تعـــــــــــــــــــــــــــــــــــــــالوا شوفوا وش صار لي ......... يارب يارب

[عيون حورية]

يااااااااااااا احلى بلقيسيااااااااااات
شوفوا قدرت ربي معي سبحاااااااااااااان الله العظيم
الكل عارف اجهاااااااااضي الي جاء مرتين وراء بعض يعني بين الحمل والاول والثاني فتره تقااااااااااارب اربع اشهر مماجعل مني انساااااانه تعبانه نفسيا وجسديا
ويعلم ربي مدري وشلون طلعت من تلك الازمه ولاشك هذا من السكينه التي انزلها ربي على قلبي وانه ثبتني .....
ولاكن كاااااااانت الطااامه بعد نفااااااااااسي جاتني الم فضيعه في ارحامي ومانزلت الدوره غير افرازات متجمده قليله مما دعاني الذهاب لدكتوره وبعد اشاعات وتحاااااااااليل واشاعات اكتشفت شي لم اتوقعه ولم تتوقعه هي فانا حملت مرتين دون اي مشاكل اللهم لك الحمد
طلعت النتاااااائج ان عندي الانابيب متسدده جدا جدا والمبايض سبحان الله الاباضه عندها صفر ......
ياربي نزلت على راسي صااااااعقه حسيت بياس الله يعلم به صرت افكر اقول فقدت اثنين وقلبي تقطع عليهم وانا اقد ان شاء الله احمل واعوض عنهم وهذا عزاي فماااااااابالك اني ماراح اقدر اعوض بحمل ثاني ...
جلست ابكي وابكي وابكي بحرقه واقول لدكتوره تاكدي قالت والله انا ماقدر اخبي عليك بس هذا الي واضح لي ...
وان الانسداد عندك من الدرجه الاولى سبحان الله تقول انتي اول حاله تمرني ان تسدد الانابيب بها السرعه بعد الولاده مباشره يعني الانسداد االي نعرفه احنا الاطباء يكون ان الوحده من صغره عندها سدد وبعد الزواج يكتشفونه ...
طلعت وكانت الدنيا مسوده في عيني ياااااااااااربي صبرني يارب صبرني ......اللهم ثبتي والله كنت ابكي واجهش من البكاء واتذكر اطفااااااااالي وقلت والله لو معي لو ان وحد منه بس تم حمله ماجزعت لها الدرجه بكيت وبكيت عجزت اطلع لزوجي وهو في الانتظار والله كانوا الحريم يناظروني ومستغربين من بكااااااءي
كنت ماسكه قلبي من قوة الصدمه مره اكذب الي صار ومره اصدق
كل ماذكرت انها تقول( ما ابي اعطيك امل ب اقل وحده اعالجها مثل حالتك كانت 12 سنه ماحملت) يااااااااااااا الله والله من شدة نوبة البكاء الي جتني اجلس واقوم من غير فكري كنت مدري وش اسوي ...
وقامت وحده من الحريم ومسكتني وقالت اذكري الله ياختي ومايصير تجزعين كذا روحي غسلي وجهك واستهدي با الله وصارت تسال وش الي صاير معي بس كنت اول مره اكون ضعيفه كذا وربي اول مره

بس فعلا حسيت خلاص ماعاد اتحمل صدمات اكثر في حياتي ....ياربي اني لااسالك رد القضاء ولاكن اسالك الطف بي...
طلعت لزوجي بعد ماهدءة نفسي وغسلت وجهي وقلت له يا الله
قال خلصتي ..لم ارد عليه لان لو تكلمت برجع ابكي كانت الدمعه خانقتني بقوه مشيت وتركته وجاء وراي هو دراء ان في الامر شي.....
اول ما ركبت السياره رجع سالني هنا عاااااااااااااد خلاص
رجعت ابكي اكثر من الاول مما خلاه يوقف السياره على جنب في الطريق ويهدي فيني هو كان خايف من مرض خبيث لاقدر الله


واول مانطقه به قلت انا عقيم صرت عقيم هذي الكلمه الي طااااااااااالما اسمعها اليوم تنقال لي هذا الكلمه التي طالما قتلت غير اليوم تقتلني ااااااااااه وبكيت وبكيت ..
فقال لاتياسي من رحمت ربك وين الي كانت تقول احمد ربك حتى لو في مصابك وين الي تذكرني دايم ان الايمان الحقيقي عند وقوع المصيبه وشكر الله وقتها
هنا هدت نفسي قليل ويمكن مو هدت ولاكن تعبت من البكاء


رجعت لبيتي ابي انام مو قااااااااادره احس اني في مصيبه مافي غيري فيهاااا جلست افكر وش بيقلون الناااااااااس وش بيقلون حملوتي وما ادراك ما حمولتي وجلست افكر لو لم اخلف ابد ابد حتى لو بعد سنين وش مصيري مع زوجي وهل زوجي بيصبر علي ومن ها الواجس الي يجيبها الشيطاااااااااان غصب عني


مرت الايام وانا حابسه نفسي في بيتي حتى اهلى اروح يوم في الاسبوع اسلم على امي وارجع ماعاد لي خلق على اي شي لا اكل لاالبس ولا اي شي.......

وجاء يوم قلت لزوجي ابي اروح اعتمر لعل تهداء نفسي ورحت وجلست هناك اسبوووووووووع وكانت تجنن مكه خفيفه وروعه

وبعد مارجعت قررت مايلي
جبت دفتر وسطرته خمس خانات..لرقيه..لسورة البقره..لدهن بزيت مقري فيه..للبردقوش ..وتسبح بسدر مقري فيه

اربيعين سطر بحيث اذا ذهبت رقيت نفسي احط في خانت الرقيه (صح) لجل مانسي شي من ها الاشياء بحيث اسويها يوميا

وبعدها ذهبت لدكتوره لجل اشوف وش المفروض اسوي قلت شوفي بعطيك الحين مقويات وغيرها وانت تشاوري انتي وزوجك واسوي لك عملية تفجير وبما ان انسداد الانابيب عندك من الدرجه الاولى راح اخليها كذا جلسه لك بس اهم شي توكلي على ربك واذا كنت متفائله ان شاء الله بتششافين بقل من سنه وكان كلامها مريحني شوي ...
ورحت لدكتوره ثانيه قبل ما اعمل اي شي وفعلا اكدت لانسداد وضعف المبايض الشديد
فتوكلت على الله وبداءة برنامج العلاج وحددت عمليت التفجير الاولى في 30\1 وانا تونا في22\12 جلست طول ها الفتره اقراء البقره وارقي نفسي واتسبح وادهن با الزيت واشرب بردقوش لين جاء موعد العمليه وقبلها بيومين كان عندي موعد اشاعه لجل تشوف مفعول الحبوب معي رحت لموعدي يابنات وربي يشهد كني بروح لمعركه صليت استخاره وبكيت فيها وناجيت واحد احد فرد صمد...
دخلت وانا ارتجف وقلبي من الخوف يرجف رجف لان كل من سالت عن التفجير قالوا يووووووووووووووجع
انسدحت عند الطبيبه وقالت هاه وش اخبار الحين قلت بخير وانا والله الهم راكبني من اولي لاخري
حطت الجل على بطني ثم بداء تشوف با الاشاعه وتحوس في بطني وتحوووووووووووووس
قالت انتي استعملتي شي غير الحبوب قلت لا قالت اكيد كا استخدمتي طب شعبي ولا غيره هنا وقف قلبي من الخوف قلت شكلي لعبت بنفسي خفت من البردقوش زود عندالانسداد يا الله حست هي ان لوني انخطف واني خفت من سووووووالها ورجعت تشوف با الاشاعه ثم قالت دقيقه ونادت الطبيبه الي با الغرفه الثانيه ورتها الاشاعه السابقه ثم جت الثانيه وقعدت تفغص ببطني وتشوف با الاشاعه وقاااااااااااااااالت سبحان الله اختي ربي يحبك الانسداد الي عندك ررررررررررررررراح ولو انك ماسويتي الاشاعه السابقه في مركزنا كان قلت لك كذابه الاشاعه السابقه مو لك سبحان الله ...
عاد انا على طوووووووول ابكي وابكي واقوم واحب الدكتوره ولا استحيت منهم على طول سجدة لربي سجدة شكر وانا اجهش با البكاء وارردد يامنتا كريم ياااااااااااااااااربي اللهم لك الحمد كما ينبغي لجلال وجهك وعظيم سلطاااااااانك
خلصت صلاتي وجلست معها وخبرتها بكل لي استعملته وقلت والله ياختي لواني ما اني مشرفه على حالتك كان مصدقت لو قالي احد

طلعت من عندها ولساااااني يردد اللهم لك الحمد
يا الله مر شهر على الله لايعيده كنت بس ابكي وهواجيس توديني وهوجيس تجيبني عاد ابليس متفنن في تعذيب بني ادام

الحمد لله رجعت لي الحياة صحيح من دون بيبي بس على امل من رب العالمين التي رحمته وسعت كل شي
فعلا وكلت امري لربي وكنت اردد حسبي الله عليه توكلت وهو رب العرش العظيم
قكنت في كل سجده اقول ربي فوضت امري اليك وتوكلت عليك وجعلت مصيري بين يديك
فكانا عزاء هو..........

مريم عليها السلام تحمل من غير أن يمسها بشر ...
و زكريا يرزق بالولد بعد أن بلغ هو و زوجته الكبر ...
و الأغرب من ذلك ...
أن الله تبارك و تعالى يقول بعد ذلك : ( هو علي هين ) ...
هان هذا الأمر على الله ...
و سهل عليه المحال ...
و خضع له المستحيل ...
فكيف لا يهون أمري عليه ... ​

​

إنها قدرت الله التي فاقت كل شيء ...
و سأصبر ...
و أحتسب ...
و سأرفع كفي إلى الله ...
أطلبه بيقين ...
و اسأله بثقة ...
فعطاء الله أكبر من دعائي ...
فسابشرهم في يوم بقدوم طفلي
نعم سابشرهم برحمة ربي
سابشرهم بعظيم قدرته​

​

هذه العبارات أكتبها لا لشك في نفسي ...
لكنها كلمات لجَّت في داخلي ...
تأبى إلا أن تخرج ...

فانا مررت بشهر كاد الياس يخيم على
ولاكن ثقتي بربي العالمين
ثبتتني وانا اليوم انقل قصتي لكم
للعظه والعبره
وان تعرفون ان الانسان اذا احسن الثقه بربه
فا الله عند حسن ظن عبده به​

قال تعالى... ((بديع السموات والارض واذا قضى امر فانما يقول له كن فيكون))
حسبي الله عليه توكلت وهو رب العرش العظيم
اللهم اجرني في مصيبتي وخلف على خير منها
اللهم تقبل طفلتي وجعلهم شفعتين لي ولودهم برحمتك يا ارحم الرحمين ​

​

دعوتكم لي اخووووووووووووواتي

 

[ملكة زمنها]

يشرفنى اكون اول شخص يرد سبحان الله وبحمده سبحان الله العظيم يالله فعلا قدرة الله كبيرة جدا قل له كن فيكون وانتى انسانة مؤمنة وصبرتى على مصيبتك فجزاكى ربى خيرا لا للعلم والتطور وكلام الاطباء نعم لقدرة الله العلى العظيم وانشاء الله هتحصدى نتيجة صبرك خير ويارب مع اذان الفجر يرزقك ياختى بحمل سليم تؤام يكونو لكى سندا ياعلى ياقدير

 

[hms.alhnen]

يالله ياعيون والله الدموع وصلت بس الحمدلله طمنتيني عليك
لاتخافي ولاتياسي انا قالوا لي البويضات عندك صفر وقالوا وقالوا وخرجت من عند الدكاترة وانا ابكي لكن رحمت ربك اكبر حملت بارادة الله سبحانه بلاحول مني ولاقوة سبحانة إذا اراد شيئا كان بس اهم شي نصبر ونحتسب
يارب يارب يارب يرزقك الذرية الصالحة عاجلا غير اجل ويثبتهم لك ويثبت حملي ويمتعنا بشوفتهم وصحتهم

 

[بنت الدرر]

يارب يا كريم يرزقك الطفل السليم المعافى

والحمد لله هذا كله لانك صبرتي ولجئتي لربك


الله يصبر ويرزقك​

 

[زوجةاسير]

اسال الله العظيم ان لايحرمك الذريه الصالحه ولا كل محرووووووووم ,و ماشاء الله عليك اهنيك بقرارك اللي اتخذتيه من رقيه وقراءه لسورة البقره وغيره وبصبرك واثباتك الله يتمم عليك النعمه ويرزقك الذريه

 

[احاسيس مخمليه]

سبحان الله ربي قادر على كل شيء

ومايرد دعوة عبده إذا دعاه
وأنتي إيمانك بالله قوي يأحورية وربي يحبك

تمسكي بقوة الايمان والصبر وكثرة الدعاء وربي ان شاء الله
مابيخيب طنك أبد وبيجي اليوم إلي نفرح فيه لك ونباركلك

 

[احاسيس مخمليه]

سبحان الله ربي قادر على كل شيء

ومايرد دعوة عبده إذا دعاه
وأنتي إيمانك بالله قوي يأحورية وربي يحبك

تمسكي بقوة الايمان والصبر وكثرة الدعاء وربي ان شاء الله
مابيخيب طنك أبد وبيجي اليوم إلي نفرح فيه لك ونباركلك

 

[ذكريات حلم]

سبحاااان الله
رحمة ربي واسعة يااختي
الحمدللله الحمدلله حمدا طيبا مباركا فيه
يااااااااااارب يرزقني بالذرية الصالحة ويشفييييلي زوووووووووجي ويطلع كل تحاليله سلييمة ياااااااااااااااااارب
يااااارب ياكريم
يارب يقر عينك بالذرية الصالحة
ممكن سؤال انتي عندك اطفال ولا لسا لانه ملخبطة بيتك وبين عضوة تانية
يارب ربي يفرج كربتنا جميعا

 

[بتول a0z]

سبحان الله ان الله قادر على كل شيء

وان شاء الله تبشرينا بحملك قريب يااااااااااااااااااااااااااااااااااااااااااااااارب

 

[نعومه كول]

يالله ياعيون حوريه خنقتني العبره مو قادره اكتب لك شي
خنقتني العبره قدام قوة ايمانك
وتوكلك على ربك
واكثر شي انه ربي استجاب لك وراح السدد
اللهم لك الحمد كماينبغي لجلال وجهك وعظيم سلطانك
ماشالله لاقوة الا بالله
اذكروا الله يابنات
ربي يثبتك ويزيدك ايمان ونعيم ياقلبي
ويرزقك الذريه الصالحه

 

[شمعة وثلج]

الله يرزقك بالحمل السهل عاجلا غير اجل ويقر عينك بالجنين السليم المعافى ويعوضك ويخلف عليك انه على كل شي قدير

 

[رووووم]

ياكريم يارحمن يارحيم ان ترزق عيون حورية من اللاولاد والبنات وتقر عينها بهم

 

[ام لايان]

الله يكتب لك الاجر ويزقك ويرزق كل محتاجه للحمل باذن واحد احد
والله يصبرك على مصيبتك ويبدلك خيرا منها000

 

[ملكة قلب زوجها]

الله يرزقك ويرزقنا الذرية الصالحة المعافاة في القريب العاجل ..... إنه قادر كريم سبحانه ....

 

[دلع بلقيس]

أنا كل ما اشوف اسمك في موضوع

اقول اكيد حملت
من باب التفاؤل طبعا والثقه بالله

ومدري ليه احس انك قريب بتحملين
بس عندك مشكله وحده وهي انك
تفكرين كثير بالحمل وصلير شغلك وهاجسك
وهذا يجعلك ماتحملين


فأنسي الموضوع واتركي قسم الحمل
وانشغلي بشي تحبينه
حتى لو شهر بس

وبعدها صدقيني راح تحملين بإذن واحد أحد



تحيتي’’

 

[^حبيبة حبيبها^]

اسال الله العظيم رب العرش العظيم ان يرزقك الذريه الصالحه ويرزقني ويفرح قلبي وقلبك وقلب كل من تتمنى الحمل قولوا امييييييين

 

[سوسو ناصر]

سبحان الله فعلاً قدرة رب العالمين وسعت كل شي الله يقر عينك بالاطفال ويرزقك الذريه الصالحه انتي واختت زوجي حبيبتي وجميع المسلمات آميييييييين يارب العالمين

 

[حبيبي خليل]

الحمدلله على سلامتك وربي قادر على كل شئ

في الهم والفرح نذكر الله عزوجل وسورة البقره غنيه عن التعريف ياما فكت ازمات وهموم بس فين اللي يقدر يبعد الشيطان عنه ويقراها ...........


عقبال مانلقي خبر انك حامل وولدتي بالسلامه يارب

 

[sosoooo]

الحمدلله عيوووون على هذه النعمه اللي فضلك ربي بهاا على خلقه انتي انسانهة مؤمنة وعسى الله ان يرزقك على قدر ايماانك مدري وش اقول وانا عيوني غرقانه دمووع من شدة فرحتي بماحدث وان شاءالله بيجي اليوم اللي نبارك لك فيه على حملك وولادتك

 

[دبدوب]

آآآآآآآآآآآآآآآآآآآآآآه ياعيون 00اللهم لك الحمد حمدا كثيرا مباركا طيبا 000 ما أقول الاسبحانك ربي عظمت قدرتك00تصدقي غبطتك والله العظيم 00
الله يفرجها علينا ويعوضنا مافقدنا بأحسن منه