تكفون علموني من الغلطان ..

[نرجسييه]

السسلام عليكم ... وش أخباركم عساكم بخير ان شاء الله ... انا يابنات متزوجه من كم سنه بمنطقه بعيده عن أهلي وساكنه مع اهل زوجي بس مو بوسط البيت عماره يعني بشقه انا تقربيا يوميآ اروح لهم ورمضان عندهم اول يوم من العيدين عندهم واذ فيه نفاس رحت معهم واذ زواج مقرب رحت معهم يعني ماقصر .. بس هم عندهم لازم زوجة الولد تروح معهم اي مكان يروحون له اول ماتزوجت اذ جت صديقة حماتي تذاكر معها قالوا تعالي واذ مارحت لهم كل يوم يضايقون يعني مايقدرون اني ممكن اكون تعبانه متضايقه نايمه لا مافيه اعذار وصار عندهم زواج بس مو مقرب يعني من بعيد وماحضرته عاد خالتي تقول انتي دايم ماتجين معنا ومن هالحكي وكل اللي اسويه ولا اجي معهم المهم انا لي يومين او ثلاث ايام مارحت لهم ورحت لهلي وهم عارفين اني بروح بس مايدرون متى المهم دقت علي خالتي وانا عند اهلي قالت وينك قلت عند اهلي قالت ايه ماتشوفين شر مع السلامه .. بعدها رجعت وعادي سلمت وهي كنها زعلانه مني ايه قبل ماروح عند اهلي كان فيه عندهم حريم وهي كانت تدق على الثابت والثابت فاصله زوجي وبعدين دقت على زوجي قالت اني ادق على الثابت ونرجسييه ماترد قالها ايه انا فاصل التلفون بعدين دق زوجي حوالي الساعه 10 بالليل متى يمدي اتحمم واستشور واروح بس المفروض تدق على جوالي مو على زوجي والحين صرت ماروح كل يوم تقربيآ يوم من ورا يوم بس احسهم شايلين علي وانا مره متضايقه من خالتي يوم قالت ماتشوفين شر .. بنات هل انا غلطت بشي ؟

 

[يالوردي]

ما غلطتي مو معقوله كل يوم انتي عندهم انتي عندك بيتك ومسؤو لياتك مو بس مفضيه لهم انتي المفروض من بدايت زواجك ماتعودينهم على روحتك لمهم كل يوم اما كل ماجت مناسبه يبونك تحضرين مو من حقهم يجبرونك على الحضور كل واحد وضروفه بس انصحك ما تكبرين الموضوع معهم عشان ما تدخلين في مشاكل مع زوجك حاولي تصرفينهم بتعب بشغل وخففي روحتك لمهم مره بالاسبوع

 

[لاتخون الصدق لا]

يا اما انهم يحبون وجودك او يبون يعودونك على عاداتهم
قولي لهم لو فاضيه ومو تعبانه مارح اتأخر عنكم اصلا انا اشتاق لكم
ولو انشغلت او ماجيت اعذروني اكيد عندي ظرف
انا ما احب الناس اللي ماتقدر واحسن ما اككون لزقه اربعه وعشرين ساعه ما اطلع من بيتهم ليش ماعندي بيت وزوج واشغال

الغلط انك ماوضحتي لهم كوني صريحه معهم وقولي لهم لو ماجيت اكيد انكم فالبال لكن انشغلت

 

[نرجسييه]

لاهم تعبتر عندهم عادات بس الحين خالتي شايله على وهي الغلطانه بين عليها الزعل صراحه ماودي اقولها شي لاني ماغطلت ماتتصورين قد ايش متضايقه لما قالت ايه ماتشوفين شر .. وزوجي ماحب اقوله شي هاذي سوالف حريم .. واسعدني مروركم

 

[خاله سوسو]

لا تعودينهم كل يوم عندهم , أعطيهم حق الصله .. وعامليهم بررسميه و مرح في آن واحد ..

وخليك بعيدة .. لان مو من واجبك تكوني بودي قارد معهم في كل مكان انتي لك حياتك وعوديهم من اليوم

ولا تفتحين معها سيررة الموضوع ولا شيء ..

خلي روحتك لهم بالاسبوع مره ولا تجيبين لزوجك سيررة ..

لان الوحده اذا كانت ضعيفه انهاانت لكن كوني قوية بأدب .. لان المؤمن القوي خير واحب إلى الله من

المؤمن الضعيف ..

وتعذرري دااايم انك مشغوله مره عندك غسيل مره كنيس مره تنظيف شبابيك مره تعبانه شوي

وهكذااااااا لا تفتحين على نفسك باب الحريم وغثااااهم ..

بالتوفيق ​

 

[داريين]

طنشي الموضوع و لايهمك
و لا تروحين كل يوم انتي مو مجبوره
و زوجك بعد لا تدخلينه بالموضوع ترى بتخسريه و بيطلعك غلطانه
و كمان لا تبيني له انك طفشانه من عادات اهله
واذا دقت عليك خالتك تبغاكي تروحي مكان معاها
وانتي ماودك اعتذري منها باسلوب حلو
و لايهمك زعلها بعدين لأنك انتي ما غلطتي
و لو كلمت زوجك ابد لا تبيني له انك متضايقه لا بس طلعي له كم شغله عندك او تعذري بصداع او اي شي
و فيه موضوع مررررره حلو في المنتدى عن التعامل مع اهل الزوج
دوري عليه راح يفيدك كثييييير ​

 

[نرجسييه]

مشكورين حبايبتي جد كنت محتاجه كلامكم لان ماعندي احد افضفض له

 

[عذاب السنين]

مرحبا أختي
هذا غلطك أنتي من البدايه عودتيهم معاهم تروحين كلل مكان
هذا غلط..غلط ..غلط
مثل اللي يفطم صغير من رضاعه فجأه !!

عموما خففي روحاتك وبيتأقلمون وبيصير عندهم جدا عادي
ولاتبينين أنك ماتبين تروحين لاء
تصرفي بذكاء وحنكه تعذري بلطف وأوعديهم الجايات أحسن
بعدين ليه متحسسه من كلمة أم زوجك
أنا ماأشوف فيها شي
قد ماتقدرين أتركي عنك الحساسيه وزوجك لاتقولي له اي شي
ولاحتى تبيني لأن مهما كان تضل أمه ولو على خطأ
.......

موفقه يارب

 

[حلمي ما أكتمل]

طمشي ولاتعطينهم اكبر من حجمهم اهل الزوج مايجي من وراهم الا لبلى

واذا اخذو زوجت الولد تملكوها اعوذبالله .. انا ام زوجي اذا رحت بيت اهلي

تدق علي متى بتجين تتاخرين !! سلامات زوجي ماسئلني هالسؤال

اعوذ بالله ..

بس ياليت مشكلتي نفس مشكلتك كان اهوووووووووون بكثر

بس الحمد الله على كل حال

مثل ماقلت لك لاتعودينهم عليك خليهم يشتاقون لك ولاتعطينهم مجال يتحكمون فيك

الله يوفقك ويهنييك يارب

 

[الفااتنه]

اكرره هالتصرفااات اناتطلقت عششان هالشي فاياختي انتبهي لانفسسك ولاتعتذرين منهم ابد انتي ماسويتي شي غلط لان لواعتذرتي خالتك بتجلس تتزعل على كيفها.وبكره ان شاءلله راح يجونك اطفال وراح تلهين مع دراستهم والاهتمام فيييه ولاانتي فاضيه..والله يسسخرلك يارررب ويحنن قلب ام زوجك علييكم ياررب ..لاتنسيني من دعوااتك ربي يعوضني ويحقق الي ف بالي

 

[نرجسييه]

مشكورين خواتي .. بس عذاب انا ماتحسست من الكلمه الا من طريقة نطقها ايه ماتشوفين شر بزعل قالتها مادري كيف .. حلمي ما أكتمل الله يسهل امورك ويهنيك يارب

 

[صغيره بالعمر]

تصدقين كانك تتكلمين عني معك

بس فرق ماعندي حموات

بس البلا ان زوجي يقارن طلعاتي لبيت اهلي بطلعاتي مع امه

يعني اجلس معهم طول مهي موجوده بس هي وهو لا يبون اطلع معها وانا طفشت وما احب كل مكان اروح اجبر نفسي ع الاهل والتوجب لا ههم يبون كل شي

طفشت لين الحين بدت تتركني شوي والمشكله مو عاجبهم

حتى زوجي اقول له قارن جلستي مع امك بجلستي مع اهلي مو ع الطلعات
وربي حاسها بوضعك

احسن شي لا تروحين قللي بالتدريج واذا زعلو بالبدايه وبعدين يرضون انا كذا بالبدايه بس لين الحين في زعل ومشاكل بس اخف من اول والحمدللله

 

[نرجسييه]

الفاتنه الله يعوضك يارب .. صغيره بالعمر الله يسير امورك وجميع المسلمات

 

[عشقي عيونها]

حبيبتي طننننننننننننننشي ولا كان ششيء صااار خليك طبيعيه وقللي زياراتك اهل الزوج مايجي منهم خير اذا جيتيهم دايم قلبوا عليك وحطوا مشكلة واذا ماجيتي قالوا قطوع ولا تسير علينا مايرضيهم شيء عيشي حياتك اهم شيء زوووجك اذا عاتبك ماتروحين لهم تعذري اي عذر لاتقولين انك تبين تخفين زياراتك

 

[شمس شمر]

طنشي الموضوع و لايهمك
و لا تروحين كل يوم انتي مو مجبوره
و زوجك بعد لا تدخلينه بالموضوع ترى بتخسريه و بيطلعك غلطانه

 

[غلا روحي ليول]

لو قلتي لهاا شر ما يجيك
صعبه كل يوم بتروحين لهم حتى انتي تبغين تأخذين راحتج ومسؤله عن بيت براحتهااا تزعل وترضى بروحهااا انتي ماسويتي شي فيهاا

 

[استعدت نفسي]

لا طبعا مو غلطانه نفسك وبيتك وزوجك لهم حق عليك

 

[غااااااايه]

خالتي تقول انتي دايم ماتجين معنا ومن هالحكي وكل اللي اسويه ولا اجي معهم!!!!!!!!!!!!!!!

ياحبيبتي لاتضايقين نفسك........................... واعتبري عتبها هذا من محبتها لك.............. ويمكن هذه عاداتهم ، بس طنشي ، وسوي اللي قالوه لك الاخوات

 

[غااااااايه]

خالتي تقول انتي دايم ماتجين معنا ومن هالحكي وكل اللي اسويه ولا اجي معهم!!!!!!!!!!!!!!!

ياحبيبتي لاتضايقين نفسك........................... واعتبري عتبها هذا من محبتها لك.............. ويمكن هذه عاداتهم ، بس طنشي ، وسوي اللي قالوه لك الاخوات

 

[Miss Baskoota]

يا انح اتروحين و لانهم بيزعلون مب حاله الصراحه
انتي كلمي ريلج خلي يفهمهم