تعبت من قلة الاحتراام

[موت المشاعر]

انا تعبت من حياتي صارلي ثلاث سنوات ونص متزوجه وعندي ولدين بس ماايمر اسبوع الاتصير مشكله مافي تفاهم والمشكله الكبيره اذا كلمته في اي شي في حياتي او من حقوقي مايقدر يتناقش او يتفاهم على طول يرفع يده فاضطر اني اسكر الموضوع صحيح ازعل بس بدون نتيجه والمشكله ان حالتنا الماديه ضعيفه وكل مااطلبت منه اني اتوظف يتحجج بالعيال انا تعبت نفسيا مب من الحاله الماديه من قلة احترامه معي واسلوبه مايعرف شلون يتعامل مع زوجته ولايخليني اطلع من البيت بس بيت هلي او الجيران او هله بس حتى مركز التجميل مايخليني يقول كل شي سويه في البيت فااريد حل الله يخليكم حد يساعدني خاطري اعيش حياه سعيده هاديه مافيها مشاكل

 

[احترت في امري]

الله يعينك
اكثري من الاستغفار والله عجيب
ان شاءالله البنات يفيدونك

 

[الريمه]

ادعيله ...ولا تنسي قيام الليل حبيبتي ..وأكثري من الاستغفار...هذا دواء كل داء..

 

[شتات انسانه]

الله يعينك الماده لها دور حاولي انك ماتحملين صحيح رزقهم على الله بس الاوضاع الحين تغيرت حاولي تتقصدين في كل شئ وتكلمي معاه انك واقفه معاه ومابتتركينه الين تتحسن ضروفه يمكن زوجك حاس انك متغيره عليه بسبب الماده وجهت نظر

 

[ضحيه]

اهم مايجلب المشاكل سوء الاحوال الماديه للرجل ثم ضغط الاهل المتحجرين عليه انه مايصرف لان حالته سئيه والزوجه هي اللي تروح فيها اصبري ولو ان بعضهم مايستاهل الصبر والتضحيه