تعالو ابيكم شوي..

[mryom]

بنات في شي مسغربه منه ..


انا معروفه بين اهلي اني اقدر اقنع الطرف الثاني ..

حتى كانت عندنا وحده كانت بتنفصل عن زوجها واهو شحليله طيب ومافيه عيب وعطيتها كم كلمه ورجعت له وعلاقتهم ولا احلى مع انه الكل حاول يقنعها ولا قدر ..


المهم اللي مضايقني ..

اني مهما احاول اقنع في زوجي في اي شي مايقتنع ..

لو مارد على الجوال لاني كنت اسبح احاول اقنعه اني من جد ماسمعت الجوال يدق يقول كيف الغرفه يم الحمام بالضبط ليش يعني واحاول اقنعه مايقتنع يقولي مو مقتنع بس مايزعل فهمتو السالفه انه مايقتنع ..انا مثلت مثال بس لانه في اشيا واجد انا اقولها مايقتنع فيها ..ماادري ليش محيرني..!!

 

[مآمه آحلى قمرين]

يا قلبي قولي له انك ما سمعتيه واذا قال كيف وما كيف خليه يقول اللي عنده وطنشي والله لو تبي تراعينه والله راح تتعبي انتي صادقه ما سمعتيه وهو يبي يكذبك خليه يكذبك لو اي شي سويته قلتي انتي له الا هذا وعملته قال لك لا وما لا اسكتي وطنشي مالك الا الصبر والدعاء اخر الليل والله تشوفي العجب
ربي يهدي سركم ويوفقك وياه يا رب ..
تقبلي ودي ..

 

[mryom]

ياقلبي مو بس هالشي ..

مثلا قبل الزواج قلت له خل نروح الرياض ناخذ الاثاث من هناك وانه بنت عمي وولد عمي اثاثهم يجنن ومن هناك واني اعرف محلاتهم ..

وماسمعني ويوم جات اخته قالت له راح على طول انا يمهم كنت قاعده ..وقالت له ترا اثاث الرياض يجنن على طول قالي شرايج وانا تعبت وانا اقنعه يقول مسستحيل قلت له اسال الشباب واذا ماانصحوك مانروح تخيلو قال مايحتاج وغيرها وغيرهااا بس ابي اعرف ليش اهو كذاا

 

[نبضات جوري]

عادى حبيبتى الرجال احيانا يحبون يكونون هم المسيطرين والراي رايهم
احيانا تبين تفرضين رايك وماتلقينه يديرلك بال
لاتشغلين بالك وتوجعين راسك حبيبتى
بتتعبين

الله يوفقك ويسخره لك

 

[قمر بلامنازع]

من غير ماتقنعيه

قولي له كنت في الحمام عشان كذا اقتنع ماقتنع مايهم​

 

[mryom]

انا اعطيه السبب يوول ايه بس ترا ماقتنعت اقوله هذا اللي عندي لاني مااكذب يقول مو مكذبك بس مو مقتنع مره قلت له في ايش تبي اقنعك سالتني ليش مااستوا هالشي قلت لك سببي يقول براحتك بس مو مقتنع مجنني صرت اطنش واقوله هذا اللي صار بس من داخلي انقهر

 

[مآمه آحلى قمرين]

يا قلبيي شوفي ايش نمط زوجك وراح تعرفي كيف تتعاملي معه في قسم الزوج والزواج والله راح تستفيدي مره حلو القسم انا مثلك كنت زيك مجرد ما عرفت المنتدى تغيرت حياتي بفضل الله ثم المنتدى صارت لي كلامه عليه واذا شي موب عاجبني ما اسويه حتى لو هو يبيه روحي فديتك شوفي نمط زوجك كيف وكيف تتصرفي معه وتقنعيه وهناك في الاخوات ان شاء الله يفيدونك
تقبلي ودي ..

 

[مآمه آحلى قمرين]

يا قلبيي شوفي ايش نمط زوجك وراح تعرفي كيف تتعاملي معه في قسم الزوج والزواج والله راح تستفيدي مره حلو القسم انا مثلك كنت زيك مجرد ما عرفت المنتدى تغيرت حياتي بفضل الله ثم المنتدى صارت لي كلامه عليه واذا شي موب عاجبني ما اسويه حتى لو هو يبيه روحي فديتك شوفي نمط زوجك كيف وكيف تتصرفي معه وتقنعيه وهناك في الاخوات ان شاء الله يفيدونك
تقبلي ودي ..

 

[mryom]

اللي طلع معاي انه شمالي شرقي ..

بس في اشيا تحسسني انه مو شمالي شرقي اهو مستحيل يعتذر بس لو شاف دموعي ينسى كل شي حتى لو انا غلطانه فهمتي يعني دموعي تاثر فيه ..


ومبذر بقوه

 

[نبضات جوري]

غلاتى تبين نصيحتى
هيئي جو هادى وحلوو ويكون جو زوجك رايق
واجلسي وياه وقولي كل شي بقلبك له خلو جلستكم مصارحه بكل شي تحبينه وكل شي يحبه اهووا
كل شي وله حل

ولاتدخلين احد بمشاكلك لانك مع كثرة الاراء تتخربطين ماتدرين وش تسووين

المراة تقدر تتحكم وتملك زوجها باسلوبها والاسلووب له فن خااص بالتعامل


الله يوفقك ويسهل اموورك​

 

[مآمه آحلى قمرين]

طيب يا قلبي اذا زعلك او شي قولي له انت تحب تشوف دموعي او تكرهها ليش تسوي معي هيك ومن الكلام هذا يعني حاولي اذا زعلك ما اقتنع ازعليمنه قولي له ليش اسلوبك معي كذا قولي له ليش انا اذا قلت لك شي ما تقتنع فيه ليش غيري اذا قال بدون ذكر شخص معين تقتنع فيه ليش رايك ما يهمك ومن هالسوالف يعني اذا مو مصدقك لا تكلمينه ادبيه اذا سالك وش فيك وش مزعلك قولي له انت هيك وهيك وهيك ما تصدقني ودايم مو مقتنع بكلامي ايش تبيني اسوي لك اضحك مثلا ؟!!
اتمنى اني افدتك بشي عزيزتي .. ودي لكِ

 

[nana9379]

لانه هو عارفة
انك شايفه قدرتك على الاقناع في نفسك ميزه

 

[محبه الدين]

• الله يعينك دائما الرجال متعبين طنشيه هذا احسن حل

 

[هلا الرياض]

هذا عناد والله

 

[mryom]

انا قلت له ليش ماتقتنع انا مااقلت شي صعب انه الواحد يقتنع فيه وزعلت وقمت اصيح بعد بس يقولي بس مو على انه مو مقتنع لا على الشي اللي مزعلني فيه بس تخليو يقول لتزعلين بس مو مقتنع

والشي اللي اقوله مايحتاج اقناع تافهه يعني ليش بتروحين هالمكان اعطيه السبب يقول روحي بس مو مقتنع لسببج اقوله اهم شي اني ابي اروح بس طبعا مو كل مره يقول انه مو مقتنع بس حتى لو ماقال احس ..

وهم موو كل مره يحسسني انه مو مقتنع

 

[سآروو]

آحسس في بعض من طباايع زوجي
مآيقتنع مني من غيري !!
بس يآحياتي ترآهـ من وورآك يستشير آحد يعني يقتنع فيي في كلامك يسووي نفسه
ومن ورآك يقوول انها قالت كذآ آيشش رآيكم !

نفسس زوجي !!
الله يووووفقك يالغلا ~