تكفون فهموني وش هو ناوي عليه..

[اسيرة الحزن2]

عزيزاتي بدأت مشكلتي منذ حوالي اربعه اشهر ..حينمااتزاعلت انا وزوجي بسبة النت وجلوسه المطول غليه ..ومحادثاته مع بنات بحجه انه يقدم لهن استشارات بحكم ان زوجي مدرب برمجه لغويه
عصبيه واتفاجأت برسايل يرسلها لبعضهن تحوي كلام غزل وحب وحينما واجهته اعطاني مبررات غير مقنعه وعدني اني اذا دخلت عليه وهو يتحدث اليهن انه سيدعني اقرا محتوى المحادثه على المسن..واتفقنا على ذلك..وبالفعل صار ذلك..لكن في يوم دخلت عليه ومارضي يخليني اقرا مادار بينه وبين تلك التي تحادثه ومن يومها زعلت وقلي ماراح اخليك تقرين بعد كذا قلت له اذا اللي انا متوقعته صح..ومن يومتها وانا وهو مانكلم بعض..فزادت الفجوه بينا وصار يستفزني وانا بالمثل لحد ماجت لحضه وانفجرنافيهاومد يده علي وضربني ضرب مبرح ودخلت ابوي في حكاية مدت اليد وابوي ماسمح له واتهاوش معاة لدرجه انهم اشتبكوا بالايدي طبعا هذا في بيتي واخذني ابوي لبيت اهلي وهدده ابوي بالشرطه لان ضربه ترك اثر في جسمي وكدمه كبيره في عيني المهم كان شكلي جدا يعور القلب ..راجعه لكم عزيزاتي

 

[سُــكـر]

لا اله الا الله الله المستعان
هذا انسان متهور وغير مؤدب يرفع يده مو بس عليك وعلى ابوك كمان
الله يكون في عونك
عسى الله يجيب العواقب سليمه

 

[الملاك 2010]

الله بكون في عونك

 

[لولو هاتي]

ربي يكون بعونك حبيبتي
لو زوجي يمد يده علي بهذا الشكل وربي ابوي غير يدعسه خخخخخ
كملي وش صار بعدين

 

[اسيرة الحزن2]

رجعت لكن عزيزاتي..المهم رحت لهلي وسبت البيت بناء على طلب ابوي وتركت اولادي وبيتي وشقتي اللي توي ناقله فيها ومزبطتها..وجلست اسبوع ورجعت من نفسي يومتهاوصلتني امي مع السائق..بناء على رغبته اني ارجع
فلما شافني اعتذر واتاسف لي وباسني على خدي وراسي وضمني ورجعت رضيت عشان حياتي تمشي..وبعد يومين شرى لي هديه قيمه وقالي تستاهليها ومن هالكلام..لكن بعد تاسفه لي لحد اللحضه هذي وهو مايهرج معايا ولاحتى يبتسم في وجهي ولما نكون مع بعض مايتكلم ابدا يعني محسسني ان في الخاطر شي..والله الان ماتتخيلوا خواتي نفسيتي كيف متدهوره..ضرب وخيانه وتهميش..وحاولت اتكلم معاه عشان نرجع نمارس حياتنا رافض..ويقول انا لسه جواتي زعلان انك دخلتي ابوك بيننا ومد يده علي في بيتي ماني قادر انساها لك..وانا ابغاك ترجعين عشان الاولاد والا انا ارتحت في الفتره اللي كنتي فيها عند اهلك..واني افكر اتزوج والاقي لي بيت ثاني ارتاح فيه..مع انه بيتوتي ومايطلع من البيت ولا يسهر ولايسافر,,
راجعه لكم

 

[lattof]

هذا وهو مدرب برمجه لغويه يسوي كذا اجل اذا ما عنده هذا بيصير مثل رجالنا اجل رجالنا احسن منه حال انا لي 17 سنه زواج ولا عمره ضربني مثل ضرب زوجك ما عمره صار اذا ما عندك عيال خليك في بيت اهلك لحد ما يتادب

 

[لولو هاتي]

إنت طيوبة ما شاء الله عليك
ما عليك من كلامه بس يبغى يقهرك
وانت كمان اتاسفي واعتذري دااام هو اتاسف واعتذرلك
وانت قومي بواجباتك باكمل صورة ولا تراقبيه او تشكين فيه

كملي حبيتي

 

[lattof]

الله يعينك بس الان لاتعطيه وجه خليه ساكت وانتي سوي واجبتك وجلسي في بيتك لحد ما تهدا الامور يمكن ينسى شوي السالفه لان الجرح الى الان ما طاب
​

 

[اسيرة الحزن2]

حاولت في الفتره هذي اتودد له استمريت تقريبا اسبوعين وحسيت انه فلم فاشل اتودد له وهو زاد في تهميشه مع انه ملبي لي كل طلباتي حتى الاشياء اللي كنت اطلبها قبل مانتهاوش مايلبيها والان جدا حريص انه يجيبها
اش تفسروا هذا الشي.فوقفت التودد وهو مستمر على ماهو عليه..طبعا في الفراش لاحظت انه يحاول يرضيني ويلبي طلبي في اي شي لاكن لما نخلص من هذه العلاقه يرجع مثل ماهو مع انه يجي يطلبها وهو مبتسم في هذه الوقت فقط..ثم لاارى تلك الابتسامه مرة اخرى..

 

[قلب مكلوم]

لا حول و لاقوةالا بالله العلي العظيم !!!

لا حول و لا قوة الا بالله العلي العظيم !!​

 

[لولو هاتي]

لا تشغلين بالك كثير إن شاء الله كل خير
هو اكييد حس انو غلطان بحقك ميه في الميه
زوجك كم عمره وكم لكم متزوجين

 

[اسيرة الحزن2]

كل وحده ردت علي الله يجزاها الجنه ..لكن ليه التناقضات هذي في التعامل وهذا يدل على شنو تكفون فهموني والان حنا مانتكلم وصرت انام مع اولادي في غرفتهم ..ولا اكل معاه على سفره وحده..لان جلوسي معاه وتهميشه لي يزيد من سوء نفسيتي ففضلت الابتعاد ..ولكن اشعر ان الامر يزداد سوء ..فاصبحت خايفه
ان يتزوج على ..حتى يقهرني لما راى اني اعامله بالمثل واني مهمشته لاني ههدني بالزواج قبل كذا..فاللذي جالسه اسويه صح
والا راح يعقد الاموركمان..

 

[انثى تعشق رجل]

غاليتي لو صار وقالك انا مقهور انك دخلتي ابوك ومد يده علي في بيتي

قوليله بكل بساطة .. يقارن قهره وهو رجال قادر يحمي نفسه ويدافع عنها قدام قهرك وانت مرأة ضعيفة محتاجة الحنان والعطف والحماية ويجي هو المسؤول عن كل هذا يمد يده عليك
وفهمي انه لو هو بيتعدى عليك بدل مايحميك فانت مضطرة تدوري اللي يحميك منه

وانت استمري معه بالحسنى شكله بس مسوي فيها بيأدبك فترة ويضغط عليك وبعدين بيرجع طبيبعي
ولو تعرفي النقاش معه بيجيب فايدة افتحي معه نقاش هادي
وقولي له انت مدرب برمجة عصبية اعتبرني حالة طالبة منك الاستشارة وساعدني بدل ماتقسى علي وانا احق الناس بارشادك ونصحك ​

 

[أم الأقمـــــار]

فكه منه

مادام مكمل كل شي ويلبي طلبات وماهجرك في الفراش ففكه منه

.
.

اثقلي عليه واضح مايبي يرجع لك في الكلام عشان مايبيك تدققين عليه في جلسته عالنت ومسوي فيها زعلان

اللي استغربه كيف تمارسين معه العلاقه وهو معاملك كذا !!

المفروض استغليتي حاجته في انه يرجع ويسامح

 

[اسيرة الحزن2]

عمره تقريبا 39وحنا متزوجين لنا سبع سنوات وعندي ثلاثه اطفال ويشهد علي الله اني مهتمه في بيتي وانتكته وتلبية طلباته وماقصرت في اكله ولاشربه..واني على قدر كبير من الجمال وهو يحب الرشاقه فسويت رجيم ونحفت لكن مع وضعي الان ماني مشتهيه الاكل فنحفت اكثر,وهو جداكريم وطيب وفيه صفات كثير حلوه وهادي في بيته ومحترمني وبصراحه احبه وماابغا اخسره..وانامعودته على الهدايه وباقات الورد يعني ليه يسوي في كذا؟؟؟؟؟

 

[MS.HNO]

حبيبتي الله يفرج همي وهمك وهم جميع المسلمات قولي آآآآآمين

 

[فراشة عبدالله]

نصيحة لا تخسرين زوجك حاولي معه حسسيه انه اهم شخص في حياتك مهما كان الرجل قلبه يضعف عند النساء العاشقه مثل ماهو مو مقصر معك نفس الشي انتي لا تقصرين معه بعكس بادري بكلام الرومنسي و الغزل

 

[لولو هاتي]

سبحان الله في صفات كثيرة ذكرتيها حلوة في زوجك
لكن الإنسان ساعة الغضب والقهر يهدم كل شيء لو لا لطف الله ورحمته
وانت اهتمي في نفسك ولا تهمليها وفي عيالك وكلي معاه في سفره وحده ولا تعطيه مجال
مو معقول يطردك من السفره حسسيه انو مهم نوعا ما ......
هو حاليا يدلع عليك وشايل في خاطره شويتين انجرح من ابوك

ربي يسعدك ويوفقك ويخليك عيالك ويهدي زوجك

 

[lattof]

عطيه اللي يبي في الفراش بس لا تعطينه كل شيء يعني اخذي راحتك بس من غير ما يحس اعتبريها روتين تودينه له وبس وراح يحس انك متغيره عليه في الفراش
​

 

[اسيرة الحزن2]

عزيزتي ام الاقمار..عشان كذا لما شفت الوقت زاد وهو مصر على وضعه انسحبت ونمت في غرفه اولادي لاني ماني مستوعبه انه يمارس العلاقه معي وهو مايتكلم معايا..لكن هذا الموقف اللي اتخذته ممكن يكون له خطوه ايجابيه او يزيد من الوضع سوء لانه شكله صار جدا معصب علي ..في كلامه
حتى صار مو ملبي لي طلباتي لما اشتهي اكله معينه او غرض او تسديد فاتورة جوالي..ويدخل مايسلم على لكن انا ماشيه معاه بنفس اسلوبه..لكني بصراحه خايفه تكفون ادعوا لي..