تكفون ادعولى ساعدونى الله يساعدكم ويفرج كربتكم

[شوق نجد]

السلام عليكم

اولا: الله يجزاها خير من دخلت موضوعى ودعت لى فى ظهر الغيب او ردت على

انا كتبت مشكلتى فى موقع الفراشه ونصحتنى غاليتى بنت الشيوخ اعرض مشكلتى هنا

الله يجزاها خير الغاليه ماقصرت معاى نصحتنى واعطتنى الشجاعه بس مازلت فى المشكله

وحصلت تطورات بسيطه وتحدثت مع زوجى بقوه عموما سوف ابدا قصتى واتمنى احادث الدكتوره واخذ رائيها بسرعه


ووالله ان راسي بينفجر وحالتى النفسيه جداااا صعبه ابي حل ابي اعرف هل انا فعلااااا صح ولا غلط وهل استمر مع زوجى ام اتخذ قرار اخر

وراح اقولكم قصتى وبختصرها باذن الله ((تكفين ياستاذه ناعمه ابي نصيحتك))



طبعا انا مطلقه من قبل والطلاق تم باتفاق لان زوجى الله يشفيه عقيم وماعنده رومنسيه ولا عنده وقت للحب عموما

جى واحد من قبيله ثانيه وخطبنى وقال انه جى عن طريق سمعتى وشهادة الكل عنى

فالله الحمد والمنه فلم يحرمنى ربي من الجمال الشامي ولا الاخلاق والا العلم ولا الثقافه ولا الدين ولا الاحترام وكل شئ عارفته بفضل الله ثم بفضل قدوتى والدتى وحبي للقرائه ومساعدة الكل

ووالله انى اصغر العنقود فى بيت اهلى ومرفهينى والكل يستشيرنى لمعرفتهم بانصافى وبعقلى وحكمتى فالله الحمد والمنه محبوبه عند والدينى واخوتى وزوجات اخوانى وكل اقاربي

حتى طليقى اقسم بالله يدعى لى وامه تبكى اذا كلمتنى تدعيلى وسبب الطلاق كان باتفاق بيننا

المهم خطبنى هذا الرجل وجى وشافنى وشفته والله اعجبت فيه وهو نفس الشئ وتعقنا فى بعض بشكل سريع

واليوم الثانى جاب المهر والمملك وقال طلباتكم اوامر

طبعا وبدا يكلمنى بالتلفون ماتتصورون كلامه المعسول

وعرفت منه انه متزوج وزوجته ام عياله منفصل عنها وسبق وطلقها مرتين ويوقول وجودها زي عدمه

وقال معه زوجه ثانيه مريضه نفسيا وتعبانه كل يوم بمستشفى وعند اهلها وقال صعبه اطلقها وهى مريضه

وتمسكن وقلت صح صعبه وقال انه بيسكن الرياض لانه مل من ديرته وهى قريه نائيه وقال بتجيه دوره سنه فى الرياض وبعدها بينقل مؤسسته

وبينقل للرياض وهو مدير مدرسه

وتم كل شئ وانا فرحانه فيه وبكلامه وباسلوبه طررررررررررت من الفرح ماخليت شئ زين الا وجبته له

وهدايا وجهزته مثل تجهيزي لنفسي اشترى من كل شئ اثنين لى وله

وسويت شئ والله ماتوقعت انى مبدعه من تجهيزات الحفل وكله شغل يدي وكنت فرحاااااااانه بطير من الفرح

وامى نفس الشئ وكل شوى رسائل وكلام وووووووووو

تمت ملكتنا ثلاث شهور وتاجلت دورته الى شهر ذالحجه وقال مقدر اصبر لشهر ذو الحجه وقرب الزواج وخلاه ثالث ايام عيد الفطر

وتزوجنا لكن والله مالكم على يمين من اول يوم وانا ابكى انصدمت منه

وكنت اقوله انا اجهز عشان ليليه العمر هل انت مثلى قال انا قبلك اعد وامسح

من اول وم لقيته ماحط فى البيت شئذ مع العلم كان معاى مفتاح لشقتنا وكنت اجهز واحط لدرجة انى سويت كوشه على الدرج وفى المجلس كله شغل يد

لقيته من اول يوم يرسل رسائل ويكلم فى المجلس بعيد عنى


لقيته يصرفنى جيبي مويه من اول يوم قلت ابشر عيونى اروح اجيب القاه ماسك الجوال ومره يقول اكلم عيالى

ولمحتله انى متظايقه من هذا الشئ وقلت هذى ليلتنا

تخيلوووو حتى العشا مافكر يجيب عشا او حلا و اى شئ وقلت معليه

ماهمنى واليوم الثانى صباحيتى صحى وقال صلحى قهوه وقلت ابشر صلحتها له

وتقهوا وارسلت مى الفطور علينا وافطر ولبس غترته وطلع

وجى الظهر قال يالله انا بروح اتغدا وترى فى الليل معزوم لزواج صديقى

انهبلت منه وبكيت وقلتله ليش كذا قال عاد اجل تبين تصكين الباب على

وقلت براحته وتلصدمه الثانيه جلس عندى فقط ثلاث ايام وقال بروح لمدرستى فى الديره يعنى ما خذا اجازه مع العلم انه قالى باخذ اجزه وبنسافر كم يوم حتى لو للشرقيه

والله ماطلعنا سوا تعرفون ثانى يوم وين ودانى ودنى على العثيم قال يالله خذى مقاضى الثلاجه عشان تطبخين

هذى اول تمشيه وكان قبلها العصر طالع يشتريله بلوتوث

والصدمه لقيت بلوتوثه مسجله برقم جواله يعنى معقوووووول مدير مدرسه مرااااااااهق وهوا عمره 40 سنه

وقلتله عن الملاحظه وانحرج ولا همتنى الغريب الان بدا مايرسل ل رسايل

والمكالمات اللى كانت كم مكالمه فى اليوم صارت مكالمين رسميات

وهوا فى الديره وصار يجينى فقط اربعا ف ى الليل والخميس والجمعه الظهر يمشي

تعبت نفسيتى وحالتى وصرت انحف واتعب وصرت ابكى فى الليل من الالم والصدمه وواجهته بكلامه اللى قالى قبل

قال وانت تصدقين اى شئ وصار ينكر كلامه

والان اناااااا تعبااااااانه مرررررره نفسيتى صارت زفت وحاولت اذا جى اقابله بجوووو حب وحنان واستقبله وادلعه بس مافى فايده

وقالى فى يوم انه زوجته الثانه معها نفس وشكل النفس راحت وانها حامل وعلى وشك الولاده وقال انه رجع زوجته الاولى

والله نفسيتى تعبت حسيت انه كذاااااااااااااااااااااااب خداااااااااااااااااااااااااااااااااااااع

وجاب عياله عندى وشافونى انهبلو وبدوا اعجابهم فينى يقول مستحيل عمتنا سعوديه وحلوووووه كذا وحبوبه وطيبه

وحبيتهم من قلب ورحبت فيهم عشانه ومن حبي له وسويت كل شئ عشانه وهو ماااااااااا فكر فينى ولا يفكررررررررر

قال بطلع عيالى امشيهم لانهم محبوسين وهو توه واصل العصر وطلعهم المغرب وراح هو وياهم ومايحبهم يسولفون معى مدرى ليش شكله خايف من شئ

والمشكله انه اذا جى مايفكر يمشينى ولا يطلعنى

واذا جى من تمشيته مع عياله لقانى مصلحه حلا والعشا واستقبلهم بابتسامه
واليوم الثانى
ياكل وجبته ويلبس غترته ويطلع يقول عنده مشاوير ولا يحكيلى وش مشاويره ولا احب اسئله ثلاث مرات يطلع فى اليوم بعد الفطور والغدا و وبعد العشا اعرف انه يطلع يكلم بالجوال

ويقول لا تسئلنى من اكلم لانى اكلم زوجتى طيب وانا ليش ماتكلمنى بنفس الوقت واذا رحت هناك

ووعلى ها الحال ويطلع

ويرجع فى الليل قلت له انا جالسه انتظرك طوووول الاسبوع وحابسه نفسي عشانك ولا تفكر وش تسوى عشانى

وقسما بالله ما احاول اسوى مشاكل معه انسئ وادعى ربي ودمووووعى تغسل وجهى ووزنى يخف ووجهى صار اصفر
وامى يالبئ قلبها تعبانه عشانى

مدرى وش اسوى وش الحل تعبت واعذرونى يمكن كلامى ملخبط لكن هذا اللى حظرنى

الله يوفقكم ساعدونى افزعولى ادعولى مدرى وش الحل​

 

[تاج الوقار]

الله يعينك يأختي والله حسيت فيك أحس زوجك لعاب ومزواج يعني يتزوج ويطلق وعنده حب تملك على العموم استخيري ولو حسيتي أنك منتي مرتاحة اتركيه لا تقولين اتطلق مرة ثانية مافيها شي أهم شي الوحدة تعبد ربها وتسعى لرضاه وهذا هدفنا كمسلمين ما أقدر أفيدك أكثر وانشاءالله ترد عليك الكتورة بس ما حبيت أطلع من الموضوع بدون ما أخفف عنك
الله يفرج عني وعنك وعن كل مهمومة آميييييييييييييييييييييييين

 

[ريهــــام]

لا حول ولا قوة الا بالله
ربى يهديه ولو انى احسه مخادع
ان شاء الله تفيدك استاذتنا....وعليكى وعلى الاستخارة

 

[قلم رصاص]

طبعا وبدا يكلمنى بالتلفون ماتتصورون كلامه المعسول

وعرفت منه انه متزوج وزوجته ام عياله منفصل عنها وسبق وطلقها مرتين ويقول وجودها زي عدمه

وقال معه زوجه ثانيه مريضه نفسيا وتعبانه كل يوم بمستشفى وعند اهلها وقال صعبه اطلقها وهى مريضه

​

الله يعينج على ما ابتلاج
بس فى شي محيرني ليش يوم سمعتي كلامي عن حريمه وظروفه ليش ما تأكدتي منها؟؟؟؟؟
واشلون وافقتوا عليه بدون ما تسألون عنه؟:e136:

بصراحه لو انا مكانج بدون تردد بتركه قبل لا اجيب منه عيال ,, وامرض

انتي مش خايفه على نفسج يصيرلج شي والا تمرضين؟!!!!

اشتري نفسج منه واتركيه..:e076:

 

[بدايه جديده]

اعتقد أكبر خطأ تتركيه لانك مطلقه وهذا ثاني زوج وكيف تضمنين ثالث رجل مايكون مثل ثاني او اول رجل تزوجتيهم ؟؟؟؟
كوني قويه وقللي من طيبتك شويه لان ماتنفع مع الرجال يعتبروها سذاجه ويستغلك , وركزي وكوني ذكيه وبالعكس حاولي ان تخلفين منه عيال وأذا مصار عندك تابعي طبيبه نسائيه ادعي الله ان يرزقك الذريه الصالحه وتمتعي بالحياه مع أولادك وعيشي لنفسك ولا تنتظرين الحب والغرام فالحب الحقيقي غير موجود في عصرنا واصلا الرجال بخلقه الله قليلي العاطفه وليش لازم تضحين له حتى تسعديه ؟؟ وبدلها اسعدي نفسك واذا راحت صحتك منو ينفعك ؟؟ يمكن اذا صار فيك شيء لا سمح الله , هو أول واحد يتركك ,, ابقي معه ومتعي نفسك ولا تهتمين لكل حركاته طنشششششششششششششششششي

 

[شوق نجد]

السلام عليكم

جزاكم الله خيرا اخواتى الفاضلات

غاليتى المبتهله الى الله الله يجزاك الجنه ماقصرتى يالغاليه والله دعوتك وكلامك اسعدنى كثيرا لاحرمنى الله وجودك

وبالنسبه للطلاق والله ماهمنى لانى واثقه من نفسي اننى لم اقصر معه فى شئ وهو بنفسه قال لم اتوقع اللى سويته

وماقصرتى فى شئ ولن انسئ ماعملتى

لذالك والله لن احس بالندم لاننى لم اقصر ولكن ول كان هناك قصير فى خدمته او فى سلوكى او سلوبي لغيرته

اذا ماذا افعل ووالله امى والكل قال ماعليك منه وفعلااااا ماراح اخسر شئ لاننى الان لم اشعر بوجوده بالعكس وجوده يتعبنى اكثررررررر

يعنى مافقدته فى حياتى وهو اكيد راح يفقدنى اذا غبت عن حياته

المدلله على كل حال

غاليتى مديرة العلاقات الله يسعدك ويفرحك والله مرورك شرف لى

والحمدلله على كل حال وهذا انا استخير اسئل الله يكتب اللى فيه خير لاننى والله تعبت حاولت الاقى شئ يشفعله واقول انه يحبنى

غاليتى قلم رصاصا والله انك صادقه لانى فعلاااااا مغفله وصدقته وحبيته وتعلقت فيه وهذا اللى متعبنى

واغلب الحاله اللى فينى اعتبرها ندم ندمااااااااااااااانه كيف قدرت اصدقه بهذى السهوله

لانى لااخفيك انخطبت قبله لقريبي وانا ماااابيه ماحبه وهو يبغانى من سنين ويتنمى يتزوجنى وافقت على مضض وعلى طووول كان مستعجل وجاب المهر

لكن حسيت بالمووووووووت يوم حسيت الموضوع صار صدق

وانهرت وصرت ابكى بالليل لحد ماااا رجعت المهر ورفضته

وهذا قلت هذا هووو فارس احلامى وجى الوقت اللى ارتاح فيه واحب وصدقت كلامه بكل سخااااافه

ووله انى خيفه على نفسي وامى يالقلبي كل يوم محضره عندى وتشوفنى وتشوف حالى وقالت يابنتى انا نبيك اذا هووو مايبيك

وامس اتصل فى الليل ووجهته وقلتله انا ليش متزوجه وش ناقصنى وقلتله انا بجد ما اقدر اتحمل ومابي حياتى تستمر بهذا الشكل

قال وش تقصدين تبين الانفصال قلت اى شئ بس اهم شئ تنحل هذى المشكله لانى ما اتحملها وانا ماتزوجت عشان اعيش كذا متزوجه مع وقف التنفيذ مالى وجود فى حياتك

وانشد الحوار بيننا بس اهم شئ انه عرف وقلتله انا ماراح اموووووت اذا انتهت حياتنا

وسئلنى وين رحتو اليوم

قلتله كنت مع اخوى فى السوق وكان شارليى هديه وودانى لستار بوكس

ورجعنا بالليل يعنى يعرف انى اصلا مرفهه بس احتتتااااااااجه كحبيب وزوج يفكر فينى ويحبنى

قال خلصتى كلامك قلت ايوه قال مع السلامه

واليوم اتصل ولا كن شئ صاااااااااااااااار مااااااااافكر ولا تغير شئ ياااااارب بجد تعبت من رق الاعصاب


اليتى بدايه جديده والله ماهمنى ثالث ولا رابع اهم شئ انسان يقدرنى ويحترمنى ويعاملنى بالحسنى

ولا انا عند اهلى مبسووووطه اذا ليش اتزووج وعلى فكره هو قالى من البدايه مابي اطفال يعنى اذا ليش استمر

حياة مافيها حب ولا فيها اطفال اذا وش بقى وليش استمر

الا ذاكان فيه حل الله يكتبه ياااااااب

بجد انا تعبااااانه مررررررره ومحتاااااره وترى انا قويه فى الحق ولا يهمنى احد لكن متسامحه وانسئ الاسائه بسرعه

الله يهون علينا وعلى كل مهموم

ويارب الدكتوره بس تنصحنى فقط نقاط الله يجزاها الجنه وكل من يرد على ويدعوا لى

الله يحفظكم من كل سوء ومكروووه

والسلام عليكم

 

[نسائيات]

رد : تكفون ادعولى ساعدونى الله يساعدكم ويفرج كربتكم

اختي الكريمه ما تمرينه به هو صدمه قوية فانتي حضرت وحلمتي لكن لوحدك وعندما جاء زوجك الكريم صفعك بكل ما حضرته وكان لسان حاله يقول لك انا لم اتزوج لنقص الحب بل تزوجت للمتعه ولتغير وهذا ما يفسره طلب عدم الانجاب
اختي الكريمه
خذي ورقة ومذكره واكتبي فيها ما تريدينه في الزواج
وما قد وجته في زواجك من هذا الرجل وانظري مدى التطابق بين الامرين فان كان الفارق كبيره
فاجاي لامر اخر وهو سؤال نفسك ماذا ساخسر لو تركت هذا الزواج وماذا ساكسب لو تركت هذا الزواج ؟
وبعد ان تجيبي عن الاساله وتقارنين النقاط وايهما اكثر الايجابية ام السلبيه
صلي صلاة الاستخاره بين موضوع البقاء والفراق والخيره فيما اختاره الله
لكن لا ترفضي الطلاق فقط من مبدا خوفك من كلمة مطلقه
فلقد وهبنا الله حياة كريمه لنحياها في ظل رضاه فلا تتركي زوجك او اي انسان اخر يسسلبها منك
قرري اينت ستكون سعادتك
وماشاء الله اهلج متفهمين جدا يعني لا اعتقد ان هناك حرج في بقائك معهم
مقصد زواجك منذ البدايه هو الاطفال فاذا لم يرغب في الاطفال فلماذا الكفاح ؟؟؟
اللله ييسر امورك

 

[شوق نجد]

غاليتى حكاوينا

فعلااا كلامك صحيح انا حلمت حلم وردى كله حب وصدق ووفاء ووالله اخااااااف عليه من كل شئ

حبه علمنى العطاء والابداع

اخر شئ حصل اليوم كلمنى وقبلها كنت معكم هنا مبسوطه وفعلاااااا نسيته

وكلمنى وفتحنا الموضع وتطرقنااا الكلام اللى نقوله نعيده قلتله النقص منك وانا احتاج لك

لكن اذا منت قادر على العطاء او التغيرر اذا ننهي حياتنا افضل

وقلت لو تقول انا مقصره الان اقولك تم اى شئ تبيه لانى بكل صدق ابحث عن سعادتك وراحتك ولا ابي انقص اى شئ من حقك

لكن انا اطلب منك وانت لا تريد فهذى انانيه ومن حقي ادافع عن حقى واطلبه

وحاول يهدي الموضوع وانا توترت وقالى فكرى قلت النقص منك انت انت اللى فكر ياتستمر حياتنا وتعطينى و ننهيها

وقال طيب وقفل الخط

وانهرت بكاء حتى هذى اللحظه مازلت ابكي لا اعرف من مااااذا هذالبكاء هل هو ندم والم

لا اخفيكم انى احبه احبه لانه كان حلمى وتذوقت معه الحب بكل صدق وصدقته واحسست انى ملكة زمانى ولا ارى فى عينى سوااااااه

اننى متوجعه من اللى حصل هل جزاء الاحسان الا الاحسان كنت اتمنى ان اقصر واقول استاهل

يااااااااارب فرج كربتى اللهم ارنا الحق حقه وارزقنا اتباعه اللهم ثبتنى على ماتحب وترضى

ورزقنا رضاك عنا ثم رضاء والدينا اللهم ارزقنا البر بهم

فوالدتى احست بي وخاولت تهدئتى وهدات امامها لكن بعدما ذهبت لغرفتهااااااااا القيت بنفسي وبكيت وكتبت رساله ولم ارسلها

وكتبت خواطر ايضا ولم ارسلهم تعودت اكتب مشاعري وخواطري او شعر يصف مابداخلي وبعدها اشعر برااااااحه

تصدقون تونى اكتشف اننى كاتبه للخواطر والشعر

رحماك الهي

ننتظر بكره واشووووف وش بيصيرررررر يارب اقسم لنا الخير

لاتنسونى ارجوكم من صالح دعائكم

 

[تاج الوقار]

[

COLOR="DarkOliveGreen"]

​

أختي شوق نجد الله يفرج عنك وعني وهن كل من هي في كرب

اكثري من الاستغفار وعليك بهذه الأدعيةhttp://www.uaebalqees.com/vb/showthread.php?t=2231


سأروي لك قصة حدثت معي بالأمس لعلها تخفف عنك مصابك


أنا معلمة كبيرات كت أعطي درس بالاقتصاد وكان الدرس يتكلم عن الحمل لاحظت إحدى الطالبات حزينة والحسرة في

عينيها فعلمت منها فيما بعد أن زوجها عقيم ويرفض العلاج والأمر من ذلك عندما تطلب منه أن يعالج يتهمها بأنها

عقيم لأنها أكبر منه بعامين وطلقها مرتين فقط لأنها طلبت حقها وهو الأبناء والمحزن في الموضوع أن أباها عمه شقيق

والده قد زوجها إياه وهو يعلم أنه عقيم لأنه تزوج قبلها ولم ينجب والتي طلقها تزوجت وانجبت هل تعلمين لماذا فعل

والدها ذلك ؟

لأنه قاسي جدا ومطلق أمها ولديه زوجه ربما لا تريدها وأخاها عصبي جدا لا يتعامل إلا بالضرب والاهانة

قالت تريد الطلاق لكن كيف ترجع لنار أهلها وإهانتهم وكانت منهارة جدا

وأنتي يأختي قارني أهلك بأهلها الحمدلله أنتي معززة عند أهلك فلماذا تقف حياتك عند واحد لم يقدرك؟

فكري في الموضوع وأحمدي الله أن حالك ليس كحال المسكينة التي لم يفارقني صوت بكائها حتى هذه اللحظة[/COLOR]​

 

[نسائيات]

رد : تكفون ادعولى ساعدونى الله يساعدكم ويفرج كربتكم

الفعل اختي بنت نجد الاخن المبتهله الى الله معها حق فانتي في خير ونعمه
انتي تبكين على حلمك لانك تعرفين في قرارتنفسك بانه حب من طرف واحد وبان زوجك كاذب في كل ما قاله
اختي ابدئي بالكتابه للتنفيس عن ما بداخلك واكتشاف ذاتك وجربي التمرين اللذي وصفته لك في ردي الالول

 

[شوق نجد]

السلام عليكم

حدث امر طااااارئ اولا جزاكم الله خيرا الله يوفقكم اخياتى وغالياتى المبتهله الى الله وحكاوينا

الحمدلله حمدا كثيرا طيبا مباركا فيه والله احمد ربي على وجود امى وحبها لى لاننى ولله الحمد احب ادلل امى وابوى وارضيهم
عسئ الله يخليهم ولا يحرمنى وجودهم

طبعا حصل امرر طارى ماكان فى حسابي والله

وهوا اننى بعد مكالمة امس وبعد البكاء والانهيار اللى جانى

اليوم اتصل فينى بدرى ومن زاااااااااان ماسواهااااااا وكلمنى كلام معسول حسيت انه مشتاق لى

يعنى كانه يقول ابشري باللى تبين بس ماقال شئ قال انا اصلا ما اقدر استغنى عنه حتى لو زعلتينى

الحمدلله ياااااارب مو مصدقه

طيب الحين وش الخطووووه الجايه وش اسوووووي لانه قالى بدون ما اسئله انه بيجي بكره وبياخذنى

طيب وش اسووووووي تكفوووون ردو على الله يساعدكم

 

[نسائيات]

رد : تكفون ادعولى ساعدونى الله يساعدكم ويفرج كربتكم

اسفة يا شوق نجد كان الرد لشخص اخر
انا رددت عليك من قبل حتى لو اتصل زوجك فلقد كذب عليك من قبل فلا تجعلي عواطفك تسيرك هذه المره ومثل ما قلت لك من قبل صلي صلاة الاستخاره
وكيف تجلسين مع زوج لا يرغب منك بذرية هل هو زواج متعه ؟؟؟وشوق لحظه ؟؟؟
واعذر عن ردي السابق فلم يكن لك كان لمشكله اخرى واتلخبطت الردود

 

[تاج الوقار]

ماشيه لين تشوفين هو فعلا بيتغير ولا لا
ونصيحة خذي مانع للحمل

 

[gear]

عزيزتي شوق نجد

عزيزتي أنا مستغربه من رد فعلج و فرحتج بمكالمته مع إني حسيت من كلامك عن نفسك انك صاحبة عقل راجح:

عزيزتي انا بس أتساءل هل قدر يأثر فيج مرة ثانية و بمكالمة وحده بسسسسسسسس
هل قدر بشوية كلام ينسيج دموعج و يخليج تعيشين بأحلامج مرة ثانية !!!!!


أخيتي قابلي زوجك بكل احترام لكن يجب وضع النقاط على الحروووووف و عدم تأجيل اتخاذ القرار سواء بالإستمرار معه او عدمه

وأسأل الله لك و لجميع أخواتي في المنتدى بالتوفيق و والإستقرار في حياتهم

ولاتزعلين من كلامي

 

[زيوونة المزيوونة]

عزيزتي شوق نجد

الله يعينج ويصبرج على مشكلتج ويهدية مع ان مو باين بس ما في شي بعيد عن رب العالمين

بنصحج نصيحه ارجو انج تاخذين فيها ( لا تفكرين تحملين من هذا الريال ) نطري اشوي وتأنى لحد ما ينعرف شنو مايت هذا الشخص لان بصراحه وضعه مو مريح .... في البداية قال انا مطلقها وما ابيها واهي تعبانه نفسيا وبعد فترة تكتشفين انها حامل !!!!! اشلون صار هذا الشي واهو اللى ما يواطنها ؟؟؟؟

لا تغلطين غلطة واااايد بنات وتحملين منه واهو هذا وضعه امبين انه مو مستقر ، انا ما اشجعج على الطلاق بس ما انصحج بالنجاب هذي الفترة ....

شنو راح يكون موقفج اذا قالج خلاص انا ما اقدر اصبر عن زوجتى وعيالى وانتى خليج ازورج كل ما فضيت وصار عندي وقت ؟؟؟؟ اشراح تسوين وتخيلي معاج طفل ؟؟؟ شنو ذنبة بهذا الاب المهمل


التأنى زين وان شالله اللة يوفقج

زين

 

[شوق نجد]

فديتكم الله يجزاكم الجنه ولا يحرمكم نعيمها

والحمدلله على ما اصابنا ووالله نفسيتى تعبت وكنت امس وطلعت اليوم تنومت بالمستشفى بسببه

جاتنى حالة بكاء هستيري وامى تقول يابنتى اول مره اشوفك كذا

واناااا مقهوووووره واحس بالندم

طبعا وش حصل زي ماقلتكم

وقال بجي الاربعا العصر وتعرفون احنا يالحريم كلمه تودينا وتجيبنا

وجلست اتجهز له الثلاثاء بالليل وقلت لامى بروح السوق اشترى بجامات شتويه مابي اذا جى اقوله ودينى

قالت امى ابشري بوديك يوم الاربعا الصباح للسوق

وصحيت صباح الاربعا وتونا طالعين مع اخوى الكبير واحنا فى السياره

الا ويتصل فرررررررررحت يوم شفت اتصاله الا ويسلم قال صاحيه قلت اكيد

وسئلته عن امه لانها تعبانه واخر شئ قال بروح اطلع امى من المستشفى وانا اسلم عليك

قلت كيف قال ماشي للكويت اناااااااااا انهبلت طبعا هذا يومى وحقى الشرعي وجالسه انتظره وضاغطه على نفسي

واخرتها بيروح للكويت قلت وانا قال وين اوديك لا تخافين بعوضك الاسبوع الجااااي بسفرك معى للديره ديرتهم النائيه اللى فيها زوجاته

قلت اسمع كلامى زين لا تجينى ولاعاد ابيك تجينى وانساااااااني لانك انسان ماهمك الا نفسك

ابي اعرف وش خليت لك ذكرى تخلينى اتمسك فيك لا شئ

تحب نفسك كثيرررر اذا خذ رااااحتك قال وش تقصدين مافى تفاهم قلت مرررررره

قال مع السلامه
انا انهرت فى السياره ورجعنا للبيت بس ماقدرت اسكت بكيت بكاااااااااء حرررقه والم

واخر شئ نقلونى اهلى للمستشفى وجلست عندهم امس وطلعت اليوم واخذت ابر ونمت وتونى مصحصحه اليوم

واعطونى اعشاب مهدئه للاعصاب وارسلت له رساله قلت انت قتلت حبي وقتلت كل شئ

بتركك تعيش جوك بس رجاء وارجوووووك تتركنى فى حالى وتنسااااانى

هذا كان يوم الاربعاء بعد اتصاله اول ما وصلت البيت

ولحد اليوم مافكر يتصل او شئ

انا قررت اغيرر رقم جواااااااالى مااااابيه لانه طلعه باسمه وجابه لى برمضان

والحمدلله على كل حاااااااال

وبجد احس حياتى معاه صعبه وتعبت مررررضت بسببه

يارب ثبتنى على ماتحبه وترضاااه وقلت لا مى اذا اتصل وسئل عنى قولى البنت خلاص ماتبيك

مع العلم انى نريت بضغوط من اهلى وخاصه اخوووى الكبير كان له دوررر بسبب البكاء اللى جانى وامى حااااولت فينى اصبر واتصبر

وانهرت عليهم كلهم قلت انتم تحبونى شفتو حالى الحين وتتذكون حالى قبل كم شهر وش رايكم اجل استمريت وش بيصير لى

واخر شئ الحمدلله امى وخواتى حسوووووو فينى انى صادقه لانى لا اخفيكم حبيته وتعلقت فيه بشكل رهيب اسمه مالى غرفتى واحررفه

وشلتهممممممم كلهم تكفووون ادعولى بالثبات والحمدلله على ما اصابنى

والسلام عليكم

 

[عابرة سبيل]

رد : تكفون ادعولى ساعدونى الله يساعدكم ويفرج كربتكم

لا حول ولا قوة إلا بالله .الله يصبرك اختي ويفرج همك وهم كل مسلم ..استمري في الإستخاره ولا تنسي الإستشارة بعد

اذا كان فيه خير الله يسخره لك ويصب حبك في قلبه صبا.. واذا كان غير كذا الله يبعده عنك ويرزق بالصالح اللي تقر به

عينك ويعوضك ويرزقك من حيث لا تحتسبي ....آآآآآآمين يااااااااارب.​

 

[قرموشه]

لله يسر امورج اختي
شكل ريلج اناني ما يفكر غير بعمره وبمصلحته
ولا تنسين انتي الزوجه الثالثه
يعني الريال عنده ضغط
وين يودي عمره
الله كريم

 

[زوجة وأم وأخت]

أختي هذا لعاب وخداع ، من الأول كذب عليك ، ...
نرجع من البداية

1) كان يقولك كلام حب ((( وكلام الحب معروف مفعوله في عقولنا حنا الحريم ، وهو أخذه أسلوب لأنه عارف إنك مطلقة ومحتاجة كلام حلو ، فأستغل ضعفك ... ))))

2) قال لك إنه زوجه الأولى مطلقها مرتين والثانية مريضة ، وبعد العرس قال لك رجع الأولى والثانية كانت نفس !!!!!!!!!
(((( كلام كله كذب حتى يأملك أنه لك وحدك ، تعرفي إنه له أسلوب في تذويب عقول الحريم والضحك عليهم ، فهو إنسان غير صادق معك وعنده اللف والدوران ،إحذري الشخصية هذه ))))))

3) تعامله معك بعد الزواج وأهماله لك ، وحتى حقك الشرعي ، يماطل معك ، ويشعرك بأنك لا شئ .

حبيبتي الظاهر أنتم لم تسألوا عنه جيدا ولا عن زوجاته ، ... فهذه أهم نقطة ....في موضوع الموافقة على الزواج .

وثاني شئ إنك ماحاولتي تعرفيه جيدا بعد العقد يعني ما كنتي قد عرفتي طباعه جيدا ، وهو كان ماكل عليك الجو
بالكلام الحلو ، وصدقيني هو عرف كيف يبرمجك لحسابه ، ..

أختي والآن يطلب منك أن تذهبي إلى قريته عند حريمه ، هذا أسلوب ضغط عليك ويمكن يريك وجه الآخر من شخصيته ،
هو أن يطنشك تماااااااااما وكلامه اللي يمشي ، يعني تكمليه عنكم يروح يقولك هاخذك لقريته !!!
يفكرك تتدلعي ، وهو لم يحسب لك حساب ،
الموضوع طال وأخذ أكترمن وقته ، دخلي أهلك في الموضوع
لالالالالالالالالالالالالالالالالالالالالالالالازم يكون الآن في جلسة رجال ، أهلك يتكلموا عنك ...
ويشوف طلباتك ، ويمشي على شروطك ، وإلا الباب يفوت جمل وبالناقص رجل ، والحمد لله عندك اللي يسندك في أهلك ... وبإذن الله ربي يعوضك اللي أفضل واللي أحسن منه ..

وصدقيني صعبة تعيشي من غير أطفال ، فأنت لما تطلقتي المرة الآولى أليس للأطفال ، صدقيني سيأتي يوم تحنين
بل تعشقين الطفل وتتمنين أن ترزقي ، لأنها غريزة فينا حبيبتي ، ..

وما تخليه يتحكم فيكي ، يعني قالك كلام حلو خلص طار عقلك !!!!!!!!!!!!!!!!!!!!!!!!!!!!!!!!!!
خليكي ثقيلة ، .... وما تعرفيه نقطة ضعفك حتى ما يستغلك .. ولا تتركي له المجال في ذلك ...

وفي النهاية كلنا أجمعنا على صلاة الإستخارة بينة الفراق ، والخيرة فيما أختاره الله تعالى

وأتمنى لك حياة زوجية سعيدة مع رجل يستحقك ويقدرك ، ويعرف قيمتك ، ولا يحرمك من الذرية ، ...
وتتمعتي معه وتجدي عنده كل معاني الرجولة والشهامة والخلق والدين ...

طمنينا عليك حبيبتي ....

 

[زوجة وأم وأخت]

وحتى إنك الزوجة الثالثة ، ماحد ضربه على يده يتزوج للمرة الثالثة ، وهو عارف إنه الزواج مسؤلية ... موب تكثير حريم ، كأنهن قطع أثاث يحطهم في بيوته ، ..

فوين العـــــــــــــــــــــــــــــــــــــــــــــــــــــــــــدل ؟؟؟؟؟؟؟!!!!!!!!!!!!!!!!!!!!!!