تقرير اليونان و تركيا

[ام صغننه]

السلام عليكم و رحمة الله و بركاته..
هذي اول مشاركه لي في قسم السفر، اسمحوا لي قلة خبرتي في هذا المجال بس حبيت اشارككم رحلتي و اتمني افيدكم و تستمتعون بالتقرير مثل ما استمتعنا بالسفره..
رحلتنا كانت لمدة 10 ايام تقريبا من تاريخ 16\6 الى تاريخ 26\6 قسمناها 5 ايام في اليونان و 5 ايام في تركيا..
بدت رحلتنا الساعه 5 صباحا متجهين الى مطار الدوحه الدولي..
ركبنا الطياره المتجه الى اثينا وصلنا وجهتنا بعد اربع ساعات تقريبا كنا منهكين و اتجهنا الى الفندق..
سكنا في فندق Classical NJV Athens Plazaفندق راقي و حلو كان الحجز عن طريق موقع booking..

هذي صورة اللوبي

و هذي صورة الغرفه

ريحنا و بدلنا و نزلنا نستكشف المنطقه..

جدام الفندق كان syntagma square ساحه حيويه و شارع مشاه اسمهErmou فيه كل المحلات اللي تخطر على بالكم..
[/url

هذي صورة الساحه

و هذي صورة الشارع


[url=http://www.alhnuf.com/up][URL="

 

[ام صغننه]

ثاني يوم قمنا و لبسنا و نزلنا نتريق عشان نروح الAcropolis
كلمة Acropolis تعني المدينه العاليه
هذي صورة الAcropolis من بعيد



في طريقنا للacropolis توقفنا عند ال roman agora و هي ساحه كانت تستخدم سابقا لتجمعات الجيش و القاء الخطب و بعد ذالك تحولت لساحة سوق


roman


ثم اتجهنا لمسرح Odeon of Herodes Atticus
بناه في ذكرى وفاة زوجته والى الان تقام فيه حفلات







و بعدها اتجهنا للpropylaea و هي بوابة الAcropolis

[URL="

 

[ام صغننه]

و بعد ما دخلنا البوابه توجهنا للparthenon معبد الالهه اثينا temple of goddess Athena


و في الجهه الخرى معبد قديم اخر



و بعدها توحهنا لمتحف الاكروبوليس للاسف عقب ما مشينا في الحرررررررر طلع مسكر!!

و بعد هالرحله المتعبه رحنا نرتاح

 

[أسيرة زوجي]

ماشاء الله شكل الصور روعه والمكان والفندق شكلهم حلو وهادي شخبار الجو عندهم وان شاء الله تتهنين يارب

 

[نفرتاري]

الصورر رووووووووووووعة :icon30:

والأحلى الغرفة...​

في انتظار تكملة باقي التقرير....:blush-anim-cl:​

 

[glamour]

:c011::c011::c011::c011::c011::c011:
بداية رائعة

 

[أمنيـــه]

جمييييييييييييييييييييييييييل ما شااااااااااااااااء الله


ربي يسعدج يا قلبي..

لاخلا ولاعدم

 

[سونيتا]

ماشالله ام صغننه بدايه موفقه وننتظر الباقي

 

[ام صغننه]

مشكوووورين على المرور يا قلبي..
و الله فرحتوووووووووووني

 

[ام صغننه]

عقب ما ريحنا شوين نزلنا الشارع اللي جنبنا نتقهوى و نتمشى
و ناكل دونات يوناني احلى شي عندهم..



و بعدين رحنا نتمشى في plaka منطقة اسواق و مقاهي حلللوه دايما فيها ناس و حركه

 

[ام صغننه]

في اليوم الثالت صراحه صادنا احباط من حرارة جو اليونان و قلة الاماكن السياحيه..
الا اني ما يأست!!
كان باقي كم معلم كنت حاطتهم في اللسته و حابه اشوفهم مع ان ابو الشباب بدا يتملل بس كان يجاريني..
المهم قلت له اليوم نبي نروح معبد zeus قال على هالخشم..
فديت خشمه :cupidarrow:
المهم و نروح بعد في هالشموس يوم وصلنا الا كلهم عمودين!!!
طبعا ابو الشباب بغى يزنطني بس ما قال ولا كلمه لان هو اللي قال لي انتي حطي الجدول شكله تحسف:bigsmile:
هاي صور المعبد





المهم انا انصمطت و ما تحجيت!!
عقب ما صكتنا الشمس رحنا نريح و عقب نزلنا قمت و اقتراح اخر..
قلت له شراك نروح الحديقه اللي جنب الفندق national garden هو بعد فديته ما قال لا و رحنا الا حديقه و ضعنا فيها من كبرها و ما فيها اي نوع من التخطيط!!
ضاق خاطري و قلت يبه خلنا نطلع قبل لا يعصب ابونا!!

هاي صورة الحديقه



و بالليل كان في حفله موسيقيه في الroman agora قعدنا شوي بس كان زحمه و مافي كراسي..



و هذي صوره للاكروبوليس بالليل

 

[ام صغننه]

و في اليوم الرابع قمنا متأخرين و نزلنا تريقنا طرا علي شي!!
غريبه دوله اوروبيه مافيها ملاهي!!
سألنا الاستقبال قالوا فيه بس على بعد 15-20 دقيقه بالسياره
قلنا ان شا الله ساعه بنروح!
و فعلا رحنا و الحمدلله طستاهل المشوار و انبسطنا وااايد..
كان فيه مدينتين للالعاب و حده للكبار و وحده للصغار..

اسم الملاهي Allou fun park



بعد ما لعبنا طلعنا من الملاهي لقينا مجمع سينمات دخلنا فلم get smart (كوميدي) حلللللو
الحمدلله كان هذا اليوم تعويض عن الايام اللي طافت
و طبعا اليوم الخامس قضيته في التسوق

انتظروا الجزء القادم..
تركيا الجمييييييييييله

 

[(A7LA)]

واااااو

حلو كتير .. بس شكلو الجو الحار خرب عليكم ...

أحلى شي انك عوضتي زوجك في يوم الملاهي

بانتظار تركيا

 

[روز ميري]

الصراحة رووووعة يا أم صغننة
بانتظر تركيا ابي اشوفها بغيونك لأني رايحتها مرتين ​

 

[وهـج]

مشكوره على التقرير الحلو .... وشجعتيني اروح اليونان

 

[Cappuccino]

وااااو ام صغننة ماشاء الله تقرير وافي ما تركتي شي ما صورتيه واحلى شي صورة ايديكم هههههههههههههههه

 

[بيالة شاي]

روووووووووعه تقريرك واسلوبك ....مع ان شكلها اليونان ماراح تنحط في لستتي ابد هههههه

ننتظر تركيا وننتظر مهند ونور

 

[نفرتاري]

ماشاء الله عليكم...

الصور الصراحة حلوة........

في انتظار تقرير تركيا.ههههههههههههههههه​

 

[طيري الأخضر]

الحمدلله على سلامتكم

بإنتظار تركيا ولوإن شهادتي فيها مجروحة لأني زايرتها من قبل

وكلمة روعة شوية على جوها (طبعاً المناطق الخارجية وليست اسطنبول)​

 

[حلم الأمومة]

ما شاء الله .. الله يعطيك العافية على التقرير الروووعة ..

بإنتظار التكملة ..