تعبت نفسيتي وابغى احل

[غصون بلا ضلال]

انا مرة اعاني من اني ماقدر انسى المواقف المحزنة
واتذكرة من فترة لفترة واقعد ابكي كاني
طفلة
مثلا انا متزوجه من ثلاث سنوات تقريبا
واول زواجي زوجي يتريق فيني بشكلي واسلوبي
وماحسيت نفسي عروس ابدا
حتى لما اطلب شي يصرفني كانة خايف ادلع
او اتعود انة يلبي طلباتي
واهله ماعطوني وجه ولاكاني عروس خاصة امة
دايم تمدح حرمة اخوة الثاني
وتتضايق لو احد مدح شكلي
او اخلاقي مدري لية
يعني صارت امور اول الزواج ماني قادرة انسها
واذا تذكرتها ابكي بكاء حار كاني طفلة
واكره نفسي والوم نفسي باشياء مالي يد فيها
مثلا الوم نفسي اني هادية
واتمنى اني ارجعي حياتي عشان اتكلم كلام رومانسي
اول الزواج
وانا اعرف اتكلم لكن كنت استحي اقول ذا الكلام
وانا توي ماتعودت علية وماعرفة كويس
انا حيوية جدا وسوالفي قليلة
ودايم هو يتهمني اني اخاف من الناس عشان كذا ماسولف
وباالعكس انا طبعي سوالفي قليلة مو خوف
انا تعبت من كثر مايحسسني بالنقص
ونفسي انسى الاشياء اللي فاتت
لانة دايم على بالي وماتخليني انام


لازم اروح لطبيب نفسي او انا حالتي طبيعية؟

 

[غصون بلا ضلال]

ساعدوني لاني حيل تعبانة

 

[غصون بلا ضلال]

ولا رد :sadwalk:

 

[F_H_R]

الله يعينك ياقلبي واهم شي ثقتك بنفسك لاتنعدم والله مافي شي يسوا
عادي يمدحون فلانه وعلانه مو معناته نقص فيك
اثبتي وجودك باي شي زي اللبس والكشخه والطبخ لاتجيبي الي افخم شي رتبي بيتك بشكل يلفت النظر
واذا على السوالف تصفحي كثير واقري كثير وزيدي ثقافتك سوي زيارات خارج اطار العايله
قللي زيارات فيهم والله يعينك

 

[إشراقة دلع]

غاليتي أنتي طبيعيه جدا ولله الحمد

أنا كنت مثلك

حيويه وسواليفي قليله ومتزوجه من ثلاث سنوات

وزوجي الان مسجون

وكنت متحسفه مره ليه كنت أستحي منه

وكنت أبكي إذا تذكرت مواقف
أوصيك أولا بالدعاء ان الله يسخر لك خلقه

لكن وقفت مع نفسي وقفه جديه

وقلت الحمدلله هذا شي راح وأبعوض بإذن الله بالأيام الجايه ما فات شي توي صغيره

واقنعت نفسي ولله الحمد وكلما جاء شي بخاطري استغفرت واتذكرت أي موقف حلو

وبديت أهتم بنفسي ودراستي وأتكشخ وأحاول انه مايهمني كلام الناس لأني مره حساسه

وأبدع بالطبخات واذا زرت أهل زوجي لازم اخذلهم شي

وأهدي أم زوجي وأبوه

وخواته

لان الرسول صلى الله عليه وسلم قالتهادوا تحابوا )

وكنت أهدي زوجي

والحمدلله صاروا يحبوني

الله يتمم ويسخر لك ولي ولجميع البنات خلقه..

 

[متغلية*]

حاولي تلتحقين بدورات او معاهد
وتعرفي على البنات وخذي منهم
واذا رجعتي البيت سولفي لزوجك عن كل شئ صار

 

[غصون بلا ضلال]

مشكورين على الردود
ومن ناحية التقصير الحمدالله انا ماقصر معهم بالعكس

كل شي اسوي لهم
باس انا مااحب المجاملات الكذب
ومااحب اقول الى الي بقلبي صدق

اما عن السوالف انا اسولف لكن
ماحب اتكلم اشياء مالها داعي
واذاجيت اقول سالفة لازم تدور مخي
ربع ساعة وبعدين تطلع

الله يعين هالدنيا متعبة