تعالي شوفي كيف غيرت زوجي الشمالي الشرقي وأستفسري000

[احلى دانا]

حبيبتي بسالك الشمالي الشرقي زوجي المصون وانا جنوبيه غربيه بس هو يحب انك تعامليه بي شخصيه واتعاملين الناس بي شخصيه

 

[نظــ جديدة ــرة]

موفقة يا أختي
ودوووووووووووووووم يارب

واصلي حبيبتي

 

[اميرة برقتي]

مشكورة على الموضوع الرائع ؟بس عندي سؤال انا زوجي كان مثل زوجج وتحسن بس مشكله سارة امه تغار مني انا وعيالي كل ماجاب شي لي او لعيالي تقوله جيب لعيال اخوك مع العلم ان اخوه وزوجته في وظيفه بس من النوع الشحاذين والبخلا ولله يعين ولله اني متضايقه لين معاد اقدر اطلب منه شي ليني احس اني راح ظايقه وهو مايرد لامه طلب وهو عارف ان فيه تفرقه بين عياله وعيال اخوة وشكرا واسفه على اني طولت عليج ؟بس ياليت القى حل
؟

 

[فاقده أمل حبي]

بصراحه زي ريلي جااااااف
والحين انا صرت زيك ماادحن عليه ولاشي وبشووف
لاني احب الرومانسيه وهو بطبعه الشمالي مايتكلم عن الغرام ولاشي

 

[فاقده أمل حبي]

صج وش اسوي معاه اذا خاني وطبعا انا اواجهه بس ينكرر

 

[الشرسة]

مرحبا ليت تشوفين لي حل مع زوجي الشمالي
عمر زواجنا 4 سنوات
مشكلتي ان زوجي يشتغل في مدينة بعيدة عن اهلي واهله ومايبي ياخذني معاه
من يوم تزوجت وانا عند اهلي يجيني كل نهاية شهر كانه زواج مسيار
ابي اكون مع زوجي ما يبي ياخذني عشان شغله

 

[{ام رائد}]

يعطيك العافيه

 

[موسي فراوله]

مششششششششششششششكورة حبيبتي والله يزيدك سعادة وهناء يارب\\\\\\\\\\\\\\\\\\\\\\\\\\\\احب اقولك اني جنوبية شرقية والجنوبيات يحبن الطلعة والفرفشة والوناسة وهو العكس دايما اقوله وهو ولا عندة مع اني احاول قد ما اقدر باني اتعامل معة باحترام ورقي واذا طلبت طلعة ولاشي يقولي ابشري:icon31::icon31::icon31::icon31::icon31::icon31: ولايهمك طلبك سهل وبالاخير مااشوف شي:surrender:\\\\\\\\\\احس اني اكره طلعتة معي لانها تجي بالغصب\\\\\\\ وودي اوضحله اني ما احب اسلوبه معي :no::icon1366: بس ما ادري كككككككككككككيف
\\\\\\\\\\\\الله يعطيك العافيه:blushing:

هلا حبيبتي

وتسلمين على الدعوه 000

بالعكس حبيبتي صدقيني زوجك سهل التعامل معاه جدآ مو مثل مانتي متصوره 000

أذا عشان الطلعه أو أي طلب لاتكرري الطلب أكثر من مره

ولاتزني أوتظلي وراه لحد ماتعرفي يعني مثال لو كنتي تبغين ملابس ومثلآ خارجين تاخذو أغراض للبيت

روحي ماركت بمجمع تسوق بعد ماتخلصو أغراض البيت خذي لفه بسيطه وأنتو طالعين وسوي نفسك

أنو بتدخلين بس تتفرجين وقوليله ماحاخذ ولا دقيقتين المهم بعدها أتفرجي وقولي حلوه ومن هالكلام بس

لا تبالغي هنا بحكم أنو شمالي وعنده عنفوان بيقول خذي اللي تبغين وقتها أشتري اللي خاطرك فيه00

وكل مره تروحي ولفيه على شي أكبر مثلآ تلفين زياده تدخلين محلات أكثر 000

فهمتيني ؟؟

=====================

عشان الخرجه وهو ماله نفس ههههههههههههههههههههه ياما صارت لي في البدايه00

شوفي حتى لو ماله نفس أهم شي انك خرجتي فهمتيني يعني لاتكوني مسويه زعلانه لأنو مخرجك بدون نفس بالعكس خلي الخرجه

معاك بالنسبه له شي ممتع يعني خليك مفرفشه حتى لو تأفئف سوي أنو عشان اي شي غيرك

لأن الشمالي يشوف ان الخرجات والمطاعم تضيع وقت ومال فطالما خرجك هذا شي كويس

شوفي أول كذا خرجه مع بعض مهما كان متضايق ومتوتر لا تبيني له انك فاهمه يعني عادي جيبي سوالف

تضحك أو وأنتو تسولفون أسئليه عن طموحه هنا الرجل الشمالي بيحب هالشي وبيظل يسولف

ويتكلم أسمعيه بأصغاء وتفاعلي معاه ((حتى لو نفخ احيانآ على شي مايستاهل أمتصي غضبه))

مثال أخر لو كنتو خارجين بعدين حسيتيه متضايق وبعد ماتطلعون يعني دوبكم ركبتو السياره بعدها بدقيقه

((شوفي هو أصلآ مستحيل يرجع لأنك طالما قدرتيه ماحيزعلك))قولي حبيبي لو مالك نفس خلينا نرجع

عادي اهم شي راحتك 000لحظتها هو داخله حيطر من الفرحه لكن ماحيبين وبيحاول يسعدك

حتى لو بس بالسوالف معاك000

==========================

عشان الأسلوب أولآ الوقت مهم جدآ جدآ شوفي متى يكون مرتاح نفسيآ وتحسي عنده قابليه للكلام

بالبدايه أمدحيه قولي أنا والله عارفه انك تحبني وعارفه لمى تزعل أحيانآ وتنرفز تكون عشان خايف عليه

أو عشان مستقبلناوانك رجل يعتمد عليه مومثل رجال هالأيام أنا مقدره كل شي انت تسويه لكن فيه أشياء

أنت تسويها بدون قصد تضايقني وهي اللي بتخرب عليك الأشياء الحلوه اللي فيك وأبدي قوليله

بصوت هادي ونبره شده بحزن فهمتيني وخليك واثقه بكلماتك وتكون عينه بعينك عشان توصلي له اللي تبغي

أكثر 00000

وأن شاء الله أكون افدتك000000

 

[موسي فراوله]

طيب جزاك الله خير بس انا طماعة...
امتى افضل وقت وافضل طريقة لتطلبي طلباتك؟؟؟؟ الخاصة مش طلبات البيت... او طلبات كمالية للبيت مثلا...

اما احنا موش جداد لينا قرب 3.نص سنين

أفضل وقت لمى يكون مرووووووووووووق وأنتي وحظك عارفه أنهم أغلب أيام الأسبوع منرفزين

لكن أنتي كذا شوفي يوم يكون متهيئ نفسيآ وأطلبي قبلها خليه يسترخي بالبيت يعني مثلآ سوي

شاي مع شوية مكسرات وخليه عند التلفيزيون وبعدي عنه أطفالكم خليهم بغرفتهم المهم خليه يسترخي

ويحس انه مبسوط منك وأنت روحي أشغل نفسك بأي شي بعدها أدخلي قولي حبيبي ملابس الداخليه

صارت صغيره أوكبيره ولازم أشتري لأني متضايقه منها وعارف انها ضروريه وبعد ماتروحو تشتروها

أدخلي المحلات اللي تبغين وأبدي أشترى أغراضك 0000

 

[يوميات انثى]

انا قريت وووضوعك وجد ماشالله عليك ياكذا الحريم ولا بلا .. احلى شي بالمرأه قوه الشخصيه والثقه والذكاء.. وربي يوفقج ويسعدج معاه..

 

[موسي فراوله]

ما شاالله عليج عسى ربي يسخره لج عاد تدرين زوجى مسافر له يومين وراح وانا زعلانه وقلت بينى وبين نفسى راح اقابله اسوا استقبال راح اطنشه وما اسلم عليه مع العلم زوجى شمالى لكن لما قريت كلامج غيرتى رايى مشكوره كلامج غير حتى نفسيتى والحين عن اذنج بروح الصالون وبقلب اسوا استقبال الى احسن استقبال

هلا حبيبة قلبي اسمحيلي اللي سويتيه غلط 000


حبيبتي لو كان بيروح بعدين أو بيسافر هو في الحالتين بيسافر سوائآ كنتي راضيه أولا

يعني لو بيسافر بعيدين لاتبيني أنك ماتتحملي الين يرجع وتنرفزين بالعكس قولي والله فرصه أنا أرتاح هاليومين

وأسترخي وأروح لصالون وأغير بشكلي أو بروح نادي هنا هو حيقول ليش أنتي تبغيني أروح عادي اروح

حيستغرب ومنها انتي تريحي نفسك وهو بروح وباله مشغول فيك ومتشوق يرجعلك000

روحي حبيبتي استقبليه ربي يوفقك الشمالي لمى تعاندينه يعاندك أكثر ولو جفيتي يتعود يجافيك ويجافيك

أكثر 0000

 

[مررروج]

بوركتي اختي موسي الفراوله
موضوع شيق والله يعين على مزجهم يتعبني تقلب المزاج
وعلى الطلعات الى بصعوبه تصير
بس ان الله مع الصابرين

 

[اللب نساك انساه]

مرحبا موسي ياليت تفيديني انا زيك شماليه غربيه وزوجي شمالي شرقي
احيانا يحسسني اني حمل ثقيل عليه لما يطلعني او لما اكون سهرانه معاه في الويك اند ياليت تفيديني والله يوفقك
ويتمم علييك مره فرحت لك

 

[شوكولاااته]

ماشاء الله عليك كتبتي تجربتك انا ناويه اكتب تجربتي وتغير حياتنا

ومالقيت وقت

وودي اكتب قصة تغيري من كسوله الى نشيطه جدا

وانا مثلك شماليه غربيه مع شمالي شرقي


مشكورة حبيبتي ع الموضوع

 

[&Athari&]

شي رائع
وهناك المزيد بملفات الشمالي من هذه النصائح
وتجربتك الحياتيه دليل رائع ومساند لتجارب اخواتك
لم اقرا التعليقات فقط قرات موضوعك
عندي تعليق على العنوان
انت لم تغيري زوجك00000 لكنك غيرتي نفسك
دوام السعاده لك

 

[ام صقر222]

الله يتمم عليك

 

[خيل في الخيال]

ماشاء الله عليك والله يخليلك زوجك ويخليك له بس سبحان الله :no:ليش الزوجة كل شي على راسها مادري من كرهي لزوجي:icon28: ماعد ادور ايش يرضيه اهم شي اولادي لاني حاولت معاه كذا مرة وسار يلمحلي اني تغيرت عشان البي طلباتك بعدها يطنشني والله سرت ادعي عليه استغفر الله العظيم

 

[طرايف]

ارجو انك تساعديني انا زوجي صار يبتعد عني شويه شويه يعني ما يسال عني وايد وادا اتهاوشت او تجادلت معاه بموضوع يتجاهل يومين ما يكلمني لكنه بارد في عواطفه يعني في طبع ما يبين عواطفه

انا عاطفيه جدا احبه اموت عليه وصرت لصقه ازعجه انت ما تحبني وانت وانت كان يقولي انتي صرتي لحوحه
ومزعجه احب اتملككه الحقه انا باتصلاتي واسئلتي حتى اطالبه بالجنس انا كيف اغير من طبعي اخليه يرجع مثل ماكان متمكسك فيه وايد ويحبني ويدلعني وكان يتكلم معايه حتى لو كان بالشغل ويرسل مسجات لكن الامور تغيرت لاني صرت اعاتبه الومه وايد ويقولي انا ماحب العتب واللوم الكثير وهو بطيئ بقراراته ودكي جدا

كيف اخليه اهو يلاحقني ويهتم اكثر مثل ماكان يرجعلي يعتبرني صدييقته حبيبته وكل شي له كيف اتصرف يعني كيف يكون الثقل ويكون الحب من اول ويديد ابي اتغير ماصير لحوحه ولا الاحقه باتصالاتي الحينه صارلي ثلاث ايام ما يكلمني ابدا ولا يشوفني حتى لاني تجادلت معاه وزعل مني بس انا بادرت بمسج اعتدار على هاتفه وقت الشغل لين الحينه مارد عليه ادا سامحني او حن قلبه ماعرف مع اني اعرف شعوره تجاهي انه يحبني ومايصبر عني لكن تغير شويه من كثر ما الح عليه بحبي واطالبه بحبي وانه يتواصل معاي ارجوج ساعديني وكيف اكون طبيعيه واتصرف معاه​

 

[طرايف]

صار له اكثر من كم يوم مره واصل حده انا شماليه غربيه وهو شمالي غربي اظني

بس ماعرف احسه كرهني بسبب اسلوبي قبل كنت هاديه دلوعه غير مسيطره بس مادري شفيني سويت كذا مره اتناقر واتشاحن معاه بالمسجات

زعلان مني وكرهني كيف اتصرف البارحه حقرني مما كلمني رحت قدامه بعد قبل لانام كتبتله مسج ونمت عنده مافي اي رد حقران بس ارجوج ساعديني كيف اتصرف

 

[foodi]

روعه @@@مره عجبني موضوعك وكمان شجعني باني اكتب مغامرتي مع زوجي الشمالي الشرقي