][ تكفون ساعدوني .. تكفون.. ورب البيت تعبت من زوجي ][

[بشوورة]

بسم الله الرحمن الرحيم ..

أولا .. احب اقول اني بعد الله سبحانه وتعالى لجأت لكم ..

لأن مابيدي حيله ...

احب اعرفكم بنفسي .. عشان تتوضح الامور .. واللي عندها خبرة ماتبخل علي فيها .. واللي ماعندها حل لي اتمنى منها انها تدعيلي ...

انا بنت جامعيه عمري 22 سنة .. تزوجت بالضبط في 28-1-2008 _ واحنا حاليا 30-5-2008

وأنا حامل في الشهر الرابع .. وسأصبح مدرسه في السنة الجايه.. بنت احب الفرفشه احب الضحك



زوجي .. يصغرني ب3 شهور .. لكن شكله كبير وبنيته كبيرة يعني شكله اكبر من عمره اللي يشوفه يعطيه 25 او 24سنه ..من عائلة غير عائلتي اهو الاصغر من الشباب .. يعمل بالسلك العسكري

تزوجنا زواج تقليدي .. ولي 8 حموات (( اخوات زوجي )) 4 متزوجات و4 عازبات ..

وله اخوين متزوجين .. الكبير معانا فنفس البيت .. واللي بالنص متزوج وطالع بشقه بروحه ..

ماكنت اعرف عنه ولا شي ..غير كلام الناس .. كنت اكلمه بفترة الملجه .. وكان طيب وحبوب ويترجاني اني ماازعل منه .. بس سبحان الله عقب الزواج تغير فوووق تحت ..

شنو ذنبي اللي جنيته مادري .. ؟

بعد فترة من الزواج .. عرفت انه كان راعي سفرات وسهرات ماجنه .. وبالاحرى راعي بنات ..
وخواته يقولون لي دايم .. انه عمي زوجه (( اللي اهو زوجي )) لأنه شافه مستهتر .. واخترب وزوج ولده عشان يركد وانا صرت كبش الفداء ..

اول شهر مر علينا روعه .. فقط اول شهر ... ومن ثاني شهر بدت مأساتي ..

يسهر لوجه الصبح ولازم اكون قاعده ناطرته .. وبدأ مسلسل الطق والضرب والاهانات والهواش والزف والسب واللعن .. جدام اللي يسوى واللي مايسوى .. ويطقني طق السنة بساعه وانا حامل وانا تعبانه وفوق هذا وذاك يقفل علي باب غرفتي وينزل عني وياخذ موبايلي معاه .. وبدأيعايرني لأن زوجة اخوه تطبخ الغدا وانا مااطبخ لأني مالي خبرة طويله بالطبخ .. ومرت ولدهم تطبخ لهم ولاعاجبهم و4 بنات معانا في البيت اقسم بالله العظيم مايشيلون العود من الارض .. كل شي علينا وعلى الخدامه تخيلوا عمي يقول لبناته سوولي عشا .. ينادونا انا وزوجة اخوهم تعالوا ابوي يبي عشا .. المهم على سالفه الغدا قلت له مااعرف ومستحيل اطبخ وخواتك قاعدات لا وفوق هذا يتأمرون علينا .. انا من هالناحيه ماقمت اعطيهم وجه اسوي له اهو ولعمي ولخالتي ..
ودايما يقولي انتي مدلعه لاتطبخين ولا شي .. كل همه الطبخ ..
24 ساعه مقابل الانترنت ولشغلات اباحيه ومراقص دوله عربيه وفضائح البلوتوث ..
ومنزل ملفات كامله لأفلام سكس اجنبية وعربيه وآسيويه وكل شي يطري على البال ..
ودايم مشغل الاغاني ..مع العلم انه يصلي :crazy:
ومرة فجاة قاعده اشوف مسجاته والا اشوف الارقام والا رقم من دوله عربيه مشهورة بالفساد والبنات الماجنات ..المهم اخذت الرقم وعطيته لصديقتي قلت لها دقي على هالرقم انا متاكده انه بنت واسمها (رحاب) وفعلا اتصلت والا بنت وفعلا ماخاب ظني طلع اسمها (رحاب ) .. راح تتسائلون شلون عرفت اسمها ..؟؟ فترة الملجه قالي شرايج نسمي اذا جبنا بنت (رحاب ) انا ماعجبني الاسم لأنه اسم شامي ومصري مو اسم خليجي .. قلت له لا مو حلو .. وشفت صور بكمبيوتره الخاص لها ومكتوب تحت الصورة رحاب حياتي والصورة الثانية رحاب دنيتي ..
وواجهته وقلت له انت شنو قصتك مع رحاب .. سوا نفسه برئ وانه مظلوم .. وبعد فترة اعترف لي انها راقصه بمرقص وفاسده وووو الخ من الاعذار .. قلت انت قبل قلت نسمي بنتنا بإسمها قلت ترضى نسمي بنتنا على اسم ق...؟؟ قالي مستحيل ووووالخ ..
المهم من هالموقف بدأ يخلي للموبايل قفل ويقولي ان مسكتي الموبايل اقص ايدج .. ومسجات 24 ساعه
ومكالمات يتمتم فيها مادري شنو يقول .؟
مرة كنا قاعدين انا وياه احلىى قعده العصر عقب الغدا وسويت له القهوة والشاي وحلويات ونسولف فجأة وصل له مسج انا سبحان الله ربي يشهد علي قلبي نغزني من المسج والا يقولي بروح ادخن وارجع قلت وين قالي تحت شوي .. انا شفته طول رحت نزلت وراه والا مالقيته تحت سألت ولد اخته وين خالو ؟ والا يقول برة بالسيارة انا انصدمت رحت شفته من الدريشه والا فعلا بالسيارة ويضحك ويتكلم بالموبايل
طرشت له مسج قلت له (( لو انك مو قاعد تسوي غلط تتكلم جدامي بس ورب البيت تكلم بنت )) وبعد فترة رجع اخذت من موبايله وماكان مقفول واشوف المكالمات والمسجات والا ماسح السجل والرسايل وكل شي وهني تاكدت انه كان يكلم بنت ..
اقسم بالله اني مو مقصرة معاه ودايم اسأله انا مقصرة معاك بشي وهذي كلمته اللي دايم يقولها لي (( لا عز الله انج مومقصرة يالغاليه )) اقوله لاتجاملني قولي الصج عشان اذا فيني شي اعدله ((يقولي وربي مومجامله )) اقوله انا موعاجبتك فيني شي موعاجبك (( يقولي لو موعاجبتني ماخذيتج وانا اصلا ميت عليج )) اقوله ليش تخون .؟ ليش تطقني بسبب وبدون سبب واذا احد يسألك تقوله ماتطيعني والا تعاندني ؟
بشنو مااطيعك او اعاندك ..
قلت لي .. طلعه مع اهلج ماتطلعين قلت لك حاضر ..
رفيجاتج ماتكلمينهم ولا تروحين لهم قلت ان شاء الله ..
اهلج ماتروحين لهم الا مرة ولوبيدي امنعج منهم قلت تامر أمر ..
قلت لي تقعدين الصبح تسوين لي الفطور قلت من عيوني ..
قلت كل يوم تسوين لي عشان قلت ابشر ..
قلت لي لاتلبسين هذا والبسي هذاك قلت لك اوكي ..
ابي اعرف بشنووووووووووووووو مااطيعك او اعاندك ..؟
نومه بالفراش .. بكل وقت تنام معاي وساعات غصبا علي .,.اقسم بالله يقعدني من نومي الصبح الساعه خمس الصبح والساعه ست غصب افتح عيوني .. وماعندي مانع ينام معاي ..
النوم يحدد لي متى انام .. والقعده متى اقعد .؟
وفوق هذا وذاك مالج اي حق تسأليني وين رايح ووين جاي .. تخيلوا فجاة نقعد واهو يختفي ادق عليه وينك ؟ يقولي طلعت انا انصدم:sadwalk: اقوله ليش ماتقولي يقولي مو انتي اللي تمشيني ..

المصروف اللي يعطيني اياه مايكفيني وربي اعطي خواتي اشترولي هالشغله والا جيبولي هالشغله
ويسألني وين وديتي مصروفج ويطقني اذا كنت مخلصه الفلوس ومرة قلت له زيدني شوي على المصروف عصب وصرخ وانتي مايعجبج العجب واحمدي ربج اصرف عليج وانتي عايشه بنعيم ومدلعه وووووالخ
ومن الحين يقولي اذا توظفتي مالي شغل بأي مصروف لج انتي تشيلين نفسج
واذا تبين خادمه انتي تجيبينها انا ماادفع ولا فلس ..

لاطلعات يطلعني ولا يونسني مثل الاودام .. حارمني من كل شي وربي والله اموت من القهر لمن الحريم يسولفون زوجي سوالي وزوجي طلعني وزوجي جابلي وانا مومحصله شي لا وهذا انا للحين اعتبر عروس بعدنا ماصرنا خمس شهور ..

وحتى السوق حرمني منه مرة وحده وداني وعقب هوشه وعمي وخالتي تدخلوا ويومها طقني طق الدم طلع من خشمي وحلجي .. وماقلت لأهلي ..

وفوق هذا وذاك اهو يقولي نامي فبيت اهلج واحنا ماعندنا هالعاده ان الحرمه تنام عند اهلها نهاية الاسبوع اهو يطلب مني يقولي نامي ابي اسهر مع ربعي بالديوانيه لا ويحدد لي الايام نامي الاربعا ارجعي الجمعه او السبت لا وارجعي الساعه الفلانيه .. تخيلوا اترجاه اقوله الله يخليك ماابي انام فبيت اهلي يقولي لا روحي
يقولي حتى لو مانمت عندهم انا ترى بروح اسهر وماارجع الا الصبح ..
اذا رجع لي من ربعه يكون شايش علي وفلان قالي لاتطلع زوجتك بعدين تتعود وفلان قالي لاتعطي الحرمه وجه وووالخ من السوالف ..

مادري شسوي تعبت احس فيه عندي وايد سوالف مو قادره اقولها .:icon1366:

والسالفه اللي حارقه قلبي وحصلت امس .. اانا فبيت اهلي .. ودق علي الساعه 4 الفجر وكان تو طالع من الديوانيه قالي قاعده قلت ايه قاعده اصلي وبروح انام قالي اوكي انا تعبان مااقدر اتكلم بوصل البيت بسرعه وبحط راسي وبنام وانتي نامي زين .. انا قلت له زين ..
المهم عقب ماسكرته منه نغزني قلبي والله ان احساسي مايخيب مادري شنو اللي خلاني ادق دقيت والا معاه
خط ثاني ادق كل شوي خط ثاني مت من القهر توة يقولي تعبان ومااقدر اتكلم والحين يتكلم سبحان الله حسيت انه عنده خط ثاني .. طرشت له مسج قلت له ورب البيت ان اللي تكلمها بنت وباجر ابيك توريني بهالساعه منو كنت تكلم وتدق عليه جدامي .. والا يطرش لي مسج لاتردين لمن تثقين فيني رديلي ..طرشت له انت اصلا مو واثق من نفسك عشان انا اوثق فيك .. لو واثق من نفسك جان قلت لي اوكي باجر اوريج من كنت اكلم وادق عليه جدامج ..ماعطاني جواب ..

والله مانمت الا على وجه الصبح .. وموعي تصب اقول ياربي اذا موماقصره معاه بشي ليش يسوي فيني جذي ؟ اذا اهو مايبيني ليش يعذبني ..

ومرة قلت له طلقني انا وياك مومناسبين لبعض .. قالي ماراح اطلقج راح اعلقج واخليج مثل الجلبه (الكلبه ) واتزوج عليج
ودايم يطريلي انه بعد جم سنة بيتزوج علي .. لمن قمت اقوله افا عليك انا ازوجك انا اخطبلك ومهر البنت علي بس فكني منك ريحني منك ومن طقك .. عمري فبيت اهلي مانطقيت وانهنت اهانه العالمين بهالشهور

وقبل 4 ايام ..كنت اكلمه مايكلمني ويرد علي بنفس اسأله شفيك مايجاوبني او يقولي مافيني شي اشتبين ذبحتيني .. وحتى اهله لاحظوا ضيقته قلت له انا مسويه شي قالي لأ .. قلت عيل شفيك قالي مافيني شي
المهم نادى حماتي الصغيرة قال لها روحي لبسي نبي نطلع نتمشى .. وراح يتسبح .. انا رحت وراه قلت يمكن يبي شي .. والا نفس الحاله مايكلمني .. ولمن طلع من الحمام وانتوا بكرامه شافني مو لابسه قالي ليش مالبستي قلت له انت ماقلت لي قالي البسي نبي نطلع انا استغربت مو من عوايده يطلعني فجاة .. كل مرة انا اقوله واترجاه وحب خشوم ورجول وايدين عشان بس يطلعني المهم رحنا المطعم والسينما وطول الطريج واهو يطالع الموبايل وبالمطعم مسجات توصل له وفي مسج انا شفته وصل له اول ماشافني اني شفته والا يمسح المسج قبل لأ يقراه .. انا عرفت ان فيه بلا ..
رحنا السينما ماقعد عندي قعد عند اخته انا طوفت هالشي .. وكل شوي يطالع الموبايل .. وانا كنت مراقبه تصرفاته بس كنت اضحك مع اخته عشان حرام مابي اخرب الطلعه عليها لأنها كانت فرحانه بالطلعه
ولمن ردينا نفس السؤال سألته شفيك والا يعصب وسكت عنه ونام وعطاني ظهره وانا نمت .. قلت اتجنب الهواش احسن ولا اكلمه ولا شي ..
المهم ثاني يوم قعد الساعه 11 الصبح وقعدت وياه قلت له تبي فطور قال لأ .. واتصل على صاحبه وقال خل نروح المطعم نتغدى انا وياك طلع مع صاحبه مارد الا المغرب يسولف كان مع ابوه وانا يكلمني بنفس
صعدت فوق رحت اكوي الملابس والا شوي وصعد وراي ساكت طبعا .. والا اقوله تغديت قال اي قلت شنو قال لحم قلت شنو سولفتوا شنو قلتوا ان شاء الله استانست والا يصرخ انتي شعليج ؟ (( وانا كنت ناويه من أسألتي ان افتح موضوع ويضحك ويسولف ويرتاح ))
والا اسكت .. وشوي والا يسألني انا قلت له ماراح اجاوبك الا لمن تقولي شفيك الله يخليك شفيك انا سويت شي انا ضايقتك بشي ليش جذي تكلمني .؟ محتاج شي .؟ فيك شي قولي يمكن اساعدك يمكن اقدر اطلعك من اللي انت فيه والا يصرخ علي بصوت عالي يقولي (( زعلان مع صديقتي زيييييين انتي شتبين ))
تدرون شنو رديت عليه .؟
قلت له زعلان وياها انا شنو ذنبي ليش ماتحاجيني .؟
<<<<< قلت له هالكلام ابيه يسولف يفضفض لكن لاجواب والا يطقني وسحبني من شعرني وقالي روحي لأهلج اليوم مالج قعده عندي قلت له ماراح اروح بيت اهلي وانت قاعد تطردني انا ماسويت شي مافيني شي انتي اللي فيك المهم حذفني بشغله جت تحت عيني ورب البيت تحت عيني ازرق ومورم
وقلت له حاضر بروح بيت اهلي مطروده وانت اللي طاردني وانا نازله شافتني خالتي ونادتني مارديت عليها والا اوقف واتعوذ من الشيطان ورديت لها واول ماكلمتني بجيت وقلت لها السالفه . . والا تقولي ردي على شان خاطري قلت لها خاطرج وشانج على عيني وعلى راسي بس ماااقعد عنده اهو يقولي روحي بيت اهلج اهو يطردني المهم هدت فيني ورديت واهو طلع واخذ اللاب توب وياه ورجع بعدين وانا كنت قاعده تحت ولمن رجع سويت له عشا ورحت فوق والا يدخل علي ويكلمني ويتأسف وكالعاده رضيت وعلى سالفة الطقه والورم اللي تحت عيني ...
الكل يسألني اقولهم بنت حماي طقتني بلعبتها وصار ازرق .. ويقولي اذا رحتي عند اهلج حطي ميك اب غطي المكان ..

وفوق هذا وذاك اذا بنطلع لازم تقولين لأمي اللي اهي خالتي وين رايحين والا تقوم القيامه علي مثل مرة من المرات نزلني من السيارة وطقني وعصب علي لأني قلت حق خالتي .. (( يمه تامريني على شي انا بطلع )) قالي ليش ماقلتي وين نروح .؟ قلت موبالعاده اقول وعصب ونزلني من السيارة وطقني طقققق

وعلى فكره سالفة الطق اهلي مايدرون فيها ومالهم علم

واذا ردينا من السوق او الجمعيه ..لازم احط اللي شريته جدام خالتي وعمي واللي يبونه ياخذونه
اقوله عيب مابي احد يشوف اغراضي حرام عليك يقولي تنطمين وتسكتين مو انتي اللي تغيريني على اهلي
واسكت وانطم ..

ااااااااااااااااه ياقلبي وربي تعبت وانا توني صغيرة والله العظيم ..

احس اني طولت عليكم وااااااايد بس لازم اقولكم كل شي عشان تحكمون علي .. وعلى زوجي ..
مرة كنت فبيت اهلي بعد اجباري اني انام عن اهلي انا اتصلت عليه وكنت ناويه اقوله يمرني عشان نطلع نستانس دقيت والا يقولي انا طالع دقيقه وادق عليج نطرت دقيقه ساعه ساعتين ولا اتصل والا يقولي انا طالع مو خواتي ورايحين السوق والمطعم انا انجنيت انقهرت والله مت من القهر .. يعني لما اكون موجودة يطلع اهله ويونسهم وانا بالغصب يوديني وبهواش وصراخ .. ولمن قلت له ليش مادقيت علي قلت انت تدري اني بروح السوق والله والله والله محتاجه ملابس داخليه لأن بطني تكبر وملابسي الداخليه صارت تضايقني وضيقات علي .. ماوداني والله العظيم ولما قلت له ليش ماقلت لي تبين تروحين قالي (( واقولج ليش انتي من تكونين رازة وجهج بكل شي انا امشي بكيفي مو انتي تمشيني )) انا بجيت مت من البجي وامي شافتني وتسألني شفيج اقولها متضايقه وبس ..

تكفون شنو اسوي وياه .. وربي تعذبت .. وانا المفروض يعاملني احسن معامله .. وربي ماحسيت اني عروس وياه .. ولا حسيت بإهتمام لمن عرف اني حامل واهو كان ناطر هالخبر على نار .. بالعكس يعايرني ليش مااشيل الصينيه وانا ورب البيت ظهري احس يبي يتكسر والدكتور يقولي ظهرج ضعيف ولاتشيلين شي ثقيل .. ولا مهتم .. بالعكس صار الطق زياده لمن حملت ..

انا تحليلي لشخصية زوجي ((( انه انسان شخصيته ضعيفه ويبي يقولي شخصيته علي )) وانه اهو رجال وعنتر زمانه ..ويذبح حرمته لخاطر اهله .. وانه بعده صغير وقلبه خضر انا غلطة اهلي زوجوني واحد مثل هالشخص اللي حرام فيه الحلال متعود على الحرام وعلى الفسق والفساد .. واانا عارفه ان اهلي واقصد الرجال ابوي واخواني يدرون انه راعي سفرات وبنات بس تعرفون اهم يسكتون عن بعض وانهم يعتبرونها فترة وتعدي ..

والله والله والله يمكن تقولون العيب مني بس وربي كل شي مسويته له .. كل طلباته مجابه ..
ولبس احلى لبس البس واحلى بخور اتبخر واحلى عطر اتعطر وبشهادة اهله وخواته اني احلى واكشخ واذرب حريم اخوانهم .. واني دايم اشتري الغالي لني الحمدلله انا تربيتي راقيه اما اهم الحمدلله على العافيه ملابس البيت شفافه وربي خواته الكبار او الصغار ملابسهم الداخليه تبين ونشوفها وربي البيت ودايم من الاسواق العاديه جدا يتسوقون ويشترون ..واهو كل شي البسه يتعجب منه ويثيره ..
وبالفراش اللي يطلبه مني اسويله حركات شغلات جديده اللي يبي لدرجه اخليه يختار اي قميص نوم يحب البس له ..:dunno: شنو اكثر من هالشي بعد .؟؟

بالله عليكم ساعدوني ... بس تكفون لاتجرحون فيني تكفون وربي ماني ناقصة اهانات وتجريح والله من كثر اهاناته فقدت الثقه بنفسي وصرت اتمنى الموت واقول انا حق شنو عايشه اذا ماني نافعه احد بهالدنيا
المشكله يقولي احبج واموت فيج واني اضيع من دونج .. والله متناقض جنني ماخلى فيني عقل ..
واسمحولي على الاطاله .. وربي من اللي فيني .. :blushing:
هذا قصتي بإختصار وماخفي اعظم :dunno:..

وجزاكم الله خير على سعة صدركم ,,:shutup:

 

[AlKhaizaran]

اختي الكريمة , المشكلة مو فيج و انتي ما سويتي شي غلط عشان يسوي فيج كل هذا , العيب فية و الظاهر هو ليلحين عايش حياة المراهقة . عليج بالدعاء و الصبر وراح ايي يوم ويصحى و عموما الريال لمى يصير ابو يتغير و يحس بالمسئولية . و الله يعيينج حبيبتي

 

[بشوورة]

اختي الكريمة , المشكلة مو فيج و انتي ما سويتي شي غلط عشان يسوي فيج كل هذا , العيب فية و الظاهر هو ليلحين عايش حياة المراهقة . عليج بالدعاء و الصبر وراح ايي يوم ويصحى و عموما الريال لمى يصير ابو يتغير و يحس بالمسئولية . و الله يعيينج حبيبتي

الله كريم يارب .. والله ادعي ليل نهار وربي ضحكتي اختفت الكل يقولي اشفيج .؟ ليش متغيره
عالعموم مشكورة على ردج فديتج والله :sadwalk:
بنات انا بحاجة ردودكم اول مرة اكتب مشكله لاتخيبون ظني تكفون

 

[صدفه2008]

انا اتعجب من البنات اللي يسكتون لرجالهم انهم يطقونهم
الاسلام منعنا نظرب الحيوانات كيف يظربك
انتي لا تسكتين له الله يخلي لك اهلك ويطول بعمرهم انتي مو جايه من الشارع
لا انتي جاييه من عائله معززه مكرمه واهلك مو رامينك عليه
لازم ابوك يدري بموظوع الظرب ويوقفه عند حده اللي يخليه يتمادى انه يدري انه ماراح يدري احد
مايرحمك حتى وانتي حامل وعروس بعد 10 سنين بيموتك مثلا وتسكتين
الله يهديه ويسخره لك

 

[دنيا الأمل]

حبيبتي إنتِ غلطانة لأنك عودتيه على مدة يده عليك
ونصيحتي لكِ دخلي أهلك بالموضوع
صحيح زوجك صغير وطايش بس لازم يتأدب ويوقف عند حده
وحتى أهله مالهم الحق إنهم يشوفون أغراضك وشو شريتي
لا وبعد ياخذون اللي يعجبهم !!!
إنتِ لسه بأول حياتك وبأول المشوار فلا تستكين عن حقوقك
وإذا أهلك ما وقفو معاكِ بسالفة الطق خاصة
اشتكيه للجهات المختصة وربي راح يتأدب أدب معاكِ ما بعده
وحتى لو قدر الله عليكِ وصار طلاق
ما أعتقد إنه مثل هالرجال عليه حسافة
انتبهي لنفسك من الآن,, لأنه بطريقته وأسلوبه راح يكسرك
هذا إذا ما كان قد كسر نفسك ألحين

الله يوفقك وينصرك وييسر أمورك,,

 

[شعاري سلامي]

أختي الغاليه: تأملت وتألمت كثيرا ولكن قبل هذا أنا بصراحة ألومك في الأول والأخير لأنك باقي عروس وكان من المفروض من أول مره يضربك ويرفع ايده عليك كان وقفتيه عند حده((انا ماأقول كلامي عشان أنافق))لكن الرجال اذا عرف ان الزوجه مالها سند راح يسوي كل شيء وبدون خوف,,,أنتي المفروض أقل شيء كان زعلتي وماترضي حتى تعطينه درس وعقاب قوي أو تكوني خبرتي أهلك والله ماكان تجرأ ورفع يده عليك...أما بالنسبه لحمواتك إذا كانوا كبار فأنا أنصحك ماتجلسي معاهم وخليكي رسميه لأن بعض الأشكال هذي ماتنعطى وجه إنتي عليك زوجك’’’مثلا لوجتكي وحده من حمواتك قالت تعالي ابوي والا أمي يبونك لا تردين عليهم ,,,إذا عمك أو عمتك طلبوكي شيء ممكن تنفذي طلباتهم لكن يجون البنات يقولون شوفي أبوي وش يبي عشا!!!!!بصراحه اسمحيلي أنتي أعطيتيهم وجه زيادة لذلك ماأحترموك’’’لكن لوحصل وصار لك الموقف مع البنات ينادونك تسوين شيء روحي لاتردين عليهم روحي غرفتك او انشغلي بأي شيء
صحيح أهل زوجك بيزعلون لكن يزعلون !!!ليش يأخذون بنت الناس تخدمهم هم وبناتهم؟؟!!!!!!!!!!!
لا حبيبتي خليك قويه جدا أما بالنسبه للمكالمات تفاهمي معاه ان رضي يترك هالمكالمات والحركات البطاله فهذا خير وبركه وان ما رضي حبيبتي منتي مجبوره تعيشين بعذاب معه وصدقيني اذا من جد متعلق فيك راح يترك اي شيء عشانك وراح يرجع مافيه مشكله ازعلي وروحي عند أهلك ولوماحاول يرضيك لاتبدأين انتي لأنه في الاول والأخير الشخص اللي مثل زوجك حاس بالنقص وعارف ان مافيه أحد يقبله لذلك خليك جازمه بموضوعك...وعليك بلأستغفار وان شاء الله ربي يفرج عليك

 

[ام نهله]

الله يعينك ياقلبي والله عصبت من زوجك الله يهديه أن شاء الله

عليك بالتهجد تالي اليل ودعي ربك


الله يصخره لك يارب

 

[الدميلة الدمال]

غاليتي
المفروض انك تخبري اهلك لما كان يضربك علشان أهلك يوقفوا في وجهه وهو يحس ان وراك ظهر واهل يخافون عليك ويوقفون جنبك
وانتي الحين حامل والطفل اللي في بطنك امانه, لو صار له شئ من طق ابوه لك فأنتي اول وحده بتندم
وقفي في وجهه وخلي اهلك يوقفونه عند حده لان مهما كان انتي انسانه ولك كرامه
انا مش قصدي اقويك علية بالعكس الحرمه مالها الا بيتها وزوجها لكن كل هذا صار لك وانتي ما كملتي السنة اجل كيف راح تعيشوا مع بعض طول العمر!!!!!!
الله يسخره لك
اكثري من الدعاء اختي الحبيبة
اتمنى تتقبلي كلامي بصدر رحب

 

[حبيبت رشيد1]

الله يسخره لكي ويحنن قلبه عليك ويبعده عن الحلرام اختي لازم تقولين لاهلك عن الضرب واذا شفتيه متضايق طنشيه ولا تسالينه اذا انتي منتي غلطانه عليه لاتسالينه وجربي معه التطنيش

 

[ام العسل]

اختي الغاليه مره تضايقت من قصتك وحزنت عليك كثير بس اسمحيلي اقول انك تموتين عليه لانك لوتحبين نفسك ماترضين لك المذله انا لومنك ما اقعد دقيقه لوانا اموت فيه اقولك ايه من قلب انقذي روحك انتي توك صغيره والعمر قدامك وانشالله راح تصيرين موضفه محد راح يمن عليك انتي وولدك

اقولك عن تجربه بس يمكن الي مصبرني ان زوجي مو راعي خرابيط الحمدلله ولا والله ماقعدة معه
بس بانت اعيوبه من البدايه وصبرت مثلك وليتني ما صبرت لان ابو طبيع والله ما ييوز عن طبعه اصلن شلون ترضين تنامين معه وهوكذا لا تقولين الطلاق ارحم ماتدرين وش ربي كاتبلك وطفل صغير ماتعود لانه بطنك على ابوه والله ان يتعقد اسئليني وانقذي عمرك انا الحين لي 8 سنوات معه لكن جسد من دون روح زوجي ما يرتكب محرمات بس طبعه مره شين وعصبي بشكل لايطاق من ترك شيئن لله عوضه الله خيرن منه وانتي صبرتي ودامك في البدايه انصحك من قلب افتحي صدرك لهلك ولوميهم وشلون يزوجونك واحد يعرفون اخلاقه كذا ترا فيه رجا ل كثار فيهم الخير والبركه ورجعي بيت اهلك معززه مكرمه محد يضربك ولا يذلك طمنيني عليك وفكري بعقلك تكفين

 

[egyfairy]

أختي الكريمة ... والله قلبي وجعني من قصتك ... ربنا يكون في عونك ... بس انت غلطانه في حاجه وحده بس انك مدخلتيش اهلك في موضوع الضرب كان المفروض اول ميمد ايده عليكي تقولي لوالدك او اخوكي يتصرفوا هو مش على كيفه واخدك من بيت اهلك عزيزه مكرمه مش هلى كيفه يهينك انتي ليكي اهل انت عندهم بالدنيا كلها لو مش هيصونك يبقى معليش ميستهلكيش ... لازم وقفه من اهلك انا اول متجوزت قولت لجوزي لو فكرت يوم انك تمد ايدك عليه يبقى ده آخر يوم بيني و بينك حتى لو عندي منك عشر عيال .... الا الضرب لازم اهلك يوقفوه عند حده و لو استمر على كده يبقى الانفصال احسنلك و احسن لطفلك الجاي واضح انه معندوش تحمل مشؤوليه و اهله غلطانين انهم جوزوه حرام عليهم بنات الناس مش لعبه .... ربنا يعينك و ادعيله ربنا يهديه وداومي على الاستغفار و الدعاء لانهم السلاح الذي لا يخطئ أبدا...ربنا يفك كربك و يهدهولك ....

 

[f.moon]

عيوني بشوره .. طبعا زوجك غلطان الف بالميه .. بس انا مستغربه كيف تتزوجين واحد مراهق وطبيعي انه يبي يعيش مراهقته وترى مافي رجال ماعنده ماضي .. زواجك منه بهالفتره تو خيير عليها ..

طيب ماعلينا اللي صار صار ..

شوفي دامك ساكته عن الضرب مابيكن لج اي احترام لانه يحس ان مالج ظهر وكأنج طوفه هبيطه
(عذريني على قساوت كلامي )

بس والله صدقيني ان صح وشوفي قصص البنات وكل الردود يقول نفس الكلام

لازم توقفينه عند حده انتي بشر وزوجته وام ولده .. الله يصلحه يارب ..

شوفي خل ابوج يكلمه يقوله بنتي امانه عندك وامنتك عليها ليش الضرب

اذا مسويه لك شي انا اخذ حقك منها .. طبعا الرجال يعرف يتفاهم مع رجال .. بس لا ينفعل مو من صالحج

وثاني نقطه .. لا تلاحقيه ولا تسأليه اللي فهمت منج انتي دائما تسألينه وهذا من طيب نيه انا كنت مثلج صدقيني والله باين عليج طيبه وتهبلين .. ولا تتنازلين عن كلشي اللي فهمته انج متنازله عن حقوقج وبقوه انتي مو عبده عنده

سألي مجرب .. ثقلي ولا تسأليه ولا تلاحقيه قال .. قال .. ماقال براحته .. ولا تعرضين عليه خدماتج كثير

طبع زوجج مايحب اللي تلحقه وتسأله .. ثقلي عليه واهتمي بنفسج واللي تقدرين عليه تسويه لاتسوين شي فوق طاقتج

حبيبتي تعلمي الطبخ ترى سهل مايبيله شي اشتري كتب طبخ ترى وصول قلب الرجل من معدتوو ..

عذريني على الاطاله بس اخر شي اقري قصة المتسلط في قسم القصص والحكايات تستفيدين كثير

الله يهديه يااارب

 

[nonoura]

والله اول مرة اقرا مشكلةوتنهمر دموعى من الظلم والافتراء لم اسمع بزوج مثل زوجك ابدا شرير وايده طويلة يااختى لازم تلاقى حل يعنى خبرى امك ابوك لحتى يلاقوا حل معه على مايبدو حاسس انك بلا ظهر وضعيفى لحتى عم يستقوى عليك وبراى انو الغلطة الاساسية بحياتك سكنك ببيت اهله يعنى انت مو مستقرة ولامرتاحة بعيشتك وهو عامل رجال قدام اهله والله عيشتك بتصعب عالكافر

 

[وردة وفله]

حبيبتي كان الله في عونك اولا عليك بالدعاء والاستغفار وثانيا ارجعي استخيري وان شاء الله ماتندميم والبنات ماقصرو وانا ماعندي من زياده الا ان اقول لك لاتسكتييييييييييين ابدا حتى اذا كان من شخصيتك اولا يعني هو متنافض مايبيك اتروحين الاهلك وبعدين يجبرك اتنامين عندهم انتي تترجينه انك ماتروحين كانك مو مرتاحه عندهم بالعكس حتى اذا كنتي ماترتاحين اظغطي على نفسك قدامه وبيني انك انتي اللي تبين النومه واذا رحتتتتتتي لاتعبرينه لانه عارف انك معهم جسم بلا عقل وهذا الشي امطمنه وهو اصلا لسه صغير يعني تقدرين تشغلينه ابنفسك يعني يبدى يحس ان فيه اماكن تنبسطين فيها لانك اذا قالك روحي تجلسين تترجينه انك ماتروحين وانك تبين الجلسه عنده مع انه يظربك ويعاكس الحريم يعني انتي ظامنك حبيبتي انتي بنت نااااااااااااااس ولاتنسين هذا الشي وان شاء الله شهادتك قريبا ابتاخذينها وتشتغلين يعني حتى اذا خسرتيه واهلك مو اكويسين معك عندك دخلك الخاااص احسن منه هو وطقه واهانته وبخله والله يوفقك ويكتب لك الصالح ويصخره ويهديه لك ويهدي ارجالنا والمسلمين جميعا

 

[وردة وفله]

يسخره لك اسفه على الخطاء

 

[انتظر الفرج]

:surrender::surrender:يالله يارحمن كل هذاااااااااااااااااااااا وساكته عنه لييييييييييييييه؟؟؟؟؟؟؟؟؟؟؟؟؟؟؟؟؟؟؟:busted_red::busted_red:

لاوهذا كله بكم شهر بعد سنه شنو راح يصير فيك أذا ظليتي على سكوتك لاااااااااااازم تخبرين أهلك يوقفونه

عند حده عاد بنات الناس مو لعبة ولازم تاخذين موقف وموقف كبير بعد يعني انتي شنو يضمن لك ما يوصل

ضربه لك لفقد الي ببطنك لا قدر الله حبيبتي مو خايفة على نفسك خافي على الي ببطنك ولازم اذا يبغاك

تكملين معه يعدل من حاله والله معك ويصبرك وعليك بالدعاء له كثيرا كثيرا بالهداية وعليك بالاستغفار

والله معك حبيبتي يصبرك ويهدي زوجك ويسعدك يااااااااارب

 

[انتظر الفرج]

اي نسيت شي شنو سالفة احمدي ربك اني اصرف عيك واذا توظفتي مالك شي:icon28:

وين قاعدين هي هو مو فاهم في حقوقك شي اصلا من حقك الشرعي انه يوفر لك المسكن واللبس والمأكل

وكل شي وهو يمن عليك بالمصروف ولا اصلا بعد انتي مو مجبورة تسوين اي شي في البيت من تنظيف

وطبخ وغيره هذا اذا رح تسوينه فمن نفسك وبرضاك مو غصب

وحبيبتي أذا الله أراد ينصلح حاله وتكملين معاه والله كتب لك الوظيفة لا تفكرين تعودينه تصرفين على نفسك

وولدك او تعطينه فلس واحد بعدين اذا تعود لا تلومين الا نفسك

وحاولي تصبرين حالك وتتعرفي على شخصيته اكثر واقري المواضيع الي راح تفيدك في هذا المنتدى

خصوصا قسم القصص رووووعة رح تستفيدين كثير

والله معك

 

[الخيّالة]

قصج غاليتي جدااااااااااااا مؤلمة ..
عسى الله يفرج همج ويجمع بينج وبينه بالحلال ويهديه إن شاء الله..
إختي شوفي نصيحت الاختصاصيات اكثر مفيدة لانهن ادرى منا ..وادعي الله عز وجل إنه يساعدج..

 

[ريح الشمال]

هلا اختي الله يعينج على بلواااااج بس انتي غلطتي واااااايد في حق عمرج والغلط انج كييييف سمحتييييله يضربج وهو كل ما سمحت له الفرصه يتمادى في الضرب وانتي ساكته وهو يضن انه مالج اهل أو مالج ظهر يوقف في وجه. بس اختي إذا نفسج عزيزه عليج وإلي في بطنج ناويه اتربينه احسن تربيه حرام يطلع ويشووووف ابوه يضرب امه ويتعقد الياهل لالالالالالالالالالازم اتخبرين ابوووووج واخوااااانج بس عسب يعرف انه ورااااج احد وانج مش محتاجتنه ابد ولا تعطيييينه ويه هاي الاشكال ما ينفع معها غير الحقرااااان

 

[ظبيانيه وافتخر]

يا الله يا اختي اسال الله العلي القدير ان يفرج همج ويهدي زوجج


والله انج تدخلين القلب وباين عليج حبوبه....و بقولج لا تفقدين الثقه في نفسج ولا شي وانتي الحمدلله دره

مصونه والله ياجرج على صبرج مع هالزوج ..... ولكن لا ترضين بالاهانه وانا مع البنات انه ما حس انه

وراج ظهر ...وانتي ما شاء الله عليج عاقله يمكن ما خبرتي اهلج تجنبا للمشاكل ولكن كان المفروض انج

ما تعدين الضرب والاهانه بالساهل عشان يعرف انه الله حق ...والشي الثاني يغلط عليج ويطردج وتقولين

مابسير بيت اهلي يعني حسستيه انج ميته عليه وما تقدرين تفارقينه :no:

ومن الحين ابدي التطنيش ولا تسالينه وايد ومبين عليه انه من النوع اللي ما يحب انه الحرمه

تركض وراه والدليل انه كان معصب ومتنرفز يوم حبيبته الثانيه متزاعله وياه :icon28:

وادعي ربج دوم انه الله يهديه ويصرفه عن الحرام ويحنن قلبه عليج وعلى اللي في بطنج

وبالنسبه لج حبيبتي شوفي نفسج في شو مقصره من ناحية ربج

يعني في كل النواحي من صلاه وصدقه وصلة رحم وبر الوالدين وزكاه واكثري من

الاستغفار دائما ورطبي لسانج بذكر الله وربي ما بينساج ان شاء الله

واكيد اختي انتي مب مقصره والله يزيدج حرص ولكن (وذكر فان الذكرى تنفع المؤمنين )

اسمحيلي اختي عالاطاله بس والله ما حبيت اقرا الموضوع وما ارد

أسأل الله العلي القدير ان يسهل عليج الحمل ويرزقج بالذريه الصالحه ان شاء الله
ويهدي زوجج انه قادر على كل شي​