تطلقت من7شهور..ومازلت عايشة معاه

  • بادئ الموضوع بادئ الموضوع البي
  • تاريخ البدء تاريخ البدء
البى الله يعينك يارب ويصبرك على قهر قلب بس حطي في بالك انه خيره لك والله العالم..

شوفيني انا الحين عمري 29 ومطلقه مرتين والحين الثلاثه في الطريق

وهذي الدنيا لاكن الواحد مايقول الا الحمدالله على كل شي بس انا ماعندي اولاد منهم
 
الاستاذة ناعمه ...ردت عليج !!!
اتمنى لك التوفيق !!! في المثبت !!
 
اختي انا حاكتبلك قصة قريبتي تطلقت وكان عندها ولد 5سنين والبنت صغيرة يمكن سنة وشوية وعلى طول هو تزوج لكن هي كانت كثيرة الدعاء صدقيني انا كنت جارتهم واعرف اسرارها صدقيني نسيته وبدأت
تهتم بنفسها وتدعوالله ان يفرج همها هي بالاصل موظفة جابتلها سواق وصارت تروح ندوات ومعاهد
ومراكز صيفية وكونت علاقات اجتماعية واسعة وفي نفس الوقت تدعوالله الذي لايخيب من دعاه تعرفي ايش صار؟ بعد 10 سنين رجع زوجها وخطبها واستمات في الطلب عشان توافق ترجعله الحين هي حامل
وعايشة في قمة السعادة وزوجها شايلها شيل حبيبتي انتي مو موظفة لكن تقدري تاخذي دورات وتطوري
نفسك ودوري على مصدر رزق ولو كان قليل عشان ماتحسي انك محتاجة لاحد اهتمي بانوثتك برشاقتك
ولاتفكري في الاحداث تاكدي تماما ان كل شي مقدر ومكتوب وان تدبير الله للانسان افضل من تدبيره
لنفسه دايما ذكري نفسك بايجابياتك وانظري للاخرين بحب وليس بحسرة فهم يعيشون حياتهم وهذا من
حقهم واخيرا اذكرك لاتدعي الدعاء لنفسك ولبنتك وادعوالله انه يفرج همك
 
الله يوفق كل من رد علي وواساني..
وابغى اقول لكم اني حاولت ارجع له ولكن مارضي يقول مايبغى يكسر خاطر اللي خطبها وللمعلومية هي بعد مطلقة وقال لي اصبري سنة لاتتزوجين لاني راح اكلم زوجتي على رجعتك واذا وافقت رجعنا..
وبالنسبة لبنتي انا كنت اخليها تكلم ابوها بالسر بدون مايدرون اهالينا لكن لقيت البنت تتعلق فيه بزيادة وتبكي تقول له..بابا حبيبي..بابا تعال..بابا وديني الملاهي..واذا قال لها مع السلامة تصيح تقول لا تقفل ..حسيت اني جالسة اثورها وابكيها واعقدها بالأسلوب هذا وبعدين بطلت خاصة اني اذا سمعت صوته ماأقدر اقاوم دمعتي وتنكد خاطري لأيام..وللمعلومية انا في مدينة وهو في مدينة مايشوفها الا في الاجازات فقط..لكن اهله ساكنين في مدينتنا وياخذونها كل اسبوعين اوثلاثة وتجلس عندهم خميس وجمعة..واحيان كثيرة تروح فرحانة تفكر انها كل ماراحت لأهلها بتلقى ابوها وترجع نفسيتها زفت تقطع القلب..
واهلي يحبونها كثير لان بنتي غير معاهم حنووووونة ومتعلقة فيهم واذا شافت احد زعلان راحت عنده تبوسه وتحضنه وتدافع عنه واذا شافت احد تعبان تروح تحط يدها الصغيرة على جبهته وتقول له تعبان..تعبان اجيب دوا..اجيب مويه..خدومة بشكل ....
اما عن صديقاتي اكلمهم في النادر وكلهم تقريبا تزوجوا ومشغولين ولا ازورهم ولا يزوروني لاننا ماتعودنا على الزيارات..
والاختلاط مع الناس يزيدني حزن خاصة المتزوجات اذا تكلموا عن ازواجهم اتذكر زوجي..
واما عن خطيبة طليقي فأنا ماسويت لها شي عشان تزعل ولا اعرفها اصلا لانها مو من جماعتنا لكن في ناس من جماعتنا يعرفها ويقولون انها من ناحية الجمال ماهي جميلة واللي يقول انها جميلة يكذب عليك عشان يغيضك هذا كلام سلفتي سابقا..ومن ناحية الشخصية مامدحوها ناس يقول مدلعة وناس يقول قوية واهلها اقوياء..
لكن اللي اقدر اقوله ان طليقي الى الن يحبني لكن زي ماقلتو الرجال انانيين وماراح يرتاح الا اذا جرب مرة ثانية.. ولقيني مازلت احبه وذا الشيء طمنه اكثر اذا مانبسط معاها بيرجعني واللي يثبت كلامي هو كلامه اني اصبر سنة ماتزوج عشان يكلم زوجته عن رجعتي طبعا انا ماصدقته لان مافيه واحد يتزوج مرة ثانية وينبسط ويروح يخرب على نفسه ويقول ابغى ارجع زوجتي الولى الا اذا ماارتاح او في حالات نادره يدفعه الحنين للزوجة الاولى زي ماقلتو..
آآآه كل ما شفت خط يده على كرت الزواج وعلى البطاقات..
آآآآآآه على صوره كل مااشوفها..في الملكة والزواج وشهر العسل هذا غير الفيديو..
آآآه على قصايده اللي كتبها فيني وانتشرت عند الناس..
آآآآه على قصيدته على فراق بنته..
يارب فرج همي وهم كل مهموم واجبر كسري وكسر بنتي وارحم ضعفها وقلة حيلتها..قولوا آميييييييييييييين..
أنقر للتوسيع...

اعتقد يا اختى ان زوجك انانى ولا يحبك ولا يهمه غير نفسه كيف يطلب منك ان لا تتزوجى وتعيشى حياتك وتفضلى منكده ومهمومه وهو عايش حياته بالطول والعر1ض وبعد يفكر فى ان يرجعك او لا
تعرفى اختى هو سيتزوج فقط للمتعه وبعدها مباشرة سيرجعك ولكن هيهات من هذا الموقف والذل افضل لكى انك توصلين له انك محتيه من حياتك وانك ستعيشين حياتكوافضل لبنتك الحياه مع اب وامه يحترمون بعض على ان تعيش بين اثنين لا يحترمون بعض واللى مسويه زوجكط هذا ليس فى اى احترام لك ولمشاعرك كانسانه وحبيبه سابقه هو باعك واللى يبعيك لازم تبعيه ولا تفكرين فيه
وادعى ربنا انه يفرج همك وكربك ويرزقك احسن منه ويصون عشرتك ويراعى مشاعرك اللهم امييييييييييين لها ولكل من فى موقفها
 
مرحبا اختي
صراحة انا قرات المشكلة وكنت متابعة لك وقرات رد الاستاذة ناعمة وتحليلها لك وقراءت ردود الاخوات جزاهم الله خير واسمحيلي لااعتبر هناك مشكلة ..؟
تطلقت من رجل اغلب حياتك معاه مشاكل ومن كلامك كنتي ببيت اهلك -راح وخطب بنت ثانية وغير كذا خايف على مشاعرها بديل ماتركها ويبي يستاذن منها علشان يتزوجك وبقولها لك من الاخر مابيتزوجك عارفة لية ؟ لانة لو يفكر بالموضوع اصلا كان صارحها بفترة الخطوبة ومابينتظر لين يجرب العيشة معاها بعدين يختار لالالا لو يبيكي رجعك من البداية ولا على الاقل اعلن رغبتة للجديدة بانة ممكن بالمستقبل يرجعك مش غبي علشان يطلق مرتين هو الثانية بياخذها ومابيكرر اخطاء (من وجه نظرة طبعا ) اللي حصلت بزواجة الاولي(للعلم انا احلل فقط )..وثانيا لانة ارتبط فيها عاطفيا وهي مش سهلة وعندها خبرة يعني مابتلغي نفسها علشانة ولا علشانك وهي عندها قوة شخصية .
فاللي ابيكي تفهمية من كلامي لا تتعلقي بووووووووووووووووووووووهم
اهتمي ببنتك وبنفسك والله الله ببنتك حاولي ماتقطعينها من اهللها لو طلبوها (لاحظي لو طلبوها ) موانتي تدقين عليهم هم خلهم يتعبون نفسهم شوي وانتي اثقلي اثثثثثثثثقلي واجد مو قليل والافضل ماتردين عليهم ابدا خلي احد غيرك
عوضي بنتك بس وانتي ابني نفسك وانسية افضل مايستاهل
كل شي بدايتة صعب ادري لان جرحك لسة جديد بس وش الافضل بنظرك تتركين الجرح من غير مضمد ولا نحط علية مضمد ولزقة ماتنشال الابقدوم العريس اللي يستاهلك ويهنيكي ؟
تمنياتي لك بالسعادة وعدم النظر يااختي للماضي
كرامتك فووووووووووووووووووووق الكل
(انا عشت تجربتك بس مش كاملة )
:smoke1:​
 
اسمعي كلام الاستاذه ناعمه والله يرد زوجك لك ويحنن قلبه عليك ويسعدك والله قطعتي قلبي انتي وبنتك
 
اختي ادعي ربك انه يرجعلك زوجك وقولي ياجامع الناس ليوم لاريب فيه اجمعني بفلان واستغفري كثيرابنية الرجوع
وان شاالله ترجعين حتى لوكنتي زوجه ثانيه دامك تحبينه وتذكري الخيره فيما اختاره الله لكي
 
اختي لاترجعين له والله انك بكره تندمين واعطي نفسك فرصه اخرى وحياه جديده وهو حسب كلامك بقمه الانانيه وانتي الى تحبينه مو هو وانا اشوف من باب اولى انك تحبين نفسك
 
السلام عليكم....
رجعت لكم بعد طول غيااااب ....رجعت اقول لكم ان زواج زوجي بكرة الخميس 13/8 ابغى من تصبروني وتنفسون عني شويه وابغى اسألكم قد مر عليكم رجال تزوجوا ورجعوا يحنون لزوجاتهم....
وعندي سؤال
هل ينسى الرجل زوجته و\حبه الاول؟
ارجوكم اقرأوا قصتي بعدين جاوبوا...ابغى منكم دعوات في ظهر الغيب بأن الله يرجعه لي نادم وخسران...
 
وين القى رد الاستاذة ناعمة الهاشمي تحت اي عنوان واش هوه المثبت بصراحة مافهم في الاشياء هذي كثير
 
معقوله ماشفتي رد الاستاذه عليك
هو في قسم الاستشارات الزوجيه ببداية الصفحه

خساره
 
الله يكون في عونك اختي ويصبرك ويصبر بنتك والله قلبي معاكي وراح ادعيلك الله يفك ضيقتك
 
اختي العزيزة : انا حالتي مثل حالتك بس الفرق الوحيد هو اني عندي ولد مو بنت وبصراحة انا حاسة فيك بس انشالله ربي يعوضنا ونتزوج مثل ما هم تزوجو - ومالك الا الصبر واشغلي نفسك باي شي عشان ماتفكرين فيه -
 
الى استاذتي الفاضلة ناعمة...
للاسف انا اليوم 13/8 شفت ردك على مشكلتي وهذا من سوء حظي واليوم ايضا هو يوم زواجه للاسف.
مادري هل شرح معاناتي وقصة طلاقي لها اهمية او لا؟
اسباب طلاقي باختصار هي:
انا تزوجت وعشت مع اهله في نفس المنزل بعدها رجعت عند اهلي لاكمال دراستي لان المدينة اللي عايش فيها ماعندهم نفس كلية تعطي نفس شهادتي بعد عودتي بشهر التزم زوجي واطلق لحيته وقصر ثوبه وتغيرت نفسيته الى الحضيض غلب عليه الحزن والاكتئاب وكل هذا واحنا ماصار لنا 3شهور وكالعادة عايشين مع اهله والبيت صغير ومليان اطفال وشباب واخوات واكيد الحياة كانت صعبة معاهم ماعندنا خصوصية ومانطلع ولانتمشى غير اني كنت اتعب من شغل المطبخ في رمضان وهو مايجلس معايا ومانتقابل الا اذا يبغى ينام معايا وهوه صار حسلس ويسد النفس كل شيء عنده ممنوع صار متشدد حتى الجرايد ممنوع اقراها لكن كان يموت فيني ويحبني حب لولا تدخلات اهله بطريقة او بأخرى لانهم والله اعلم كانوا يغارون مني يوم شافوه ميت عليه وهذا ولدهم الكبير والعيون كلها عليه ماريحوني اذا شافوني لابسه حلو انقهروا وزعلوا غير انهم كانوا يوصفون بنات كثير ويمدحونهم مع انهم مو قد كذا وهوه طبعا مايدري يصدق يحس انه فيه اجمل مني بكثيروكانوا ينقلون عليه كلام كثير الين خرب عليه الحال وبعد سنة حملت وتوحمت وكرهته بزيادةوهوه ماراعى الشيء هذا بعدين رحت عنداهلي ولاعاد طالع فيني وجلست عشرة شهور ورجعت له وبنتي عمرها3شهور والحمدلله عشنا فترة مبسوطين وبعدين انتكس الحال وماكان عندي جوال وماعندي تلفون وما اشوف الناس ومااختلط بهم وهكذا حتى تدهور حالي وتعرضت للضرب والاهانات والتجريح لدرجة انه كان يناديني باسم شغالة ورحت عنداهلي وجلست 8شهور ورجعت وعشت شهرين 20 يوم منها كنت اسعد انسانة في الوجود لدرجة انه قال لي اني يخاف يدخل النار بسببي لان عنده نعمة زيي ماقدرها لكن بعد فترة رجعنا للحال الاول ونقل لي استهزاء اهله فيني في الايام الاخيرة بعدها رحت لاهلي طالبة الطلاق لاني ماتحملت شناعة الاستهزاء وهم حاولوا يرجعوني رفضت وهو بعد حاول معي ساعة كاملة بالجوال وتكلم معي باحساس مرهف ماقد حسيت فيه من سنين وهذا اللي متعبني لانه كان صادق لكن صدمتي من كلام اهله كان اقوى..وبعدها بايام اتصل يحاول ارجع له لانه كان مسافر ورفضت وطلقني.
هذا سبب طلاقي باختصار اذا فيه استفسار اساليني انشاء الله اجاوبك ارجوك ساعديني.
 
يا أختي ياألبي ....ما أدري وش أقولك أنتي شرحتي ظروفك بعد الطلاق في البداية والأخوات ما قصروا وبعض الردود كان فيها الحل الشافي لمشكلتك لكن بعد ما قلتي أسباب طلاقك إتضح الامر أكثر وأن الطلاق كان الحل الامثل لمشلتك مع زوجك فلا تندمي فأنت لم تخطأي أبدا بإتخاذك قرار الطلاق ففيه صيانه لكرامتك أما عن إبنتك فلم تستقر أصلا مع والدها عندما كنت على ذمته ومهما كان لن تكون أعز منك حتى تتحملي الذل من أبيها علشان تعيش هي جنبه فكري في نفسك إبحثي عن عمل وعندما تجدي الوظيفة المناسبة ستستقلين عن أهلك وتقدرين تأمنين سواق لك يقظي مشاويرك وأيضا تقدرين تعطين بنتك لأبيها حتي يخف عليك الحمل شوي وحتى ما يبدأ هو حيات جديدة وأنتي تجترين أخطاءه وتعيشين في ماضيه.........
وهناك الكثير تستطيعين عمله لكن أكثري من الاستغفار والتهجد لعل الله يعينك على نفسك ويعجلك بالفرج ويسخرلك أهلك وخوانك........( الطلاق نعمه أنا أدوره ولاني طايلته )
 
ياحياتي يا البي افري قصتي وخدي عبره. انا مطلقه من اربع سنوات بالضبط وعندي بنتين الكبيره ثمان سنوات والثانيه خمس سنوات .يوم اتطلق عمر الصغيره عشر شهور فقط.طلاقي كان صدمه ادهلت الجميع لاني امتلك جميع المقومات التي تتمناها اي بنت واي زوج_والحمدلله_ انا موظفه وراتبي كويس واهلي يسكنون مدينه اخرى قبل الطلاق باسبوعين اكتشفت اصابه طفلتي الصغرى بمرض في الكبد وهو صعب جدا جدا. وبهدلنا طليقي بشكل فاحش مع الاقارب والاباعد ومنعني واهله من دخول بيتي واخد اغراضي الخاصه جدا جدا.وعلى فكره هو يصير ولد عمي واختي زوجه اخوه. على قد ما انصدمت على قد ما اعطاني الله قوه وثبات امام الناس لدرجه ان شكلي كان يبدو اجمل واجمل مع الوقت_وهدا بفضل الله وحده_واختي الصغرى تطلقت قبلي بشهر ! تخيلي الكارثه على والداي وعلينا! عمرنا ما اظهرنا ضعف امام احد غيرنا. وكانت اختي تبث همها لي وانا ابث لها همي ونبكي ونحزن كثييييييييييييييييييييييييييييييييييييييييييييييييييييييييييييييييييير !!تخيلي كان زميلاتي في المدرسه متعجبات من تصرفاتي التلقائيه والواثقه والسعيده !! المهم مر الزمن وكل يوم يمر كنت انسا جزء من حياتي معه. كنت ادعي عليه ليل نهار ولا زلت لانه ظلمني واداني . تقدمو كثير لاختي لان ماعندها اطفال واخيرا ربي رزقها بواحد طيب. وانا فقدت الامل بزوج فيه مواصفاتي, اصلا ما عاد صرت اتشرط. انخطبت رسمي مرتين وفسخت الخطوبه لاني كنت استخير.بعدين صرت استغفر الاف المرات.اقسم بالله العلي العظيم اني ما استغفر الا ويفرج لي ربي ويطلب احد يدي.هداك اليوم استغفرت الف مره ووالله انه خطبني واحد في الليل فيه كل المواصفات اللي احلم فيها بس انه متزوج. انا الان متملكه وزواجي بعد شهرين . ادعي لي ولا تفقدين الامل واتدكري انك لن تعرفي المجد حتى تدوقي الصبر..... الله يهدي بالك ادا تقدم لك احسن منه لا تنتظرينه يرجعك. صدقيني ماراح يسوي الا اللي ينابسبه هو فقط.
ارجو التعقيب فهده اول مشاركه لي في المنتدى.........
 
مرحبا يا حبيبتي البي الله معاك ان شاءالله و الله يقويج ويقوي قلبك بس يا حبيبتي زعلتيني كثير على بنتك ليه تضربينه حرام عليك هي مثلها مثلك فاقده شي ومب عارفه تعبر هامسكينه حاولي انك تتماسكين و تصيرين قويه علشان بنتك و تكونين لها الام و الاب و تعوضينها عن كل شي في هذي الدنيا انتي عندك نعمه من الله اشغلي نفسك فيها و في تربيتها و انك توفرين لها الجو الي ينسيها ابوها قرار الطلاق انتي طلبتيه ومالا داعي تتحسفين على الي فات اصلا يمكن خير و صالح لبنتج انها تتربى بعيد عن ابوها و عن حياه كلها مشاكل وضرب و اهانه شنو فايدت ان بنتك تربى عند ابو يضرب ويسب و يهين امها ما بتستفيد الا العقد النفسيه و الشخصيه المهزوزه و الخوف . خلاص قرار انتي اتخذتيه تكونين قده وتتحملين كل نتايجه وبنتج تحطينها في عيونك و العذاب الي انتي ضايقته لا تضوقينها ايها ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل