تعبت مع زوجي ساعدوني

[حكاية هم]

السـلآم عليكمَ

انا تعبت من زوجي حيلَ علماَ اني زوجة ثآنيهَ
في آشيآء من حيآتي الخآصه مثل السسفر انا وعيآليِ
يقول لازمَ نروحَ مع بعضَ او انتوا سسآفروا بس انتي تتكفلين مصاريفك انتي وعيالك لانيِ موظفة
واذا راحت الزوجة الاولى وبناتها معانا هو يتكفل بكل شيء
تعبت معاه واذا صارحتهَ يزعل ويهاوش ويقوم الدنيا ويجرحني بالكلامَ
ولعلمكمَ حاليا هو مسافر مع زوجتة الاولى ولا حتى مكالمهَ ولا مسج ارسلهَ
مع اني اطبقَ اغلب النصائح اللي هنا و استفدت منكم كثير لكنَ مَ فاد
عجزت افهم شخصيتهَ ..!!
دلونيَ على حل الله يجزيكمَ خيرْ ​

 

[عذاب السنين]

مرحبا أختي
شوفي يمكن زوجك قصده أنك تساعدينه في المصاريف
بما أنك موظفه
أما أنك تتكفلين بكل شي لا
وذكريه باالعدل بين الزوجات
والله يسخركم لبعض
اللهم آآمين​

 

[انسانه متفائله]

الله يعينك وش هذا قولي له لازم يعدل واستغفري ربك كثيييييييييييير والاستغفار له فوائد عجيبه

 

[حكاية هم]

أهلين أختي /تعبت واناأذكره مليت أصلاً وبالنسبة للمساعدة
لو طلب والله ما اقصر لكن هو ما قصده اساعده بالمصاريف لا قصده انا اتكفل بكل شيء
اجار و اكل وشرب ولعب واسواق وكل شيء علي اللهم هو بس محرم معانا وين ما نروح
لكن زوجته الاولى اذا قالت بروح والله لو يستلف بالآلآف اهم شيء وناستهم
ما يهمني انا بس ليته يذكرني ما ينساني

 

[أم ركاض]

ألله كريم

 

[ريماس الجنوب]

انا زوجه ثانيه ؟؟؟؟؟ والله من تزوجته ما نسافر ولا نروح ولا نجي ويقول مصاريف مالها داعي .....
احمدي ربك انك موظفة وعازه نفسك .... انا عكسك زوجته الاولى موظفه وعازة نفسها وانا اللي قاعده بدون وظيفه ما غير اطر منه كل اخر شهر ....... الله يرزقني الوظيفه ....

 

[الفراشة منوو]

حبيبتي أنا حاسة فيكي لان صديقتي معاناتها نفسك لكن الفرق أنك عندك عيال وهى لا ومتحملة كل شي من خمس سنين لكن أخذت موقف ملت منة ومن حناتة كانها صراف مو زوجة

 

[الفراشة منوو]

سؤال مهم شنو نمط زوجك هل هو شمالي شرقي

 

[حكاية هم]

أنا محتارة في نوعية نمطه وتصدقين هالحين أولادي يبكون حولي بتقولين ليش لأن أبوهم كلمهم ويخبرهم في المنتزهات والملاهي اللي زاروها هو والبيت الثاني وحنا طايرين ولا منتزة او ملاهي رحنا يقول مصاريف زآيدة
وش لعمل ودي أجذبه لي ..!!

 

[الفراشة منوو]

تصدقين لازم ماتسكتين لوموعشانك علشان عياللك واجية شلون دبر افلوس حفت الرحلة وشلون يسافر مهم وانتي قاعدة اسمحيلي هذا صعف منك وتضيعين حقوق عياللك وااجية

 

[مطرية]

عزيزتى

ليش ماتحاولين تشترين بيت بالاقساط

وتتحجين بتسديد اقساط البيت حتى هو يبدا بتحمل مصاريفكمـ

الييت راح يكون سند ألك ولعيالك

وبنفس الوقت يكون هو تعلمـ تحمل مصاريفكمـ

 

[احلى سمايل]

هذي الضريبة اللي ندفعها نحن الموظفات ولكن لا تسكتين له وخاصة فيه زوجة ثانية عنده يعني لازم يصرف عليك زي مايصرف عليها لأنه من العدل بينكم وهذا يلزمه أكثر بالصرف عليكم بالتساوي غير إنه واجب عليه ينفق عليك حتى لوكنتي موظفة الله يعيننا جميعا

 

[حكاية هم]

ليش ماتحاولين تشترين بيت بالاقساط

بيت..!
يَ حبيبتيِ انا مسويهَ لي فيـلآ وادفع اقساطهاَ
وهو من شافني شرآ لزوجته فيـلآ على طبقَ من ذهبَ
وللحينَ هذي السالفه بكبدي واذا تكلمت عنها زعل وهاوش
انا ابي حل

 

[saniaend]

زوجك علي ما تعوديه غيري نفسك يتغير هو معك
ذكريه بالعدل ثم العدل