تكفون ساعدوني بناات

[كيوت الأموره]

بنات مشكلتي اني احب خطيبي ويحبني :3:مشكلته التطنيش اول ماكان كذا يتصل ديما وانا خجوله اما الحين انا اتصل فيه مايرد ويطنشنيي يقول كانت:11:نايم معقوله يومين نايم او يصرفني يقول مشغول مافهمته مع انه يحبني مشكلتي ماقدر اخفف اتصالاتي هو او رسايلي مع انه مايرسل قليل يقهرني حركاته وبرووده واصلا يدري اني احبه موته:32: ماقدر على بعده حتى اذا طنشني مايعتذر يعتبني يقولي ان مو طفل تخافين علي ديما انا الي اعتذار مع انه هو الغلطان

مين تطلع نمطي ونمط خطبي
خطبي حنون وحساس وكريم بطي الغضب وسريع الرضا يحب امه كثير ويحب الاطفال
كسول مايهتم بالوقت ديم ياجل اعماله نومه ثقيل بااارد مره اصحابه كثير واجتماعي مره مرح يحب المزح يحب يتكلم كثير عن نفسه
غيوور يحب الملابس المحتشمه يحب النساء مايحب الصوت العالي اذا اتصلت فيه اسال وينه قال انا مو طفل انت نكديه ديما يطنشني مع انا نحب بعضا يحب اني امدحه وادلعه

انا حنونه جدا حساسه مره اعصب على اتفه الاسباب وارضى بسرعه كريمه ومبذره كسوله احيانا اتاثر بآراء الاخرين صديقتي قليل فوضوليه واقعيه و جديه وانتقاديه احيانا احب انقاش قويه الملاحضه خدومه احب اساعد الناس احب اقوم بعملي واخلصه نفس الوقت اهتم بالوقت ومرحه احب الوناسه طيبه القلب خجوله واحب الملابس الهاديه الناعمه والوان الفاتحه هاديه ماحب الاكسسوارت وفصيله دمي او موجب
وشكرا

 

[الخط الفاصل]

زوجك جنوبي والعلم عند الله..
اركدي حبوبة لا تكثرين اتصالات ولا تكثرين رسايل ..خذيه بالسياسة واثقلي عليه شوي..
خليه يفقدك ويدورك..
الثقل صنعة ...أتقني الصنعة وتلقينه يدور عليك..

 

[ايمومي]

ياااااااااااااااااابت اثقلي
لا مايصير اللي انتي تسوينه
المفروض هو اللي يلاحقكـ ويدوركـ
طنشيــــــــــــه وتشوفين كيف بيلحقـــــــكـ​

 

[كيوت الأموره]

هلا ياقلبي صرحه جربت اطنشه ماقدرت مو بيدي اخاف يزعل يقول ماتهتم فيني
قولولي طريقه اشغل نفسي عنه وربي حاولت ماقدرت مشكله راح يطول نهايه السنه الجديده

 

[كيوت الأموره]

زوجي نهايه السنه الجديده وانا بديت اطفش من حركاته وتطنيشه احيانا افكر انفصل بس احبه مووت

 

[الخط الفاصل]

لا ياحبيبتي لا تسبقين الاحداث ولا تخافين ماراح يزعل بالعكس الرجال يموتون ع الثقل
اثقلي وأشغلي نفسك بدراسة أو دورة والتحقي بتحفيظ القرآن.

 

[أسيرة الهم]

مافية حل الا انك تطنشينة وتثقلي علية
اذا من الحين مطنشك عاد اش بيسوي بعد الزواج
انا حاسة انك ميتة علية وحاسة فيك ياما تنازلنا عن حقوقنا بسبة الحب وما جاب فايدة
حاولي تفكري بعقلك مو بقلبك
اشغلي نفسك باشياء تحبيها
العبي في الجوال لين تخلص بطاريتة ولا تشحنية
ادخلي على انماط الشخصية وتعرفي على شخصيتك وشخصيتة وطرق التعامل معاها


ياليتني عرفت المنتديات وانماط الشخصية قبل زواجي كان اختلف اشياء كثيرة معي

 

[دلع الحوريه]

اذا مو قادره تبعدي عنه ولا تقطعي الرسايل عنه ولا المكالمات نصيحه خلي وحده من خواتك واصيها تاخذ جوالك وانتي نايمه وتخبي عنك لمدة اسبوع ع الاقل ماعليك من الاتصالات الناس او اصحباتك خلي جوالك يبعد عنك عشان ايدك ماتاكلك وتتهوري وترسلي ولله مافي غير الحل هذا عشان تبعدي عنه اشوي انا اذا حسيت خطيبي يطنشني اروح واغير اسمه من الجوال واكتب اسمه(( لا تردي عليه مطنشك)) واتذكر تطنيشه واخليه واطنشه ولله اني القاه مرسل رساله ويقولي مشتاق لك حييييييييييييييل ابغي اكلمك >شفتي التطنيش ايش يعمل (طنش تعش تنتعش)حكمتي مع خطيبي خخخخخخ
ولله يوفقك ويهدي ازواجنا

 

[الخط الفاصل]

واغير اسمه من الجوال واكتب اسمه(( لا تردي عليه مطنشك))

الله يسعدك وربي مت ضحك

 

[كيوت الأموره]

الله يوفقك يالغاليات دلع الحوريه بجرب نصيحتك بسجل اسمه لا تردي تطنيش بشوف وش اخرته معه هههه وربي مجنن افكرفيه وهو ثلج من بروده

 

[بريق الحب]

الله يعين من دحين يثقل عليك طنشي ونشغلي عنه ودا قال فينك ماتسالي قليله انشغلت شويه خليه يشتاقلك مو يمل منك هني نفسك الحين دا اش يسوي بعد الزواج ربي يسخرلك هوا

 

[كيوت الأموره]

وربي مدري وش اسوي معه مع كذا انه اهو من ابها وانا من القصيم موظف بمنطقه الشرقيه
شلون بعيش معه وبعيد عن اهلي هو منطنشني من الحين الله يعيني ياارب

 

[كيوت الأموره]

بناات ابي اعرف الانماط الشخصيه مين يعرف انا صرحه من اسبوع شفت المنتدى قالت لزم اسجل فيه
ابي اعرف شخصيتي وشخصيته وشلون اتعامل معه
وربي طفشت منه ابي انفصل خايف اندم احبه موووت

 

[الماسة ذهب]

مو صاااحيه لا تنفصلييين ابد لا تفكريين حتى عاااادي اثقلي وطنشيه اما الانماط مدري وينها اذا فيه احد عنده الرابط يحطه هون

 

[كيوت الأموره]

الله يوفقكم ياارب ويجزاكم خيير على نصيحكم احس انكم مثل خواتي
وربي اني حبيته مووت طيب مره حنوون غصب تحبينه انشالله من اليوم
اطنشه مع اني عرفه انه مارح يتصل حتى انا مارح اتصل وبقولكم وشي يصير معي
فديتكم اه ارتحت شوي يوم فضفضت لكم انا ماحب اتكلم عن مشكلي حتى لاهلي
دايم اكتم بدخلي وابكي ماحد يدري عني يشفوني اضحك وامزح يحسبوني مبسوطه

 

[حور الأثرية]

كيوت الامورة خليك امورة احسن تدري ليش الرجاجيل يطفشون من الحريم لانهم يلاحقونهم بعكس العشيقات يموت ولا تتصل عليه ويصير يلهث وراها ..

 

[احلام تائهة]

وش تنفصلين ؟ انا مع البنات اثقلي الله يصلحك لا تتحمسين انسيه شوي حاولي ما تفكرين فيه
الله يسخره لك

 

[كيوت الأموره]

فديتكم انشاالله مارح أرد عليه ولا اتصل فيه خله يحس شلون متعذبه بشوقي له الله يوفقكم ويوفقني

 

[كيوت الأموره]

بناإت اتصل مرتين ولا رديت وأرسل لي 6 رسائل كلهم نكت ودنيه وش أسوي اطنش بعد أو يزعل

 

[كيوت الأموره]

بنات وش أسوي إذا اتصل مره ثانيه وش أقوله مشغوله بس يدري اذ كانت مشغولة اتصل فيه لخلصت أو اطنشه بعد