معلومات دمووعي ألم
تعــــــــــب قلبــــــي
السلام عليكم خواتي و عزيزاتي ..
ما اعرف كيف ابتدي و وين ، انا انسانة متزوجة من 7 سنوات و انا على فكره زوجه ثانية و ادري هالكلمة شو صداها دايما على اي زوجة ..
زوجي على قد ما يقدر يعدل بينا يعني يوم عندي و يوم عندها لكن انا دايما وراه و الله يشهد على كلامي اني اوصيه بهم لو شفت قصور لانها ما ضرتني بشي و نفس الشي عني انا عمري ما حاولت اضرها و الحمدالله ما في شي بينا.. اكيد الكل يتسائل وين المشكلة ..؟
اقول لكم انا مدللــه زوجي و مدلعته على الاخر كل اللي يبيه اسوي له يبي نسافر بروحنا اخذت عيالي عند امي ، يبي نطلع اليهال عند الشغالة بس اهم شي لا يزعل او يتضايق مني او من عيالي ، عمري ما كلمته بشي يضايقه اقسم بالله اني ابكي و اقتهر و لكن احاول ما ابين له لانه بيتضايق و بيقول دايما زعلانة ..و احب انه يكون في بيتي مرتاح و هدوء و مرتب و نظيف ..
اهو ما يخليني اطلع الا بأمر و لو طلعت لازم ارجع وقت معين و مو كل يوم و اذا رحت مكان لازم يدور لي مشوار او شي اقوم به علشان نص الوقت يطوف على اللي يبيه مثلا اليوم ابي اروح اتيليه راح و شاف لي مشوار علشان يضيع الوقت علي ..
خواتي اذا دخل البيت ولقاني مو موجودة بالصالة يصرخ علي و على عيالي كأننا احنا مفروضين عليه ، انا احب اولاده لكن هو يفرق في المعاملة و قدامي على اساس عيالي صغار انا اعزمهم كلهم عندي يتعشون و ينبسطون معانا و نقعد كلنا على سفرة واحدة يبتدي اول شي و يغرف لهم الاكل و اكلوا و حبايبي و بالعافية و عيالي قاعدين ما يعطيهم لقمة او كلمة حلوة ، تدرون ولدي صار كل يقول انا ما عندي لا ام ولا اب و اهو يقول ما يفهمون ( شو الواحد ممكن يفعل لما يسمع ولده يقول هالكلام ). ادوس على قلبي و استحمل علشانهم و قلبي كله حزن ..
انا عمري 27 سنة الحين و اهو اكبر مني ب20 سنة يمكن ، و اتزين له وااايد يمر و يروح ما يقول لي حلو لبسك او فستانك و اذا راح مرة بيته الثاني و تعدلت له يقول لي اسبوع انها تزينت له هذا ما يجوز لان من طبع المراة انها تغير و اقول له هالكلام لكن ما يسمع يررده دايما علي يعرف اتضايق لكن ما ابين له علشان ما ينرفزني اكثر .. في فترة انا سمنت و خصوصا لانه صار يقهرني و اروح على طول الثلاجة و الحمدالله الحين وعيت و مواصله علشان اخفف وزني ، اول مرة كان عندنا عزومه و اقول لك انا مستانسة و ما اكلت شي بس كنت اقطع دجاج لعيالي و مخليه على جنب الصحن العظام الا هو مخلص اكل و بيروح يغسل يده الا يقول قدام الكل شوفوا ( يأشر على العظام ) و تقول تسوي ريجيم (هو يضحك)
ولا كانه اللي معاه زوجته ام عياله .انا ما سويت شي سكت عنه علشان اللي عندنا و يوم راحوا ولا كانه مزعلني ، يقول الكلام و لا يفتكر اني احس يظن اني بدون احساس ما افكر ..
لما يشوف احد من اهله ينسى الدنيا و يبديهم علي و يقول لي انت الاول بكل شي و كله كلام في كلام لا اكثر .
الفترة الاخيرة صار يجرح كثير يقول كلام ولا يقول اني ممكن ازعل او اهتم ، تعبت لدرجة اني فكرت انفصل عنه لكن اخاف على امي و ابوي انهم يتضايقون و يصير لهم شي و خصوصا انهم تعبانين ..
ارجوووكم اعطوني حل ما ادري وين اروح ولا شو اسوي ..:tears::tears:
ما اعرف كيف ابتدي و وين ، انا انسانة متزوجة من 7 سنوات و انا على فكره زوجه ثانية و ادري هالكلمة شو صداها دايما على اي زوجة ..
زوجي على قد ما يقدر يعدل بينا يعني يوم عندي و يوم عندها لكن انا دايما وراه و الله يشهد على كلامي اني اوصيه بهم لو شفت قصور لانها ما ضرتني بشي و نفس الشي عني انا عمري ما حاولت اضرها و الحمدالله ما في شي بينا.. اكيد الكل يتسائل وين المشكلة ..؟
اقول لكم انا مدللــه زوجي و مدلعته على الاخر كل اللي يبيه اسوي له يبي نسافر بروحنا اخذت عيالي عند امي ، يبي نطلع اليهال عند الشغالة بس اهم شي لا يزعل او يتضايق مني او من عيالي ، عمري ما كلمته بشي يضايقه اقسم بالله اني ابكي و اقتهر و لكن احاول ما ابين له لانه بيتضايق و بيقول دايما زعلانة ..و احب انه يكون في بيتي مرتاح و هدوء و مرتب و نظيف ..
اهو ما يخليني اطلع الا بأمر و لو طلعت لازم ارجع وقت معين و مو كل يوم و اذا رحت مكان لازم يدور لي مشوار او شي اقوم به علشان نص الوقت يطوف على اللي يبيه مثلا اليوم ابي اروح اتيليه راح و شاف لي مشوار علشان يضيع الوقت علي ..
خواتي اذا دخل البيت ولقاني مو موجودة بالصالة يصرخ علي و على عيالي كأننا احنا مفروضين عليه ، انا احب اولاده لكن هو يفرق في المعاملة و قدامي على اساس عيالي صغار انا اعزمهم كلهم عندي يتعشون و ينبسطون معانا و نقعد كلنا على سفرة واحدة يبتدي اول شي و يغرف لهم الاكل و اكلوا و حبايبي و بالعافية و عيالي قاعدين ما يعطيهم لقمة او كلمة حلوة ، تدرون ولدي صار كل يقول انا ما عندي لا ام ولا اب و اهو يقول ما يفهمون ( شو الواحد ممكن يفعل لما يسمع ولده يقول هالكلام ). ادوس على قلبي و استحمل علشانهم و قلبي كله حزن ..
انا عمري 27 سنة الحين و اهو اكبر مني ب20 سنة يمكن ، و اتزين له وااايد يمر و يروح ما يقول لي حلو لبسك او فستانك و اذا راح مرة بيته الثاني و تعدلت له يقول لي اسبوع انها تزينت له هذا ما يجوز لان من طبع المراة انها تغير و اقول له هالكلام لكن ما يسمع يررده دايما علي يعرف اتضايق لكن ما ابين له علشان ما ينرفزني اكثر .. في فترة انا سمنت و خصوصا لانه صار يقهرني و اروح على طول الثلاجة و الحمدالله الحين وعيت و مواصله علشان اخفف وزني ، اول مرة كان عندنا عزومه و اقول لك انا مستانسة و ما اكلت شي بس كنت اقطع دجاج لعيالي و مخليه على جنب الصحن العظام الا هو مخلص اكل و بيروح يغسل يده الا يقول قدام الكل شوفوا ( يأشر على العظام ) و تقول تسوي ريجيم (هو يضحك)
ولا كانه اللي معاه زوجته ام عياله .انا ما سويت شي سكت عنه علشان اللي عندنا و يوم راحوا ولا كانه مزعلني ، يقول الكلام و لا يفتكر اني احس يظن اني بدون احساس ما افكر ..
لما يشوف احد من اهله ينسى الدنيا و يبديهم علي و يقول لي انت الاول بكل شي و كله كلام في كلام لا اكثر .
الفترة الاخيرة صار يجرح كثير يقول كلام ولا يقول اني ممكن ازعل او اهتم ، تعبت لدرجة اني فكرت انفصل عنه لكن اخاف على امي و ابوي انهم يتضايقون و يصير لهم شي و خصوصا انهم تعبانين ..
ارجوووكم اعطوني حل ما ادري وين اروح ولا شو اسوي ..:tears::tears:
اسم الموضوع : تعــــــــــب قلبــــــي
|
المصدر : الأستشارات الزوجية العامة
