تعب قلبي (من الشمالي الشرقي ) .. عزيزاتي مركب حياتي يغرق ؟؟

[لمسة مشاعر]

السلام عليكم والرحمه ..
انوته مغربيه .. اخواتي الفاضلات ..
اكتب مشاركتي الاولى بعد ان ضاق صدري من زوجي الشمالي الشرقي المتجبر
انا فتاه عمري 26 سنه (جنوبيه غربيه )
زوجي 41 سنه (شمالي شرقي )
ولدينا طفلتين
5سنوات زواج
هو انسان شهم ونبيل (مع الاخرين ) ويحب طفلتينا كثيرا
لكن معي يغرقني بوابل من الشائم لاتفه الاسباب
بخيل معي قبل 3 اسابيع تقريبا علقت اوراق ع الجدار اطلب فيها مصروفي الشهري <<مليت من الخناق والصوت العالي كل شهر
دخل علي المطبخ بعد الدوام _ _ وسب واهانات
وبعدها بيومين دخل المطبخ وانا احشي الكوسا وانا خرجت اصلي ((تخيلي ))) صور المطبخ والحوض وارسل لامي شوفي بنتك وصخه ولا تنظف وصار كلام <واتس اب< بينهم وبعدها عطاني مصروفي ومن يومها وهو معصب علي ووسب وشتائم وكل ما طلبت شي قال روحي لاهلك:4::4:
احاول ان اسنخدم التقنيات التي ذكرتها انوته مغربيه في موضوعها في المنتدى لكن الامر اصعب الشائم امام الاطفال وحتى عند اهله <اهل زوجي اناس لديهم من الرقي الكثير الكثير
والان هجرني ويحتقرني لابعد الحدود
حاولت البارح اني اتقرب منه لان طال الهجر وفعلا قرب مني لكن صحينا من النوم ولا كان صار شي بعده معصب
الحمد لله على كل حال لكن تعبت نفسيتي من الاحتقار
ويقولي بحط على راسك مره وبادبك
لما اساله وش فيك وليه كل هالزعل والعصبيه .. يقولي ما فيني شي وانتي اعرفي بنفسك وش سويتي
والمواقف كثيره ..........
الان انا مو عارفه كيف اتصرف معه ؟؟
وكيف اكسبه لي ؟؟

ااااااااه .. ياقلبي .. ربي اهديني والهمني الصبر والسلوان

 

[غيمـــ76ــــة]

الشمالي الشرقي ابدا مايحب المرا الضعيفة

يحب القوية الشخصية بدون عنادوالي تطالب بحقها وماتسكت


يهدد بالثانية ردي بكل ثقة انه حلال واتمنالك السعادةاختي الواجب عليك انك تغيرين من نفسك



اذا عصب وانتي مب غلطانة اسكتي عنه لين يطق راسه بالحيط


لي عودة

 

[حلم الرياض]

حبيبيتي اسمحي لي اشاركك في موضوعك حاولي قد ماتقدري تخلصين شغل بيتك قبل لا يجي زوجك ومرتبة بيتك ومبخرته واستقبليه وانتي في احلى صورةالرجل بصفة عامة سواءً شمالي ولا غربي يحب يشوف زوجته باجمل صورة واذا جاء معصب لا تفتحي معاه اي موضوع خليه يرتاح وحاولي تخلي البيت هادي يمكن هو يتضايق من تصرفاتك او اسلوبك معاه سامحيني !!
وبالنسبة لموضوع المصروف حاولي تغيري من طريقة طلبك يعني مو لازم اول مايدخل الشهر جيب مصروفي وتعليق اوراق خذيه بالسياسة وبطولة البال وقوليله ناقصني (...)ابغى اجيبه وبيني اهمية الشي اللي ناقصك واذا جلستي انتي وياه حاولي تعرفي سلبياتك اللي هو شايفها ولا تدوري على الايجابيات وحاولي تعدلي من نفسك معاه وصارحيه بطريقة اسلوبه معاك انه يجرحك وخاصة قدام اطفالك
اسال الله لك السعادة ?

 

[لمسة مشاعر]

اختي خيمه يعطيك الف عافيه ..
لما ازعل منه يقلبها علي ويزعل ولما هو يزعل نفس الطريقه
اتركه ولا كانه موجود لمن هو من نفسه يررجع لي ويكون هادي
بعد الزعل وانسان مختلف وحبوب
لكن هالمره طالت وطول الفتره هذي يتحركش فيني وسب ع الطالعه والنازله

حلم الرياض تفضلت مشكوره ونورتي
5 سنوات زواج كل يوم يجي غذاه جاهز وانا جاهزه لاستقباله
لكن ذاك اليوم هو جاء مبكر وغداه جاهز لكن امي عندها عزيمه وحبيت اساعدها بطبق
حبيبتي لما اقوله ناقصني هالشي او احتاج هالشغله يقولي خلي اهلك يشترون لك مع انه ماكات كذا صحيح بالحسره يعطيني المصروف وكل شهر حجه شكل لكن كان الطف
وحتى حاجيات المنزل (غير الاكل مايقصر ابد ) نفس الكلمه <<خلي اهلك يشترون لك
ودايم يشوف حاله متفضل علي وويمن علي
اول زواجنا شرى لي لاجريين والى الان يعايرني يقولي حتى اهلك ماجهزوك انا جهزتك "" تخيلي
ارد عليه اهلي ماقصروا وكثر الله خيرك بس تذكر فترة خطوبتنا شهرين فقط وانا ادرس مافي وقت اببببببد
واما اجي انيم بنتي للروضه الساعه 8 يقول ايوا ماتبيني اجلس مع بنتي فاهمك تبين تبعدين العيال عني ههههه موعلي يابابا فاهمك
اقوله طيب نص ساعه وبعدها تنام يعصب مني ويقولي ماعليك انتي والله ارحم احيانا تنام الساعه 11
وغيرها كثير
الحق يقال احبه من قلبي ووابي اعيش معه العمر كله بسلام وحب وامان ولما نسافر يصير انسان ثاااااني رايق ورومانس
هو اب رائع لاطفالنا مايقصر عليهم بشي ويدللهم كثيييييير
وهذي خصله احبه فيها

واشكر اطلالتكم وتعليقكم الكريم عزيزاتي

 

[لمسة مشاعر]

اليوم احسه افضل حبتين يكلمني اشوي ويقلب علي اشوي ..
ولما اتجاوب معه لما يكلمني يتجاهلني
واذا مارديت يعصب
؟؟
لما يطلب مني شغله انفذها ؟؟ وطلباتي مرفوضه !!
كيف اتعامل مع مزاجه المتقلب ؟؟
الليله يسولف معي لكن انا مو قادره اتفاعل معه وارد عليه بكلمتين او اشاره اني سامعتك

 

[ميسون2006]

الشمالي الشرقي ما يوصل لهذه الدرجة من الاحتقار والسب إلا وفيه أسباب و كبييييرة بعد....شوفي شو سويتي من تصرفات غلط...ﻷن أصل المشكلة لازال قائم و حتى لو تنفذي استرتيجيات المنتدى حرف حرف ما راح تجيب نتيجة...ﻷن الجروح محتاجة تنظيف قبل ما تحطي لها دواء.
اقرئي عن الشمالي الشرقي..شو بيكره و شو بيحب و أنت أكيد بتعرفي شو هي اﻷخطاء اللي عملتيها.

 

[لمسة مشاعر]

هلا فيك اختي الغاليه ميسون ..
اذا ع الاحتقار والسب اتوقع انه ينهج نهج والده (ربي يمن عليه بالصحه والعافيه)
وخالتي ام زوجي صبرت كثير ربي يجازيها الخير
انا مو متحمله اسلوبه الوقح ومش قادره اعدي مسخرته علي ولما يقلدني بكلامي بسخريه مااتحمل .. ارجوكم كيف اتصرف؟؟
هو يدرس ماستر وانا مو مقصره معه اكتب وابحث له .. لكن لما يضايقني ما اقدر اترك كل شي وابتعد .. ؟؟
اجي ابي اروق معه كيك وقهوه يضايقني بالمسخره يفكرها ضحك وهو يدري اني.. اتضايق
كيف اتصرف معه في هذي المواقف .. احتاج حكمه وصبر عارفه
واحس اكثر اني مكركبه ومو عارفه اتصرف معه لما فجاه يتعدل مزاجه ويجي عادي يتكلم ويضحك .. وبعدها يقلب علي ..
احس اني في حاله ترقب ودائما متوتره ما ادري في اي لحظه يفجر القنبله
من جد تعب قلبي منه وصرت ما اتحمل منه الكلمه
؟؟؟

 

[لمسة مشاعر]

......... وفي انتظار عودتك اختي الغاليه غيمه

 

[قلبي يحبكG]

الله يفرجهآ عليك خيتي $' قبل كل شيءء ، و قبل م تسوي شيء .. قومي صلي ركعتيـن وألحي ع الله ان يسخر لك زوجك ، وكل ما يبدر منه تصرف غير لائق .. اصبري واكتمي غيضك واحتسبي اجرك ع ربك .. اصبري وتغاضي عشانك وعشان اطفالك وعشان الححب اللي بينكم والايام الحلوه اللي بينكم .. وادعي دائماً - اللهم جملني في عين زوجي و جمله في عيني - وبين فترة و فترة تصدقي لو باليسير وانوي انه لتغيير الحال للافضل .. انتي خيتي ماشاء الله ماخذه بالاسباب .. اسال الله العلي العظيم ان يسخر لنا ازواجنا ويجعل بيننا وبينهم مودة و رحمة و حب و رقي و اخلاص .. تقبلي مـــــروري ،