تطورات قصتي

[ماتهــــــاب]

السلام عليكم ورحمة الله وبركاته

أشكر كل من تفاعل مع موضوعي واشكر الجميع على الردود اللي شجعتني شوي ..

حبيت أوافيكم بالتطورات اللي صارت معي

طبعا زواجه كان يوم الاربعاء وكلمني يوم الخميس الساعه 12 ونص بالليل أول مره مارديت من شفت رقمه تعب قلبي وصار يدق بسرعه ورجع دق تانيه مره ورديت هالمره استجمعت كل قواي اني اكون قويه وصوتي يكون هاااادي المهم سلم وسأل عن العيال وبعدها قال وأمهم قلت بخير قال كيف حملك قلت ان شاء الله طيب تخيلوا قال مشتاقلك وقتها بس ارتفعت حرارتي من شدة الغيظ واستغفرت بقلبي رديت عليه ( وغير كذا )... قال انتى وشفيك كيف يعني وغير كذا ؟
قلتله بالله انا مره طافيه وتعبانه عيالك هلكوني بالملاهي مافيني اتكلم وافتح مواضيع ...قال يعني مستعجله قلت ايه ..رجع يسألني عن بنته ورديت عليه وبينت له من خلال كلامي انه احنا كل يوم بمنتزه عشان كذا البنت تعبت من تغيير الجو..قال طيب اول ما تصحي دقي على قلت آسفه أنت اتصل قال أبشري ..المهم قفلت الخط وقفلت الجوال ..ولما فتحت الجوال بعد الظهر لقيته متصل وعليها ما اتصل ..ارسلته العصر ارسل مصروف للعيال ..رد علي بعد العشاء حولتلك ....

بالله وش رايكم باللي صار هل تصرف صحيح ... ووش تتوقعون ردت فعله وليش ما اتصل...

 

[وهن~ْ]

ياقلبي ..
يكفي هو دق وسأل كان شكرتي هالشيء له
بالعكس واضح انه مشتاق لك والا مافكر يدق تخيلي بعد زواجه بيوم من الفاضي
بس هو فضى نفسه واضح

 

[مفارقه روحه]

الله يسخره ويرده لك ردآآ جميلاا​

 

[وهن~ْ]

ياقلبي ..
يكفي هو دق وسأل كان شكرتي هالشيء له
بالعكس واضح انه مشتاق لك والا مافكر يدق تخيلي بعد زواجه بيوم من الفاضي
بس هو فضى نفسه واضح انه يحبك لاتزودينها
ادري انك زعلانه وشيء يحرق القلب بس تحملي واللي صار صار ماراح يتغير

 

[ام ساني]

حبيبتي هالفترة الي انت بعيدة فيه اهتمي بنفسك جيد كريمات مسكات لوجهك جسمك
عشان لما يشوفك ينبهر وبعرف انك قوية وان زواجه ماتر فيك بل جعلك انسان قوية وجميلة ودلع في لقائك الحميمي لان هنا راح تبتدي منافسة وحرب جديدة التي من خلالها ممكن ترجع زوجك مرة تانية
ولاتقولين مستحيل لانه متل ماراح ممكن يرجع كل جائز
انت تسلحي بالافكار واساليب والافعال واقوال واهمتمي بنفسك كانك عروس
ولما يكلمك ردي بس بدلع فيه شئ من التانيب اوكي وخليك باتصال بالمنتدي لتستفيدي من تجارب اخواتك بالمنتدي

 

[عذبةالوصف]

قريت موضوعك من الاول يالغاليه

وبسالك سؤال واحد وان شاء الله يجمع شتات تفكيرك ومشاعرك


هل انتي تريده زوج تسعدين به واب يضم اطفاله بحضنه ؟

تبي تعيشي السعاده معاه ومع اولادك؟


اذا كان جوابك بـ لآ

فماعليكي سوا انك تستمري ع نفس وتيرة حياتك
نكد ومشاكل وخوف
وابدا لا تفكري بسعاده بزوج ولا بـ اب لاولادك


واذا كان جوابك بنعم

كوني حاسمه مع نفسك مع حزنك مع المك مع دموعك

عــــانـــــديـــــــها
وابتسمي وكرري غدا اجمل الاف المرت

زوري هالرابط للاستاذه ناعمه وعيشي مع كل حرف فيه وزرعيه بحياتك

http://www.niswh.com/vb/showthread.php?t=221510

وانطلقي فعلا لبناء حياتك وذاتك

(ان احببتي ان ازودك ببعض الروابط الممثله والتي من شائنها ان تغير حياتك نحو الاجمل والافضل..فيسعدني ذلك
فقط راسليني لاني قد لااعود لزيارة الموضووع)

تمنياتي لكِ بالتوفيق

​

 

[الشتاء الدافئ]

الان هو تزوج ومافكر لا في الفلوس اللي لهفها ولا في عشرة السنوات ولا استحى من وقاحته لما يرفض تعطين اهلك من راتبك وصرتي بين رجالين طماعين بس على الاقل اهلك صرفوا عليك هو ايش قدم؟ استغلي شهر البصل وفكري في نفسك وبس روحي من اليوم للبنك وسوي استقطاع من راتبك شهريا يحول البنك اغلب راتبك على حساب ثاني ماله بطاقه وخلي رواتبك تنجمع لك واشتري بعدين لك ارض او بيت مستقل باسمك ولاتقولين له خليه يولي اللي ماله خاتمه وصدقيني ماينفعك الا تعبك وحلالك ولا اغلب رجال هالزمن اشباه رجال ومالهم امان حسبي الله عليهم ..وريحي قلبك ياعمري لا تنتظرين اتصالاته طنشيه هو يبغى يسوي فيها لانه انقهر لما شافك مبسوطه ولا على بالك قفلي انت جوالك ولا حطيه موجود وافتحيه اليوم الثاني وقال ليش مقفله الجوال قولي ماتوقعت تتصل ليه تبي شي؟ خليه يركض وراك اسفههيه..

 

[ماتهــــــاب]

اشكر كل من وجهني لكن انا الآن في منطقه أخرى غير التي نسكن فيها جيت عند اختى على انه بيسافر مع صاحبه طيب كيف أرجع أقوله يجي ياخذنا او انتظر لين هو يسألني متى جايين على العلم اني مو عارفه هو ووينه اللحين سافر او لا ... مقهورة من وين جاب الفلوس اللي تزوج فيها...يارب حاسه نفسي ملخبطه ماني عارفه وش اسوي مره اقوى ومره اضعف

 

[مَلآمِحْ حُلمْ]

الله يعينك و يرد لك زوجك رداً جميلاً​

 

[فروع الياسمينه]

الله يسخره لك ويرده لك رداً جميلا

أختي لا تنفرينه منك
ولا تكونين جافه يميل للثانيه

 

[فروع الياسمينه]

أختي يعني هوه ما يعرف انك عندك خبر بزواجه ؟

 

[س ر]

شوفي حبيبتي انا مقدره ضروفك بس بقولك نصيحه انك تفتحين حساب لك خاص وتجمعين راتبك
وزجك ماله دخل ياخذ منه واذا رجعتي له يفتح لك بيت مثل زوجته الثانيه ويصرف عليكم مثلها
وهذا حقك وحق عيالك والله يسخره لك ولعيالك وكتبلك الي فيه الخير

 

[ام نانا الحلوه]

الله يسخره لك

 

[قصه شتا]

اهلين
يعني هو متزوج عليك؟؟
وهو عارف انك عارفه ان هذا يوم زواجه؟؟

وليش تزوج
هل في سبب؟؟
ولو حطيتي الرابط
حق القصه القديمه
كان افضل
لنفيدك
والله يعينك ياقلبي
ويسخره لك
ويجملك في عيونه ولا يرى غيرك انت بسسسسس

موفقه ياقلبي

 

[ماتهــــــاب]

كان مخبي عني زواجه وانا عرفت قبل الزواج بوم عن طريق رسالة جوال من رقم غريب وحده تخبرني فيها انه بكره زواجه ولما اتصلت عليه قال ايوه الخبر صحيح

 

[قصه شتا]

والله عورتي قلبي
بس هل اكيد؟؟؟
احتمال خطه منهم يبونك تتعدلين
انا حاسه بكذا
انت تاكدي ياعمري انه تزوج رسمي..
ولا يضيق خاطرك ولا شي
اهم شي صحتك

وهل هو يذكر الزواج دايما؟؟

وهل يوجد سبب لزواجه
كعدم انجابك لللاطفال
او مرض لا تلبين فيه مطالب زوجك؟؟

اولا تاكدي من الخبر...


والي خبرتك
كيف عرفت رقمك؟؟

 

[حالمه ولكن]

الله يفرج همك وييسر لك حملك اهتمي بحملك وتغذيتك وشيلي زوجك من تفكيرك واقري قران واستغفري بتحسي براحه اما من ناحية كيف تتصرفي معاه اذا رجعتي فماعندي علم بالاول اعرفي شخصيته اذا جنوبي لاتطنشيه كثير علشان مايمل والله يرده لك ردا جميلا

 

[عذبةالوصف]

عزيزتي اعود مجدد لصفحات موضوعك

واجدد ندائي لكي يالغاليه

ابــــــنـــي حيــــاتــــكـ , سعادتكـ

وقفي التفكير في كل شي
زواجه ,اسبابه, تصرفاته, هموم ماضيه , هموم مستقبليه ........الخ

فكري بشي واحد هو انتي .. نفسك .. روحك اللي بين ضلوعك

كيف تكسرين ضعفها .. وتبدلين حزنها فرح
كيف تستغنين بها عن كل الناس وتسعدين بها


انصحكي بقراءة مواضيع الاستاذه ناعمه في قسم دورة العمر الجديد
ابدائي بقسم انت وانت


ادري بيظل يشغل تفكيرك زوجي كيف اتعامل معه

بكل بساطه ببتسامه في كل الاحوال اولها صدقه
ومضمونها راحه نفسيه لك واخرها الفوز بما ترغبين


يالغاليه اتركي عنك كل الامور التي لا تسمن ولا تغن من جوع
بل بالعكس ستردي حالك للاسوء

انسي انه تزوج او تناسي لا تتبعي اخباره
اذا جاء او اتصل سولفي بكل ارتياح ومره مع مره حيصير الارتياح طبعك

قاعده مهمه لازم تؤمنين بها
هو ليس كل الدنيا وليس كل السعاده هو جزء بسيط منها
انتي من تعطيه اكبر حجم من ذلك بخيالك وتصرفاتك

اعود واكرر مرااار وتكراااار اهملي كل المشاكل
والى ان يحين وقت الحديث فيه " مثل المرتب"
عندها افرضي ماتردين وترتضين
لاتخافي كووني قويه فمتى شعر بقوتك نابعه من داخلك يستراجع بشكل قد يذهلك
ومهما كانت ردات فعله تاكدي انها مجرد جعجعه حتى يهزك ويرجعك لاسلوب الضعف ثاني


لذلك في البدايه لاتهتمي باي شي
فقط ادعي رب السماء الذي اراد شي قال له كن فيكون
وتاكدي انك لو توكلتي ع الله حق توكله فلن يخذلك
( كلما شعرتي بالخوف اتجهي لله وثقي به سند لك )


اخير يالغاليه

احب الفت نظرك والخص كلامي في التالي

قسمي وقتك مابين 1\- الاهتمام بروحك ( من خلال قرات المواضيع التي تغذي عقلك وروحك وتعينك ع بناء حياتك )

2\- الاهتمام ببيتك فهو جنتك الجميله

3\- الاهتمام باولادك ففيهم بسمة الحياه الجميله عيشي معاهم سنهم وطفولتك
واجمل اوقاتك

لا اغفل اهتمامك باجمالك وانوثتك
4\ ابتعدي تماااااااما عن اي شي ممكن يعكر صفوك ... ولو حصل اتجهي لشي يرسم البسمه على وجهك من ثاني ( ان شاء الله لو قرات نكت او مشاهدت مقاطع طريفه



صدقيني وثقي بكلامي يالغاليه لو سويتي لنفسك جدول وطبقتي هالنقاط
باذن الله رح تشرق شمس الحياه السعيده ع حياتك


اطلعي على هالموضوع ... ولا تنسي مواضيعنا الاساسيه في قسم دورة العمر الجديد
http://www.niswh.com/vb/showthread.php?t=234512




انا بالقرب غاليتي .. متى احتجتني



بالتوووفيق لكِ
​

 

[أبكاني ذنبي1]

الله يبرد على قلبك

 

[عذبةالوصف]

ردي ع رسالتك

هلا بك يالغاليه​

افرحني كلامك بالاول ... ورجع زعلني ​

​

ماتهاب عزيزتي​

​

كلامي امس معك كان انه انتي لازم تستعيدين ذاتك وقوتك​

بس يالغاااااااااليه مو عشانه هو​

​

هذا اكبر اخطا ووالله لو استمر تفكيرك كذا مارح شي فيكي يتغير ​

ورح تظلي مثل ماانتي نفس مشاكل مع زوجك واهلك وكل من حوولك​

​

ارفعي راااااااااااااسك ارجوووك طااااالعي حولك الدنيا مو هو بس​

​

الدنيا ابوك واخواتك والناس من حولك وبكرا عيالك​

​

تعرفين ... تفكير الشخص منا وتعامله مع الناس مثل الثوب​

يحتاج بين زمن وزمن تجديد​

واللي يصير هالثوب ثوب باااااالي < مستوعبه ومتخيله كيف منظر هالثوب​

​

غيري نفسك ... البسي ثوب يناسبها ويجملها ​

قلت لك وبظل اقوووووول اهملي كل المشاكل ​

وفكري بشي واحد هو انتي وكيف تسعدين بيها​

​

ماتهاب انا شوفت بنات هنا ​

كل همها هو ...ونصحتها بس للاسف​

مو راضيه تفهم ان هي الاساس​

والمشكله الاكبر هي وانها هي سبب تعاستها​

وكل همها عصا سحريه ترجع هالزوج​

​

وتنسى تماااااما​

​

(( ان الله لايغير مابقوم حتى يغيروا مابانفسهم))​

​

​

اتمنى والله انك تكوني اووووعى منهم​

​

وبالنسبه له لا تعمليه الا بحاجتين الابتسامه والصمت​

وحتشووفي اول دليل على صحة اسلوبك كيف يبدا يتقرب منك ويحاول يفهم تغيرك ؟؟​

​

​

وبالنسبه لشخصيته وكلامك عن اخته هذا انا ماابي اتكلم عنه ​

لانه مو مهم صدقيني يالغاليه مو مهم المهم انتي وبس​

​

غيري نظام حياتك وكل ماجت سيرته ع بالك​

​

اقطعيها باي اسلوب​

​

فكري بشي ثاني غيري مكانك سرحي شعرك العبي مع اولادك او باالعاب النت​

المهم تسكتين صوت افكارك ناحيته او اي شي يخصه​

​

مو كره فيه بس لان عندك الاهم من التفكير بشي يشغلك ويسي نفسيتك ويرجعك لدوووامة التعب والحزن والضيق والارهاق النفسي​

يسعدني تواصلك معي دايم وابي اخبارك اول باول
​

واتمنى انك يالغاليه تظلي صريحه معاي بكل مايدور بنفسك​

وماتخجلي مني او من نفسك لو خالفتي شي من كلامي او صعب عليك تطبيقه​

انا رح ابسط لك اي شي تحسيه صعب​

​

لاني اعتبر ان الانسان لم يتعلم شي مثل طفل يتعلم المشي​

لابد يمشي ويوقع لحد مايتعلم يمشي للابد​

​

​

بالتوفيق لك​