم معه ومع عمامه ويووسطهم بينه معني متاكده راح يكابر​
 
سوال هل ملكتي واهلك مايدرون والا هم يدرون وباركو مثل هالزواج
 
وسطوا شيخ او رجل معروف ليحل المشكله اما اذا هنارك فروق اجتماعيه كبيره يستحيل معها الزواج فالحب وحده لن ينفعكما ..اكثري من صلاة الاستخاره ..ولا تتهورين في اي تصرف يؤذي كرامتك هو الرجل والرفض من ناحية اهله دعيه يتصرف ان كان جادا ..موفقه
 
مشكلتي مابي احد يدخل فيها كذا بيعند اكثر زوجي قال
هو بيرضى بس بعد شق الانفس والعزيمة من جد احس
انه بيرفضها....
واللي عقد الموضوع ان ابوي توة طالع من جلطة وتجي ذا السالفة
وتخرب اللي تعبنا عشان نرجع ابوي مثل اول....

اناربي ابتلاني بحب هالشخص اقسم بالله كل ماشفته احضنة وابكي
غصبا عني بس اتخيل كيف نكون بعدين بدون بعض..
كيف وكيف وكيف.............
وربي لدرجةنزلت دموعة قدامي يقول مابي اتركك ولااتركهم بس لازم
يرضون
 
نصيحة لاحد يحب والله كله بهذله كانت ضحكتي ماتفارقني بس
الهم ثقلني...عمري 23 سنة بس ماافكر تفكيرالبنات هموم وحزن الله ادرى
به
 
يابنات ابوة منفصل عن امة وتزوج باجنبية وماجابها لاهلة الابعد
ماخلفت اثنين فكيف يحرم اللي حللة على نفسة...
بنات تكفون خيتكم محتاجة لدعائكم بظهرالغيب كل ماذكرتوا سالفتي
 
اعتبروني اختكم اول مرة اكتب معاناتي
وماحدني على كذا الا الحيرة اللي بتذبحني
 
سوال هل ملكتي واهلك مايدرون والا هم يدرون وباركو مثل هالزواج
 
اهلي يدرون انه رجال جاي لحالة بس مايدرون عن

كل المشاكل اللي صارت
 
لاتعليق على بعض الردود انا متزوجة على سنة الله ورسولة
وش اللي باطل الزواج واحد وتختلف اسباب الطلاق
يسلمو على الردود
 
تفكيري يقول لي ربي سبحانة وتعالى لين الحديد
مايعجزة قلب انسان...
ادعو لي ان الله يلين قلب والدة ومايضيع صبري
 
اسأل الله العظيم رب العرش العظيم أن يلين قلب والده عليك بالدعاء
 
اذا هو راضي فيك يخلي اهله امام الامر الواقع ويتزوج !!! وبعدين انصحي يبر اهله ويتواصل معهم واذا بس مشكلته ابوه وامه راضيه ترا تقدر تقنعه بالعلم ان اذا الاهل مو راضين اللـه يعيــــنك على المشاكل وان شاء الله انك قدها
 
من ناحية قد المشاكل فمريت باقسى شي بحياتي

وانا ماانتظرمن الله غير الفرج والسهالة من كل جانب
 
عزيزتي أنا استغرب أنه أهلج رضوا يزوجونج بهذا الشخص
من دون ما يشوفون أهله أو يكلمونهم!!
بصراحة غلط انه انتو اتزوجتوا من غير رضى والدينه
وأكيد بيزعل أبو ريلج أنه ولده طلع عن شوره
وبيشوف أنه انت السبب!!
الله يهديج
الحين خلي في بالج أنه انت دخلتي في دائرة المشاكل مع هذا الزواج

برايي أنه زوجج يحاول يقنع ابوه
وإذا ما قدر يقنعه..
برايي الطلاق أحسن حل

الله يفرج همج ​
 
حبيبتي صدقيني يمكن انا اكتتتتتتر وحده حسيت فيكي ,
انتي صلي الاستخاره والله يخترلك اللي فيه الطيب
وكلي امورك علىا ربك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل