تـــونـــي مـملكه ساعدونـــي بفهم هالرجال تــكفـون ..

[مرااام]

السلام عليكم ورحمه الله وبركاته ""

كيفكم بنات ومدامات بلقيس كلكم ..:icon26:

بنات انا بدخل بمالموضوع دايركت وياليت المشرفات ما يحذفون موضوعي لاي سبب من الاسباب

لاني من جد بحاجه لمشورتكم ...

انا بكــــر اهلي واول وحده تتزوج لهم .. لذلك ماعندي اللي يفهمني ويعلمني عن الرجال وطبايعهم

لكن دايم اسمع من البنات المتملكات ان هالفترة انها اروع فترة وانها وانها.....

وانصددددددمت

لاني ما شفت شي من هالقبيل .....


بنات انا ملكت على رجل مطلق مسبقآ .. ويكبرني بالعمر حوالي ال 8 سنوات ...

لي الان حوالي الشهر متملكه عليه وجدت فيه طبائع غررريبه مرررررة ما يسونها الشباب

في فترة ملكتهم ..

منها انه اول شي ما يكلمني الا بالاسبووع مرررة .. وقالي من اول مكالمه انه موب راعي مكالماات

ويقطعني بالايام ما ادري عنه لا مسجات ولا مكالمات ...:tears:

شاروا علي ناس اني اعزمه يمكن يتعلق فيني .. وقد فتحت موضوع الجيات

سكرررة على طوول واجل الفكررة ؟؟؟ ليـــــــــــــــــــه مااااادرررري:tears::tears:


مررة جبت طاري الصور وخطر لي ارسله صورتي بالملكه يمكن يحـــن لكنه رفضضضض قطعي

قال مابي صور اشوفها دايم ؟؟؟؟:tears:


بنااات وش به الرجااااال وش سالفته,,؟؟؟؟؟؟؟؟؟؟؟ وش اسوي معه كيف اعامله

كيف اخليه يتعلق ؟؟؟؟؟؟؟؟؟؟؟


شي ثاااني يابنات موضوع طلاقه ابددددددددددد ما فتحه معي ؟؟ ودي اعرف تفاصيل اكثرررر لاني

تعبت من هالموضوع وكنت متوقعه يكلمني عنه لكن ابد ما تكلم به

تنصحووني افتحه معه او المح له ؟؟؟؟؟؟؟؟؟ او اتركه و انسى الموضوع مع اني ماتوقع اقدرر



تكــــــــــــــــــــــفون ساعدوووووووووووني مالي الا الله ثم انتم :icon26::icon26:

 

[بحر الحنين]

موضوع الطلاق كان ياعمري من قبل الملكة ابوك يكلمة لنة مهم جدااااااااا وثانيا غريبة انة مايكلم ليكون يبي يقهر الىولى بزواجة منك يعني اقصد انة بسرعة لقى وحدة ثانية وطيحين فيها

 

[بحر الحنين]

ردي اذا انتي فية

 

[مرااام]

ايييه فييييييييييييه

وشلون يقهر الاولى ؟؟؟؟؟؟ لا لا مستحييل لانها بنت عمته تقرب له ومطلقها من فترررة ...

انا عاارفه سبب طلاقه وماوافقت عليه لما علمونا السبب لكن انا وددي هو يكلمني عنه ؟؟

من راسي لراسه .. متى بالضبط تملك متى بالضبط طلق وش كان شعورة تجاهها كيف كانت حياته ؟؟
كذاا تكفين وش اسوي معه احكي معه بالموضوع والا لا ؟؟؟؟؟؟؟

 

[وطـــن]

حبيبتي مرووومه..

فيه رجال كذا طبايعهم بس الذكيه اللي تغيره..

وإختبريه ..إذا دق لاتردي ع طول طنشي شوفي يرجع يدق ولا لا..


وبعدين شافك ولا لا؟؟؟


وغريبه ماعندك قريبات أو صاحبات متزوجات؟؟

أفضل الصاحبات تاخذي راحتك معاهم في الكلام....

ربي يوفقك ياعسل ...

وحكون متابعه لموضوعك..

 

[دلوعة دكتور]

انا من راي لا تفتحي معاه موضوع الاولانيه وافتحي معاه موضوع ليش ما تجيني وليش ما تكلمني ما اوحشك طيب انتا توحشني وكده يعني واذا اتقوة علاقتكم ببعض ممكن مع الايام راح تعرفي الله يكتبلك الي فيه الخير بس اهم شي لا شفتيه تعلق فيك وحبك وما يستغني عنك وكمان بنفس الوقت ما اعطاك معلومات عن ماضيه نصيحه من اخت لا تحاولي تضغطي عليه اهم شي هو مبسوط معاك ومرتاح وانتي كمان واعتبريه ماضي وانتهى

 

[بحر الحنين]

رجعتلك يل غالية مبين زوجك اجل من النوع الي خير الكلام ماقل ودل يعني تراااااا مرةةةةةةةةة متعب لكن بتتاقلمي ان شاء اللة وانا احبذ التصال يكون من الزوج فترة الخطوبة اثقلي شوي وبعد الزواج تكلمي معة اشوف احسن كذا والله يتمملك على خير

 

[مرااام]

وطن "

اشكرررك من اعماااق قلبي على حضورك وررردك لي ...

وشلوووووون اغيرررة " تكفين علميني ؟
حاااولت حاولت ..قلت له يجيني يرفض .. قلت له ارسلك صورة لي يرفض
..طبعا بطريقه حلوة وغير مباشرة
بس مااش مااااااااااااانفع معاااه ..
اول مرة اشوف رجال تقوله زوجته تعال ويرفض

ايه شافني مرتين مرة بالشوفه ومرة بالملكه

 

[مرااام]

دلوعة دكتور "

الله يجزاك الجنه على مرورك ونصيحتـــــــــــــك ..

لكن ووودي ودي اعررف مقدر مقدر مقدر اصبر ابي اعررف ضروري اعرف هذا ماضي شخص ارتبط فيني

هذا زوجي كل اللي حوله يعرفون عنه الا انا ليــــــــــــــه ؟؟

انا ماراح اضغط عليه ؟ انا ابغاها تجي منه هو ويقول لكن كيف الطريقه ..........

شكرآ لك

 

[مرااام]

بحر الحنين ..

شكرآ جزيلا لك على اهتمامك ........ ومرورك الله يجزاك اللي تبغينه ..

لكن انا الان مستغربه من تصرفاته هو وش يعني فيها .؟؟ ليه يسوي كذااا ..

وشلون اتصررف معاه تكفون علموني يا اهل الخبررة .. ماعرف اتعامل مع الرجال ولا عمرري احتكيت بهم

 

[شووكوو]

ليش هو بس ملك وطلق والا تزوجوا
و بعدين خطيبك تبي تكسبيه لاتدقين عليه واذا اتصل لاتردين من اول رنه واذا رديتي حاولي تصرفينه مو بهبال
لا بتغلي شوي قولي له ماقدر اكلمك الحين ياعمري لاني مشغوله وقوليها بدلع طيب يمكن اول مره بياخذ الشي طبيعي بعدين بشوف الفرق ياعني اتغلي عليه كثير واذا جاك مره قولي له وش دعوه لاهديه ولا حاجه ترى انا متعوده على الهدايا << حتى لو مو متعوده كذبه بيضه يمكن تمشي الحال

 

[شووكوو]

واذا انتي موجوده ردي علي
اوك

 

[مرااام]

موجووده ياحبيتي ؟؟

تكفين ياقلبي فهميني اكثررر

ارد عليه واصرفه والا اقفل جوالي باليوم اللي بيدق فيه لاني اعرف اوقاته ..

واذا كلمته وش اقوله كيف اتعامل معه علميني تكففففففففففففففففففففففففين

 

[مرااام]

شوكو

لا لا تزووج له سنه تقريبا او اكثرر ..

ووووووودي اعرف تفاصيل التفاصيل مررة ودي
يكون افضل لو ادري عن ماضيه والا اسكت ؟؟؟
لانه هو مو ناوي يفتح الموضوع نهاائي

 

[رهينة الشوق]

السلام عليكم ورحمة الله وبركاته ...

بداية ابارك لك ملكتك وان شاء الله تكون ملكة السعادة ...


لا يخفى علينا جميعاً ::: ان هذه الفترة هي احلى فترات الزواج ..


وكل وحدة تبي تعيشها بالطول والعرض

من مكالمات ، هدايا ، زيارات ، طلعات ، غراميات ...


.. لكن ليس كل ما يتمناه المرء يدرك...



استغرب كثيراً ... من كلام الاخوات انه اذا دق زوجك طنشيه ..!!!


الحين هو ما يدق الا بالاسبوع مره وبعد يطلبون منك تطنشيه !!! صعبة شوي ...


شوفي غاليتي ... انتي حاولي تتقرب له بكل ما بيدك من طرق ..

مثلا,,,

خذي ايميله واضيفه معك بالمسن خلي تواصلك اقلها الكتروني ..

ايضاً ارسلي له اللي بخاطرك بايميل احتمال كبير يفتحه ويقرأهـ ...

كل يوم ارسلي له مسج صبحي ومسي عليه بمسج رومانسي وفيه صباح الخير الخ .. <<<افتحي النت وانسخي من المسجات الصباحية والمسائية ..

حاولي يكون تواصلك معك بالاشياء اللي مجبر يفتحه لانه انتي تقولين ما يدق عليك ...


حاولي تصير سواليفك معه عن طريق المسجات والله بتقربكم لبعض واكيد هو بيرد عليك ...

ايضاً .. ممكن اذا جاء عندكم بالبيت جهزي له هدية عطر ، بوك ، قلم ،،، الخ وحطيها بطريقة مميزه .. وقدميها ..


غاليتي مرام ...
كون ان فضولك ورغبتك الشديدة بالافصاح عن ماضي زوجك يقلقك .. نصيحة تجاهلي الامر هذا كله ..

واعتبري ان كان شئ لم يكن .. وانتي قبلتي فيه وهو مطلق يعني لازم تتحملين لسعات اثار الطلاق في نفسيته

شطارتك انك تتقربي له وتعالجيه اذا كان باقي جروح في نفسه ...


واخيراً ... اقبلي من هذي النصيحة الذهبية ..


كوني لله اقرب .. قومي اخر الليل وصلي ركتتين واطلب الله فيه وانتي ساجدة ان يقذف في قلب زوجك حباً لك لا ينقطع واهتمام بك لا ينقطع ... ادعي ربك يقربه لك ويزيده حب وشوق ولهفه وعشق وحنان واهتمام ..


وصدقني ربي سبحانه وتعالى لن يردك خائبة بس انتي اخلصي النية لله ...


ولا تتعبين نفسك بالتفكير حاولي تنبسطين بهذي الفترة وربي يفرجها لك ويهبك السعادة الدنيويه والاخروية ..


واسفه على اطالتي ....

 

[مرااام]

حبيبتي
رهينه الشوق "

اشكرررررررررررررررررررررك من اعماق اعماق قلبي على ردك لي ووجودك في متصفحي ..

صدقيني ان عيني اغرقت بالدموع حين قرات ردك ...

اعااني كثيرآآآ من موضوع زواجي هذا لخووووووووفي منه كرجل له تجربه سابقه
هذا الامر وحده كان مقلقني .. فما بالك بانه يعاملني بهذة الطريقه ؟؟؟؟؟؟؟؟
استغرب منه تصرفاته ؟؟؟ كنت اتوقع شئ مغايررررررررررررر تماما وصدمت بالواقع
ولكن ما اتمناه ان يكوون خيرآ لي ويسعدني ربي .. وان يكون اختياري صائب

>> غرقت بالدمووع

 

[مرااام]

^^^

حبيتي رهينه الشوق بالنسبه للايميل زوجي رجل عملي ولا له باهالامور نهاائي ..

وحاولت معاه بالمسجات ارسله سؤال وكذا عشان اجبرة يرد علي يطووووووووووووووووول مررة مايرد

لدرجه يقعد 4 او 6 ساعات بعدها يرد يعني يكرهني بالمسجات ويندمني اني اساسا ارسلت

لاني من جد مرة اتضايق من حركه انه ما يرسل بعد تراه ما يرد الا بطلعه الروح

ودائمآ يتعذر انه مشغول وانه عنده التزامات طبعا ابدددد مو عذر انه يرسل مسج ما راح يرده ع شغله

هو فيه شي او انا ماعرفت اتعامل معاة ؟؟؟

ياناس دلووني ؟؟؟؟؟؟؟؟؟؟؟؟؟؟؟ >> دموع

 

[رهينة الشوق]

غاليتي مرام ...​

الله لا يجيب الدموع لك قولي آ مين .. :blush-anim-cl:

والحياة كذا ما تجي على الكيف ..

يمكن انتي مصدومه وخايفة من ان يكون اختيارك خطأ ..

لكن تفائل خير ...

يقول الحق سبحانه وتعالى في حديثه القدسي: "أنا عند ظن عبدي بي إن ظن خيرًا فله وإن ظن شرًا فله"..



لذلك يا قلبي ما قدامك الا الدعاء

استغلي شهر رمضان المبارك بكثرة الدعاء في اوقات الاجابة ...

بكل سجدة اطلبي ربي يقربكم من بعض ...
وقت الافطار هناك دعوة لا ترد ..


يعني ساعدي نفسك بنفسك لا تنظره يتقدم هو ...


بعدين يا اختي الغالية ...

الرجل المطلق ... بالبداية يمر بحالات واضطرابات نفسيه كثيرة لان المرأة غير المرأة ... اكيد يقارن ويحلل ويمكن يغلط بعد باسمك .. وهو ما يدري .. لا تلومينه يا مرام هذي عشرة بينه وبينها اكيد بحاول يتهرب منك .. قد ما يقدر ..

لا تقولين ليه اجل تقدم لخطبتي او ليه طلقها :: كل هذا قدر ونصيب ...

اهم شي .. يا اختي ...

اكسبي نفسك اول لا تصير هذي الخطبة والملكه نقمة عليك ،، لا تخلين نعمة الله عليك تخربها الشيطان بالوساوس

والشيطان نجح انه يدخل لك من مدخل قصة تفاصيل زواجه السابق .:busted_red:.
يعني بربك وش تبين تعرفين من تفاصيل زواجه السابق .. ترى بتنقهرين لانك بتعيشين حالة مقارنه .. بينك وبينها هو سوا لها كذا وما سوا لي كذا ، هو يحبها وانا ما يحبيني .. هو .. هي .. انا .. :tears:الخ

وهذا الشيطان اللي يبه ... انه يهدم حياتك معه قبل لا تبدأ ...




غاليتي ... مرام ...:icon26:


عجلي بأمر الزواج .. وصدقيني بكره لما تصيرين معه في بيت واحد اجباري راح تعرفين عنه كل شي وراح تعرفين مفاتيحه نفسيته وقلبه ...:bigsmile:

لا تتعجلي الامور .. ولا تعيشين في دائرة زواجه السابق ... ولا تحصرين نفسك باتصال منه ..

انتي بادري .. بالاتصال رغم اني اشوفها شوي صعبة لكن لو شايفه انك بترتاحي نفسيا ً لما تسمعين صوته دقي ..

دقي ما فيها مشكله حتى لو تدقين وانتي تبكين .. هو اقرب انسان لك الآن .. واكثر انسان راح يفهمك وقدر مشاعرك ...

وصدقني انتي الآن ترينها من زاوية انه انسان عملي وما عنده وقت .. قدري انشغاله .. وحاولي انك تكوني عون له ..


<<<<<<< تحمست واجد ..:flex:


في حالة انك تقدرين تتواصلين مع اخته ، خالته ، امه ،،، ممكن تعرفين عنه اشياء تفيدك في حياتك معه ..


وكرري المثل : واثق الخطى يمشي ملكَ ... فكوني واثقة لتكوني ملكة في قلبه ...



تحيه لقلبك النابض :icon26:

 

[مرااام]

^^

لا اعلم رد لما سطترة اناملك سواء جعل الله لك من ضيق مخرجــــــــــــــــــا ورزقك من حيث لا تعلمين ...

كلماتــــــــــــــك لامست احساسي وهيجت ما بداخلي كانه بركان فانفجرر ........

لاني اواجه ضغوطات الزواج والتجهيز والترتيبات وهمــــــــــــــه هووو ...

كتب لك بكل حرف جزاء الخيــــــــر بقدرر السماء .......

محبتــــــــــــــــــي وتقديري لروحـــــــــــــــــــك ...............................""

 

[- The Best -]

اهلين حبيبتي .:icon26:
اول شي الف مبروك على الملكه وربي يسعدك ويوفقك ويتمم لك كل شي على خير .:icon26:

ويسخر قلب زوجك لك < لاتنسين هالدعاء بكل صلاه ادعي ( يارب سخر قلب زوجي لي ) :icon26:
ثاني شي لاتشيلين هم حبيبتي في رجال يعتبرون فترة الملكه فترة اختبار وتحقيق مع البنت يعطونها من الكلام المعسول :santa_1:
والحركات وهي اذا استجابت ينبسطون ساعتها بس بعدين بعد الزواج بفترة وبعد ماتروح الطخه اللي بروسهم يجيك يقول
ماتوقعتك كذا تجين بسهوله او باي طريقه يقولها :tears: .. واذا بايام الملكه مااستجبتي بسهوله ومثلا دق عليك ومارديتي على طول في كل مره
او طلب منك شي وتغليتي شوي ورفضتي يعصب وقتها بس بعدين يقول كبرتي بعيني لما رفضتي هالشي كن يعجبني ثقلك
الرجال عادة يحبون المرأه الثقيله مو السهله بس بعد الزواج يختلف الحال يحبون الزوجه اللي تركض ورى سعادتهم
وانتي ربي اعطاك رجال ثقيل او غاامض او ماادري وش يكون بس مايحب المكالمات ولا الجيات وهالاشياء :santa_1:
يمكن بحكم سنه ؟ او يمكن من طبعه مايحب المكالمات لانه ماتعود عليها ويعتبرها حركات مراهقين .. بس انتي غيري تفكيره وخليه يتشوق لمكالماتك
لاتخلين كلامك كله معسول .. خليك غامضه عشان يتشوق يعرفك .. خليك ثقيله ولاتركضين ورااه خليه هو يركض وراك :schmoll:
اذا دق لاتردين من اول دقه خليه يدق وبثالث دقه ردي
في مكالمتك سولفي عن اي شي يهتم فيه سولفي عن اشياء يحبها حاولي تعرفينه بدون مايعرفك
يعني لاتجلسين تقولين انا اليوم رحت كذا وسيت كذا انا طبعي مااحب اسوي كذا انا وانا وانا .. اهتمي فيه
مثلا اساليه عن اي شي يهتم فيه وخليه يشرحه لك حتى لو كنتي تعرفينه سوي كنك ماتعرفين وهو يشرح لك
ونصييييييييحه لاتبدئين انتي باي شي يعني لاتبدئين انتي بالغزل ولا تقولين له ابي اشوفك نصيييييحه :thumbdown:
لاحقه على هالشي بعد الزواج لاحقه تشبعينه كلام معسول وتطلبين منه اللي تبينه
خليه هو اللي يطلب وانتي تتغلين لاتقولين ماطلب مني شي للحين وابيه يحن شوي ويحس فيني
توك باول شهر ولو خليه ولاتطلبين منه شي خصوصا الجيه
وحتى الصور ليييه ترسلين له ؟؟ انتي تظمنين 100% انه راح يكون زوجك ؟؟
مافي شي ينضمن .. كل شي بيد ربك
في بعض الرجال يقول زي ماارسلتي لي صورتك باول شهر من الملكه يمكن ارسلتيها لغيري !!

انا ماابي اخوفك من الرجال :tears:.. صدقيني الرجال تقدرين تملكينه اذا فهمتيه :blush-anim-cl: وانا احاول اوعيك شوي
صح انه بحكم زوجك بس ولو بفترة الملكه تكون في حدووود كثيرة بين الزوجين
لاتبدئين انتي ..! نصيحه اقدمها لك
واذا ودك بجيته .. مثلا لو مره كلمك وتكلمتو عن اثاث البيت قولي متى راج تجيب الكتلوجات عشان نختار مع بعض
اطبي منه بطريقه مخفيه زي هالشي بكذا انتي ماطلبتي منه الجيه بس ذكرتيه باانه يشوفك ويجيك :cupidarrow:
وعن سبب طلاقه لزوجته لاتسالينه مبااشره بهالفتره اتركيها بعدين
دامك انتي عارفه السبب خلاص خليه هو الين يجيك من نفسه ويقولك
لاتصيرين من اول ايام يعرفك يااخذ عنك صورة المحقق اللي يبي يعرف كل شي عنه
واذا بغيتي تسألينه لاتسألينه بمكالمه اسالينه وجه لوجه خليه يشوف الحنان والحب بعيونك:blush-anim-cl:
ولاتسأليني بصورة مباشره احيانا الرجال مايحبون احد يدخل في خصوصياتهم خصوصا انكم توكم بااول معرفتكم ببعض
ولاتروحين تقولين له انت ليش طلقت زوجتك ؟ في رجال يكره الاسئله المباشره ويعتبرها نوع من انواع التحقيق
اذا جاك مثلا قولي عسى ربي يقدرني واسعدك واكون تعويض خير لحياتك وشوي شوي اسالي بطريقتك وبااسلوبك وبشكل غير مباشر
عن سبب طلاقه وعن حياته بطريقتك وبااسلوبك وبدون ماتحسسينه انه جالس بتحقيق انتي تسالين وهو يجاوب :santa_1:
لاتستعجلين على الهم ولاتشغلين بالك .. اذا كانت فترة ملكتك طويله افهميه شوي شوي حبه حبه
وعلى قولتهم حبه حبه تجي المحبه.. :cupidarrow:
واذا كانت قصيره استغلي وقت التأثيث للبيت والتجهيز للزواج في التقرب منه وفهمه اكثر
عسى ربي يووفقك ويسخر قلبه لك:icon26:
كل كلامي هذا مااطلب منك انك تتبعينه ولازم تسوينه بس انتي طلبتي مشورتنا وانا مااحبيت ابخل عليك بمشورتي :blush-anim-cl:
بالنهايه راح ادعي ان ربي يسعدك ويرح قلبك ..:icon26:
ولاتنسين الدعاء هو مفتااح السعاده
ربي يريحك ويسعدك
لاتنسينا من دعائك .:icon26:

آسفه على الاطآله :blush-anim-cl:​