تعلمت الدرس

[اهات الليالى099]

بعد ما كنت مأمنتنه على مالى واساعده فى مصروف البيت تحسنت ظروفه الحمد لله قلت خلاص عطنى بطاقتى حتى اتهنى براتبى زعل وما عاد يكلمنى ورماها فى وجهى وما عطانى ولا ريال من عنده قال ما لج عندى شى حقرته اسبوع ما يكلمنى اروح الصالون وا
تعدل واسير الاعراس وما اسويله سالفه يعنى تعلمت اهتم بنفسى واحبها قلت بس تضحيات وهو عادى عنده دلونى شواسوى

 

[البلقيسيه]

خليك على كذا طبيعي اول شى يزعل وبعدين يتاقلم اهم شى نفسك دلعيها الفلوس رايحه رايحه استفيدي انتى منها وربنا يوفقكى

 

[مؤاسم الدهر]

عزيزتي حبي نفسكي وهتمي بزوجكي افضل

 

[الجذابه]

ليه هو مايشتغل ماعنده راتب؟؟؟؟

مايحق له ياخذ من عندك الابرضاك ..

ماعليك منه تقربي له واضحكي معاه واذا لمح لك طنشي وسولفي عادي ولاتهتمين ..ولكن هل هو يصارخ عليك يعتدي عليك بشي؟؟ اطلبيه يرجع كل اللي صرفتيه عليه طبعا هو بيخاف ويمكن يثور.. بس انا اقولك اذا هدد واذا آذاك بشي..

واذا كان لأ .. اقول الله يهديه ويعرف قدرك ويهتم فيك ويحبك انتي ماقصرتي والله يسخره لك ..

بس اقولك لاتعطينه ابد واطلبي منه بعد انه يصرف عالبيت من اكل وشرب ولبس ولاعليك فيه عشان يعرف ان النفقه واجبه عليه وان مساعدتك له ماهي الا جميله منك ..يعني يحمد ربه واذا قال شي كلميه بهدووووء وعلميه وش حقوقك ووش حقوقه .. وامدحي فيه وانه رجال ماتهمه و..و... يمكن يراجع نفسه.. ويحس انه غلطان..

وقبل هذا كله انتي ادرى بزوجك وطبيعته يعني لاتعاملينه اي معامله قبل ماتفهمينه وتفهمين وش يصلح له..

والله يوفقك..

 

[البحر غدار]

خليكى مثل ماانت وان ماعجبه احسن ابسطى حالك ودلعيها وروحى اعراس ومناسبات واكشخى واتدلعى العمر ايام خلينا نفرح

 

[حمره ورديه]

استغفر الله العظيم واتوب اليه




لاحول ولاقوة الا بالله............الله يعينج علي هالفتره بتكون صعبه

شي طبيعي بيزعل الحبيب متعود علي الدلع وكل شي بيده .............. لازم يعاقبج بالزعل يمكن تضعفين

بس انتي صح وستمري لاتضعفين ............. كلنا كنا جذي ومن دخلنا منتدانا الغالي تغيرنا للافضل

عطيه كل حقوقه لاتقصرين عليه بشي ولاتعطينه فرصه يمسك عليج زله


وموفقه قلبي

 

[ѕωєєт ℓσνє]

انا وايد ملاحظه ان في وايد بنات يعطون بطاقة البنك لازواجهم او يصرفون على البيت !!! ... تراها اكبر غلطه .. مو مشكله تساعدينه اذا ظروفه صعبه ( تساعدينه )>> ركزوا عليها .. تساعدينه في الاشياء الاساسيه مو تعطينه كل فلوسج واذا طلبتي حقج يزعل ... خليه يزعل وانتي صح ولا عليج منه ولاتضعفين ... خلاص قولي له فتره ساعدتك فيها لان الظروف كانت صعبه ... وهذا راتبج وانتي الي تتعبين عشان هالراتب ويجي هو ياخذها عالجاهز ... قولي له الرجال قوامون على النساء مو العكس ... واذا قال مالج حق عندي قولي له الفلوس الي خذتهم قبل حلال عليك مابيهم.. و الحين مصاريف البيت الاساسيه ومصروف العيال عليك وراتبج اتهني فيه واصرفي على نفسج .. مرده يرضى والحق مايزعل ...
الله يهديكم ويصلح اموركم

 

[طير مهاجر]

الله يعينك

بس ترى كل وحدة تعرف حقها وبتبطل هبلة زوجها بزعل

بس لا تضعفي

وعاشريه بالمعروف ولا تتمنني عليه الي سويتيه

 

[اهات الليالى099]

مشكورين على الردود والتشجيع ان شاء الله ما بضعف بس الحين مر اسبوع على زعله ما يتكلم وانا ما اكلمه بعدبس مصدومه من ردة فعله معقوله هذا قدرى عنده انا مو من طبيعتى الحقران احب احط النقط على الحروف احب احل المشاكل بسرعه قبل مل تتفاقم او تكبر اخاف تنعكس على الاولاد باين عليه انه ما يهمه شى ابد مع انى اكل معاه وانام بنفس السرير غريبه ما يحن وما يتوله مع انى البس واكشخ حتى وانا نايمه فهمونى شومعنى الشى هذا وين الحب وين العشره كيف بجد احل هذى المشكله

 

[طير مهاجر]

اذا كان حبه مقترن بفلوسك فخليه زعلان

 

[ميمي 123]

والله اني خايفه اطيح بنفس مشكلتك .. الله يعين

 

[ريناد 2008]

حبيبتي خليج مثل ماانتي الفلوس فلوسك ومن تعبك خليه يزعل ومع الايام بيرضى انت صح

 

[سنووايت ظفار]

خليه هو راح يستحي من حاله وراح يرجع ولما يفتح معاش الموضوع قوليله ليش انت ماتحبني الا لما اعطيك فلوس

 

[مشاعر مؤلمة]

اختي انت تصرفك صح لاتصيرين مثلي أنا صرافتي معي واصرف على البيت أحياناً غصب عني ومع ذلك ماهو عاجبه ومطنشني ............ استغفر الله العظيم

 

[أم عمـــــوري]

ماشاء الله
استمري حبيبتي
آخرتها بيرضى روحه
هذي وصية من وصايا الأستاذة ناعمة
والله المفروض نسويها حملة وتوعية للاهتمام بالنفس
احسن ماتتفاجئين بيوم انه وفر فلوسج عشان يدلع غيرك
واذا شفت شي طلع منطيب نفس عطيه بس برضاااك والأفضل
مايكون فلوس الأفضل تكون هدايا يمكن مايتقبل الهدايا ويزعلها
ومايطيع ياخذها في البداية بس آخرتها بيرضى

 

[maha1384]

كلام الاخوات صحيح

إذا رضاه بفلوس لا يرضى
بس لا تتركين واجباتك عند رب العالمين
وخليه يزعل براحته
أهم شي لا يسألك رب العالمين عن حقوقه المشروعة
وصدقيني بيعرف قيمتك إذا كنتي صامده
بس إذا ضعفتي راح يستمر على نفس الطريقة ويضغط عليك دايما لا جزاء ولا شكورا

لا تتركين الدعاء

وفقك الله

 

[شعلة نشاط]

اختي لاتخافين هو يحاول يضغط عليك ...

علشان يرجعين زي اول تعطينه البطاقه ...

علشان كذا حاولي انك تستمرين في البس واهتمامك

في نفسك بس اتركي الزعل مو من صالحك بلعكس ...

حاولي تنسينه البطاقه بسعة صدرك علشان يعرف ان الفلوس

ماغيرتك وانك على حبك له واكثر ..

بس اذا جاب طاري الفلوس والبطاقه خلي نفسيتك تتغير180 درجه ...

وقولي له بدلع انك زوجي وانك انت المسؤل عني وانك تبغين تعطينها احد

يشغلها لك يعني حاولي تيأسينه منها ....

واذا طول السالفه او وصلت لدرجة الهواش والزعل اطلعي وخليه وازعلي

فتره ثم ارجعي علشان نعطيه كل مره محاوله لتأقلم مع الوضع ....

لازم تتحملين هذي الفتره ماندري هي تطول ولا تقصر ...

اللع يعينك ويسخرلك ملائكة السماء وجنود الارض ...

 

[البحر غدار]

يابنات ارجوكم شيلوا صور النساء والبنات العاريات من جنب اسماؤكم وحطوا اى صور اخرى وشكرا للتجاوب

 

[امالحلوين]

خوفتينى لان انا مثلك كل شهر يأخذ بطاقتى ويردها بعد ما يأخذ الفلوس ويبقى لى المصروف <حرام مطلعلى فيزا على حسابه> لان امنياته نسكن سكن ملك والحمد لله سكنا لكن لسه علينا ديون ماادرى حيستمر على كده ؟ الله يستر لكن هو قال لى فقط هذه الفتره................

 

[عذابي عزتي]

عادي سولفي معه وخليك طبيعيه لانه الزعل يقسي القلوب بس مع حفظ حقوقك لانه كل مافرطتي في شي من حقوقك خسرتي نفسك قبل كل شي