تكفون قولوا لي وش أسوي بزوجي تعبت وربي

ماذلني مخلوق

ماذلني مخلوق

New member
إنضم
2010/02/10
المشاركات
118
السلام عليكم ورحمة الله وبركاته ..

خواتي دخلت اليوم ابي مساعدتكم من بعد الله اتمنى ماتخذلوني

واي وحدة تعطيني حل مع زوجي ..

دايم انا وزوجي مشاكل ودايم اروح لاهلي زعلانه اخر مره رحت كان بشهر8 و9 وبعدها تصالحنا وبعدها قررت اني مااعلم احد بمشاكلنا واني مااروح لاهلي زعلانه المهم يصير خلاف بس مااخليه يطول ولكن من اسبوع زعل علي فجأة وقال خلاص روحي لاهلك وماراح اعطيك شي للعيد وانا والله حاولت اعرف وش فيه وقلت بروح بس مانكون زعلانيين المهم حاولت وحاولت ولكن مافيه رجا انا عند اهلي من الخميس ولافكر يدق وماراح يدق لانه يقول هالمرة بخليك تطولين انا ضايق صدري مرة خصوصا لما اشوف اخواتي واخواني مع ازواجهم وانا زوجي بعيد عني تعبت وربي نفس يحس فيني ويقول ماابي افارقك حتى امي وابوي ماعلمتهم من كثر المشاكل اللي صارت بينا وقلت يمكن ربي ييسر له ويحج وانا طلبت منه اجلس عند ابوي لانه تعبان بس هم حاسين فيه شي بس خواتي يعرفوا ولااحد عطاني حل بس يقولوا لاتكلميه والله اني مليت كل ماطقت براسه زعل ووداني وش ذنبي ياناس

ارسلت له الليله من شريحة ثانيه عندي هالأبيات
ماجور ياللي من فراقك تعلمت
إن الزمن يومين ..طيب ..وخيب
فاجأتني بمفارقك ماتولمت
كذا بدون أسباب عني تغيبت
مامت من فرقاك لكن تألمت
شيبت بي ياصاحبي قبل أشيب
ولولا السحى من عاذلي ماتلعثمت
طاولته اللي في يدي من قريب
أضحك وأسولف وإن لحقني سهر نمت
لكن ورب البيت ماني بطيب
تدري من المخطي ولو ماتكلمت
ياللي لظني ظنتي ماتخيب
هو مايعرفها لانها حقت الكونكت تبعي بس اكيد بيعرف انه انا
وش رايكم وعطوني حل الله يسعدكم ويفتح على قلوبكم..
 
ردوا علي واسوني والله ان نفسيتي مزفته مره

وابي احد يجبر بخاطري
 
أنت يا عزيزتي عودتيه على هالشي .. المفروض حتى لو صار زعل من بينكم ما تطلعين ابد من البيت لأنه بيتك ... واذا هو اللي متضايق خليه هو اللي يطلع من البيت ...
يعني ازعلوا من بعض .. بس في بيتكم ولا تخبرين أحد فيه...
واذا الموضوع ما يستاهل زعل .. طنشيه ترا التطنيش له مفعول قوي
والله يكون في عونج
 
تبين نصيحتي اول شيء الوتر والدعاااااااء والاستغفار
وبعدين سامحيني على هالكلمه بس احسك خانقته وموضحه له انك ميته عليه وماتقدرين على فرقاه قريت موضوع هنا يجنن تقول صاحبته.,,
كل شيء يلاحقه المرء يهرب منه.
فاذا كنت تلاحقين زوجك بالاتصالات والاسئلة والتودد الزائد غير المبرر فهو حتما سيهرب لانك تضعينه تحت ضغط كبير وتحرمينه من التحدي للفوز برضاك فانت تكافئينه بمناسبه وبغير مناسبه فلم عساه يسعى لرضاك؟؟
الرجل يتمتع اكثر ما يتمتع بلعبة " التحدي" فلا تحرميه منها ..
فعندما يذهب الرجل في رحلة صيد غزلان حيث يبيت في الصحراء في خيمة بلاستيكية غير مريحة بلا مكيفات ولا ماء نظيف ولا خدمات ..ويأكل اكثر الطعام قرفا" وبساطة ...لم كل هذا؟؟

للفريسة او الصيدة او الغزال

وما ان يصطاد الفريسة حتى يشعر بفرحة غامرة ويعود لاصحابه كطاووس ..فخور بصيده وما ان يعود الى البيت حتى يعلق رأس الغزال على الحائط كانجاز رائع يفرح به كلما نظر الى رأس الغزال..


ماذا لو انه لم يذهب في رحلة الصيد تلك...وفتح الباب صباحا" ليجد رأس الغزال ملقى" عند بابه اكان ليفرح به كما فرح بالغزال الاول..؟؟
ام سيرميه في اقرب سلة مهملات؟؟

هذه طبيعة الرجال يحبون المغامرة والتحدي..لاحظي العابهم المفضلة وهواياتهم..السباقات..كرة القدم..والصيد..!!!

خلاصة القول هنا...دعيه يستحق ما تعطيه..فلا تعطي بلا مقابل..حتى لا يخسر العطاء قيمته ووزنه.
الله يوفقك ويرده لك يارب
ادعي لي.,,.:39:




 
الله يوفقك يالغالية ويسعدك وربي حاولت مااطلع بس هو طفشني

طول الوقت الفاظ قبيحه ويستهزئ في كل شي حتى البيت يقول وسخ

وربي انه نظيف ومعطر بس يبي يضغطني وانا احاول ابتعد عنه وجاب لي القولون

بحركاته ماكاني بزوجته
 
الله يعين الهروووب من المشكله مو حل أنتي عودتيه؟! على هالشي ؟!
 
تكفون لاتقولون عودتيه والله اني ابكي من القهر

وش اسوي هو بدا يذلني طلبت منه نتحاور

سكت رديت مافيه خلاص حاط بباله يوديني لاهلي

لانه مضغوط نفسيا وماديا وانا دائما تحت مجهره
 
مشكلتك ياقلبي عودتيه ليييييييه تروحين بيت اهلك ؟؟؟
مو كل مشكله تطلعين تستاهل ؛؛ انا من رااي تطنشينه ؛ وانتي بنفسك ترجعين بيتك ؛ ولا تخافين مهما كان مو طاردك , واذا رحتي خليك بنفسك وبس وقومي بواجباتك فقط ؛ يعني بالعربي ثقيله ؛ وطبعا اذا رجع طبيعي معك بعدها رووقي وروقيه معك ؛ وافتحي هالموضوع ولازم تحلوونه ؛ لانه الصراحه كثرررت قعدتك بيت اهلك والزعل ما واااااه محبه !!!
 
الله يوفق اللي ردت علي ويفرج همها

انا صحيح احبه واموت فيه وهو والله مايستاهل بس غصب عني

طيب عطوني حلول اطبقها وادعولي الله يفرج همكم ويخلي لكم كل غالي
 
الله يعينج حبيبتي خلاص صار الي صار انسي

وهدي اعصابج

وانتي قلتي انه مضغوط نفسيا اللحين خلاص خليه لين يرتاح وبعد ما ترجعين

اقعدي معاه وافتحوا صفحه جديده

واهم شي تغيرين من نفسج

خذيه درس وتعلمي

لاتعودينه على شيء من اليوم ورايح


اصبري واسكتي اذا قالج شي مب على كل كلمه تزعلين وتروحين بيت اهلج غلط

ومافي انسان ما يغلط حياتي

بس الغلط انج تستمرين على الغلط

خلاص اقعدي مع نفسج وشوفي ششنو الاشيا الي لازم تتغير فيج عدلي من نفسج

وصدقيني هو بيتغير اذا شافج تغيرتي

وانسي الي راح وابدي معاه حياه جديده بدون مشاكل

خلي هالفتره فتره لج تراجعين نفسج فيها وتصلحين اغلاطج

البكا ماراح يفيدج اللحين خلاص حبيبتي خلي عندج امل وخلي عندج صبر لازم تكونين صبوره اذا تبينه

وما فيه انسان مافيه عيوب وان شاء الله كل شي بيرجع احسسسسسن
 
والله الابيات تقطع القلب


حاولي بطريقتك تعرفين وش السبب الي خالها يزعل منك فاجاه

وانتي الله يهديك المفروض موكل ما تخاصمتم لميتي قشك وريحيت لبيت اهلك

لازم تصبرين وتتحملين مو عشانه بالطقاق فكري في امك وابوك قبل لا تروحين عندهم كيف اذا دخلتي عليهم وانتي زعلانه راح تكدرين خاطرهم وراح يتضايقون


انا دائما اذا تخاصمت مع زوجي والله احيانا تكبر المشكله اخر شي افكر فيه اني اكلم اهلي لاني لو كلمتهم وعلمتهم بالسالفه راح يتكدرون ويزعلون وبعد كم دقيقه راح ارجع اضحك واسولف مع زوجي واهلي هناك منحرقه قلوبهم عليه


فكري الف مره قبل ما تتاخذين الي قرارا وزي ما قلتلك مو عشانه عشان اهلك


الله ييسر امورك​
 
انا اقول طنشيه لي يجي هو ياخدك وبعدين مهما يصير لاتروحين بيت اهلك لانه تعود انك تروحين وترجعين من نفسك
 
يمكن هربان من مصاريف العيد وافتعل الزعل وصرفك عند أهلك

إنت ارجعي البين بنفسك وماهو طاردك.
 
الله يفرجلك اختي ويهدية لك ولا يشوف الا زولك ومايسمع الا قولك
 
الله يسعد كل وحدة ردت علي ويوفقها ويرزقها

والله انكم خففتو علي .. بس وربي اني حاولت مااروح

وحاولت افهم وش فيه وهو فعلا مضغوط ولكن دايما اني اللي يبرد حرته فيني

والله اني اصبحت تايهه وتعبانه نفسيا مليت وربي من هالحياة كل يوم

قايل روحي لبيت اهلك
 
حبيبتي خلاص انسي كل الي صار لاتذكرين نفسج خلاص مشكله صارت وانتهت

ولكل مشكله حل واحمدي ربج حببتي في ناس حالاتهم فالقاع

لاتقارنين نفسج باخوانج وخواتج وازواجهم ارضي بنصيبج

ودايما قارني نفسج بالناس الاقل منج واالي حالاتهم اصعب من حالتج

خلاص اللحين لاتفكرين الا بالحل

انسي الي سواه فيج

ومافي حياه زوجيه ماتخلا من المشاكل

انتي خليه اللحين مثل ماقلت لج يرتاح وترتاح نفسيته

بعدها ارجعي له ومب كل ما يقولج ارجعي تطيعينه لالالالالالا

خلج ثقيله

وفكري اللحين بصفحه جديده

خلي عيوبه اللحين لا تفكرين فيهم

وراجعي نفسج وشوفي عيوبج وصلحيها

ومو كل شي حبيبتي فيوم وليله بيتغير

يبيلج شوية صبر اضغطي على نفسج

فكري بحياتج لاتخلين الهموم والتعب ياثرون عليج

خلج قوويه وصبوره ودايما حلي مشاكلج بنفسج لاتتهربين من مشاكلج

عمره الهروب ولا العناد ولا غيره كان حل لمشكله بالعكس تخلقين من المشكله مشاكل بهاذي الطريقه

فانتي شوفي اللحين

الي ناقصكم هو التفاهم

خلكم متفاهمين حلو مشاكلم بنفسكم

التفاهم هو اساس الحياه


كل الناس تغلط هو لو يغلط انتي بعد تغلطين مافي انسان معصوم من الغلط

فا اللحين انتي ريحي نفسج

روحي صلي لج ركعتين

واقري لج قران

وبعدها ارتاحي ونامي

وباجر ابدي فكري بحلول واقعدي مع نفسج

انسي كل الناس وانسي سوالف زوجج معاج

خلاص اللحين انتي ناويه تفتحين صفحه جديده

الحلول متوفره وصدقيني لو فكرتي بتلقينها بايدج بس يبيلج شوية راحه

انتي اللحين مقهوره ونفسيتج تعبانه


ارتاحيييييييي حاولي ما تفكرين بشي الا بالحياه اليديده

ونحن حاضرين لج حبيبتي باللي تبينه ما بنقصر معاج
 
الله يفرج كربتك وصدقيني مشكلتك فيها من مشكلتي بس انا اشوي اصعب لان زوجي مريض واذا زعل قام وضرب وطردني يعني انا الي اروح لاهلي مرتين ارجع لانه مريض نفسي واقول ماعليه حرج بس ذي المره غير بس لانه مو راضي يتعالج لكن انتي اختي زوجك عنده مشكله ومشكلته على قولك مضغوط وممكن هو حاط في باله ان لو ماكان فاتح بيت ومتزوج ماكان عنده هذي الضغوط ومنزل حرته فيك وطبعا غلط الي يسويه وانتي لو رجعتي وسكتي عن الموضوع فخلاص بيعجبه الحال لكن اسمعي اتصل وقولي له تعال واذا جاء خليه يدخل بيت اهلك واتكلمي معاه بلصالون طبعا اتكلمي بهدوء قولي انا ابغى احل الموضوع حل جذري انا عند اهلي مو ناقصني شئ ابدا بس مااحب اترك بيتي او اخرب بيتي لااشياء تافهه انا احبك واحب بيتي وايغى اعيش عمري معاك وعندك تحت سقف واحد بس بشرط طبعا بيقول اش هو قولي تحفظ كرامتي وماعاد تطردني من بيتي فهمتي اختي وعاد هو بيقول ابشري ووووو كلام حلو عاد ارجعي بيتك طبعا عشان ماتحسي انك راجعه وانتي باهانتك واذا رجعتي انتبهي عاد يرجع لهذا الشئ حاولي انك تقللي من الاشياء الي تغضبه والله يوفقك يارب
 
الله يوفق من ردت علي ويشرح صدرها ويوسع ربي رزقها

ولايحرمها من سعادة الدنيا والاخرة ويسخر لها زوجها وتكون ملكة بعينة

الله يسخر لي زوجي مايحس فيني وينسى ان الكلمة الحلوة تاثر فيني

واني احتاجها يحرمني من التمشية والسفر الا بوجود احد من اهله معنا

وربي نفس نروح نتمشى ونستانس والسفر يقول مالك امل الا مع اهلي

وفي بعض الاحيان تكون السفرة على حسابه ليش طيب يسوي كذا

والمشكلة ينصح اخوه يقول لاتربط نفسك باحد سافر وتمش شيء والله

يقهر وربي ..
 
اللة يكون في عونك حبيبتي اول شي اسوينة ترجعي لبيتك وتقعدي مع زوجك قعدة مصارحة
وتحتوينة وتخففي علية من الطلبات ولا تزعلي اذا شفتية زعلان بل العكس تقدري ضروفة وانتي اعلم
ايش مضايقة ولا تطلعي من بيتك مهما كان بيتعود على عدم وجودك في حياتة جهزي نفسك بتسريحة
ومكياج راقي ولبس انيق خلية يشوف الشوق في عيونك بالتوفيق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل