تعالوا ندردش عن حريم أخوان الزوج

[روعة روح]

انا علاقتي معهم رسميه جدا
لاني صغيره انا اخده الولد الاصغر وهم كبار واللي قبل الاخيره بيني وبينها يمكن 15سنه
ولا وحده احتكيت فيها لانهم مع بعضهم مشاكل ففضلت الابتعاد

ياحبيل ام زوجي بس كانها امي هي علاقتي معها احسن من الكل حتى اقولها اسراري

 

[فسحة أمل]

اخ حطيتو ايدكم ع الجرح
اممم هي وحده ومرة ما انسجم معاها\
واتضايق من تصرفاتها لانها تحب تبرز نفسها وتصير هي القائدة وتحب تسوي نفسها فاهمة بكل شي
والمشكلة انها تلا قي قبول من اهل جوزي
كل هذا كوم وانها تلفت نظرجوزي ببعض التصرفات كوم تاني
طبعا انا ما اظلمها هي موقصدها
بس احيانا تلعب عيالها بصوت فيه غنج ولا تطلع جزء كبير من دراعها ولا تحط مناكير وجوزي فيه
وانا اغير على جوزي موووووووت
وهذا اللي بيموتني من القهر اخخخخخخخ بس
الله يعيني دايما ادعي ان الله يبعد هالغيرة عني

 

[f.moon]

هلا وغلا حبيبات قلبي ..

عذروني والله نااااسيه هذا الموضوع مره ..

مشكورين حبايب قلبي ع التفاعل والله اسعدتوووووووووني ..

ياخف طينتكم ..

يالله نكمل الفضفضه .. بس حبيت ارد على بعض الاخوات ..

هذا موغيبه ليه ؟! لأنه احنا مانعرف بعض

مجرد نفضفض .. طيب قسم الاستشارات العامه الاغلبيه يشتكون من ازواجهم هذا تعتبرونه غيبه ؟؟

ولا شرايكم ؟؟




ملاحظه: مابي اقلب موضوي فتاوي اللي موعاجبه براحته

 

[جنات النعيم]

بالنسبه لي عندي أخوات زوج ثنتين وحده مو مزوجه بنوته لساتها حلوه وأموره وأنا وياها سمل وعسل بس الكبيره متزوجه وعلاقتنا قبل ما أتزوج أخوها كاااااانت رووووعه بس الحين من تحت لتحت أنا شخصيتي أتجنب الإنسان إلي أحس إنه ما يرتاح لي ( أعاملها معامله سطحيه وايد )



اللهم صلي على سيدنا محمد وعلىآله وصحبه وسلم

 

[اكبر همي امي]

انا اخذة اخر العنقود وهم علاقتهم مرة سطحية بس اخاف من المشاكل واقلل من تجمعاتهم وما اروح اي بعد المغرب وارجع 12 امل من جمعتهم

 

[دمي عسل]

انا علاقتي معهم جدا رسميه وانا زوجت الصغير وحريم اخوانه كلهم كبار يعني فيه فارق سن كبير

 

[f.moon]

سبحان الله كل وحده طريقت حياتها تختلف ..

والحلو هنا ان كل وحده تشوف غيرها وتقول الحمدلله على كل حال


جنات النعيم حبيبتي .. اقصد زوجات اخوان زوجج

مو حمياتج

 

[أحب المطر]

موضوع حلو واااااااااااااااااايد .. و انا ناويه عليهم نيه اتحملوني شوية
و انا شخصيا مالي خص في زوجات حمياني بعد ما عرفت كل وحدة على حقيقتها
زوجة الكبير هي دوم تتصل و تسأل و اطرش مسجات
و انا على نياتي كل الي في خاطري اقوله اتحسب نفسي يالسة مع خواتي
بعدين اكتشفت انها تنقل الرمسة و تزيد من عندها حتى يكرهوني و كانت تحاول تكرهني في كل خوات ريلي و قدرت تبعدني عنهم بمكرها .. و تحب تيلس مع ريلي و تسولف معاه على راحتها بس اجرب اكلم ريلها يا ويلي

أما الثانية فهي من تحت لتحت .. جدامي وايد زينة و من ورايه بلاوي ..
و الي عرفته مؤخرا ان الثنتين مع بعض وااااااااايد ضدي لانهم في نفس البيت و انا في بيت بروحي

بس موليه مب هاماتني الي تقهر صدق حميتي الله يحفظها مسوية عمرها نونو و نحن كلنا امهاتها و هي في
الحقيقة اكبر عني و عن ريلي بسنوات و مسكينة مصدقة تقدير العمر .. و تتحسب نفسها ملكة جمال العالم و ريلها رئيس الدولة .. تكبر و غرور ع الفاضي هذا و هي ما عندها الا ثانوية لو كملت تعليمها شو بتسوي ..

يا رب سامحني واااااااااااايد شاله بخاطري عليهم
بس ابى اطلعه عسب ما يتضاعف و تسوء علاقتي فيهم
يا رب صفي قلوبنا ع بعض و طهر قلوبنا من كل حقد و غل و غيره
اللهم آاااااااااااااااااااااااامين

 

[f.moon]

حبيبتي ام الغلا .. الله يعيينج بس ماشاءالله عليج واضح عقلج كبير ومتزن ..
طنش تعش لانه الطيبه مع هالاشكال للأسف ماتنفع .. الله يحط كيدهم بينهم

اما عن حمياتج سبحان الله نفس النمونه اللي عندي تمااااااااااااااااااااام وكل كلمه تطبق عليها ..

الله يهديهم .. انا فكرت كثير اصارح حميتي لانها خلاص وصلت حدها معاي ..

مثل ماقلتي تحسب نفسها ملكة جمال العالم وزوجها رئيس الدوله .. انا ماعلي من هذا كله بس على حساابنا ليش؟؟

 

[أحب المطر]

عزيزتي فجر 22 .. على فكرة يوم كنت أجاري حميتي كانت وااااااااايد زينه و يهمها تسمع المديح مني
بس يوم شفتها مصدقة عمرها واااااااااااااايد لدرجة انها بدت تطاول علينا لا لبسنا عايبنها و لا شكلنا
و لا طولنا حتى أسناني .. اتخيلي تطنزت عليها و انا ما امدح نفسي لكن اطباء الأسنان يتخبلون عليها
و كل ما رحت العيادة ابى اسوي تقويم من تعليقاتها ينازعني الدكتور و يقول لي عطيني اسنانج ..

ألحينه تغيرت من ناحيتها اعطيها في الويه و لكن بدون عصبية و ما اطوف لها شي بدون ما احرق اعصابي .. و ما اسوي لها سالفة مثل قبل .. ما امدح شي لابستنه و لا امدح كشختها و هي بتموت لانها اتحب تستعرض نفسها و تموت في المديح و اذا مدحتيها تركب ع راسج و تحسسج انج لوث و هي بس الكشخة واذا كنت شاله تيلفون احسن عن تيلفونها
او لابسة احسن عنها مع اني دوم اكشخ عنها تموت من الغيرة و تحاول طول اليلسة تقفطج و تقلل من قيمتج جدام الكل

بس لاعت جبدي من المجاملة .. كنت اجاملها قبل لانها شكلها متعقدة من شي بس الحينه لا و الف لا
مب على حساب نفسيتي و راحتي ..

عزيزتي فجر 22 شكلي عورت راسج و انتي مب ناقصة
الله يعينا عليهم و يرد كيدهم في نحرهم
و يسامحنا على الفضفضة و الله و اعلم بالنيات

فجر 22 اسمج حسسني بالراحة و الانتعاش