تعالو ذوقو ثريدنا ، حياكم حياكم

[ام العبابيد]

سلام عليكم حبايبي


اشلونكم شخباركم :cupidarrow:

الثريد من الاكلات الشعبيه المفضله في كل الخليج ، وخاصه على الفطور في رمضان :essen:


وبما انه اليوم وقفة عرفه ومعظمنا صايمات ، نفطر ثريد عيل




بدون مقادير ، اقصد المقادير في الطريقه :bigsmile:



- نذبل بصله في الزيت ----- يعني نقلبها في الزيت على النار لين تذبل شوي :shiny:
- نضيف قطع الدجاج المغسووله

- نحرك الدجاج مع البصر حتى يصير لون الدجاج مائل الى الذهبي

- نضيف 2 مكعب ماجي ونخلي النار هادئه ، ونحرك لين يذوب الماجي

- نضيف ملعقتين من البهارات اللي تحبونها

- خمسه اوراق من ال كري بتا او ورق الكاري ------------ يعطي رائحة شهيه

- نحرك الخليط جيدا حتى تختلط البهارات مع الدجاجه ، ثم نضيف ملعقه كبيره صلصة الطماطم او معجوون الطماطم

- نضيف الخضروات اللتي لدينا ( بطاطس ، كوسا ، جزر، ------اللي تحبوونه)

- نصب 4 كاسات ماء مغلي على طبختنا ( ماء مغلي لا تنسون ، حتى تحتفظ الطبخه بجميع نكهاتها) ،

- نقلل عل النار ونغطيها لحد استواء جميع الخضروات


- نطفي النار ------نقطع الخبز -------نسقطها في المرق او الصالونه --------نخلط ويا بعض -------نغرف وناكل همهم:essen:


على فكره جربوا الثريد بخبز الخباز مو الرقاق ، يطلع لذيذ:blush-anim-cl:

وعليكم بالعافيه :essen:

 

[ام العبابيد]

بنات الخطوة رقم 2 بصل مو بصر



غربلوني العيال وتخربطت

 

[ام العبابيد]

معقووله ما في حد يحب الثريد ؟




ولا مو حلو ثريدنا ، عادي قولو لو مو حلو

 

[Ameerat El Ward]

يمي يمي ... ثرييييييييييييييد ,,, انا اموت في الثريد ,, وكنت كل يوم في رمضان اكل ثريد وبس .. واحيانا هريس

الثريد وجبه مفيدة جدا لو طبختيها بطريقة صحية .. يعني لو نقلل الزيت ونحط الخضروات الطيبة مثل البطاط والكوسا .. يا سلام ..

وفوق هذا تراه محبوب عند الكل ولانه لين يحبونه اليهال .. مشكورة على الوصفة ..

 

[ام العبابيد]

شكرا حبووبة



ردج فرحني وايد

 

[درة الأكوان]

مشكووووووووووووووووورة حبيبتي

 

[ملاك الورد]

وااااه روعه ان شاء الله اجربها طريقتك ... : ) يسلموووو .

 

[&SooSoo&]

اكله لذيذه وعيالي يموتون فيها

بس عندنا في الرياض اسمها غير

مشكوره يالغاليه



..................