تكفون ساعدوني كيف اصلح غلطتي

الالو من زوجك طلقتك بساعته لانه مسوا شي المسكين غلط بالرقم ترفعين صوتك وبعد تنزلينه من السياره قويه حيل لازم تشوفين حل لعصبيتك والرجال مايرضئ حد يهينه
 
اختي الغلية استغربت كثيرا من تصرفك مع زوجك ..يبدو لي الموضوع اكبر بكثير من مجرد موقف بسيط استدعى كل هذا الزعل ..المشكلة في احترامك لشخص زوجك وتقديرك له ..حبيبتي زوجك هو جنتك ونارك ..كل كنوز العالم لن تفيدك ان خسرتيه ..نصيحتي اختي الحبيبة صححي علاقتك بزوجك ..لا تدعي الغضب يعمي عينيك وينسيك من امامك ..فحق الزوج مقدم على حق الابوين تخيلي ....وانت تنزلينه من السيارة لمجرد انه اخطأ في ادخال الرقم السري ؟؟؟؟ اعتذري منه بل بالغي في الاعتذار قولي له لن ينام لي جفن حتى ترضى ..تأكدي انه سامحك ..وفقك الله لما تحب وترضى
 
استغفر الله مو مصدقه اللي اقراه
اتقي الله بنفسك صرتي كانك رجال الله لايبلانا
 
لا حول ولا قوة ألا بالله الموقف ما يستاهل العصبية موقف بسيط جدا مو قد الخطأ ألي سويتيه مهما كان ومهما فعل ما أجرح كرامة أي أنسان فما بالك زوجك وأبو عيالك ينهان وبهذا الشكل حطي نفسك مكان زوجك ترضين كذا يسوي الرجل ممكن يتحمل أشياء كثيرة ومشاكل ألا ألإهانه لا وفي الفلوس بعد تراها صعب على الرجل الله يهديك الأخلاق الأخلاق الأخلاق الحسنه ولنا في رسول الله صلى الله عليه وسلم القدوه الحسنه وفقك الله
 
لا تقووولين ما الووومك الا الووومك لان بصررراحة في زووجة تقعد تلعن وتسب في زوجها على امووور مااادية عيل الله لا يقوله لو خانج او تزوج عليك شنو بتسوووين بتقطعين ررررااااااااااااسه

عليج انج تتعهدين له امام الله ورررسوله انج ما تعيديها وتسبيه واعطيه هديه مع ليلة رووومانسية واعتذري منه
 
أنا مع حرب الأحساس عرفتي غلطك وخلاص

وهذا هم يسوون البلاوي ولاهمهم
 
رأي الشخصي

انتي خلاص اقدمتي على انتي فيه وصرتي فيه حتى اخمص قدميك
لاتتذللي له ابدا عشان يسامحك على لحظه غضب كانت من حقك
انتي ماغلطتي كلن يعصب واذا ماتحملك اهو من يتحملك
لازم يتلعم انك بشر وغلطتي وحاتغلطين
الامر عاااااااااااااااااااااااااادي
انتي لاتفاتحينه ابد باللي صار ووكن ماشي صار
ونصيحه ثانيه لاعاد تتعاملين معه بالفلوس
خليه وعلميه يعتمد على نفسه ولا يجد من خلالك اي نوع من انواع النجده
 
شكلك جدا عصبيه وعلى هالسبب منتي قادرة تتملكي اعصابك الله يهديك وحاولي تتوددين له بالاشياء اللي يحبها
والله يوفقك اختي في حياتك الزوجية يارب
 
واااااااااااااو عى عصبيتك
زين من زوجك سامحك لو غيره كان وداج بيت اهلج
حبيبتي انتي عصبيه لازم تتحكمين باعصابج
اليوم سامحج وانحلت المشكله
بس بعد وراج العمر كله اتحكمي باعصابج قبل لاتخسرين زوجج
فكرة نفسي انا الي عصبيهطلعت يمج ملاك
الله يهديج
 
..«امممم بصراحه».. ™
الموضوع مايستاهل كل هالعصبيه ..
تقربي له بشي يحبه واعملي له ليله خااااااااصه
بطريقتك. وحاولي تعتذريييييييين .. بطريقه ..!!
يفهم منها انك ندمااااانه
وحاولي تتحكمين في اعصاابك يالغلا​

..]|•••​
 
ياقلبي احسك مرررره عصبيه وحنووووووووووونه وحبوبه بعد مدري كيف تجتمع

بس دامه سامحك خلاص لا تفتحي الموضوع ولا تكبريه كفايه انه حاس بندمك

بس دام بطاقتك عطلانه روحي اعزميه على عشوه حلوه واشتري له هديه من بطاقته هووو

صح انه موقف سخيف وصعب بس حوليه انت باسلوبك لنكتتتتتته

قولي له ابي كذا والا بنزلك في الشارع ترا خخخخخخ
 
لآحول ولآقوة الآ بالله

صدق زعلتيني منك يآفرحة

حبيبتي أنآ مشآركة في موضوع لك من قبل

ووآضح أإن زوجك طيب وأإنك مآتحترميه

والله غلطته تآفهة ومآتسوى عليه آلقرشين آلي بيآخذهم عشآن تسوي فيه كذآ

وترآك كسرتي بخآطره وأحرجتيه وخآصة أإن الموقف حسآس لأنه بيآخذ منك فلوس

تبي ترآضيه عطيه الفلوس آلي كنتي بتسآعديه فيهم

أستهدي بآلله وأنتبهي لزوجك ترى بعدين تندمين

وأإذآ أحتجتي شي حنآ مآنقصر أنآ والبنآت

الله يهديك ويوفقك​
 
الاخوات ما قصروا بالنصائح
وانا رايي كدة
حاولي ان تخففي عصيبتك وانتهي انو هذا زوجك مش ابنك
وهو نسي
جل من لا ينسى
الله يهديك
 
اعتقد لعصبيتك أبعاد أكبر ...
أنت ناقمة تحسين بالسخط على حياتك وربما على أمور كثيرة فيها
فالانسان السعيد لا يستثار من أمور تافهه
أما الناقم فاثارته سريعه جدا ويصب جام غضبه على من يستضعف من حوله
هل تحترمين زوجك ؟ هل تخافين ردة فعله ان جرح ؟
نفسي عن غضبك بمعالجة أمورك ...
حلي مشاكلك ...
الهدوء يأتي من :
- الصلاة بخشوع وعلى الوقت وخاصة الفجر
- قيام الليل
- الصيام
- المساج
- الحمام الدافئ والمغطس العميق

كوني أكثر سلاما مع نفسك تكوني أكثر سلاما مع من حولك ..
وفقك الله ))))))​
 
الله يهديج يا أختي حد يعصب على بطاقة بنك ؟؟

لازم اتكونين اكبر عن جي

المهم الحينه صار اللي صار وماعليج الا انج اتحاولين اتصالحين ريلج بكل الطرق وابتعدي عن العصبيه وتمي استغفري ربج وان شاء الله بيسامحج ويرد مثل ماكان واحسن:)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل