تعبت من اهل زوجي اريد خصوصيتي .....)

ف

فيونكه فوشي

New member
إنضم
2010/11/20
المشاركات
4
السلام كيفكم بنات ان شالله تمام

مشكللتي مع اهل زوجي
فانا اسكن فوق اهل زوجي منذ 7 سنوات ولدي اربع اطفال
وان اعز خوات زوجي وامه لكنهن من النوع الي ماخذ ميانه على بيتي حيل
يدخلن باي وقت مااقدر اخذ راحتي باللبس وحتى الشغاله كانها شغالتهن
ويعتمدن عليها بشغلهن تحت مع اني انا اللي ادفع راتبه لدرجه انهن يهاوشنها اذا
شغلهن ناقص تحت ويدخل لمطبخي بدون استئذان ويسئلنها وش الغدا وش العشا واذا مي مسويه يهاوشنها لدرجه اني مااقدر طلب لي انا وزوجي من المطعم لانهم معتمدين ان الاكل تسويه الشغاله عندي فوق ووقت الدومات يجيبن ملابسهن فوق تغسلهن وتكويهن لهن
قسم قهر مااقدر اخذ راحتي ابد
ابي احس بخصوصيتي

واذا حاولت اسوي لنفسي جو في بيتي وغبت عنهم لو يوم يقولن انتي متغيره ووووو.
وتلقين النفس بالخشم

مع العلم اني موظفه وماارتاح من ميانتهن الزايده
ابغاكن تساعدني وشلون تكون لي خصوصيه بدون مايزعلن
مثلا شغلهن يعتمدن به على حالهن ,,,,
اكلهن عشان اخذ راحتي واطبخ على قدنا لي ولزوجي ,,,,
اقدر البس اللي ابي في بيتي بدون مايدخلن علي باي وقت لان زوجي مايحب البس قدامهم
مشكلتي اني زوجت ولدهم الكبير وعندي شغاله وهم تحت عايله كبيرة وماعندهم
مع انها اذا راحت مااايفكرن ابدا انهن يقدمن على شغاله وهن 6 بنات و2 جالسات بالبيت

بلييييييييز وشلون تكون لي خصوصيه لانني تعبت حيييييييييييييييييييييييل
لدرجه اننا حارمين نفسنا من اشياء كثير مثل طلعات وطلبيات مطاعم


اللي عندها راي لاتبخل علي
 
الله يعين من الأهل اللي زي كذا احمدي ربك انهم مايتدخلون بخصوصياتك مع زوجك والشغاله فولي انها هي اشتكت ماتبي بيتين
والله يبعد كل من فو شر
 
انا اقول ماشاء الله عليك صراحهه معطتهم وجه بزياده وييين يدخلون عليك في البيت على طول طيب البسي ذاك اليوم لبس يصيير مخصصص لزوجك بس يكون محتشم شوي يمكن اذا شافوك يستحون .. ما راح يلقون مثل طيبتك واكرر ما شاء الله ​
 
الظاهر باب بيتك مفتوح ع طول حتى يدخلون من غير استئذان

أول شي قفلي بابك..مرة ردي ومرااااااااااااااااات لأ وتعذري بالنوم والشغل ووو......الخ

وصي الشغالة ماترد..

دايما اللي يطالب بحقه اللي حوله يزعلون ..يعني توقعي الزعل..بس عادي يتعودون..

بصراحة انا مو مستوعبة غنت كيف متحملة الوضع.
 
قفلي الباب بالمفتاح وخلي المفتاح عليه عشان يطلعوا يلاقوا مقفل وكانك في الحمام

قولي لزوجك الخدامة تشتكي من الشغل الكثير ليه ماتقدموا خدامة تساعدهم تحت

قوليلهم بكرة مسوية مفاجئة لزوجي معليه يعني مااحد يطلع

غلطتك انك عودتيهم من البداية

او قولي لزوجك يزود الشغالة شوي فلوس وتخرج يوم عندهم ويوم عندك مع اني اخاف يمسكونها ويقولون الغل تحت اكثر من فوق ولاعاد تشوفينها

مع انهم مابيقدرون وبيقلبون عليك وبيقولون متغيرة مرة مرة الاخ مسكينة الله يعينها على اهل الزوج

كل شي يفسرونه بكيفهم​
 
والله ياقلبي
هذولي ما ينعطون وجه عطيها في وجههم قولي ان الشغاله تشتكي من كثرت الشغل واذا اضربت ماراح ياكلها غيري
وسكري بابك مره افتحي وعشره لا
والله يفرجلك
 
معاملتهم معك ترجع لمعاملتك معهم

أي انك أنتي من اعطيتيهم الضوء الأخضر لهذه التصرفات

لماذا لم تضعي حدودك منذ البدايه ؟؟

قد تكون محاولة التغيير مع خادمه جديده أو مع هذه الخادمه أنها تذمرت..


دعيها ترفض خدمتهم وقولي هي لا تريد الخدمه لأنها تقول أنا خادمه لهذا البيت فقط في العقد

تريدون خدمة البيت الثاني أريد راتب مضاعف "وهذا حق من حقوقها "


بالنسبه لخصوصيتك مع زوجك عوديهم بالتدريج على بعض الأمور

سيغضبون منك في البدايه لكن تجاهلي غضبهم وتعاملي معهم بالحسنى عندما تلتقين بهم..

 
صراحه رحمتك الله يكون في عونك انتي لازم تتخذين موقف خلاص احس شي يقهر والله
 
الله يكون في عونك دايما الطيب حقه ضايع عقلك في راسك تعرفي خلاصك اولادك عدهم كبرو وانتي ماتهنيتي
ابدئي بالشغالة قولي انها قالت تبغى زيادة والراتب ما يكفي يادوبها شغل بيتي حبة حبة بالتدريج مو مرة وحدة بعدين البسي لبس قصير قبل مايجي زوجك وخلي وحدة فيهم تشوفو وخليك لابسة لاتستحي خلي عينك قوية هذا حقك وفي بيتك بكرة لما يتزوجوا روحي اتفرجي عليهم ايش حيسوا في بيوتهم حلال عليهم حرام على غيرهم وانت بعدين تيجي الافكار لحالها في راسك حسب ظروفك حتتعلمي كيف تتصرفي لوحدك ان شاء الله اكون افدتك
 
يالغاليه انا بنصحك نصيحه غير خلي الغلط يطلع من زوجك يعني كل شي تسويه لصقيه بزوجك قفلي الباب لو قالوا ليه قولي فلان يقول ابي اخذ راحتي في بيتي
لو جا يوم ما طبختي قالوا ليه قولي فلان ما يبي غدا اليوم زوجي متغير مدري وش بلاه
رح يتقبلوا من اخوهم مارح يزعلوا منه لكن انتي لا رح يزعلو منك اخوهم غير
 
مع احترامي لك انتي السبب000000منالبداية كان حطيت خط احمر لهم مايتجاوزونة 000لان الشئ الي زاد متك0000لكن الان ماعليك الا الدعاااااااااااااااء ثم الانسحاب البسيط التدريجي0000 ولاعتذار المؤدب بالانشغال وتسكير بيتك00وقت ماتبين احد يزعجك000واهم شئ زوجك يكون مقتنع باللي تسوينة000وحطي في بالك اختي00ان رضى الناس غاية لاتدرك واهم شئ دامك ماانتي ظالمتهم خليكي وسطيه 000يقول الرسول صلى الله علية سلم0000لاتكن لينا فتعصر ولاقاسيا فتكسر
 
طيب ليش زوووووجك مايوقفهم عند حدهم صعب مررره انا كنت سااكنه مع اهل زوجي وكانت اخته تفتح الباب وتدخل عااادي انا اقابلها بملابسي انا في بيتي وهي داخله لازم تحترم نفسها ولو زوجك كلمك قولي انا ما ادري انت كلمهم ممكن مو مستوعب انتي وعيه وفهميه لازم لكي مسااحه من الحرريه حتى زوجت اخوي ساكنه عند اهلي فوقهم بس اخوي يقول كلموها قبل ما تطلعو يعني من زوجك اانتي ابعدي نفسك والشغاله حرام كله لهم لهم وبيتك؟ كمان الاكل حتى لو طبختي قولي مسويه رجيم انا واخوكم ماطبخنا والصغار اكلو ساندوتشات اوف والله احس اني عصبت الله يعينك ولا تحرمي نفسك من اكل المطعم حتى لو يدقو من اليوم لبكره لا تفتحي غير لمى تخلصو اكلكم قولي ماسمعنا او نايمين الله يفرج همك اسفه طولت
 
انت تقولي اذ مازرتيهم يوم يزعلوا
طيب ايش عليك من زعلهم في البدايه كذا بعدين يتعودوا
لازم تحطي لك حد الله يعينك
 
خليهم بكيفهم يزعلوا اهم شي راحتك ليش تدفني نفسك وشبابك لوهم تزوجوا مايسون كذا ياحبيبتي اطلبي من المطعم وسوي ليالي رومانسية حلوة يكون في علمك لو عملت لهم حساب عسعادتك انتي غلطانة هدا تنازلات بيتحكموا حتي في خرجاتك مع زوجك طبعا هم مبسوطين اسغلالين الله يكون في عونك لوانا انجن
 
حبيبتي فالبداية بيزعلون بعدين والله عادي وبتقلمون هذا الشي من حقك بصراحة انتي كثيير معطيتهم وجه عطيهم كاش لو اطاولو قولي كنت لابسه قصير وماحب حد يشوفني عشان شويه يحسون والله بالتريج رح يتقبلون الوضع عااادي
 
أعتقد انت من البداية اعطيتيهم الضوء الأخضر
اعملي بنصائح الأخوات
 
يعطيكن الف عافيه الله يجزاكن الجنه
وان شالله اعمل بنصايحكن بس ان شالله القى نتيجه لان الله يعلم بغايتي اني ابي خصوصيتي
وماابي اخسرهن

اسأالله ان يسخر لكن ازواجكن وان يصلح لكن ذرياتكن
 
واضح انكـ تحبيهم وماتبين تخسرينهم لكن تبين خصوصيه ..

اول شي خلي همكـ كيف تبني حدود وحواجز بينكـ وبين طلعتهم لبيتكـ وبعدها موضوع الشغاله ينحل لان الاهم فـ المهم


قفلي بابكـ بالمفتاح واذا سال زوجكـ قولي خاطري احلل ملابسي الخاصه اذا دقو الباب لاتفتحين ولا تردين اذا نزلو خذي وقتكـ
ثم انزلي وقولي معليش اتصلو علي قبل لاني انشغلت بغرفة النوووم وما اسمع الباب .. وش بغيتوو

هنا اذا كانو يبون يغسلو ملابسهم او يطبخو على طووول نزلي لهم الشغاله ولا تعطينهم مجال يطلعون اذا نزلتي قفلي بيتكـ وخذي المفتاح معكـ
اذا بغيتي تطلعين بيتكـ قولي استأذن بنشغل بنفسي شوي >> عطيهم عبارات توحي بالخصوصيه .

لاتهتمي لو قالو متغيره بالعكس ابتسمي وقولي لا والله بس تعرفين المتزوجه لا بغت تكشخ لزوجها وانا استحي انزل لكم بملابس النوم
والا تشوفوني فيها وابو فلان يقول انتي مهملتني قلت اعطيه حقه ..

حاولي تصارحي اقرب وحده فيهم لكـ بطريقه عفويه مهذبه قولي ابو فلان يزعل علي ويحرجني يقول البسي لي وانا استصعبها كل شوي
البس وانزل البس وانزل ..!! لان بابي مفتوح وما اخذ راحتي .


انسحبي انتي اول وخلي الشغاله بوجههم ما يمديهم يطلعون بعدين تفكري كيف تسحبين الشغاله .. حبه حبه




 
الكل ما شاء الله يحرض وش فيها لو كلوا من بيتك الله راح يبارك لك رزقك واذا الخدامه مب مقصره في عملها في بيتك وين المشكله لو ساعدتهم

ام بالنسبه لخصوصيتك وجلستك ببتك فهذه معك حق تشتكين منهم فيها حاولي تلمحين لهم يعني مش بطريقه مباشرة تحجج انك تعبانه وتبين ترتاحين او اي شي ثاني او انتي انزلي عندهم قبل لا يطلعون لك وجلسي شوي ورجعي بيتك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل