تكفون جاوبوني عايشه بهم مايعلم فيه الا ربي..

[bint sweet]

السلام عليكم ورحمة الله وبركاته ..
انا حامل بالشهر السابع وسويت اشعة وقالت لي الدكتورة ان نمو الرأس مع فترة الحمل طبيعي بس العظام وخاصة عظمة الفخذ اصغر من فترة الحمل بخمس اسابيع ..وقلت لها يعني وش بيصير هل بينمو او بيستمر الوضع كذا؟؟
قالت لا بيستمر نموه بهالطريقة و هذا تشوه نادر بالاطراف وقعدت تواسيني وتصبرني وانا مومستوعبة الى الان وش اللي صاير ..
تكفون فيه احد صار لها زي كذا من قبل وجابت طفل طبيعي؟؟ ..او وش تنصحوني اسوي ؟؟



اللهم ارزقني طفلا سليما ومعافى ياكرم الاكرمين..

 

[راجية رضى ربى]

ان شالله عزيزتي البنات يفيدونك ماعندى خلفيه والله يرزقك الحمل المعافى السليم ماحبيت ادخل من غير مرور

 

[اجمل مافي الكون]

الله يرزقك الطفل السليم المعافى بقولك تجربة وحده اعرفها حملت ويوم وصلت الشهر الخامس راحت تشوف جنس الجنين قالولها مافيه جنين انتي فيك كتله سودا انتي مو حامل احتمال يكون اللي فيك ورم وبيكبر مع الوقت تداركي نفسك وسوي عملية استاصال للورم وراحت المسكينه وصارت بحاله نفسية الله اعلم فيها المشكلة انها تحس بحركة الجنين ببطنها بس قالولها ورم راحت تبكي وتدعي بصلاتها وتستخير وسبحان الله ماارتاحت للعمليه ولا سوتها وكملت شهور حملها ووصلت الشهر العاشر وسبحان الله جتها ولادة وجابت بنت زي القمر بسم الله عليها انجنوا الدكاترة عشان كذا حبيبتي ادعي ربك بصلاتك انك تولدين الطفل السليم المعافى وربي ان شالله مايخيب دعائك وراح تفرحين بشوفتة طبيعي ان شالله ...

 

[فهميه]

صحيح كلام اختي اجمل مافي الكون توكلي على ربنا كلام الدكاتره كتيرر هذا شي مايعلمه الا رب العباد إنشاءالله ربي يرزقك الطفل السليم المعافى بإذن الواحد الأحد طنشيهم ولاتفكري بكلامهم لان التفكير هو البلا حاولي تنسي الموضوع او اذا مو قادرره روحي لطبيبيه ثانيه بس مو تقوليلها ايش قالتلك الاولى وراح تشوفي اختلاف تشخيصهم>الجنين محد يعرف ناقص عظمه او زايدعظمه الا رب العباد والله توكلي وإدعي ربنا بسجودك ورربي يفرجها عليك يااااااااااااارب
((ياااااااااررب إرزق أختي الغاليه وإوزقني معاها وجمييع المحرومات بالطفل السليم المعافى إنك على ذلك قدير))

 

[آصآآيل]

الله يطمن قلبك

 

[الجواااان]

الله يفرج همي وهمك ويفرح قلبك بشوفة ضناك سليم ويرزقني وكل محرومه

 

[جسرالاحزان]

الله يشفيه

وانتي ادعي رب العالمين وأحسني الظن بالله عز وجل

الله يطمن قلبك يااارب

 

[حبة شوكولاتة]

و الله العظيم يا اختي اني انا بنفسي والله شاهد على كلامي ان وحدة من بناتي وانا حامل فيها كانوا كلهم يقولوا عمر الجنين ابدا مو زي ما تقولي بالنسبة للدورة وكنت دائما اقول انا جسمي صغير يعني بالله ايش بطلع وكنت دائما ادعي وفي يوم وانا اوووول التاسع على حسابي رحت مستشفى فقيه عندنا في جدة اقول للدكتورة مرة يا دكتورة ما احس بحركة احس في شي زي الحجرة مضايقني وعلى جنب كمان مش تحت سوت لي اشعة والله بستمئة ريال خاصة وملونة كمان المهم قالت راس الطفلة طبيعي زي ما تقولي بالتاسع بس الجسم عمر طفل لسة ما دخل السابع قسم بالله شعر جسمي انا وزوجي وقف وعلى طول سأل زوجي البنت عايشة قالت اسمعوا النبض مرة بطيء لالالازم نسوي الحين عملية قلت لها وايش تستنوا انا جاهزة المهم سويت وولدت والحمد لله البنت صح طلعت زرقة شوية بس والله الحمد لله الف الف الف مرة بصحة وعافية وزنها اقل وحدة في بناتي واولادي كيلو و600 بس مدام كله تمام من جوه الف الحمد لله على العافية من دخل يقول حشا هذي سمكة مو طفلة لكن الارض تكبرها والحمد لله الان هي ثلاث سنوات وشويه الله يحميها ويحفظ لنا ولك

الخلاصة اتأكدي من اكثر من وحدة لان لسة انت بالسابع واستخيري ولا تستعجلي ترى كلامهم كثييييييير ويخوف وما يعلم ما في الارحام الا باريها
واسال الله لك كل خير ويحميك وحملك من كل سوء

واسفة للاطالة بس حبيت اسولف معك كاخت عزيزة يا بنت سويت

 

[حب رومانس]

لا تسمعين كلمهم أنا في الشهر التاسع قالوا لي مستحيل كملتي التاسع عدد الأسابيع أقل والطفل صغير مرة قلت لهم ولدوني ولا عليكم مني بيطلع زين أقنعتهم " كله بفضل الله " وولدتها زي القمر وتمام الصحة والعافية

الله يتمم لك على خير ويقومك بالسلامة

 

[jawhir]

الله يطمن قلبك لا تصدقين كلامهم ادعي ربك ان الله يحسن خلقه ويهون طلقه دائما في صلاتك

 

[سحابة متفائلة]

الله يوفقك يا رب ويرزقك بذرية سليمة ومعافى
توكلي على الله ما يعلم الغيب إلا هو القادر على كل شئ​

 

[صمت الانين]

لا تحطي في بالك ولا تفكري كلام الدكاتره كثير
انا لما كنت حامل بنهايه التاسع رحت موعد لما كشفت على الدكتوره قالت على طول لازم نطلع البيبي
سألتهم ليش انا مو حاسه بطلق قالت راح نعطيك طلق صناعي لان الطفله تعبانه عندها ضربات القلب
ضعيفه ولازم ولاده وانا خلاص صارت نفسيتي دمااار نقلوني بسياره اسعاف من العياده لين المستشفى وانا

بالاجهزه دخلوني غرفه الولاده وعطوني طلق صناعي عدااااب ولما طلعت بنتي الدكاتره واقفين على الباب على​

طول اخذوها بدون ماأشوفها وعملوا لها تخطيط قلب وخلوها في غرفه الملاحظه وانا لما اروح ارضعها لازم لبس
خاص وفي الاخير قالو لي مافيها الا العافيه وطلعت معاها على اساس اني اتابع معاها مواعيد لمده 6 شهور والاخير قالو لي مافيها شي طبيعيه

الله يرزقك بطفل سليم معافى ياااارب

 

[نــ ووو ف]

ياعمري لا تضيقين صدرررررك
الدكاتره يتفلسفون كثيررررررر وماعندهم سالفه

فيه وحده بعد قالو لها ان طفلك منغولي بالسونار ولما ولدت جابت طفلت سسسسسسسسسسسسسسسسليم

توكلي على الله وادعيه وحده ان يكمل عليك نعمته ويرزقك طفل سليم لسى قدامك شهرين بيكبر اكثر واكثر ان شاء الله

 

[القلب الحكيم]

حبيبتي ان شاء الله تكون الدكتورة غلطانة انتي توكلي ع الله وادعي يطلع ابنك سليم وعلى كل حال هذه رزقة من رب العالمين والحمد لله ع كل حال

 

[ام غلاتي]

اختي توكلي على الله
واستودعيه الله وادعي ربك يحفظه ويحسن خلقه وخلقه


يااااااااااااارب ترزق اختي وجميع المسلمات بالحمل السليم المعافي وترزقهم الولدالصالح
يااااااااااااارب تحسن خلقه وخلقه
وان شاء الله ربي يتمم حملك وتولدين بالسلامه وتفرحين فيه

 

[bint sweet]

مشكورين ياأخواتي على ردودكم والله ماتتخيلون وشلون غيرت نفسيتي وجددت فيني الامل ..ربي يوفقكم ويعطيكم اللي في بالكم..
انا رحت 3 مستشفيات بالرياض بس كلها خاصة وكلهم نفس الكلام والحين فتحت ملف بحكومي وعطوني موعد اشعة بعد شهر بالضبط بكون دخلت الثامن وبشوف وش بيقولون لي ..

اللهم لاتجعل ابتلائي في جسدي او مالي او اهلي ..اللهم امييين ..

 

[عاشقة التقوى]

لاتخافين حبيبتي اوكلي امرج لله وعليج بالدعاء ثم الدعاء ثم الدعاء

انا قالولي وانا حامل في بنتي انها اصغر من عمرها واعظام الفخذ طويله اكبر من عمرها وطلع كلامهم خرابيط

جبت بنتي 3 كيلو واعظامها طبيعيه والحين عمرها 4 شهور ومافيها الا العافيه

 

[أبتسامة ملآك]

ربي يطمئن قلبك ولآيحرمك شوفة طفلك سليم معافى يارب ...

 

[أم خضر]

ربي يطمنك ويرزقك ذرية سليمة معافاة سوف أسرد لكي تجربتي الشخصية مع الدكاترة وقت كنت حامل فى شهري الثامن قالت الدكتورة لازم توليدين قيصري لأن الطفل جاي بمقعده والراس فوق وجلست شوية وفى بداية التاسع رحت لدكتور عمل موجات صوتية وقال إنتي فى الثامن وليس التاسع لأن حجم الجنين صغير جداً وعندما راي إصراري باني فى التاسع حولني لطبيب لعمل موجات فوق الصوتية وأكدت الموجات فوق الصوتية بأني فى الثامن المهم الدكتور قال الولادة بعد شهر ولكن رجع وقال موية الجنين قلت والنبض ضعيف مرة ولدت فى التاسع بحسابي وكل الموجات وفوق الموجات طلعت كلام دكاترة كنت أكثر الدعاء وتوكلت على من لايخيب من توكل عليه والحمد لله رزقني الله بمولود سليم معافي بس حجموا كان صغير مرة ولكن بالرضاعة الطبيعية صار حجمه طبيعي والحمدلله توكلي على الله واكثري من الدعاء والصدقة.

 

[princiess]

اتوكلي ع ربج خليها ع ربج دامج ه اللي خلقج وخلقه كل شي بايده توكلي عليه

ولاعليج من كلام حد وادعي واطلبي من ربج بس مافي شي مستحيل عند ربج

خلي ثقتج بربج اقوى من الدكاتره