تعبانه حييييييل

[نيهال]

ساعدوني انا دايم ادعي على نفسي بالموت من قبل ماتزوج في مرحلة المراهقه كان اخواني واخواتي الله يسامحهم يتمسخرو على شكلي شعري جسمي مااصحى الاعلى وجيههم وعقدوني وكرهوني نفسي كنت قبل مانام اجلس ابكي احس اني بشعه وانهم يكرهوني انا اجمل من اخواتي كلهم الحمدلله كامله والكامل الله بس ماقدرت اقنع نفسي اكرررره نفسي احس ان حياتي مالها داعي زوجي اش ذنبه هو يحبني بس اي شي يصير بيننا احس يكرهني اليوم قال لي خلي دحوم (ولدي عمره شهر )عندي وانتي نام وريحي لان امس مانمت لانه كان يبكي قلت له ماقدر قال(مسويه فيهاام) يمزح سكت حسيت انه ولده جاء هديه موانا حملت فيه تعبت من البكاء بس اجلس ابكي كل ماصار شي حتى لوتافه ايش اتحسس منه وابكيا يش اعمل ابغى ارتاح واريح زوجي:4:

 

[عابرة سبيل&]

الله يوفق بينكم بس يااختي اتوقع انك صغيره بالعمر صح ولا........؟؟؟

 

[ام متعب33]

شوفي ياعمري انتي بعدك بأول حياتك الزوجيه
مااقولك انك بتعيشين حياة مافيها مشاكل وغثى لااا

كل الناس تمر عليهم مشاكل اعظم من كذا ابيك تستوعبين ان الحساسيه الزايده لازم تبطليها وتصيرين انسانه قويه وواثقه من نفسك هذا اهم شي

ثقي بنفسك ولا يهزك اي موقف
وقبل تبكين تذكري شي واحد
تذكري هذا الشخص اللي جرحك هو بهذا الوقت ايش يسوّي ؟ اكيد بيكون عايش جوّه ومادرى عنك
تذكري هالشي ولا تبكين عشان ناس مااهتمو بمشاعرك ولا درو عنك انتي بعد لا تدرين عنهم ولا تسمحين لشي انه يضايقك او يتمكن من انه يخرب مزاجك وجوّك

لازم تصيرين قويه ياقلبي
بتواجهك مواقف اصعب من كذا لا تصيرين حساسه بتتعبين صدقيني
اما كلام خواتك ومعاملتهم لك خلك واثقه بنفسك واحترميهم لاتغلطين عليهم ابد بس لما احد يقول لك كلمه شينه او تعليق مو حلو ردي عليه رد جاد وحازم وانتي خلاص كبرتي بيحترمونك غصب لأنك ماقليتي ادبك عليهم

الله يسعدك يالغاليه

 

[نيهال]

عمري19شكرا يام متعب ياغاليه ردك فرحني واعطاني قوه

 

[صمـــت]

الله يعينك بس لابد أنك تجلسين مع نفسك وتعززينها ثقه
وتتعاملي مع خواتك بكل احترام بس اللي يتمادى معك عامليه بحزم
وهم بأنفسهم اذا شافوا التغيير بشخصيتك بيتركوك من أنفسهم