تعمل عرس ولا ماتعمل؟؟

[khawla_sa]

فى مطلقات وعندهم عيال يعملون حفلة زفاف؟؟؟؟وهل عيب هالشى؟؟؟وشو المسموح واللى مش مسموح فى حفلة الزفاف؟؟؟

 

[love4life]

لي عوده

 

[love4life]

أولا يا أختي المطلقة انسانه ومن حقها تفرح انها لقت اللي بيستر عليها ويسعدها ومن حقها تعمل عرس مرة وثنتين ومليوووووون مع زوجها في كل ذكرى زواج .. وما علينا من المتخلفات اللي غيرانات وما يهمهم الا الحش في الناس والتعليقات البايخه ..


بالعكس المطلقة لاجت تتزوج مرة ثانية لااازم اتكون جداً جداً فرحانه وتحتفل بكل ما تقدر اتسويه

أنا بكلمج يا اختي كأنك انتي اللي نتكلم عنها

أنا من الامارات .. ورحت حفلة زواج وحدة من عايلة كبيرة ومرموقة كانت مطلقة .. والله العظيم ان الحفل كان روووووووووووووووعه .. والأروع ان محد قدر يقول شي لأن أنا نفسي كنت فاكرة نفسي حاضرة خطوبة ..

هم حطوا خيمة (أو تحجز قاعه أفراح) أنا قلت قاعة لأن الخيمة كانت خيال .. حلم .. روعه ومصروف عليها ..

والمعازيم ما تعدوا الـ 250 أو 300 .. والعروس كانت لابسة فستان رووووعه بس مو أبيض وما كانت محطية طرحه (هالشي ما عجبني وايد لأن العروس تتميز عن البقية بطرحتها .. بس في أفكار حلوة للطرحات تختلف عن الطرحات التقليدية .. مثل القصير) بس فستانها كان رووووعه ما شاء الله .. وكانت تتنقل بين الطاولات وترحب بين الناس كأنها في حفلة وهي صاحبتها (وهذا كان الواقع) .. وكانوا البنات يرقصون ويفرحون (حتى العروس شوي رقصت بس على الخفيف) وكان في مصورة والتقطت لها صور للألبوم وماكان في كوشة .. (انتي تقدرين تخلين في كوشة علشان المعرس لا دخل) .. بس هذي العروس اللي رحنا عرسها ما دخلت زوجها ..

وفي عروس ثانية سوت عرس مثل أي عرس وفرحت نفسها بس ما صرفت وايد


برجع لج بصور وأفكار ان شاء الله

 

[khawla_sa]

مشكوره عالافكار الحلوه..وانشالله العرايس المطلقات يستفيدون من الموضوع...ورجاء اضافة المزيد من الافكار للعرايس فى زواجهن الثانى...مع التثبيت حتى تعم الفائده...خصوصا انه فى كثير من المطلقات الاتى يتزوجن للمره الثانيه والثالثه ويستحن انهن يحتفلن بهذا الشئ خوفا من تعليقات الناس التى لا ترحم....فتضيع على نفسها الاحتفاظ بذكرى عن هذا الزواج....فاذا سألها أطفالها عن ألبوم الزواج لا تعرف بماذا ترد عليهم

 

[SOSODREAMS]

المطلقه انسسسسسسسسسسسسسسسسسسانه قبل كل شيئ.........من ابسط حقوقها انها تفرح......وادا على الناس
صدقيني مايعجبهم العجب............ما سمعتي بالمثل....( ارضى الناس غاية لا تدرك )