تعالوا عازمتكم على مشكلتي ....

[لعيون أمل]

بسم الله الرحمن الرحيم
السلام عليكم ورحمة الله وبركاته ....
شلونكم بنوتات/إستشاريات ؟؟؟إن شاء الله بخيــــــــــــــر...

تاريخ الميلاد ؟
1414
مكان الميلاد ؟
السعوديه
الحاله " مخطوبه – مطلقه – عازبه " ؟
عازبه
الدرجه العلميه ؟
ثانوي
درجة الإلتزام بالدين ؟
متوسطه
هل انتي مداومه على الصلاة في وقتها ؟
مداومه ولكن النوم يجعلني أجمع بين صلاة العصر والمغرب وهذي حالتي يوميآآ

المستوى المادي للأسره ؟
متوسط
الترتيب بين افراد الأسره ؟
الصغيره
عدد الأخوه والأخوات ؟
8
علاقة الوالدين ببعضهم ؟
شبه منفصله
علاقة صاحبة المشكله ببقية الأسره ؟
ممتااااااازه
هل يوجد زوج ام و زوجة اب ؟
نعم
علاقتك مع زملاء المدرسه / العمل ؟
ممتااااااااازه جــــــــــــدآآآ
هل تعاني من امراض عضويه او نفسيه ؟
لاااااا
الحاله النفسيـه حاليا ً عند كتابة الإستشاره ؟
متضايقه
مدة المشكله منذ بدايتها حتى الآن ؟
ثلاث أسابيع
نقاط ضعفك ؟
لاأعرف يمكن إذا أحد هاوشني
نقاط قــوتك ؟
ثقتي ودراستي





اطرحـي مشكلتك الان /
أنا مشكلتي يمكن تضحكون علي إذا قريتوها لكن انا تعبانه منها حييييييل...
وراح ادخل بالموضوع على طوووووول..
أنا متعلقه حيييييييييييل بمدرستي لا تقولون لي إعجاب ولا غيره والله مو إعجاب لكن انا حبيتها مثل إختي وأتمنى لها الخير لكن ماأقدر أفارقها دائمآآآ إذا رحت للمدرسه إلا أقعد معاها وحتى هي بعد تبادلني نفس الشعور يعني دايم تقول إنتي أغلا وحده عندي بالمدرسه وإذا صارت مشكله معاي أنا وبنات تروح لهن وتقول بعدوا عن ؟؟؟؟؟؟ وإذا تبون منها شي قولوا لي ...
هي ماتدرسني لكن تتابعني عند مدرساتي وتسأل عني وإذا سمعت عني شي أو وحده من المدرسات قالت شي عني تجي تعاتبني وإذا شافت مني شي غلط تزعل علي وتاخذ يوم أو يومين ماتكلمني وإذا قلت لها إنتي ليش تزعلين تقول إنتي مثل إختي وأخاف عليج مثل ماأخاف على إختي وماأحب أحد يتكلم عليج ودايم تنصحني خاصه في دراستي وبوقت الإختبارات كل يوم ترسل علي وتسألني شسويت بإختباري وتفقدني إذا غبت وتسألني ليش غبت وإذا شافتني أمشي مع بنت سمعتها مو زينه بالمدرسه تجي تهاوشني وتقول لاعاد أشوفج مع ؟؟؟؟ لأن البنت أكبر مني وسمعتها مش ولابد
ومن كثر ماأقعد معها عرفت كل شي عنها حتى عن حياتها وهي عرفت كل شي عني
وقبل كم أسبوع أخذت إجازه لضروف طبعآآآ أنا قلبت المدرسه بجي وهي يوم شافتي بغت تبجي معاي
المهم عطتني إيميلها وأخذنا فتره نتراسل وبعدها ماقدرنا نتراسل بسبب الضروف وأنا مايمر يوم إلا وابجي فيه لأني أحس فاقدتها وهي تدري إني مدمنه على النت وتهاوشني تقول إهتمي بدراسه ولاتقعدين عليه أكثر من ساعه يعني أحس إنها مهتمه فيني كأنها أختي الكبيره
بالمدرسه كل من شافني يذكرني فيها وأنا ماأقدر اتحكم بدموعي ...
لاتقولون هي تحب الإعجاب هي ماعندها حركات الإعجاب ودايم تحذرني ....
حتى دراستي أحس إنها تأثرت ومالي خلق أروح للمدرسه حتى موصيه ناس يقولون لها أخباري إذا غبت أو نزل مستواي ...
أدري طولتها حيييييل لكن أنا تعبت من فراقها لأنها بجد غاليه على قلبي وأنتم حطواأنفسكم مكاني وفارقتوا أحد غالي ...
الخلاصه //
أنا إذا تعلقت بحد ماأقدر أشيله من بالي دقيقه ...
تعبت حيــــــــل...
دورولي حل ...
بس لاتقسون علي بالكلام لأني حساسه وأنجرحه بكلمه ....

 

[Ms.RoZa]

واضحه مشكلتك ياعسـلي ..كل الحكايه انك تعرفتي على هذه المعلمه وتناسبت افكاركم ثم تحولت معرفتكم لصحبه قويه بسرعه كبيره جدا ً
تعودتي تشوفينها معاك بكل وقت وبكل ظرف .. تعودتي على نصايحها وكلامها .. وتعودتي تحكين لها وتشكين
وتعودتي تشوفينها كل يوم ... واضحه جدا ًياحبيبتي المشكله ولا فيه مجال للتشكيك ..

لكن هل لاحظتي بكلامي اعلاه تكرار كلمة " تعودتي " .. هي مجرد عآده اعتدتي عليها وشخص آلفتيه فتـره من الوقت ودخل حياتك واقحم نفسه بسرعه .. ثم اختفى او سيختفي بسرعه كذالك ..

لو كنتي قد ألفتي زميله من زميلاتك .. او قريبه من اسرتك .. او حتى قطه او غرض من ادواتك .. ثم فقدتيه ستتألمين كما تتألمين لأجلها تماما ً ..... !

الحقيقه يا عزيزتي إن هذا حال الدنيـا فراق واجتماع .. والناس تجي لك بسرعه وتروح عنك وتخليك بسرعه
فـ المطلوب منك تخلين عندك مناعه .. قوي مشاعرك .. وتأكدي انك ماتقدرين تتحكمين في شخص بهالعالم كله
الا نفسـك .. انتي الشخص الوحيد الي قادره على التحكم به .. اما سواك لايمكن ابدآ .. !

لذالك اي علآقه بالدنيا تبنينها حتى لو كانو ابنائك .. ثقي بإنك مفارقتهم بأي وقت ولو طال الزمن ..

 

[لعيون أمل]

مس روزا الله يعطيج ألف ع الكلام
وبصراحه كلامج نفس كلامها اللي قالته لي قبل تروح ...
بس حتى لو تفرقنا بالمكان يعني معقوله ينقطع التوااااااصل بيننا..؟؟؟؟
هذا اللي خايفه منه ومتعبني ...
اللــــــــه يصبرني ويريحني ....

 

[~أماسي~]

تدرين الغلط مو منك أسمحيلي الغلطه منها ،،

المفروض ماتوصل علاقتكم لكذا فارق السن بينكم وانها معلمه وانتي طالبه يؤثر والمفروض هي ماأستلغت هالشي،،

تعلقك بها طبيعي بس لازم تلحقين نفسك وتبعدين عنها لان مصيركم الفرآآآآآق عاجلاً ام آجلاً،،

الله يحفظك..

 

[لعيون أمل]

تدرين الغلط مو منك أسمحيلي الغلطه منها ،،

المفروض ماتوصل علاقتكم لكذا فارق السن بينكم وانها معلمه وانتي طالبه يؤثر والمفروض هي ماأستلغت هالشي،،

تعلقك بها طبيعي بس لازم تلحقين نفسك وتبعدين عنها لان مصيركم الفرآآآآآق عاجلاً ام آجلاً،،

الله يحفظك..

حاولت إني أبتعد بس مااااقدرت المدرسه اللي أنا فيها كلها ماأحبها قاعده على شانها وبس
وأنا أدري إن مصيرنا الفراق وأقول في نفسي دامنا متفارقين ماراح أضيع أي لحظه حلوه بيننا....
وماباقي غيــــــر تقريبآآآ شهر ونص نفترق وكل يوم أحس بضيق من اليوم اللي قبله ...
أنا تعلقت فيها لدرجه ماتتوقعونــــــــــــــــــــا....
بحاول إني أبتعد عنها الأيام الجايه والله يصبرني...
ومشكوووووووره على الرد بس الغلط مو منها الغلط مني أنا لأن من أول ماعرفتها أدري إن هذا اللي راح يصير....

 

[um_rqawy]

طيب اهي بعد الاجاازه ماراح ترجع ؟؟؟
طيب اذا مو قاادره تصبرين عنها ياا انج تزورينها في بيتها او تعزمينها في بيتج مدام انه علاقتكم معا بعض حيييييييييييييييييييل
وطمنينا يالغاااليه

 

[SOOHIE]

هاااااي شوفي ياعسل اذا قالتي مااقدررر انسهااا راح تتخزن في
العقل الباطن بالتالي ماراح تقدرين بس اذا قالتي اقدررررررررر
حـتقدرين:22: >>> اصلح اشتشاريه نفسيه خخخخ منك بس :31:
اتوقع انك في مدرسه اهليه مووو >>لقافه خخخخ
بالتوووووفيق ياقلبوووووووو:32:

 

[لعيون أمل]

طيب اهي بعد الاجاازه ماراح ترجع ؟؟؟
طيب اذا مو قاادره تصبرين عنها ياا انج تزورينها في بيتها او تعزمينها في بيتج مدام انه علاقتكم معا بعض حيييييييييييييييييييل
وطمنينا يالغاااليه

هي إن شالله ترجع وراح أشوفها بعد ثلاث أيام إن شالله ...
صعب أجيها في بيتها أو تجيني لأن بيتها حيــــــــــل بعيد ....
بس إن شالله يكووون بيننا مكالماات..
ومشكووووووووره على كلااااااااامج ...
بس دعوااااااااااااااتج إني أرتاح ...

 

[لعيون أمل]

هاااااي شوفي ياعسل اذا قالتي مااقدررر انسهااا راح تتخزن في
العقل الباطن بالتالي ماراح تقدرين بس اذا قالتي اقدررررررررر
حـتقدرين:22: >>> اصلح اشتشاريه نفسيه خخخخ منك بس :31:
اتوقع انك في مدرسه اهليه مووو >>لقافه خخخخ
بالتوووووفيق ياقلبوووووووو:32:

هاااااااياااااااات
أنـــا مأقدر أنسها تدرين ليش ؟؟؟
لأنها غيرت فيني أشياء كثير وأحس إني محتاجتها في كل شي لأنها يمكن أكثر وحده فهمتني حتى أكثر من خواتي وصديقاتي ...

تستاهلين تكونين إستشاريه >>>بس من غيــــــر شهاده هههههههه
لا حيااااااتو أنا بمدرسه حكوميه 100%

وشااااااااااااكره لــــــج مرووووووووووووورج يالغاليـــــــــــه

 

[~أماسي~]

ياحبيبتي "لعيون أمل" التعلق بغير الله مايجوز !!

لازم يكون قلبك لله فقط ،، وبعدين انتي في عمر المراهقه اللي تشوفين انك ماتقدرين تعيشين بدون صديقه او معلمتك الفلانيه هذي او غيرهم،،

لكن الواقع معاكس تماما والحياة ماشيها فيها او بدونها وبكره اذا كبرتي تعرفين ان تفكيرك الآن في نطاق ضيق

وأحساسك بان الأيام تروح وراح تفارقينها يضاعف المشكله عندك وزي ماقالت وحده من الخوات يرسخ بالعقل

الباطني وهذا مايصير !!

اعتبريها وحده سوت لك جميل في حياتك مراح تنسينه طول عمرك ومتى ماحتاجتك اخدميها لكن !!

هي مجرد فتره في حياتك وعدت لا أكثر //

اتمنى انك فهمتي وش أقصد ..

(اللهم اني أسالك حبك وحب كل عمل يقربني الى حبك )
(اللهم اني أستودعتك قلبي فلا تجعل فيه احداً سواك ،،واستودعتك لاإله الا الله فألهمني أياها عند مماتي )

 

[يابعدها سماي]

أوافق غاليتي ( آماسي ) برايها

يا الغلا حتى لو ما هي علاقة اعجاب

لكن مجرد انها جردتك من كونك طالبه وهي معلمة وعاملتك كـ صديقه وتسولف لك عن نفسها

هذا خطأ منها

دائما المعلمات يقابلون تعلق ومحبة من قبل الطالبه واجبها حنا تحور هذه المحبه

وتخليها في اطار المعقول وتكون كمثال وقدوه

اختصار الكلام تصرفك طبيعي وحسب سنك وتصرفها غير مقبول في اطار مهمتها كا معلمه!

لا تلومين نفسك الحين وكل اللي عليك تخفيف علاقتك فيها لو رجعت

واشغلي نفسك في الاهم وبكرا بتتخرجين يعني فراقكم حتمي

وتجاهليها وعامليها برسميه ومثل كل المعلمات

تصعب عليك في البدايه لكن بتتعودين مثل ما قالت مس روزا

وانا اقول هذا الكلام عشان مصيرك بتتخرجين وتفارقيها فبقاء علاقتك فيها على ها الحال

رح تتعب نفسيتك بعد التخرج بكثير


ودائما قولي

{ اللهم أستودعتك قلبي فلا تجعل فيه أحد سواك }