~**~تعالين نتعلم عن النمط الغربي للأزواج~**~الردود

الحالة
مغلق و غير مفتوح للمزيد من الردود.
ننتظر بشغف كيف نتعلم النمط الغربي .. لان زوجي والله اعلم انه جنوبي غربي.. فوضوي كتوم يؤجل باستمرار..لايهتم ولا يحب ان يتحمل المسؤلية.
 
انا شماليه غربيه وزوجي جنوبي غربي
الحمدلله تجمعنا الغربيه بجداره
لكن صايره الاحظ على روحي شئ بس ما اعرف هل هو حقيقي او لا
احس روحي صايره مع مرور الزمن اتحول لشرقيه لا شعوريا
يعني اول ما تزوجت كنت واااايد تفكيري متحرر وكل شئ عندي عادي واحب الاشياء المبتكره والغريبه واجد متعتي في اتباع الاساليب الملتويه والغريبه بالاضفه الى السرعه في عمل المنزل وعدم الاهتمام بالتفاصيل يعني اعمل عمل سريع وغير دقيق بالاضاقه الى اني كنت مهمله وغير مرتبه
لكن الان اجد نفسي لا اراديا اصبحت ادقق في التفاصيل بشكل فظيع حتى اذا كنت جالسه وارى امامي شي غير موضوغ بطريقه جيده اشعر وكانه على راسي لازم اقوم اعدله , وايد صرت دقيقه في عمل البيت ولا يرتاح بالي الا والشقه على سنقه 10 لا ارتاح الا حينما اتقن عملي 100%
مادري كنت عاجبه روحي وانا غربيه اشعر ان الحخياه كانت الذ وامتع ههههه ,, سؤالي هل ممكن السخص يتحول من نمط الى نمط مع مر الزمن ؟؟؟؟
 
ممكن الإنسان يتغير من نمط إلى آخر بمرور الزمن،،

ممكن الزوجة تتأثر بزوجها او من تعيش معه،

وممكن الإنسان وحده يسعى لتغيير سلوكياته انمط آخر..

هذا على حسب علمي:smoke1:

مرمورة حبيبتي،،
شكرا على الرد الوافي،، والمعلومات إللي اضفتيها،،
ياخوفي من المتطرف،، في كل الانماط.
 
كيف أعرف هو جنوبي
ولا شمالي؟؟؟!!!!!!!:santa_1:

بلييييز ساعدوونــــي:icon1366:​
 
زوجي فيه من كل نمط صفة
شو اسم الشخصية هاذي
؟؟؟؟؟؟؟؟؟؟؟؟؟؟؟؟؟؟؟؟؟؟؟
 
تفضلوا ... من إنسانه غربيه بحته :)

... مسا النور و الأنوار ، و الورد و الأزهار ...
.
.
بصراحه شديده ،
أنا كتبت هذا الرد من قبل ، وفي اللحظه اللي باضغط فيها إرسال ... وقفت و تراجعت !!
ما أدري ليش ، بس رجعت مره ثانيه
:cupidarrow:



أنا غربيه جدا ً جدا ً جدا ً من هنااااااا لبكره !!
بتكلم لكم من منطلق كوني إمرأه ، بنت وصديقه و أخت ... و أتمنى من كل قلبي - خصوصا ً الأمهات لأطفال غربيين -
أتمنى منهم يركزون معي زين



حقيقة ً أنا محتاره في كوني جنوبيه أو شماليه ،
عندي كومبينيشن غريب من الإثنين ... و أعتقد أكثر إني شماليه لكني طورت عند نفسي صفات جنوبيه نظرا ً لظروف كثيره



ندخل في صلب الموضوع
- و رجاءً لا تعتبروا بعض الأشياء مدح في نفسي - :


- الغربيين مبدعين ، مبتكرين ، خلاقين ... ممكن تلاقي عندهم مليون فكره في عقلهم ،
و ممكن تلاقي عندهم مليون حل لمشكله وحده !!
نصيحة خاصة للأمهات :
كوني ذكيه ولماحه لأي بادرة موهبة أو إبداع عند طفلك ، لا تكوني مثل الحواجز اللي تعيق تقدمه و تكبح جماح افكاره ،
لا تستهزئي فيه ... ترى بيظل طوووول عمره ضايع و كأنه ظاهره من الفضاء الخارجي !!
شجعيه وادعميه و امدحيه وشاركيه ... ما بينساها لك طوال عمره .
تحمسي لحماسه ، ولا تطفئيه .




- اكتشفت مؤخرا ً إني فعلا ً غير مرتبة !!
لكني طورت من صغري صفة النظافة و الترتيب و النظام (عشان نعجب ست ماما)
لما كبرت ، شوي بديت أتمرد على النظافه الزايده >> لا توقفوا كثير هههههه
مع ذلك أكره جدا ً المكان الفوضى و القذر .. ما أرتاح نهائيا ً
على الأقل يكون مريح و مرتب وبارد




- ما أحب الروتين و لا القوانين ولا أحب ألتزم في نمط واحد ممل كئيب ،
أحس الروتين أكبر قاتل للحياة و الطموح و الإبتكار .
لذلك أفضل شيء إني أشتغل أعمال حره .




- أبدا ً ما أقدر أعيش مع الناس المتشائمين و الكئيبين و الروتينيين و دائمي التكشير عشاق الحزن الدائم !!
يا الله ما أتحمل الناس اللي تسكر كل الأبواب في وجهي ،
ليش ما يقدروا يستمتعوا بحياتهم ؟ كم مره بنعيش ؟




- ما أحب أحد يسألني من وين رايحه وفين جايه ، و كم جلستي ؟ و متى طلعتي ؟
و متي بتيجي ؟
باختصار : ما أحب التفاصيل الزايده عن اللزوم إلا في الأشياء المثيره اللي تحمسني بس !!




- طبعا ً خياليه !!
يعني بجد أستغرب من خيالي الواسع وشلون ينسج كل هالأفكار بنفس اللحظه (ما شاء الله تبارك الله)
لذلك أكتب الشعر .




- غامضه نوعا ً ما ،
ممكن تعيشي معي سنه ... و تكتشفي بالصدفه عني أشياء ما قلتها ،
مو عشان شي ... بس عشان أنا أعتقد إنه مش ضروري أتعب اللي معاي بكل تفاصيل حياتي !!




- لزوجات الغربيين :
انتبهي للعلامات التاليه عند زوجك :
جا من الشغل و هو غير مبتسم و منشرح كالعاده ، و كلما سألتيه سؤال رد عليك بكلمه ورد غطاها
=
لاااااااااااااااااااا تحاولي أبدا ً تسأليه : ماذا بك اليوم ؟
أبدا ً ، لأنه احتمال ينفجر بوجهك مع استمرار الإصرار ، و بيقولك لك بلهجة مؤلمه للغايه : قلت لك ما فيني شي يعني ما فيني شي ؟!!
الحل : ابتسمي و تصرفي عاااادي مره ، و لاااااا كأنه صاير شي ... هو بنفسه بيحكي لك لو حب .


شفتيه فجأه ابتعد عنك ، ما يحاول يستجيب لمبادراتك ، ممكن سويتي له حركه حلوه مره مع هديه و رغم كدا أبدا ً ما حاول يتفاعل
=
محتاج يبتعد شوي !!
الغربيين يكرهوا الإختناق و الحدود و الإلتزام !!
ابعدي عنه ، عيشي حياتك شوي ... على قولتهم : هو داخل الكهف ألحين .
مرحلة الإكتئاب هذي لازم تمر عليه كل فتره ، لا تسوي منها قضية الشرق الأوسط وإلا بتزيد و تطول .


كوني متجدده ، مرحه ، أنيقه ، طموحه ، متفائله ، هاي كلاس حتى في مسكة الشنطه ...
بتلاقيه مثل الكوكب يدور حول الشمس ، معجب و مغرم !!




- لا تسخري من أفكار الغربي !!
شجعيه ، ادعميه ، امدحيه ، بيكون انسان وديع جدا ً و حبوب .




- أنا اجتماعيه ، بثواني أكون علاقات و أبتكر سواليف .




- أحب المغامرات جدا ً جدا ً ، أحب أستمتع باللحظه بكلللللللللللللل ما فيها ..
أحب أستغل كل ثانيه ... يا ليت ما حد يجي ينكد علي ساعتها و يحط قوانيني : لازم ، و مفروض ، وبعد دقيقه ، و لا تسوي ...!
نفسي أجرب القفز المظلي ، و أغوص بوسط البحر ، و أسوق سياره بسرعة 500 >> خخخخ
على فكره : هذي الصفه بالذات حسيت إنها تعجب خطيبي الجنوبي الشرقي




- لا تدققوا في التفاصيل !!




- يتمتع الغربيون بحس راقي فعلا ً ، يعجبك تصرفهم في الأماكن العامه و الإجتماعات ،
مستحيل يدخلوا و ما يخلوا احد ينتبه لهم !!




- لا تتوقعي منه يسرد لك حكايه ما زي ما تبغي !!
انتي اسأليه طالما هو مستعد يسولف .




- جربي تستمتعي بصحبة الغربي ، جربي تنبسكي بالطلعه معاه ...
ترى فعلاً هو مسلي و حبوب و الطلعه معاه ما تنسى إذا ما نكدتي عليه من البدايه وسديتي نفسه !!




- قلت لكم إني أكره الروتين ،
عادي عندي جدا ً جدا ً أروح كوافير أول مره أسمع عنه ولو كانت ليلة زواجي !!
أحب أجرب كل شي جديد ... أحب أكتشف المشاعر الجديده و الأماكن الجديده و الأشخاص الجدد .
.
.
.





أعتقد إن ردي هو أكبر دليل على غربيتي :
ما له نمط محدد ، شوي ضمير متكلم و شوي مخاطب وشوي مدري شو ...!
أحيانا ً يصير عندي مشكله في سرد الأفكار ،
لذلك حبيباتي اللي عندها أي سؤال ... تسألني و أنا بعطيها رأيي .



أتمنى أكون أفدتكم
و تقبلوا تحياتي يا أحلى ملكات
:cupidarrow:​
 
التعديل الأخير:
مشكورررررة طعم الكرز على معلوماتك ... فعلا معلومات قيمة ​

بصراحة انا احس اني غربية في كثير من تصرفاتي بس برضو فيني صفات الشرقية ,, ( امرأة لا تنسى قالتلي اني شرقية .. والاختبار بعد تقريبا طلع اني شرقية )

بس انا فيني افكار غربية كثييييييييييير

مثلا : صح انا احب الترتيب والنظافة واحب كل شي في مكانة ,, بس ما احب انا ارتب وما اترب الا لاني مضطرة ارتب ومافي احد بيرتب غيري :crazy:

ما احب القيود والقوانين .. مثلا اكره احد يفرض علي لبس معين .. مثلا في شغلي اكره يقولون ممنوع تلبسين بنطلون مثلا او ممنوع تلبسين بلوزة كم قصير ,,, اكرررررررررره احد يقيدني خاصة في لبسي ..

بس في نفس الوقت التزم بالقوانين وما احب اني اتجاوزها:dunno:

ما عندي خيال واسع مع اني احاول انمي الشي هذا فيني لاني احب الرسم

واحب الشعر بعد وكنت اكتب احيانا شعر او خواطر على قد حالي ,,, ما تعجبني اذا قريتها بعد فترة احس انها بايخة وما فيها ابداع ... مجرد اكتبها تجربة لاني اتمنى اني اعرف اكتب شعر او خواطر

في اللبس يعجبني الستايل الغربي اكثر البسيط والناعم ... ولبسي غالبا غربي

بس احيانا اذا شفت وحدة لابسة ملابس شرقية تعجبني عليها صحيح احس انها مبالغة في كثرة الزركشة والاكسسوارات بس احسها حلوة

والله احترت انا غربية والا شرقية :dunno:
 
شكرا يا أم شذى أتيت لنقطه حيرتني ، وأود أن تجيب عليها المتخصصات ,,, ( برجاء الرد إن أمكن )
هل ممكن يتغير نمط الشخصية ؟
أو هل ممكن نمط كان ضعيف يقوى ، ويصبح الغالب ؟

لأني جنوبية شرقية ، وزوجي شمالي غربي ، وأشعر أنه تغيرت فيني بعض الأمور
وفي أمور لم أعد أقوم بها كالسابق !!!
 
السلام عليكم موضوع روعة بل قمة في الروعة مشكورة يالغالية على الطرح
أنا جنوبية غربية وزوجي جنوبي غربي بس ماني عارفة كيف أتفاهم معاه
زوجي يحب يتفلسف ويحب يكبر الأمور وحذرفي كل تصرفاتة مرح مع أهلة وأقاربة يحب التميزويحس بأنة متميز
يموت في التسويف يعنى ولامرة قال بسوى شئ وسواة في وقتة عصبي جدا
شكاك في كل شئ يدقق في كل شئ يحسنى غامضة رغم أنى واضحة وسهلة ولا أعرف لا ألف ولا أدور
حتى الأشياء اللي المفروض مايعرفها ما أعرف أخبيها حتى كيد النساء ماأعرف لة كل شئ عندي واضح
عجزت في التعامل معاة كل شئ أسوية ينقلب ضدي ياليت تساعدنى الله يجزاكم الجنة دون حساب
 
اتمنى بقوه الاستفاده الله يوفقكم زوجي غربي جنوبي لا يحترمني لااعرف لماذ ظنه سيء فيني مهما كانت بساطة الامر كذاب بدرجه امتياز غير مسؤل لم استطع فهمه الى الان بعد5 سنوات زواج ماالحل انا شرقيه جنوبيه
 
ام فارس انا لست خبيرة لكن شدتني كلمة لا يحترمني

شوفي انا غربية جنوبية مثل زوجك و الصراحة انا ما احترم ابدا الشخص الضعيف ابدا و احاول اتجنبهم ولا اقربهم لحياتي
شوفي رغم اني احب التسلط بس ما احب زوجي يكون ضعبف قدامي لذلك تحصليني دائما اتراجع امامه و ما تصدقي كيف انه لما اتمدى و يعصب او يصرخ و هذا نادر تحسيني احترمه بزيادة و اتوقف على طول
في محيطي اعرف بنت ضعيفة زوجها مشغلة زين في البيت و هي ما تقدر حتى تقول لا عيالها يمشوها مثل ما يريدوا و هي وراهم كل ما اقول لها حددي شخصيتك و اوقفي عيالك عند حدهم ما تسمع و المشكلة انها تيجي عندي تتشكى و الله ما اكذب عليك اني اتفادى تماما اني احتك بيها احسها انسانه مهزوزوة ما تناسب تفكيري و يغيضني ضعفها كثير
لذلك ان كنت من النوع الي ما عندك شخصية قدام زوجك رجعي شخصيتك خلي لك رأي كلمة حتى لو كانت ما مسموعة بس على الاقل يكون لك رأيك الخاص لا تسمحي لحد ابدا يتجاوز حدوده معاك شوفي لما يقلل زوجك احترامه لك لا تجلسي معاه اول ما تحسيه بدء يقلل احترامه قولي له اذا بتبدء تقلل احترامك بروح الغرفة و اذا استهزء روحي الغرفة و سيبيه و اذا صرخ فيك ليش تركتيني قولي له الي ما يحترمني ما يستحق اضيع وقتي معاه ابدا لا تسمحي له يعاملك بقلة ادب خصوصا قدام العيال حتى لو كان صغير

اتمنى اكون افدتك و مرة ثانية انا ما خبيرة انا اتكلم من واقع حياتي
 
حسبي الله الذي لا اله الا هو عليه توكلت وهو رب العرش العظيم

مرموره ياعسل

الله يجزاج الجنه علي الموضوع الحلو اللي صج استفدة منه

زوجي شخصيته غربي جنوبي بس ما عرف شنو شخصيتي آنا


وو ياليت اتوضحين لي ليش زوجي يكذب وايد يعني الشي اللي ارفضه
او يكون عنده شكه اني ماراح اقبل فيه ايسويه من وراي

عادي ماعنده مشاكل ولا يفكر بنتايج ابد

شغله بالخش والدس من وراي وللاسف اعرف من اهله

وهذا الشي اهو سبب كل مشاكلنا اللي ماتخلص ابدا ابدا

بيتي راح ينهار خلاص وخايفه من باجر

ياليت ياقلبي توضحين لي ..... ليش يتصرف بهالطريقه

طريقته اتحسسني انه مايحبني وان مالي قيمه ولا راي واحسه يلغي دوري

ياليت اتكلمينا اكثر عن هذه الشخصيه

والله لايحرمج الاجر يمكن يكون حل مشاكلي الكثيره علي ايدج

وتنقذين بيت كامل من الضياع



كل الشكر
 
التعديل الأخير:
مساااااااااء الحب ياحلوااات معليش يمكن انا متاخره لاكن انبسطت لما لقيت ضاالتي عندكم طيب اذا كان كلا الزوجين جنوبيين غربيين يعني بالعربي الفصيح انا وهو مجانين وراح نرتبط ببعض هل هالشي كويس ولالا افيدوني الله يخليكم لاني جالسه اشووف وصفي دقيق بكلامك الجنون والتهور وعدم التفكير والمصيبه انو خطيبي الي راح يكون زوجي قريب ان شاالله نفس الشي قووووووووووووولوو استحلفكم بالله تقولون لي
 
زوجي غربي شمالي

مبدع بشكل كبير خطاط ورسام وفنان بالفوتوشوب ومصور موهوب وعبقري الكترونيات ماشاء الله ولاحول ولاقوة الا بالله

سريع تنافسي يحب الف ودوران بشكل كبير مايعترف بغلطه فوضوي بشكل مرعبببب مرح يحب تغير الجو لكنه بيتوتي

ومنعزل كونه شمالي

يحب المغامره والخطر صاحب مزاج ودقيق هذا معاي فالبيت اكيد شخصيتي فالعمل غير شوي

واناجنوبيه غربيه

لكن طبعا مش كل الصفات الجنوبيه فيني ولا الغربيه ونتايجي في التحليل متقاربه

مبدعه احب الكتابه والرسم والتصوير خياااليه احب البس بناطلين واكثر لبسي مشخلع ;) واحب التغيير اكره الروتين احب المغامره يعني عادي انا وزوجي الساعه

2 الفجر نطلع البحر ولا نقعد نقحص ههه تقريبا اغلب الصفات اللي ذككرتها طعم الكرز فيني

لكني ماحب الفوضى واحب الكمال
 
اختي مرموره

معلومات جدا جدا جدا مفيده ورائعه

اتمنى نتكلم اكثر عن الغربي الجنوبي

وانا جنوبيه غربيه اتوقع انا اميل اكثر لرومنسيه بينما هو يميل اكثر للمرح والتحرر

مع انه نجتمع في كثير نقاط لكني لاحظة انه يحب المدح كثيرا يكره التكرار والروتين

يكره التقيد ..انا هم مثله لكن هو اكثر مني بينما انا اميل لرومنسيه اكثر منه

هو رومنسي لكن متحرر اكثر وانا متحرره لكن رومنسيه اكثر

المشكله انه لما يكون هو متضايق القاه يهرب من المشاكل بالضحك الكثير ويعاملني بلا مبالاه
وبجفاء ( في حالت فقط انه يكون عنده ضغط ) احس انه يهرب من المشكله بالضحك ويهرب من اي مشاعر

كيف المفروض اتصرف معاه

احيانا احس انه حساس جدا جدا .. وتعامله مع المشاكل بالهروب منها بالضحك والسفر

كيف اقدر اخليه يهرب بأنه يلجئ لي مو انه يعاملني برود وضحك:no:
 
الله يجزاكن الفردوس الاعلى يااختي الكذب كثير عنده وانا ار انه جنوبي غربي والكلام كثير والفلسفه كثيروانا جنوبيه لاكن حريصه على حياتناوفي الاخير كبي بالحبر ومتى طراء شيء في راسه سوه المواعيد اريدها في وقتها ويقول الشي واصدق واشيل هم وتفكير عشان ارتب الوضع واكون مستعده اي سؤال اساله وطلب يقوا نشوف بعدين مثل يوم قال رايح يفطر عند الوالده وقلت اشرايك نروح كلنا باليل قال خلاص وبعدين راح افطر وانا اتجهزت ومكياج واستشوار وكلش وبعدين لماجا قالوين قلت مو رايحين عند عمتي قال بعدين وبعد اشوي قال اباطلعكم وانا ماسكه اعصابي ولابينت اي شئ وعلى طول هل موال وطلعنا فرينا بالسوق بالمكياج تبعي ولبس الطلعه وجينا ولاسالت ولا شئووبعدين صار يوم زعل بيننا كنت تعبانه توني اسلبت ونايمه بالفراش جاني زوار وبعدكم يوم جات امه وكل شيئ تمام وبد خروجهم انتي ماتبينهم يجون البيت علمن بان كانومقاطعينه 5سنوات الاسباب تافه ولا لي دخل بهى ولا واخذ1 شوريولاشيئ الطلب اطلبه عدة مرات مولان ماعنده لاعنده خير لكن طبع احس بعدم الامان معه مع انه يثق فيني واناكذلك ولكن ماني عارفه كيف اكتب مابداخلي انا الصمت بيقضي علي لايريدنقاش ولايعرف حواريعلي صوته لدرجة اولاده يصحون من النوم هذى بالنقاش واضطر اصمت كثير واقول مابي شئ خلاص الله ينصرني ماني مقصره عليه حتى بالطلبات اقل وحد تطلب وكمان احيانن اتراجع وقت المرض والازمات ماالقيه جنبي احس بوحده مع اني اره موجود غيرلمن يمرض ادلل وامسج وليمون طالع وعصيررادواشيله من الارض شيل واذامرضت اختلق مشكله وانتقاداتوتركني وخرج اشيكي ايش ولاايش ابي يهتم فيني ابيشاورني ابي احس فيه اوقت الحاجه وش الحياه لمرضت متلاقي احدبجانبك واذ انتي طيبه اه اه ها وابي يهتم فيني ابي اجذبه ابي تقل طلعاته ابي محد يعرف الي اسوي بالبيت لانه يطلع كل شيء س س س س اعدوني
 
جزاك الله خير على هالموضوع من زمان وانا ارغب في معرفة النمط الغربي خصوصا ان زوجي جنوبي غربي ... وارجوا منك التكرم بالرد على اسالتي .. طبعا الغربي يحب السفر لكن اذا كنت الحالة المادية صعبه لانه فيه عمار وهو محتار فهل اشجعه على السفر؟؟؟ اواحاول احسسه انه عادي ماله داعي للسفر؟؟ وشى الثاني والمهم ان في النمط الغربي يحب التغير وطبعا يرغب بزوجة ثانية على قولتهم دم جديد؟!! يمكن مايزوج ثانية علشان زوجته مايبغى المشاكل لكن يريد زوجته توافق على زواجه !!!!!! حلوالله السؤال كيف نبعد هالرغبه؟؟؟
 
انا شماليه غربيه

اقولكم الغربي شو صفاته


يحب المغامرة (يعني كل ما هو غريب وجديدي يحبه )
يحب التغيير ويكره الروتين

ملول

مرح

متسامح
متمرد على كل من يجبره

يحب الذوق والاتيكيت

يحب التميز والرقي

يعشق الحريه
فهو يحب ان يكون حرا
ويعطي الحريه لغيره

لديه مواهب وابداعات
غير دقيق بالمواعيد

يكره الالتزامات
حتى الملابس يحب كل ما هو جديد وغريب

مبدع ومتقن لعمله بالرغم من فوضويته احيانا




​
 
الحالة
مغلق و غير مفتوح للمزيد من الردود.
عودة
أعلى أسفل