تعبت من خطيبي...

ا

احساس2011

New member
إنضم
2010/11/01
المشاركات
6
صباحكم ومساكم ورد

مراااااحب... بدخل الموضوع مباشرة لاني حدي متضايقة

انا ملكة من 10 شهور الى الحين ماتحدد زواجي

المشكلة مايهتم فيني يعني لو ماتصلت مستحيل يتصل

زعلت واخذت موقف منه وصار يتصل بس قبل ماينام او يتصل يسأل

اذا ناقصني شي.. لنا3 ايام زعلانين من بعض ومدري من اللي معه

الحق المشكلة هي (ان خطيبي مايحب اني اسهر برى بيتنا من

بعد 12 وانا طلعت ورجعت متأخرة انا ماكنت ابغى اقوله لانه ماتصل

ع طول اليوم بس من سوء حظي شافني مع اخوي في سياره بعد

نص ساعه اتصل فيني يسولف يسأل وش سويت اليوم رحتي مكان

شي وقلت له انا وين كنت عصب وقال اناقلت لك مااحب تتأخري

برى البيت بعد 12 وقالي انتي تخلي الواحد يعصب وقفل وبس وانا

ماتكلمت والى اليوم ماتصل فيني وانا اتصلت بعد الموقف بساعه ولا

رد بس اتوقع كان نايم بس ليش ماتصل فيني لم صحى

انا تهورت وقلت لامي وامي قالت لي لاتتصلي ع

الحين ايش سوي اتصل ولا اطنش ... مين اللي معه الحق يزعل

ع فكرة انا احبه مووووت وهو بعد يحبني وهو دايم يقولي "وانتي

في بيت اهلك انا مالي رايي عليك" بس ليش الحين زعل

والله طفشت من المشاكل مايمر شهر الا وانا زعلانه

طبع هو شمالي شرقي وجنوبية شرقية

انا اسفه طولت ع بس ابي حل والله اشتقت له ونفس الوقت تعبت.
 
لاتتصلي عليه طنشيه بدل ماتجري انتي وراه خليه هوا اللي يجري وراك
لو يضل شهر وهوا مااتصل لاتتصلي عليه ابدا
واذا مانفع ارسلي له مسج بيني فيه انك زعلانه منه ومتضايقه بسبب تصرفه
 
ماله حق يزعل عليك ِ وانتي ماغلطتي
 
لا حبيبتي إسمحيلي أقولك أنتي الغلطانه لأنه قالك لاتتأخري وما سمعتي كلامه فطبيعي إنه بيزعل
اللحين أنتم تملكتوا يعني هو صار ولي أمرك وهو المسؤل عنك حتي لو كنتي عند أهلك
وترا الرجال يحبون تكون كلمتهم مسموعه أيا كانت حبيبتي لأن هذي فطرتهم وأنتي كسرتي كلمته
حبيبتي أنتم ببداياتك لاتهدمين بيتك بإيدك خوذيها نصيحه مني
وتذكري الحديث (أيما إمرأة باتت وزوجها غضبان عليها لعنتها الملائكه حتى تصبح)
(إذا صلت المرأه فرضها وصامت شهرها وحصنت فرجها وأطاعت زوجها قيل لها إدخلي الجنه مع أي باب شئتي)
إختي إنظري لعظمة طاعت الزوج وذك أن النبي صلى الله عليه وسلم قال لو أمرت أحدا أن يسجد لأحد لأمرت المرأة أن تسجد لزوجها
نصيحتي لك أختي دقي عليه وإعترفي إنك غلطانه وماراح تكررينها والله ثم والله إن أموركم تتعدل وإن شاء الله يكون راضي عليك دايما نرجو الجنه من رضاهم
تقبلي تحياتي أختك (يارب تحفظ زوجي)

​
 
أولا:
هذي شخصيه الشمالي الشرقي..
يعني لاااازم تتأقلمين معه.. و مع تصرفاته وطبااعهـ..
ولا تقولين ليش هو ما يتأقلم على شخصيتي..ّّ
لان طول عمرنا نعرف الحرمه هي اللي مرمي عليها هالمسؤوليه..

ثانيا:
مع احترامي لج.. انتي الغلطانهـ
قالج مافي بعد ال12.. يعني مافي.. اصلا شحقه اتمين بعد ال12 برا البيت !!
إلا إذا كنت مع الوالده طبعا..

ثالثا:
ابعدي عن الزعل والمشااكل.. لا تضيعين احححلى أيام العمر.. بهواش وصراخ وزعل
و بالنسبه للتطنيش.. انه ما يتصل ولا يرسل مسجات.. هذا طبعه
و ربي بالبداايه عانيت ويا خطيبي.. كان يمر يومين.. ثلاث ما يدق ولا يطمني عنه..
عصبت مره وفهمته وجهه نظري.. اتعدل يومين ورجع لعاادته القديمه << شمالي غربي
و من وقتها.. قلت يا بنت.. لا تطلبين منه الشي المستحيــــل
و ربي من وقتها ما شفت هم.. وكل ايامي وياه وناااسهـ
أغرقه بالمسجات.. وان يوم عدا وما دزيت مسج.. تلاقيه يحاتيني..

الشمالي ما يحب اللي تلصق فيه.. واللي تعاتب 24 سااعه
خلج مستااانسه.. وخليه يستااانس ويااج

موفقه
 
طنشيه لاترسلي ولاشي يمكن يحن ويتصل عليك ولما يتصل لاتجيبي طار الموضوع ابداااا افتحي صفحة جديده
 
المفروض الوحده فينا تسمع كلالالالالالالام زوجها
 
هو يحب يتحكم فيك هل هو يصرف عليك مثل ما أنت عنده في البيت ؟

لالالاتتصلي عليه لا تعوديه على هذا هو يزيد يطنشك خلى عندك قيمة

​
 
الله يهديكم بس
اللي تقول يتحكم فيك وهو موشخص غريب زوجها وله الحق في كل شي
وبعدين هي الغلطانه اللي ماسمعت كلامه ليش تبغونها تمادى بالخطاء
أختي ماعليك منهم ترا بعض الردود إذا مشيتي وراها صدقيني بتضيعك
لا تسعين كلامي ولاكلام ذي إسمعي كلام صفوت الخلق في الأحاديث اللي ذكرتها
 
انا الصراحه قلت لزواجي انا صح خطيبتك وملك علي يوم الملكة ههههههه انا الحين تزوجت قلتله عند اهلي مالك اي علاقه فيني اذا صرت تحت يدك ذيك السااعه لك الحق اوما اكون عند اهلي عندي اهلي هم شاايفيني وجهت نظري وهو زعل بس كيفه والحين انا متزوجه وهو عند اهله مسافر وانا عند اهلي اطلع بدون استااذان حتى لو اتصل وقال ليش ماقلتي اقوله عند اهلي وامي تهوشني تقول غلط انا مو متعوده كذا وش اسووي والحمدالله نحب بعض والامور مااشيه تماام
ههههههههههههه ادري تبون تهزوني بس الله يهديني
 
تسلموووووو الله يسعدكم....ويعطيكم العافيه.. صدق ماقصرتم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل