تكفون ساعدوني ..ذبحني الهم!!!

ت

تسلملي هالطله

New member
إنضم
2009/08/21
المشاركات
5
تكفين يادكتوره ناعمه عطيني الحل.........

مشكلتي اني كنت مطلقه والله رزقني بزوج ثاني ايضا مطلق ولكن لديه اطفال( عايشين مع والدتهم)
اول شهور زواجي مرت علي كالدهر القاسي لأن زوجي على مايبدو كأنه تسرع بالزواج الثاني فكان يقول لي انه الان مجبر علي..!!!!!!!! لأنني ببساطه كنت جدا طيبه وحبيبه معه فليس له العذر لطلاقي...
حاول ان يبعدني عنه بطريقته الجافه وصده لي خاصه اذا لبست وكشخت ..تدرون شيسوي؟؟؟ يتحاشى يطالعني ويحط راسه وينام @@
((وامور كثيره سواء بالقول او الفعل)):39:
ولكني كنت اقوى من كل ذلك وتحملت وصبرت واقابل كل شئ منه بابتسامه واقول الحمد الله على كل حال.
وبعد مرور سنتين رزقني الله بأبنه منه ومشت امورنا بشكل افضل....واذكر قبل ولادتي طلب مني ان اسامحه على مابدر منه بالسابق..وقال بأني كل يوم يحبني اكثر ويزيد مقداري عنده
ماتتصورووووون اشكثر كنت مستانسه ان الله عوض صبري
بس الصدمه كانت على مراحل...
يناديني باسم طليقته السابقة؟؟؟؟؟؟؟؟؟؟
ايه.....مو مره ولا ثنتين اكثر من مره .....واخر مره لما كنت حاطة مكياج قوي ومسويه تسريحه وكاشخه يعني على سنقه عشره&&&&&....ضمني حيل لصدره وقام يقول لي كلام يذوب له القلب
وقال احبج اموت فيج ياااااا...................(اسم طليقته) تخيلوااااا الصدمه:no:
انزلت ادموعي بغزاره بس ماقدرت اقول شئ وانا بحضنه...ايه بحضنه بس مو بقلبه!!!
تأسف وقال انها زلت السان ولا تكبرين الامور وتخربين علينا الليله .....سكت وابتسمت وانا اموت شوي شوي:sadwalk:

تدرون شنو الصدمه الكبرى...اخت زوجي قالتلي بشكل عفوي امس ...تدرين انج اذا حطيتي مكياج تصيرين شبيهة طليقه اخي (زوجي).......وكأنها اعطتني كفااااا:icon1366:

عشان جذيه يصد عني ...ومرات يغلط بأسمها معاي...يعني يشوفها فيني؟؟؟
شسوي...احبه وما ابي اخسر حياتي معاه ...ابي الحل ارجوكم؟؟؟؟​
 
لا تحسسي من هذا الكلام ممكن زوجته ما كانت شبيهه لك وانتي افضل منها
ولكنه يبي يزيد اهتمامك بنفسك اكثر ويتظاهر ان كانت زوجته السابقه جميله
لو كان يحبها ماطلقها ولكنه غبي في هذا التصرف
بنت البخيل تقول ابو ي كان كريم قدام من لا يعرفه
وبنت الجابان تقول ابوي كان شجيع قدام من لايعرفه
وهذ يقول زوجتي كانت جميله حتى ماتشوفي نفسك
انتبهي واحذري تفرطي بزوجك خليه يقول اللي يقول
هو عندك ماهو عند غيرك
 
شوفي يمكن بسبب العشره لسه لسانه متعود على اسمهااااااااااا
 
اصبرى ومع الايام ان شاء الله ينساها تماما ويحل حبك محل حبها فى قلبها عليك بادعاء وحسن المعشر والصبر الجميل
 
المربوعه قال:
لا تحسسي من هذا الكلام ممكن زوجته ما كانت شبيهه لك وانتي افضل منها
ولكنه يبي يزيد اهتمامك بنفسك اكثر ويتظاهر ان كانت زوجته السابقه جميله
لو كان يحبها ماطلقها ولكنه غبي في هذا التصرف
بنت البخيل تقول ابو ي كان كريم قدام من لا يعرفه
وبنت الجابان تقول ابوي كان شجيع قدام من لايعرفه
وهذ يقول زوجتي كانت جميله حتى ماتشوفي نفسك
انتبهي واحذري تفرطي بزوجك خليه يقول اللي يقول
هو عندك ماهو عند غيرك
أنقر للتوسيع...


كلامها عين العقل ماازيد عليها الا عليك بالدعاء بجوف الليل ..

والله يفرجها عليك ويساعدك..
 
حبيبتي مهما كان حبه لطليقته مصيييييره مع العشرة معك ينساااااها واقول هالشي عن تجربه

أعرفلك وحدة تزوجت واحد مطلق وكانت قمة في الطيبه والسنع ومع كذا ماكان يطيقها ومن ثاني يوم

طلع للدوام وخلاها ولاسوالها شهر عسل ولاسفرها وكله يحقر فيها لييييييييه؟؟؟؟ لانه كان يموت

على طليقته...بس تعالي شوفيهم الحين الله عوض صبرها خير وجابت منه عيال وتعلق فيهاا

وصار ماعاد يطيق فراقها......يعني اصبري ثم اصبري ثم اصبري وبالنهاية انتي الكسبانه..
 
وش عاد لا قال اسمه قدامك عادي حبيبتي خلي بقول والله نفسي تسوين حركه بس اخاف من ردة فعله يعني سوي نفسك انك غلطي باسمه وقولي اسم طليقك!!!!!!!!!!!!!! قويه على الرجال بس مدري وش ردة فعله
اما اخته لا تسمعين كلامها لو تحبك ماتجيب طاريها قدامك وهو لو يحبها ماتزج غيرها وبعدين شوي شوي راح يتغير
 
ماادرى انتى سألتيه ليه يقول اسم مو اسمك
بغض النظر لو ماسالتيه
شوفى مو شرط تكون بقلبه طليقته لانو يمكن متعود على اسمها وكثير مطلقين تعودو على اسم طليقته فيقول اسمها حتى لو مى بقلبه




 
اشكر كل من رد علي وواساني....لان فعلا تعبانه حيل وكنت محتاجه مثل هالردود اللي تطيب الخاطر
بس...ودي احط حد لهالامر...ما ابيه يعيدها
شرايكم اكلمه بصراحه باللي بقلبي ولا اطوف كل مره
بس لي متى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل