تكفن ياحكيمات في امور الخيانه مشورتكم بصدمة حياتي

عفوا اقصد سيحي دم مو دمك اسم الله عليك
 
حبيبتي لا تحطي في بالك إنك ممكن تغيريه بين يوم وليله

لأنه الرجل إذا كان متعود من قبل الزواج على هذا الطريق

إن ما تجيه هدايه من الله ما ينفع

نصيحتي لا تواجهيه لأنك ما راح تستفيدي شيئ غير انه يأخذ راحته وما يراعي مشاعرك

حاولي تنسي الموضوع وأشغلي نفسك بشيئ يبين له انك متغيره عليه وصار لك كيانك ومستقله بذاتك

وأحتويه لأنه مرض الخيانه يدل على نقص حنان من الصغر وقلة اهتمام وبيعوضه

يعني الحل والعلاج في طولة بالك عليه وإنك تغرقيه بحنانك وحبك مع ثقل أنثوي بحيث يحس انه انسان مرغوب

انتي الآن في مرحلة حرب مع بنات السوء ولازم تكسبي المعركه ولا تخليهم يتفوقوا عليكِ

اتعلمي مهارات أنثويه تجذبه لكِ وتخليه يكره البنات الرخيصات

بأسلوبك الحلو وتهيئة أجواء تحببه في بيته ومعرفة نمط شخصيته وايش يحب وايش يكره

وأهم شيئ أصلحي اللي بينك وبين الله يصلح بينك وبين الناس

وكثري من الاستغفار والدعاء له بالهدايه والصلاح

الله يوفق بينكم ولا يدخل بينكم شيطان يا رب

​
 
لا تولدين الا في بيتك نصيحه ...............انا لم ولدت وتنفست عندي امي غلطت غلطه شنيعه تركته على راحته .......انا اعطيتك بعض الحلول سابقا وتحملي توك في اول السلم ابدي معه درجه درجه والله يسخره لك ياااااااااااااااااااارب
 
الله يعينك اختي...ويفرج همك عندك وعندنا خييييييييييييييييير

نصيحه لا تواجهينه لانك لو واجهتيه بيصير الوضع عاااادي
انا واجهت زوجي بخيانته الاولي ومع ذلك ماستفدت شي
اعتذر وحلف مايرجع وانها نزوه ومن هالكلام
وبالاخير صار يحط رقمي سري للجوال والاب توب
عشان ماتجسس عليه

معناته انه ماتغييييييييييييييييير

الله يفرج لي ولك..وبصراحه نا مثلك محتاجه نصيحه
ربي يعد بنات الحراام عنهم
ويشغلهن بانفسهن...​
 
يا حيااتي

بس انتبهي لا تخبرينه ..!!
::
:
ربي يرده لك ردا جميلا
ويهديه ويبعد عنه عيال الحراام
 
طيب كيف انا اعرف هو للحين له علاقات اولا؟؟؟؟
تصرفاااته طبيعيه جدا هذا هو من تزوجته
وماني عارفه للحين واصلا مستحييييل اشكبه لو ماشفت المحادثه.
المحادثه كان تاريخها قديم بس عرفت منها انه هو مرقمها !!!! ااااااه المحادثه ايام ماكنت مو عنده كنت عند اهلي بديره ثانيه وكانت تقوله كيف لاجت زوجتك .... قال لها نكلم بالنهاربس وعرفت من المحادثه انها تكلمه ع الخط الثاني
والحين مو عارفه هل هو مستمر معها لين الحين وماراح اقدر اكتشف لان الموبايل الثاني بالسياره ومستحييييل طبعا اقدر احصل عليه
وهو يمكن لاطلع يكلم ويمكن لا كيف اعرف
جهازه العام مافيه شي واصلا ماعليه رقم ومحموله دايم عندي ومفتوح
قولولي كيف ممكن اعرف هل هو للحين يكلم لان الحل الوحيد جهازه الثاني وماقدر طبعا اخذه من السياره راح يشك وانا مابغاه يشك
وياترى له علاقات كثيييره والا بس وحده ميته بعرف بس كيييييف ؟؟؟؟؟؟؟؟؟؟
شوروا علي تكفووووووووووووووووووووووووون
 
تكفوووووووووون اللي عندها خطه ممكن منها اقدر احصل على الجهاز اللي بالسياره تقولي من غير لا يحس طبعا عشان مايعرف اني شاااكه به
مع العلم اني ماعندي احد الا انا وهو بهالمنطقه ماعندي اخوان ولا احد لوحدنااااااا
 
الله يفرج همج ويقوي صبرج ويهدي زوجج ويبعد عنه نزوات الشيطان ...
الحين صارت الخيانه منتشره ورفقة السوء لهم الدور الفعال في هالشي اضافة الى ضعف الوازع الديني
والاحظ ان بعض الرجال حتى لو كانت حياتهم سعيده مع زوجاتهم تجدينهم يمارسون هذا النوع من العلاقات كهوايه فقط وليس لنقص في حياته الزوجيه اطلاقا ..
ارى ان زوجك عندما صارحتيه بوجود الايميل المشبوه كانت ردة فعله هي الانكار وهذا جيد وعندما تحدثتي عن الخيانه كان يقول قد تكون نزوه اذا فاعتقد انها نزوه وان شاء الله سوف يستيقظ منها بفضل من الله وباجتهاد منك بالدعاء والذكر كلما يخرج قولي استودعك اللهم زوجي يا من لاتضيع ودائعه وانسي الموضوع لانج استودعتيه رب العباااااااد
ريحي نفسج ولا تتجسسين ولا تتابعين ابدددددددددد
اما المواجهه
لاااااااااااااااااااااااااااااااااااااااا والف لاااااااااااااااا
مضاااارها اكثرررررررررررررررررررررر
ما انصحج فيها ابد
اكيد هذي نزوه ولكل جواد كبوه
اعتبريها غلطه
وحاولي بقد ما تقدرين تحتوين زوجج وتحنين عليه وتجذبينه ناحيتج
وتقربينه لربه ولدينه
لان الخوف من الله اعظم رادع له عن بنات الحرام

بالتوفيق حبيبتي احتسبي الاجر وادعي له لان ربي ما يخيب عبده اللي دعااااااااااه والتجأ له وفوض اموره له

انا لقيت رسايل واشياء تخوف لكن صرت استودعه ربي واهتم بروحي واحاول احتويه والحمد لله على كل حااال
 
شوفي ياعزيزتي وانتي تقولين مستحيل اعرف ومستحيل اقدر معناها ماراح تعرفين شي وماراح تسوين شي ...توكلي على ربك وقرري الدفاع عن زوجك وبيتك باي طريقه ولازم تغيرين هالنغمه اليائسه وتتفاءلين ان الله بيساعدك وينصرك على بنت الحرام ...لحل المشكله لازم الهدوء والتعقل والتفكير العميق ...اعرفي اسباب الخيانه والواضح انها بسبب ضعف الوازع الديني عند زوجك هذا اولا ...ثانيا بسبب تركك له فترات طويله وهذا غلط ارجوكي لاتكرريه ...اعقدي العزم على انك ماتتركينه ابدا ...الزقي فيه سواء مكالمات او طلبات او جلسه بالبيت ...انتي ماينفع لك كلام البعض ادعي وطنشيه ولاتواجهينه ...هذا مو حل هذا اسمه تعذيب وحرق اعصاب خاصة لما يكون الزوج مستقيم ومحب
اللي مثلك يحبها زوجها ويحسب لزعلها الف حساب تختلف عن اللي زوجها مستهتر ومجاهر بالمعصيه وماهمته ظلت عنده او طلبت الطلاق ...لذلك اجمعي الادله وابدأي بالمحادثه اللي قريتيها واحفظيها عندك ...خذي مفتاح سيارته وهو نايم واطلعي بنفسك فتشي السياره وطلعي الجوال وخذي منه الارقام وارسليها لجوالك وجهزي لك عذر لو اكتشفك تفتشين السياره مثلا حطي سلسله ذهب مثلا في السياره وانك انجنيتي لما مالقيتيها وخليها فعلا في يدك ...وكل خطوه تخطينها ادعي قبلها اللهم ولي نعمتي وملاذي عند نقمتي اجعل نقمة زوجي بردا وسلاما علي كما جعلت النار بردا وسلاما على ابراهيم ...ورددي اللهم اكفني الفاسقات الخائنات بما شئت اللهم رد كيدهن في نحورهن واجعل تدبيرهن تدميرهن ...واتركي المواجهه الحل الاخير ..حاولي اولا تطفيش الحقيره ..وتهديد زوجك من ارقام ثانيه ..وهالاشياء لها مجالها بعدين ...اذا فاد اسلوب التخويف من انه ينفضح عندك كان بها مافاد واجههيه وهدديه بالانفصال ولا غيره وانك راح تفتشين وراه الى ان يطمئن قلبك وانه ممنوع ارقام سريه او جوال بالسياره وان شاء الله يتوب ويخاف ....المهم الحين انك تحجزين شغاله وتنفسين في بيتك على قلبه وقلبها ...ولاتتركين الدعاء وحسن الظن بالله ...كوني اقوى خلك حازمه ...ادعي لزوجك بالهدايه وان الله يحفظ سمعه وبصره ويصد قلبه عن الحرام ...مهدي له بقصه وحده لا اكثر عن صديقتك اللي اكتشفت خيانة زوجها ابكي وخلي دمعتك على خدك من هول المصيبه وانك ايدتيها في قرار الطلاق لان الخيانه والغدر لاتغتفر ابدا ...خليييه يخاف ويتوب من نفسه ...وترتاحين ان شاء الله من الهم ...الله يفرج همك ويطمن بالك ...اعيد واكرر لا تروحين بتتطور علاقته وانتي حره ...
 
نصيحتي تحاصريه بمشاعرك خصوصا انه مو مقصر معك
ايش يمنعك
الصباح وهو في الدوام بدل ما تحرقي نفسك ترسلي كلمات غزل
وحب وشوق لرجوعه
ايش يمنعك تجددي بنفسك وتطلبي منه اجواء جديده
حضري ليله خاصة في نهاية الاسبوع
واطلبي تكون الليله الجاية عليه خصوصا انه متعاون معك
خليه يعيش كل لحظه وهو يتخيلك
ايش يمنعك يصحى الصباح يلاقي كرت في جيبه فيه حب وغزل
خلي ضميره ودينه يصحى ويردعه
حاصريه بمشاعرك تكفينه شر نفسه
وأزيدك:
إلى جميع المحروقات المجروحات
إللي بداخلهم براكين لاتخمد
غضب و ألــــــــــم و حسره
أسئلة تحتاج لإجابات و إجابات
ليه تخون ؟
ليه تغازل ؟
ليه تكلم غيري ؟
أنا قايمة بكل واجباتك
أنا أعمل كل شي عشان أرضيك
أنا جميله ودلوعه
باطلع عنه أربيه
باطلب الطلاق
بابلغ أهلي
بابلغ الهيئــــه
باكلم البنات إللي يكلمهم
باتابع الأرقام إللي يتصل فيها
وبعدين ؟
بتنحل الأمور
لأ
لأ
حاسه بكل لحظة ألم تمــــــرون فيها
الغصه إللي تحرق حناجركم بالدموع
إللي تشهد عليها سجاداتكم و وسايدكم
بس خلونا نحكي بشوية عقل
كل وحده مجروحه تترك قلبها على جنب
وتحكم عقلها الزواج ماحيستمر وأنتي تتبعين مشاعرك وقلبك فقط
الزواج يحتاج لعقلك و ذكاءك و حكمتك
وأهم شي (( صــــــــــبرك ))
ولاتنسين قربك من الله
هو إللي يسمع نجوانا و يجيب دعوانا

أكتشفتي إن زوجك يلعب بذيله
أوكيه وش الجديد ؟
ليه الصدمه ؟
أغلب الرجال حالياً بهالشكل
نخرب على أنفسنا و لانحافظ على بيوتــــنا
ليه مخلين حياتكم الزوجية لعبة قط و فار
وسجين وسجان ؟
باصيده
باراقبه
باتابعه
بالعكس
الغباء نعمه في أحيان كثيره
أستغبي ماحتندمي إطلاقاً
لأن الرجل يكره المرأة إللي تتابعه
وتراقبه و تنتبه لكل شي
أنا لاحظت زوجي يرتاع لمايلاحظ مدى دقتي و نباهتي
فأصبحت أستغبي
لقيت أسهمي أرتفعت أكثر و أكثر
هذي هي طبيعة أغلب الرجال
يحبونــــك أضعف و أغبى منهم
وينفرون من ذكاءك
لأنه يحسسهم بالضعف
والرجل يكره هالخصله أمام زوجته
صدتيه يغازل
أعلنتي حالة الطواريء و الإستنفار
كنك ماصدقتي لقيتي عليه شي؟؟؟
وبديتي التخطيط للإنتقام
وجلستي عاد تجمعين الجديد
والقديم بتطلعينه على راسه
ولقى الشيطان مدخله لك
بدأ يثيرك و يستفزك أكثر
ويفتح لك أبواب شر لها أول مالها آخر
والنتيجه إنتي الخسرااااااااااااااانه صدقيني

الحلول ماحاطول عليكم
لأني حاسه بالبراكين القابله للإنفجار بأي لحظه
وهالكلام ماقلته إلا من تجربه شخصيه بحته
مايهمكم تعرفون مين صاحبتها
الأهم تعرفون النتائج
وإيش النتائج

الزوج مايكلم بنات نهائياً
جواله طول الوقت قدام زوجته
أي إتصال من بنت
أو رساله يوريها هي بنفس سامحه ومبتسم
تسوى عيونه
شايلها من عالأرض شيل
كل وقت و كل لحظه
يقول لها ماشفت أحد بحكمتك وروعتك
لوضعف بأي لحظه رمى الجوال عندها
أوقال لها كلمتني بنت اليوم
الماسنجر لماتجيه إضافه يبلغها و تضحك معه ويلغي الإضافه
لأن أحياناً ياخذون الإيميل من بعض مواضيعه
يحكي لها أي موقف يمر عليه ولوبالشارع أو بالسفر
صايرين مثل الأصدقاء مافيه حواجز أو أسرار أوغموض
هاه وش رايكم بالنتـــــــــــــايج ؟

بس ماجت إلا بعد صبر سنوات
وكفاح من هالزوجه و لحظات ألم مريرة جداً جداً كتمتها قدامه
ياما أستغبت
تعرف إنه يكلم بنت وتروح عنه
حتى ماينتبه إنها صادته
تجلس تلف تلف حوالين نفسها

وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها أكثر و أكثر تحاول تشغله
تشاركه بالنت
حتى يتعود يشاركها
تقول له شفت واحد طلب
إضافتي و أضفته طلع رجال وشته
طلع له قرون وينه هاتي إيميله
كنسلي مسنجرك
قالت له والله لويضيفني تريليون رجال غيرك مابي ولاأشوف

أرضت غروره
لما تلاقيه عالنت تجي تسولف معه حتى لومالها نفس
وماتتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
أستمرت على هالحال

كان يطلع من عندها مشوار
وتعرف إنه طالع يكلم
ماتتصل عليه تتركه ياخذ راحته كنها مادرت
لوتأخر تتصل حبيبي وش فيك تأخرت
(ماتقول معاك إنتظار)
ويرجع يلاقيها بأحلى صورة

أكتشفت إنه مسجل بمواقع الزواج
لأنها أسهل طريقه لصيد البنات
جت قالت له بعد أيام
حبيبي فيه موقع سجلت فيه أسمــه كذا كذا
أنهبل يوم عرف إنها مسجله فيه
لاعبته لاعبته لاعبته

كره هالموقع نهائياً و ماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت إنتباههم وش يشدهم
بس يحتاج منكم لفترات طويلة وكفاح حتى تنتشلوهم


ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه إذا ماخفت على مشاعري ليه أغار ؟

أجرحي و داوي
أجرحي و داوي

أسلوب الصراخ والمشاكل
والله يابنات ماينفع معهم النتيجه
جوالات ماتدرون عنها
مكالمات في أوقات طلعاتهم وحتى بالعمل
موكل مره زوجك بيكلم من جواله
ولاكل مره بتصيدي رقم ثاني
لهم طرقهم ومداخلهم
وأبواب الشر لين أنفتحت أنفتحت صدقوني

مكالمتك للي يكلمهم بتفتح لك أبواب
ليه تنزلين نفسك لوحـــــــده قذرة ؟
ممكن حتى تجرحك بالكلام
ممكن عناد فيك تتقرب له أكثر
أثقلــــــــــــــــــــــوا
إللي تبي تحافظ على بيتها و زوجها تثقل وتحكم عقلها وتقرب من الله
والله ماتندمون

بكره يجيبها لبيتك ماتدرين
بكره يسوي بلاوي مادرين
خلك نبيهه تابعي بحذر
حتى تكوني عارفه بكل الأمور
موتبقين على عماك
لين يدخل يابيده وحده متزوجها من علاقه
يامنومها في غرفتك
و أنتي عند أهلك مواعد بالعربي

لاإتصالكم بالهيئه بتنفعكم
أما بيرميك فبيت أهلك بحجـــة أتهمتيه و فضحتيه وشوهتي سمعته
والرجال لين حقد حقد
ولاطلعتكم لأهلكم بتنفع
ولاخناقك بينفع ممكن يطق بوجهك
ويقولك خلاص هذا أنا عاجبك هلا
ماعجبك طقي راسك بالجدار
(وأنتم أخبر ببعض هماجة الرجال وعنادهم وبجاحتهم)

أثقلوا و حلوا أموركم بذكاءكم وكيدكم
إللي تبي فعلاً تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
إن زان الرجال مازانوا البنات
مايخلون أحد بحاله
والدليل روحي معه لأي سنتر
وشوفي كيف يحلى في نظرهم
لمايشوفونه مع زوجته وتبدأ حركات الإستفزاز
حنا يابنات يامجروحات في زمن الفتن و الشدائد كل يوم يمر نشوف أعظم
هل نخرب على أنفسنا و لانحل أمورنا

أنتي لما تطبخين طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسرين

ولاتخليها تتسبك على نار هاديه
حتى لوميته من الجوع ؟
وتطلع زي الورد

العاقله بتفهم كلامي مضبوط
الله يعلم إني ناصحه لكم و متألمـــه للألامكم
موكل زوج ملتزم يخاف الله و يتقيه
ويوم مايلاقي إن زوجته ماتكفيه بيتزوج ثانيـه
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم
 
ماقول الا شي واحد


الله يشل كل وحدة تكلم رجل متزوج او غيرة وتخرب بيت.....يبلاها القادر بمرض بظهرها ماتشفى منه


ان الله سميع مجيب قريب
 
الله يفرج همك ويغنيكم بحلاله عن حرامه

ويسخر لك زوجك ويجعله خاتم في اصبعك

امين
 

لكل زوجة مجروحه...

لكل طاهرة عفيفة مطعونه..

لكل بريئة صابرة مصدومه..

لكل من ابتليت بخيانة زوجها

ولكل من إكتشفت بلاوي بعلها..

سواء كانت خيانه حسيه ..معنويه..إلكترونيه..

بأي نوع وبكل شكل ..
فقد أصبحت الخيانة لها أنواع وألوان ونكهات ومستويات

والفضل يعود للتقنيات التي إنفتحت علينا

واستفاد منها البعض لإشباع شهواتهم وأنفسهم الدنيئه

لكل الزوجات الحزينات المكلومات اللاتي فقدن الثقه

وأصبحت كل واحده تنام وتفز لأنها تخيلت أن زوجها يخونها مره ثانيه..

الأحلام تلاحقها والكوابيس تطاردها والإكتئاب أطبق عليها

حتى كرهت زوجها وأهملت نفسها وقست على أطفالها

فالمذنب واحد والمعاقبون الأبرياء كثر!!

أولهم نفسك المسكينه ثم أطفالك الأبرياء
غاليتي ..أسألك وجاوبيني بصراحه:

لماذا تعاقبين نفسك مع أنك المظلومه؟؟!


ولماذا تحرمين نفسك متع الحياة من أجل كائن ضعيف أخطأ؟

كثير من الأخوات ممن تعاني من آثار الخيانه ..

من حزن وكآبه وخوف وفقد للثقه...

طيب تمعني ما سأكتبه الآن وطبقيه وسوف تتحسن حياااااااتك بإذن الله ومن تجربه:::

سمعت الكثيييييير من قصص الخيانه

سواء كانت جسديه أو حسيه أو معنويه الله يهدي ضال المسلمين

فخلصت من هذه القصص إلى قواعد ثابته المفروض تتمسك فيها كل زوجه..

وليست المغدور بها فقط بل كل زوجه تريد الحفاظ على بيتها

فأبدأ مستعينة بالله وأرجو أن تلقى صدى لأني والله تألمت من هذه القصص

المكرره والسيناريو المعاد والأخطاء نفسها فمتى نتعلم؟؟

بسم الله نبدأ

أولا\ يجب عليك إحتساب الأجر في كل ماتفعلين لزوجك وبيتك كي لاتضيع


أعمالك دون أجر..حتى في اللقمة التي تعدينها لزوجك ..


جددي النية في كل عمل حتى لاتتحول إلى عاده فتخسرين وتتعبين دون فائده

ثانيا\ أصلحي مابينك وبين الله يصلح مابينك وبين العباد


فالله هو الذي يملك قلب زوجك وجميع حواسه

فحافظي على رضى الله وطاعته والتقرب إليه بالنوافل ووكلي أمرك عليه وهو خير وكيل

إرمي همك وغمك عليه وإشكي له ضعفك وجور الخلق فهو العادل الذي لايرضى بالظلم

أوَ تظنين أنه لايدري عنكم..أو يعجز عن كشف همك..أو عقاب زوجك؟؟

إذاً إشكي له فهو أقرب لك من خلقه..وأقدر من عباده..

فلم تشكين لمخلوق عن مخلوق؟؟ وتتركين القادر الخالق؟؟!!

إلزمي سجادتك وحافظي على وِترك وإدعي في آخر الليل

إرمي حمولك على ربك وإدعيه من قلبك وتوكلي


عليه فهو القادر على كشف غمك وفرج كربك فلربما أراد سماع صوتك

ودعي زوجك يراك على هذه الحال فيخجل من نفسه..

هو يخون ويعصي الجبار وأنت من عبادة لذكر لدعاء ..

فيشعر بأنك جوهرة نقيه تستحق الحفاظ عليها


ثالثا\ أكثري من الدعاء لزوجك بأن يحصن الله فرجه ويغض بصره ويفتح



على قلبه ويبعد عنه شياطين الأنس والجن ويسخره ويجمع بينكم على المحبة والرحمة

رابعا\ لاتهجري كتاب الله عزوجل


فهو الونيس والجليس

وهو شارح الصدر ومفرج الهم


وميسر العسير والمقرب من الرحيم


والمضاعف للحسنات


وهو من سينير قبرك


ويظلل عليك إذا دنت الشمس وإشتد الكرب
وهو من سيشفع لأصحابه
ويسوقك لجنة عرضها السموات والأرض
إجعلي لك وردا يوميا تناجين الله وتتقربين إليه..
وهل هناك ماهو أفضل من كلامه سبحانه لتتقربين إليه؟؟!

خامسا\توبي إلى الله من كل الذنوب والمعاصي..
كلنا نخطيء ونحن لسنا بملائكه..وخير الخطائين التوابون

وأحد السلف يقول كنت أرى أثر ذنبي في خلق دابتي وزوجتي
يمكن ظلمت أحد..أو عصيت ربك.. ​

سادسا \ لاتجسسي لاتجسسي لاتجسسي ::
على زوجك مهما كان فالله لاينهى عن شيء إلا لحكمه {ولاتجسسوا}

بالله عليكم فلتخبرني واحدة من اللاتي تجسسن على أزواجهن ماذا إستفادت

غير الهم والغم والحزن والسلبيه والمشاكل التي ليس لها آخر؟؟
إتركي جواله في حاله..وتجاهلي لابتوبه وكمبيوتره..

لاتنقبي ولاتبحثي فلن تجني سوى الهم والألم

وكليه لرب عالم بحاله ويعلم خفاياه وأسراره

(يعلم خائنة الأعين وماتخفي الصدور)

سابعا\ إن كنت ضعيفه وغير قادره على إتخاذ موقف قوي وتخافين يبيعك زوجك

بثمن بخس فلا تواجهينه بخيانته..أنا لا أؤيد المواجهه إطلاقا..
لأن اللي بيصير هو الآتي: بيرتبك الزوج وبعدين بيبرر وطبعا بيكذب وبالآخر بيقلب

الطاوله عليك وبيتهمك بالتجسس والملاحقه ومايحق لك تحاسبيني
وماأدري إيش وبعدين يبدأ بقذف حمم من الإهانات والإتهامات
وأنت ياعيني واقفه ومبلمه وتتسائلين كل هذا فيني ؟!!

وعقب ماكان الموضوع في صفك والورقه الرابحه في يدك..
صار ضدك وقدر يشغلك بنفسك وطيحك في مستنقع كان هو فيه..
وبجهلك طلعتيه!!

وعقب ماكنت راعية حق والتعذر لك

صرت مشغوله كيف ترضينه وتدارين خاطره وتنسّينه!!

يعني زود همك هم وزود ذلّك ذُل وياقلب لاتحزن

ولكل وحده راعية حفلات رومانسيه وخسرت إلى قبَل وبعدين إكتشفت خيانة
زوجها أقولها
عزيزتي قلنا لكم مرارا...........

الرجل لايريد حفلات رومانسيه وشموع ولانجري وهدايا

مايحتاجه أعمق بكثيييير من هذه الشكليات

إنتبهوا أنا لاأقلل منها ولاممن تفعلها ولكن أقول إنها قد تغفل أشياء أهم من هذا ..

تجعل الرجل يعاني من نقصٍ ما يعوضه خارجا..

غاليتي ثقفي نفسك..إقرأي..إطّلعي..إلتحقي بدورات..

إعرفي ماهي إحتياجات زوجك العاطفيه والنفسيه..

إعرفي نمطه وصفاته وعامليه على هذا الأساس

لاتقارنيه بغيره وتقبليه كماهو وتغاضي عن عيوبه ولاتحسسيه برغبتك في تغييره

كثير من الزوجات للأسف تفني مالها ووقتها ووجهدها في تلبية حاجات
ترى من وجهة نظرها أنه يحتاجها

فإذا ماحصلت مشكلة أو إكتشفت خيانة زوجها وواجهته


وقال لم تلبي لي رغباتي وما أريده
قالت بألم وحرقه: ياخائن ياجاحد المعروف,أنا سويت وضحيت وعطيت

مع أن الحاجات التي أتعبت نفسها فيها كانت في الحقيقه

حاجاتها هي وليست حاجات الرجل لأن حاجاته تختلف..

ولكن جهلها دمرها وأفقدها الثقة بنفسها أولا وبزوجها ثانيا..

ماراح أقولك إلبسي وتزيني وبخري البيت ومدري إيش


​
حتى لا تكوني مثل العروس الجميله الجوفاء الفارغه من الداخل..

لكن أقول لك كوني العروس الجميله المثقفه العارفه بحاجات زوجها الحقيقيه.

ْْْْْ همسه أخيره ْْْْْْ

لو أنت مسويه كل هذا ومع ذلك خان لاتفقدين الثقه في نفسك ولافي جمالك

العيب منه وفيه ماهو فيك ..

وحطي في بالك الرجل لمايخون مو معناها إنه مايحبك ويحب بنت الحرام لأ..

لكن شهوه وقتيه لأن الرجل يعيش اللحظه فقط..موزي المرأه ..فانتبهي لهذه النقطه المهمه


ياليت نحرص على حضور دورات تعلمنا وتثقفنا بحاجات أزواجنا وبطريقة تفكيرهم وبأنماطهم مثل

مانحرص على شراء الماركات التي لاتعتبر مهمه كأهمية سعادتنا وإستقرار حياتنا وفهمنا لأزواجنا
وفهمهم وإحترامهم وإخلاصهم لنا كزوجات

يالله يارب ياكريم أسعد كل زوجه بحب زوجها وحنانه وإخلاصه

وكل طالبة للذريه بأبناء بارين بها
وكل بكر بزوج طيب كريم ملتزم

وتقبلوا ودي

منقول للفائده

​
 
كلامك جا على الجرح ياساحرة معك حق في كل كلمه والله اقرا والعبرة فيني لكن مستحيه من زميلاتي يسئلوني عن السبب الوحده كأنها بالعه لقمه فيها عظم لاهي قادرة طلعها واذا بلعتها جرحت حلقها حسبي الله ونعم الوكيل حالي من حال الاخت الي تشكي ما اقول الا الله يصبرها ويفرج همها ونفسي وكل وحده ابتليت بزوج خائن
 
حبيبتي والله ثم والله إني أعرف وحده جدا ذكيه

وكانت تعرف تفتح الأرقام السريه تبع جوالات ولابتوب زوجها ما أعرف كيف

واكتشفت أشياء لا يحمد عقباها مع انه يحبها ويموت فيها ومو مقصر عليها بشيئ

ومن قهرها اتصلت على كل اللي يعرفهم وما نابها غير انها سمعت كلام يجرح مشاعرها منهم ومن زوجها

وزادت الفجوه أكثر بينها وبين زوجها وراحت لبيت أهلها غضبانه بالأشهر

وانفضحت عند أهلها وصاروا يلومها انها ما عرفت تداريه وانقلب ذكاءها لغباء في عدم احتواء الزوج

وجاها واعتذر لها لكنه ما زال على خياناته بل انه زاد وكان أحوط

لأنه الهدايه من الله

تقولي ليش كده صار معاها لأنها استعانت بذكائها ونسيت استعانتها بربها

والآن هي استسلمت وراضيه بوضعها وما صارت تفتش وراه

لأنها ما تبغى تخسره لأنه ما راح تلاقي مثله يدللها ويراعيها وكثير نصحتها تلجأ لربنا

فنصيحه لكِ يا الغاليه روقي بالك ولا تتعبي نفسك بالتفكير فيه وفكري في نجاح بيتك وأولادك هم بحاجه لك أكثر

زوجك باذن الله يحبك وما عنده أي شيئ من اللي في بالك من أوهام وشكوك

أسأل الله أن يصلح حالك مع زوجك يا رب​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل