تكفون تكفون تكفون ابي حل لمشكلتي

[أهات ريومه]

معكم بالقصه من طأطا لسلام عليكم

اناتهاوشت مع زوجي يوم كنت حامل في الشهر السابع واخذت اغراضي كلها وقلت طلقني لاني اكتشفت انه يكلم بنات ورحت لبيت اهلي
ويوم ولدت جاني بالمستشفى وسوى ماكان شي صاروبعدين رجعت لبت اهلي طبعا نفاس المهم جلست عندهم انتظره يجيب لي شغاله وفعلا وجت الشغاله موصاحيه رفضت العمل المهم خلصت فترة نفاسي جالسه عندهم انتظر بس الشغاله عشان ارجع بيتي
ومع الايام تعب ولدي الي عمره سنه ونص الا دق علي قال ابي الولد قلت الولد عليه حراره خله عندي قال لا طلعيه ابيه الا يرسل لي رساله انت مهمله العيال انسي انك ترجعين
عاد هو يحب الولد هذا وانا مافكرت بيوم اهمله

المهم قلت خلاص مايبني ارجع خلاص ماراح ارجع له
اليحصل في الوقت الحالي ان امي وخواتي يقولون روحي بيتك عشان عيالك موعشانه بس انا متردده منقهره منه انه اتهمني بالاهمال الشي الثاني مافكر يجي ياخذني من بيت اهلي
يوم وضحت لخواتي النقطه قالوا هو من الازواج الي روسهم يابسه
وهو فعلا راسه يابس وعنيد انا الي دايم اراضيه حتى لوانا الغلطانه انا الي خربته علي

المهم ارسلت له رساله قلت بشوف ارسلت له وكتبت انا برجع للبيت فكر ورد علي
المهم مارد علي لا قال تعال ولا قال لاتجين

انامحتاره من امري مابي اكون بيوم مطلقه ولاابي اسكت عن حقي
ولاابي عيالي يتشتتون انتظر ردودكم على احر من الجمر يالله وروني وقولولي وش اسوي مع النوعيه هاذي
بعد رسالته الي كتب انسي انك ترجعين كتبت له الي بيني وبينك انتهى طلقني


وشكرا اهات ريومه

 

[papero0o]

أختي انتي لك حول السنتين الحين عند اهلك غريبة مافكر يرجعك ...؟؟

خاصة انه هو الي غلطان انتي ماغلطتي هو الي خان المفروض يجيب لك رضاوة و يرجعك معززة و مكرمة وين اخوانك و ابوك ..؟ و وين الناس ماحاولو يتوسطون..؟

لاترجعين من نفسك... هو الي غلطان هو الي يرجعك

 

[نوسه علي]

طيب تفاهمو بالاول يعني صفوا النفوس وبعدين ارجعي

 

[أهات ريومه]

تسلموووووووووووون ع الردود


انالي 6اشهر بس

 

[الحب والعطاء]

حبيبتي الرجل ما يحب احد يكشف اسرارة وانت يوم كشفتي سرة ورحتي عند اهلك زعل على نفسة وسمعتة وبيتة لو تفهمتي معاة وحليتي المشكلة بينك وبينة كان احسن وستر وانا اسفة انت الغلطانة لية خرجتي ما فكرتي في عيالك ما فكرتي لية هو كلم بنات لية ما رجعتي حسابتك ورتبتي اورقك وشفتي فين الخطاء بدل التسرع والخروج من البيت نصيحة محبة ارجعي بيتك وسمي بلرحمن وستعيذي من الشيطان والله ثم والله مالك لا بيتك وعيالك ورجالك والرسول الكريم قال طلاق المراءة كسرها فلا تكسري نفسك وسعدتك وتحطمي بيتك وتشتتي اولادك الزعل يجي ويروح ارجعي اللة يهديكي ويملاء قلبك بالايمان وطاعة الرحمن

 

[زوجةاسير]

من رائي انك تعوذين من الشيطان وارجعي بيتك علشان اعيالك

 

[امرأة انا]

استخيري الله لاترجعي قبل لا تقتنعي ان تخليتي عن كرامتك لن يكون لك عنده كرامه اختي استخيري واسالي نفسك وقرري انتي بعد مشورت الاخوات الله يكتب لك الخير ويرصيك به