تكفون ساعدوني كل امس ابكي من الصدمه

[عشق زووجها]

السلام عليكم
بصراحه مو عارفه كيف ابد لكن اتمنى اني القى من بين ردودكن حل لمشكلتي
اللي صار امس بالليل اتصل علي خطيبي وقام يهزى ويخانق فيني بصوت عالي مررره ليه؟
لان بحفلة خطوبتي قالي لاتحطين اي موسيقى وهو اول كان موافق وبعدين غير رآيه
حاولت فيه بس مارضى واضطريت اني احط بدون ما اخبره
اللي صار ان امس بعد شهر من خطبتنا اخته علمته وبعدها اتصل علي وسمعني كلام يهز البدن وربي لو اقولكم اللي قالي ماتصدقون
طبعا انا ماقصرت فيه مثل مايقولي اقوله ليه وش شايفني يقول انتي خاينه قلت اجل طلقني قال ما اطلقك انا اربيك وكلام كثير قبيح وطول مايتكلم وانا مصدومه مو مستوعبه
معقوله هذا يحبني !!ويقولي هالكلام الجارح؟
بعدها قفل وبأسلوب قبيح قالي بتصل فيك بعد شوي قلت لاتتصل وش بقى ماقلته وقفل
وبعدها انا قفلت جوالي
وش رااايكم اللي عملته صح؟؟
وكم استمر اقفل جوالي؟؟
ويااريت اللي عندها رقم اي استشاريه تقدر تحل لي مثل هالموضوع تعطينياه لاني محتاجته وكل يوم مشاكل

 

[الثلجاء البيضاء]

والله يا اختي ما عندي خبره بس اتوقع اللي سوتيه شي غلط ممكن لو ما زدتي عليه هدتيه والله مدري بس ان شاء الله الاخوات يفيدونك

 

[عشق زووجها]

ماقدرت اهديه انا تنرفزت وعصبت من الكلام اللي قاله اللي يسمعه يقول وش عامله!!
عموما مشكوره

 

[محبة مكة]

اعتقد انك مخطئة في اتخاذ قرارك يوم الخطبة
ما دام هو قالك لا تحطي اغاني كان قولتي سمعا وطاعة
لله اولا
ثم خطيبك
لانه يريد ان يبدا حياته من غير منكر
وانتي تعلمين حكم الاغاني
المفروض انك ترجعي وتعتذري له

 

[انا اعترض]

غلطانه وستين غلطانه بعد

عيل شفتي وحده تبدي حياتها بمعصية زوجها ..

انا زوجي قال لي ما نبي اغاني وموسيقى قلت ما عليه بنيب طقاقات .. بس اهله حطو اغاني وكان نظرتي فيهم انهم ما احترمو قراراته مهما يكون صغير بس هو ريال ولازم الاحترام ..فهو حس باهانه لما ما احترمتي قراره .. وسويتي اللي على كيفج . المفروض تقنعيه ولو بدي جي اسلامي ولو اني اشوف مافي شي اسمه دي جي اسلامي . بس اهون الشرين . انتي عاد لا احترمتي قراراته يوم قرر مافي اغاني ولا احترمتيه يوم هزأ فيج وما قلتيله كلمة اسفه ولو انه غلط عليج المفروض تهدين الموقف وتحاولين تتأسفين له وتبررين له موقفج مو كلمه منه وعشر كلمات منج .. اسمحيلي .. لاتزعلين .. بس اتقي الله وبتيسر لج امورج .. قال تعالى ( ومن يتق الله يجعل له مخرجا ويرزقه من حيث لا يحتسب ) .

 

[{نوتيلا}]

لا تعودي نفسك على كلمه طلقني
كان جيتي بالسياسه بالدلع
معليش حبيبي غلط بس عشان حبيت اسوي اكشن
اي شي
لا تشدي معاه و طلقني و مدري ايش ما ينفع مره لا تخلي بدايتها كده

 

[نور كندا]

اتركيه من الان احسن من بعدين لان من الواضح انكم مختلفين من بداية الطريق

 

[حرم الطيار]

حبيبتي ان شاء الله تنحل بينكم هالمشكله

والمرهـ اليايه اذا حابه تسوين شئ لازم يكون بعلمهـ

عشان تتفادون المشاااكل ...والله يهديج الغاليه ويهديه زوجج يااارب

 

[أدمع الفجر]

هو الله يهديه كبر الموضوع ... انت لاتسمحين لاحد مهما كان انه يتعدى عليك وعلى كرامتك


الله يسهلها عليك ...لكن لابد ان تاخذين موقف..

 

[طوق الماس]

نصيحتي لك اتركيه قبل ما تندمي
لانك لو اتزوجتي من شخص بهذه الاخلاق فمن الممكن انو يضربك في يوم من الايام قدام اهلو
وفي هداك الوقت ماراح تقدري تسامحيه
او ممكن انو يهينك بلسانو قدام اهلو وصدقيني لو خلفتي منو اطفال ماراح تقدري تطلبي الطلاق بس عشان اولادك وراح تعيشي طول العمر في ذل ومهانه
اسئلي مجرب وانا مجربه وعمري ما راح اسامح زوجي لانو ضربني قدام اهلو مره ومرات كتير اتكلم معاه عادي قدامهم يرد بطريقه جارحه او انو ما يرد اناديه ويطنش اصلا بس صابره على الذل لين اولادي يكبرو لانو والله احب اولادي

 

[يالله يالله]

نصيحتي لك اتركيه قبل ما تندمي
لانك لو اتزوجتي من شخص بهذه الاخلاق فمن الممكن انو يضربك في يوم من الايام قدام اهلو
وفي هداك الوقت ماراح تقدري تسامحيه
او ممكن انو يهينك بلسانو قدام اهلو وصدقيني لو خلفتي منو اطفال ماراح تقدري تطلبي الطلاق بس عشان اولادك وراح تعيشي طول العمر في ذل ومهانه
اسئلي مجرب وانا مجربه وعمري ما راح اسامح زوجي لانو ضربني قدام اهلو مره ومرات كتير اتكلم معاه عادي قدامهم يرد بطريقه جارحه او انو ما يرد اناديه ويطنش اصلا بس صابره على الذل لين اولادي يكبرو لانو والله احب اولادي

انا مو معاج يا اختي هذا انسان يخاف الله واذا يخاف الله راح يحافظ عليها يعني انتو سهلتوا الموضوع الاغاني حرام معروف هالشي واذا انتوا بعتوا الاخره والجنه على حساب اغاني تافهه الله حرمها وين الوعي وين الوازع الديني الله يهديكم وانصح الاخت ولاتزعلين دامج تطلبين الطلاق من الحين ترى ماينفع تزوجين لازم تتعلمين طاعه الزوج واحترامه علشان يحبج ويصير خاتم باصبعج

 

[الغلا غلاتك]

هذا بعده ماخذج ويسب فيج احسن بنج بينتيله قويه اذا بينتيله بنج ضعيفه والله ليركب فوق راسج بعدين وفوق هذا يقولج بربيج قوليله انا مربايه وهلي مربيني لاتبينيله بنج مره خفتي منه الاقلطانه ولاشي انتي

 

[ام العنود1]

شوفي يا بنتي خطيبك يحبك وخايف عليك من المنكر بس يمكن بحكم خبرته البسيطة تصرف يهذا الشكل وانتي لازم تتحملينه بدون استسلام يعني في البدايه اعترفي بمشاعره وقولي لم انا عارفة انك متضايق لاني سويت شئ يغضب الله وانا عارفه انك تبغى مصلحتي بس لحظة ضعف وابغاك تكون عون لي على دحر الشيطان بس لي عتب تمنيت اذا انك تاخذ بيدي وتحترمني بدون رفع الصوت لاننا تعودنا نرفع اصواتنا راح نفقد الاحترام وهو اهم شئ في الحياة الزوجية وهو مقدم على الحب لانه اذا ساد الاحترام بيننا ستكون حياتنا مستقرة حتى لوكان الحب قليل لانه مع الاحترام يزداد الحب بشكل ثابت وذا كان بيننا حب كبير وولم يكن احترام سيفقد الحب بريقه ونبدا في العد التنازلي حتى نفقده حقا وبالتالي لن تكون حياتنا مستقرة وكثيرة المشاكل ولازم نراجع انفسنا فنحن ولله الحمد كلا منا في قلبه لللاخر حب فلو غلفناه بالاحترام سيكون حب قوي وحياتناوستكون سعيد ة ومستقرة لاتهزه الريح.
هذا جانب اما الاجانب الاخر يا بنيتي هو سماع الاغاني والموسيقى تحريم هذا الامر ليس من خطيبك او اي مخلوق اخر هذا امر من الله الخالق الذي اغرقنا في نعمه الكثيرة فيجب ان تكون طاعتنا له عمياء ليس فيها مناقشة اوجدال لانه حكيم لم يحرم شئ الا ولنا فيه مصلحة ويجب لنا طاعتهونحن نعلم ان طاعتنا لربنا لاتنفع الله بل تنفعنا نحن وكذلك معصيتنا لاتضر الله بل تضرنانحن فهو غني حميد لاتضره معصية العاصين ولاتنفعه طاعة الطائعين واعذري خطيبك فهو عرف الله حق المعرفة ولا يريد ان تنتهك محارمة كما انه يريد ان تكون بداية حياتكم على طريق يرضي الله سائلة الله العظيم ان تكون حياتكم سعيدة عامرة بالاحترام والمحبة ورضى الله

 

[احلام الغلا]

اتركيه من الان احسن من بعدين لان من الواضح انكم مختلفين من بداية الطريق

لا حول ولاقوه الا بالله

تتركه عشان هالسبب :30:

بعدين على فكره انا ملاحظه اغرب ردودك ع المواضيع غريبه

راجعي ما تكتبيه لانك محاسبه عليه

الله يهديك بسس

 

[ام الطعيمين]

بصرااااااااااااااحه انتي الي غلطانه لي انه هوالي طلب منك ماتحطي موسيقه ليش العناد حبيبتي راجعي نفسك قبل كل شي اتسوينه واتمنى اني افدتك

 

[رقة ورد]

يابنات هى ما جات هنا علشان نقعد نقول حرام ومو حرام

شوفى ياعمري بالنسبه لك انتى غلطتك انك بديتى حياتك معه بذنب ...

وانتى عارفه اكيد وما يحتاج نقعد نقول ونزيد لانك ما جيتى هنا علشان هذا

الكلام ,, هى نزوه واستغفري ذنبك وتوبي

بالنسبه لخطيبه تصرف صح يوم قفلتى بقولك ليش

انتى باقى في بيت اهلك ومو من حقه ابدا انه يتدخل في الى سويتيه

في ملكتك لانك لازلتى في بيت ابوك ولك احترام , وان حب يوجهك لشي

يوجهك له بالمعروف بالكلام الطيب خطيبك هذا ( احمق )

لانه سريع الغضب بذيئ السان ( ليس القوي بالصرعه ولكن القوي

من يملك نفسه عند الغضب) او فيما معناه



مهما كان ومهما سويتى لا يجوز له ان يعاملك بهذا الشكل ...!

انتى لا تتهوري وترادديه بالكلام كل ما في الامر هو

الهدوء ثم تقولى نفس كلامك هذا ( لا تتصل وش بقا ما قلت )

وسكري جوالك وخليه يتأدب لانه اذا تعود راح يغلط عليك مره ومرتين ..وووو

والله يوفقك .. اختك رقة ورد

 

[.• ღ ǼɱṒṒᵰӑh ღ]

حتى لو كانت هي الغلطاانه معقوله عشان الموسيقى هذا تصرفه .. كان يقدر يزعل منها ويكلمها بإحتراااام إن اللي سوته ضايقه ولا تعيدها مو كلام يجرح

​

 

[حبنا لايضيع]

والله بصراحه انتي الي سويتهاا غلط
اغضبتي ربك وصلط عليك خطيبك
انتي ارسلي له رساله
واكتبي انا اسفه وادري الي سويته غلط
بس موبهالطريقه تعاملني ولاتدقين
امااا ع طول اطلبي الطلاق خييير
وييمكن معبى من اخته وجاك منفعل
((في مامعنى الحديث الرسول صلى الله عليه وسلم يقول التمس لصاحبك سبعين عذر ))

 

[غصن المنجا]

مدري كيف افيدك ,,بس يا اختي الزوجه الصالحه لازم تسمع كلام زوجها
_في غير معصية الله_ خصوصا انه امرك ما تحطي شي يغضب ربنا ,, وبعد ما حطيتيه عصيتي الله عز وجل ( وهو الاهم) ثم عصيتي زوجك بمعازف الشيطان,,
اسال الله لكما التوفيق ( واعتبري هذا درس ولا تستهيني بالطلاق تراه مو بسيط ) قلبي كلامي براسك وشوفي وش بترسين عليه .​

 

[عشق زووجها]

هو اصلا يسمع اغاني بس مايبي احط عشان الناس واهله
وهذا اللي قهرني
والله قالي كلام ماينقال انا عارفه اني غلطانه بس هو اجبرني اعمل هالخطأ
معقوله هذا يحبني ؟؟
الله يجزا كل من ردت علي بالخير ويوفقها ويسعدها