تعبت من عيالي وتعبتهم...أبغى حل؟؟

[لولو وسوسو]

السلام عليكم ورحمة الله وبركاته

طبعا زي ماهوه مكتوب في العنوان أنا تعبت وتعبت أولادي معايه..

لي ذحين 6 سنوات متزوجه وعندي ماشاء الله 3 أطفال بنت وولدين

البنت عمرها 4 سنوات و9 شهور والولد دوبه كمل سنتين والولد التاني لسا في الأربعين

زي منتو شايفين ورا بعض ماشاء الله ويمكن هذا سبب تعبي معاهم

المهم ماأطول بنتي الله يصلحها لسانها مره طويل وأحيانا تتلفظ ألفاظ وسخه مثل حيوانه وكلي...... وتلعن<<<<بصراحه هذي أنا أقولها ساعات لما مره أعصب

ماتخاف من أحد وماتحترم أبوها ولا جدها ولا جدتها..طبعا مو على طول لما تكون رايقه يازينها وزين طبعها بس اذا زعلت أوفففففففففف

في الفتره الحاليه البنت بدأت تكبر صارت تحب تنام عند خالاتها وعمانها وأنا ماأحب بس أبوها يسمح لها عادي وأنا أكون رافضه بس يجبروني

برضه لأني مره سمعتها مع ولد خالها الصغير وهيه تقول له تشوف عيبي؟؟<<<شكلها كانت ح توريه بس أنا فتحت الباب على طول وهوه حتى مارد عليها وهوه أكبر منها بسنه وشويه

وفهمتها انه غلط وحرام وأصلا أنا دايم أحرصها بس اكتشفت من كذا شي انه هيه من النوع اللي لما تنبهيها لشغله تمسك فيها وتسويها<<<وطبعا هذا الشي ماقلته لأحد حتى أبوها

هددتها وعاقبتها وحرمتها وكل شي مافي فايده أبوها مره مدلعها ومايساعدني أبدا..

الولد أبو سنتين عنيد جدا واذا ماأخذ اللي يبغاه يصيح ويقعد يبكي الين نعطيه عشان يفكنا ومشكلته انه مايمل يحاول مره واتنين وتلاته

طبعا هذا مو مبدأي بس أبوه عشان لا ينزعج أو جدانه اللي هما أهلي أو أهل زوجي

برضه هذا الولد عنيف دائما يرمي أي شي على أي أحد بدون أسباب..بس يتفل أي شي من فمه سواء أكل أو شرب

حتى ساعات أحرمه من الشرب لهذا السبب ماأعرف وقت عطشه من جد..

يشد شعر أخته دائما أو أي طفل موجود ويدف الأطفال برضه ويعض..هوه اسم الله عليه حركي وعنده نشاط زايد..

ذحين بعد ماولدت في البدايه كان بس يبوس أخوه ذحين صار دائما يضربه مو عارفه كيف أتعامل معاه..

كنت أتكلم معاه بهداوه بس ذحين صرت أضربه بس بخفيف عشان يبعد..

ولدي هذا كل راسه صقعات من شقاوته كل شويه فوق طاوله وينط من هنا وهنا والبنت برضه زيه..

بصراحه مره تعبت الله يصلحهم والله بس واقفه في البيت وراهم مع انه عندي شغاله...

صارت أخلاقي مره زفت وبس يكلموني أقب فيهم على طول والله ماودي بس طفشت منهم الله يصلحهم...

أرجوكم اللي عندها حل تقول لي كيف أتعامل معاهم والله شويه وأطق..

ومشكورين مقدما..

 

[لولو وسوسو]

شوووووووووووووووووووووووو؟؟؟


مافي مساعده؟...

 

[am yazed]

إختي الغاليه لولو وسوسو
الله يصلحهم ويكون في عونك
اولاً البنت المفروض ماتتركينها تروح تنام عند احد ابد وتفهمين أبوها ليه مانعتها الحين البنات والعيال يشوفون افلام مع الكبار اكبر من عمرهم وممكن يطبقون اي شئ المسائل هذي مافيها تهاون عواقبها وخيمه واكيد انتي تسمعين عن التحرشات من الاقارب
ثانيا بنسبه الابنك العنيد حاولي تتركينه لما يبكي يبي شي وتكلمينه بهدوء وتقولين اسكت عشان اعطيك لكن موعلى طول حاولي تقولين له ليه ماتبين تعطينه طبعا بيرجع يصيح ويرفض الكلام معك لكن انتي حاولي اكثر من مره وقوللي لأبوه إذا الحين الاشياء إللى يبيها ممكن تعطيها له بكره تصير طلباته اصعب وش بيكون الحل؟
وبنسبه لعلاقة باخوه حاولي انه يحبه يعني جيبي حلاوه وقوللي هذي من اخوك وخليه يشركك في الاهتمام فيه يعني اطلبي منه يجيب لك الحفاظه أوالمناديل وخلي بالك منه حراااام صغير على الضرب
واعي لهم بالصلاح والهدايه دايم:1:​

 

[همس الشرقية]

الله يكون بعونكانا مع ام يزيد وخلي بالك طويل التربية امر صعب جداً

 

[لا كوست]

الله يصلحهم ويهديهم

 

[لولو وسوسو]

مشكورين الله يسعدكم

بالنسبه لبنتي فعلا أنا هذا سبب رفضي بس زوجي للأسف عقله صغير يحسب انه أنا ماأبغى عشان هما عيال أخوه

يعني لما قلتله تخيلو انه قال هيه قاعده في حلال عمها فاهم الدنيا فلوس وأهله وبس الله يصلحه

وولدي لسا مايتكلم وأحسه مايفهمني ساعات بس ح أحاول والله يعين...

 

[شموع القصيم]

الله يعينك وعيننا على تربيتهم

 

[ام رنومه]

الله يعينك ويصلحهم وويهديهم لك ياااااااااارب

 

[ثموري حياتي]

زي ماقالت ام يزيد بنتك ابدا لا تنام برا البيت فهمي ابوها لا عند اهلك ولا عند اهله والله الدنيا تخوف بالنسبه للولد لازم تتفقون انتي وابوه على طريقة تربيته واسمعي كلام اختي ام يزيد والله يصلحهم ويهديهم وأهم شي طولي بالك واستعيني بالله على تربيتهم والله يعيننا وأياك على تربية أولادنا
تقبلي مروري