تعالوا000كيف نتعامل مع ازواجنا فترة الملكة

[غناتي عن الكل]

مرحبا بنوتات
طبعا عارفين بفترة الملكة لما تكلمي زوجك او تقابليه لازم يكون فيه حدود والمجال مايكون مفتوح باي كلام او اي حركات فتلاقو فيه بنات من نفسهم يعرفو ايش اللي لازم يسير وبنات لا يستنو احد يعلمهم ولايسالو بحجة الخجل
كمان شي مجرد ماتبدى الوحدة تكلم زوجها هات يانصايح فلانة تقول وعلانة تسوي
ويافالحة الكلام هذا ماينفع تقولينو له وعوديه على مدري ايش وفهميه انك احسن بنت بالعالم عند اهلك لو بالكذب
ومن الكلام الفاضي حق الحريم
فانا للاسباب اللي سبق وقلتها
حابة انو يكون عندنا هنا مرجع كل فترة والثانية نشيك عليه ونشوف ايش اللي يناسبنا ونستفيد منو
يعني المطلوب
انو كل من تدخل تقول اي النصايح اللي تقدمتلها لما بدات تكلم زوجها ايش الكلام اللي تقولو وايش الكلام اللي مو صح انها تقوله لما يزورها زوجها ايش المفروض تسوي وايش المفروض تقول وكيف تتصرف
اعطيكم مثال
طبعا انا ليا ثلاث اسابيع مخطوبة اوك
وقعت من هنا وانهاااااااالت عليا النصايح من هنا
حتى من كثرها نصها ناسيتها
المهم
من النصايح اللي جاتني
اني مااوضح انو انا مرة ميتة عالزواج واني طايحة عند الرجال عشان لايفكر انو اقصد شي ثاني
كمان مااخبرو بكل شي يسيرلي سواء معاي لوحدي او مع اهلي عشان بكرة لايتعود ويزعل لو سار شي عند اهلك مثلا وماخبرتيه
وايش ثاااني 000؟
كمان لاتخبريه بخرجاتك ابدا >>
مع انو انا ضد الشي هذا لاني اعتقد انو يعرف من بدري اني متعودة اخرج واروح واجي مو يروح يمنعني بعدين ويسوي عليا رجال:30:
والله كان عندي كلام كثير عن نصايحهم المدري كيف بس طارت
المهم خلونا نستفيد من افكار ونصايح بعض
واذا فيه شي مو مقنع نتناقش فيه
ايش رايكم ؟!:1:

 

[لووووولو]

حبيبتي انا اقول لك لاتسمعين كلام احد واتصرفي بطبيعتك واهم شي اهلك لاتتكلمي عن خصوصياتهم عنده والرجال مو كلهم نفس بعض وانا استغرب من اللي يعطون نصائح وكلام الحمدلله وتحذيرات كانو عدو مو زوج لكن انتي اهم شي تكوني رسمية معاه بالبداية الى ان تتعرفين على شخصيته وهاذا رئيئ0000

 

[غناتي عن الكل]

تصدقين هذا اللي انا مقتنعه فيه
بس كثر الكلام يهوجس بالواحد
المشكلة تجيكي وحدة متزوجة من عمر وتقول كلام انتي يالله ماعندك خبرة تعرفين انو خطا وهي اللي عشرة سنييييييين مشي حالك
خليها على ربك ياشيخة << وحدة تكره الحريم !!! مو كلهم

 

[الوريد النابض]

لااااااااااااااااااااااااااااا تسمعين لاااااااااااااااااااااحد ابدا
وربي تندمين انا كنت اسمع لكلام صديقاتي وربي ندمت نصاااايح بس الرجاااال مو واحد
وربي احس انعدمت شخصيتي والسبب الكلام وكلن ينصح على اللي يشوفه بس الرجال مو نفس الشيء
حتى هو تعقد مني بالبدايه بس الحين مااسمع لاحد مهما كان حياتي ابنيها بشخصيتي ماامثل ولا اختبر ووووو وخليك عفووويه بكل شيء
​

 

[الوريد النابض]

وش اللي تبين له انك مو مررره ميته على الزواج
حبيبتي بس تحبيه وتصيري تموتي فيه تصيري جد تمنين اليوم اللي تجتمعي فيه معه
سالفة ميته على الزواج شيليها من بالك
لاتخبريه بكل شيء يصير لك بس في اشياء قوليها بس تكون تنفع واهلك لاتكلمي معه الا بالشيء الزين لاتجيبي مشاكل اهلك ابدا
والطلعات لاقولي له عوديه انك متعوده تطلعي وتجي وهيك
بس لاتبيني له انك تاخذي رايه بالطلعات ترا ببتعبي بيصير يتحكم فيك
​

 

[انسه طفشانه]

انا طبعا لسسسه مخطووبه
بس برايي انك ماتجيبي عيوب اهلك قدامه
بيني له انك البنت المدلله الي ماينرفض لها طلب
وان لك شخصيه مستقله وواثقه من نفسك عالاخر

الشباب يحبو البنت الوااااااثقه من نفسها
ليا باك

 

[جودي@]

انا متزوجه لسنه و6 شهور

داخله عرض صح

بالعكس عوديه وقوليله اليوم طلعت المكان الفلاني
وبكره رايحه لفلانه

وسوي نفسك عادي انك ماتحبين حكرة البيت عشان مايحكرك بعد ماتتزوجون ولا يستكثر طلعاتك

وفهميه انك ماتشترين الا الغالي وانك كل شهر تنزلين السوق تشترين كل شي جديد نزل

و عوديه انك عادي تروحين لزميلاتك وزميلاتك يجونك


وان شخصيتك مستقله مو كلمة توديك وكلمة تجيبك


وانك وااااااااااااااااااااااااثقه ثقه عميا في نفسك
ونك تحبين الوناسه والفرفشه
ماتحبين النكد
وقولي انا بعد احب الرجل الكريم الحنون الرومانسي الرجل الفرفوش
مااحب النكدي

واهم شئ قولي اذا سمح الله وحصل بينا مشاكل

لاتدخل اهلك ولا ادخل اهلي

وهذا الي عندي ان شاء الله يفيدك
وادعيلي بتسخير زوجي لي

 

[زهر الرماااان]

غناتي عن الكل يسلللمك ياعسل بجد حلو الموضوع

وزي ما قالوا البنات لااا تسمع الواحده لكلام احد

فيه نقطه مهمه عندي انه لاااااا تدقي كل دقيقتين عليه خليه يتمنى اتصالك

ويحلم فيه ولاتخافي انه ممكن يزعل او انك مهملتيه بالعكس

كذا يتعلق فيك اكثر واكثر

مممممممممم واذا ملكت عن قريب انشالله باعطيكم اكثر **دعوااااااااااااتكم

 

[خيـــآلـ ..!]

آهم شئ!!

لآ تجلسي تحكي لـ غيركـ شخصية زوجكـ .. ولآ درجه عـلآقتكم ببعض ..

وكمــآآن لآ تجلسي تقآرني بين تعآمله معــآآكـ .. وبين تعــآآمل غيرهـ بـ زوجآآتهم ..

آعرفي آنو لكـ شخصيتك المستقله وله شخصيته المستقله .. آللي تحتم عليكم كيف تتصرفون مع بعض ..

:
:

يسلموو حبوبهـ ع آلطرح ..​

 

[غناتي عن الكل]

يسلمكم ربي عالتفاعل
الله يسخرلكم كل مافيه خير لكم ان شالله

 

[ملكه بعالمي]

من جد الموضوع مششاء الله روعـه *_^

حيآتـو انآ مثلك عروسـه قديدهـ ههههههههههههاااااااي
وللحيـن مآكلمتـوآ <بطق الين اعرف شخصيتـه ههههههههههههههههههههه

بنآت اللي اعرفـه انـكـ مهمآ صار لكـ من مشاكل مع اهلك ( امك واخواتكـ واخوآنكـ ) فتـره الخطوبـه مآيعرف فيهآ اذ حسكـ متضايقـه وسئلكـ عآدي قولي لـه متضايقه من هـم اختبآرات ههههههههههه اااي هـم اذ مآعندكم دراسـه <<<تحسب كل النآس تدرس مثل خشتهآ ههههههههههههههه
الموهـم (اهــــــــم شي توضحين لـه انك مدلعـه وحيويـه اهـم شي بنآت خفه الدمـ مو تصيرين ثقيله يمل الرجآل ومن بدايـه الدقيقه الاولى لا عآدي خفيفه مرآ وثقيله مرآ خجولـه مرآ وجرئيه مرآ
يعني هيكـ


( بنآت انتبهـــــــــــــــــــــــــوآ ترى الرجآل يختلفـــــــــــــــــــــــون )
يعني لا تجيك وحدهـ تقط عليك نصيحـه وتقولك اقولك خليك يوديك السوق بالقووه انآ زوجي اخليه يوديني السوق بالقوه هههههههههههههههههه <<<مو كذآ يعني لا قآعده اضرب لكـم مثآل
بس فيه كلام ينطق على كل الرجآل مثل اللي قلتـه وكمآن اللي قالوآ البنآت يعني انآ متعودهـ اشتري ملابسس غآلليه متعودهـ اسافر كذآ هذا شي عآدي ومفروغ منـه


بنآآآآآآآآآآآآآآآآآآآآآت ادعوآ لي ان ربي يتــــــمم لـــــي على خير ويجمعني بخطيبي عآآآآآآآآآجلآ غير ائجل :8:

 

[شذا الأزهار]

أنا أشوف إنه يكتشفك من غير ماتقولين له أنا كذا وأنا أسوي وأنا اشتري غالي و.......

إذا كنتي كذا بيوضح له,, وإذا كنتي مثقفة بكلامك يوضح ,,وإذا انتي دلوعة بيعرف من معاملة اهلك لك..

انا اشوف الوحدة تحاول تكتشف خطيبها عشان تعرف تعامله واتركي له الامر يكتشفك ولازم تخلين مفاجات عن نفسك يكتشفك بعد الزواج.
الرجل يحب المرأة زي اللغز كل يوم يحاول اكتشاف جانب من جوانبها.
تحيآآآآتي
واعذروني إذا أخطات.

 

[اميره - بدنيتي]

انا من رااي ان كل وحده تتعامل على طبيعتهاا لان التصنع موحلو ورااح يبااان مع الايااام

بس انا عندي مشكله كل مااتصل علي تحقيق وين راايح انتبه لنفسك وخاايفه يمل بس موبيدي ااخااف عليه وغير كذا احسه ماايجلس بالبيت كثير

 

[حلاوه حامضه]

حبيت ادخل اشاركم برأي انا متزوجه ماليا فتره طويله بس ملكتي كانت سنه وشهرين ومن خبرتي الجال يحب البنت اللي زي الطفله بس في نفس الوقت لها شخصيه تحسسه انه يقدر يثق فيها مافيها شي لو قلتيله انا خارجه ومع مين وفين بالعكس انتي كذا تحسسيه انه هو مهم هذا غير انه اصلا زوجك مو على كيفك تخرجي بدون ماتستأذني منه حتى لو ماكنتي في بيته لا تسمعي اللي يقول عوديه انك تخرجي بكيفك لايابنات الدين والشرع يوجبك بأنك تستأذني يعني الشغله جايتك بعد الزواج سواءاتعود ولا لا
لاتتصلي عليه كل شويه خلي مرتين في النهار ومرتين باليل والباقي هو يتصل يعني اتصلي اسألي عن اخبار مع اني هذه الفكره مره احسها بايخه انا زوجي كنت اكلمه كثير اسأل عنه واعرف وحده كانت طول الوقت تتكلم مع خطيبها واحنا دحين عايشين والحمد لله ماثر هذا الاكلام فينا بس اصلا الرجال مو كلهم زي بعض وكمان الاتصال مو المشكله الكلام اللي ينقال في هذه الاتصالات هو اللي يحببكم في بعض او يطفشكم من بعض يعني اذا كان تحقيق ولقافه يطفش اما اذا كان سؤال وكيف الحال واشتقتلك وبدأت اتعود عليك هذا اللي يفتح النفس
عندي كثير كلام نفسي اقوله بس طولت عليكم اتمنى من كل وحده تعمل اللي قلبها يقولها عليه م كلام الناس حتى لو كان في منتديات خليكي ذكيه وراكزه

 

[حبيبة فوفي]

انا يا قلبي ملكتي كانت تسعه شهور وكنت اتصرف بطبيعتي عمري ما فكرت اتصنع لأني عارفه اني في يوم من الأيام بيكشفني على حقيقتي فأفضلك لك انك تكونين على طبيعتك ولا تحاولين تسمعين كلام غيرك.
وتصرفي زي ما انتي تشوفين طبيعته
أنا كانت تجيني نصايح كثير اثقلي ولا تكلمين كثير وما ادري ايش وما فكرت في أحد لأني عارفه طبيعت زوجي وعارفه انه هذي الشي ما يهمه والحمدلله ما أثرت في علاقتنا كثرة المكالمات بالعكس صار كل واحد فينا عارف الثاني وعارف شخصيتها.
والمهم من هذا الكلام تصرفي زي ما انتي تشوفينه مناسب لك ولزوجك
اما على الخرجات انا كنت أقوله لأنه زوجي ومن واجب عليه اني استأذنه منه بس ما كنت اقوله بطريقة استأذان كنت بس اعطيه خبر اني رايحه المكان الفلاني وراجعه الوقت الفلاني.
والله يوفقك حبيبتي.

 

[دخل مزاجي]

بصراحه الموضوع جاء بوقته

انا مملكة من اسبوعين
واحس اخذت عليه بسرعه هو مره جريء وعودني عليه

بس في مشكله
احسه يذووووب من كلام الحب والشوق
ويقعد يبوس فيني ويقولي هاتي بوسه .. وانا اخاف كذا ..
احسه يبغى شيء ع التلفون << اكيد فهمتو
اخاف مع الوقت يطلبه بصراحه ماادري وش اسوي؟...!!!؟؟

يااليت اللي عندها خبره تعلمني كيف اتجنب هالموقف او هل ارفض او اجاريه..!!؟؟

 

[قلـب طفلـه]

يؤؤؤ الله يعينك يادخل مزاجي

مشكله الشخص الجرئي

طيب انتي تجنبي بوساتة ولا غيري الموضوع ولا ارسلي له بطريقه حلوه انك تستحين منه ومن هاالكلام وحتى بوساته تستحين لجل يصير في خطوط حمراء مايتعدها

 

[Queen***]

أحلا تجمع

دخل مزاجي انتبهيييييييييي ترا بتطيحين من عينه لو سايرتيه بالشي اللي تلمحين له انتبهي يا قلبي ترا بيشك فيك بعدين وهذا الكلام من رجال وحده كانت على علاقه معاه يقول والله لو خطيبتي ترضا بكذا ثاني يوم اطلقها لاني اعرف انها متعوده على هالشي ...

انتبهي لنفسك وداري على خطيبك وبكرا تصيرون عند بعض سوي كل اللي تبين والله يوفقك ن شا الله ...


بنات ادعو لي ربي يتمم ملكتي على خير ...الله يوفقكم كلكم

 

[سحر الأنوووثه]

مشكووره على الطرح

روعـــــــــه

بستفيد من تجاربكمـ

ربي يوفق الجمييييييع

 

[دنيتي خطيبي]

مملكه صار لي 9 شهور

مره عسل ومره بصل

مااعرف وش صار فيه هالرجال

على فكر انا خجوله ومااعطيه على هواه

بس ممكن اعبر عن مشاعري بحدود وخطوط حمرا

تخيلوا اليوم كلمته الصبح اول مارد علي

قااال

هلا حببتي ايش اخبارك

وكلامنا كان حلو وروعه

وقال كنت بدق عليك بس خفت نايمه وازعجك

قلت بالعكس اتصالك ماايزعجني ومن هالكلام

وقال انا طلعت شوي عشان ادخن قلت حبيبي لو تحبني صدق تترك الدخان

قال احبك وماله شغل حبي لك بالتدخين

بعدين سكت وقال انحفي وانا اترك الدخان

قاللللللت اوكيه انا انحف عشانك وانت تترك الدخان عشاني

قال صارت مقاايضه (الحين من اللي يقاايض ؟؟؟ هو ولا انا )

المهم قال بروح لشغلي

وحسيت انه زعل قلت ليش زعلت وصوتك تغيير

قال مدري داقه علي عشان تغثيني

وعشان ينفرزني قال انا مدخن 3 سجاااير والحين بدخن الرابعه عشاانك

وعلى اساس بعد اسبوعين بزورني قال ماراح اجي قلت بكيفك انت حر

قلت الله يعطيك العافيه

انا بقفل قال لا انتظري لين اخلص منها

بعدين قلت بقفل مع السلامه

قفلت

وارسلت له رسلها وقلت فيها

كل الكلام وكل الشوق اللي انت حاسه بقلبي لك يطلع استنتاجه انيداقه عشان اغثك

وخوفي عليك وحرصي يطلع مقاايضه ؟؟







ايش تنصحوني فيه بنات ايش اسوي

مقرره ماارد عليه اسبوع واطنشه