تكفون ابغى المشورة والنصح

[جنووووبية]

السلام عليكم ورحمة الله وبركاته

انا معلمة اتزوجت من ثلاث سنوات برجل متزوج وعنده اولاد

ودايم ازعل من الكلام اللي يقوله لي مع انه يحبني بجنوون لكن احيان نتناقش بموضوع وازعل انا واجلس بالايام ما اكلمه مع انه يجي يكلمني ولا كانه صار شيء بس انا انقهر ابغاه يجي يعتذر عشان ينتهي الموضوع
انا حساسة جدا واقل كلمة او تصرف يجرحني وازعل وصعب ارجع بسهولة كذا شخصيتي وش اسوي
وانا زوجي مزاااااااااااجي جدا يوم تلاقيه 100% ويجلس يتغزل فيني وطلعات ووناسة ويووووووووووووم صفر% ولا يشوفني الا عدوته بالبيت

مالحل بنظركم

وهل احد يقدر يحدد شخصية زوجي

 

[امنتك قلبي]

الحل انك حساسسه جداااااا ومزجيه جدااا جداااااطيب يااختي انتي لوزعاتي وين باتروحين على الاقل هو يروح البيت الثاني عند زوجته و اولادة يروح من عندش زعلان بايرجع مبسوط لانه استانس في بيته الثاني وانتي موووتي من ا لقهر لو كان عندش يعني مو متزوج كان فرقه معاه كان لزم يراضيك لكن هو يقول انا ما باحصل رحتي عندش باحصلها في مكان ثاني يعني افهمي انتي تعطي فرصه او خدمه مجانيه لي غيرك تاخذه منك وانتي مستنيه يرضيك الظهر باتطولي على هذا الحال كثثثثثثثثثثثيراكسبي زوجك بي العقل مش بي العناد لانه خراب ديار

 

[كل من حولي يغار]

الدعـــــــــاء له بالهدايه وان يسخره ربي لك

 

[am zayed]

الحل انج تغيرين نفسج قبل ماتغيرينه

بالتوفيق حبيبتي ​

 

[اااهات]

حبيبتي زوجك نفس زوجي حاولي انك تتاقلمي مع الجو اتوقع ان زوجك شمالي اتمنى اني افدتك

 

[-موج-]

طنشي حبيبتي هذا حال الرجال..حاولي لما تشعرين انك توترتي وما عاد تحتملين استغفاله,فسوي او اعملي شئ انت تحبيه فان كنت تحبين السبح روحي اسبحي او كنت تحبين تكلمين اختك اوصديقتك او تفتحين النت وتشوفين مواقع ,يعني باختصار اعملي شئ ينسيك الي انت فيه...وربي يسعدك..

 

[قطـــــريه]

يعني تزعلين وتعصبين وتبينه يعتذر ؟ والله خوش .. اختي عاملي زوجج مثل مانتي تبينه يعاملج .. على اي اساس تبينه كل مره يعتذر ويصالحج ؟ وليش ؟ وبوشو انتي احسن منه عشان يتم يراضيج ؟؟ ووشو انا شخصيتي كذا ويش اسوي ؟؟ لا حبيبتي لو تحبينه بتتغيرين لان هالطبع مب حلو وتقللين من احترام الاخرين .. تخيلي انتي اللي بس تراضينه كل مره ؟؟ الا ما تزهقين وتملين ولو الحين راضاج ويراضيج 100% ما راح يستمر كذا وايد ولا تنسين ان عنده بيت ثاني يقدر يروح له بدل عيشه النكد اللي معيشته فيها .. والغريبة انج حساسه على قولتج .. طيب دامج حساسه حسي فيه و ولا حلال عليج وحرام على غيرج ! اسمحي لي لازم تغيرين من طبعج عشانج انتي اولا .. ولا تتوقعين بيستحملج واايد .. وبتخربين بيتج بنفسج لمن يهملج ويتم وقته كله في بيته الثاني ..