تطلقت من7شهور..ومازلت عايشة معاه

  • بادئ الموضوع بادئ الموضوع البي
  • تاريخ البدء تاريخ البدء
ليه ماحد رد على اسئلتي؟
والله يااخوات مادخلت المنتدى الا عشان مشكلتي هذي اللي عجزت انساها..والغريب في هذا المنتدى انه قد مافيه من مشاكل مالقيت احد زيي الا وحدة بس هي تخطت مشكلتها وانا الظاهر اني مابقي شفت شي لأنه باقي ماتزوج بس مملك انا مدري اش بتكون حياتي بعد زواجه واش بيصير فيني اذا شفت زوجته في الزواجات او في الزيارات..
والمطلقة اللي ردت علي في الأول ياليت تردين على اسئلتي اللي سألتك الله يعطيك الصحة والعافية..
احس اني وحيدة بمشكلتي ولا مثلي وهذا الشيء بيدمرني زياااادة..
 
الله يكون في عونج حبيبتي.... هو خلاص عرس ولا لسه؟ لو لسه حاولي المستحيل ترجعيله عشان خاطر البنت لو تزوج أرضي بالنصيب أنتي ما تعرفين أيش في بكره أحتمال يرجعك حتى وهو متزوج علشان بنته خصيصا أذا زوجته الجديده قد تختلف عنك في أمور قد تكونين أنتي أحسن منها أو أحتمال الله يعوضك بزوج أخر يعوضك أنتي وبنتك ألي المضى, أكثري من الدعاء والله ما راح يخيبك,,,,,,,,,,,​
 
والله انا اقرا كلامج وماسكه صيحتي .. عورتوا قلبي انتي وبنتج ..
بس انتي شلون تنسينه وانتي اطالعن الصور والفيديو .. اكيد بتموتين قهر .. والله انا ما اعرف شعورج .ولا اعرف ظروفج لكن لو كنت مكانج باحاول استعيده باي طريقه واتعلم من غلطي واسمع كلامه ولا افرط فيه مره ثانيه .. ولا ادمرين نفسج بهالطريقه ..
 
حبيباتي اذا من ناحية اني انا افضل منها فهذا الشيء كل من يعرفها يقول كذا .. مع اني مااحب اتكلم عن نفسي كثير ومن يوم بدأت اكتب مشكلتي وانا أخلي الكلام عن نفسي على جنب.ز لكن بقولكم اش اللي كان يحبب طليقي فيني اول ماعرف عني اني حبوبة ومرحة وجميلة ومن عائلة كبيرة (للمعلومية هو غير جميل ولا عادي اقل من العادي بكثيييير )وبعدين خطبني ورفضت وجلس سنة مارضي يخطب غيري رغم محاولات اهله..وبعد سنه رجع مرة ثانية ووافقت لأني قلت في نفسي اكيد انه يحبني والدليل انه رجع ووقلت مافي احسن من كذا..وبعدين شافني تعلق فيني بزيادة وصار معروف بالشيء هذا عند الناس من كثر ماهو واضح عليه التعلق الشديد فيني ..والله العظيم ما أكذب عليكم انه حتى اسمي كان يقول اني احب الاسم هذا واقول ياليت اتزوج وحدة بهذا الاسم وتحقق له سبحان الله..وله قصايد كتبها فيني وانتشرت مع الناس وصارو يعرفونها..هذا غير اني كنت طباخة على مستوى ويعتمد علي كثير في العزايم لدرجة انه كان يستعرض بطبخي عند زملاءه واهله لدرجة الكرف..
اما زوجته الثانية فهي غير جميلة هذا كلام اللي يعرفها وماتعرف تطبخ وهذا كان واحد من اسباب طلاقها وما كانت تحب اهل زوجها ..هذا اللي سمعته والله اعلم..
وانا اتأمل برجعته كثير بعد اللي سمعته عنها وقلت يمكن مايصبر عليها اذا بالشكل هذا..وبنفس الوقت اقول يمكن يصبر عليها عشان كلام الناس لاأحد يقول انه هو السبب..ولو طلقها يمكن ماحد يرضى فيه لانه خطب كثير ولا وافقوا عليه بالقوة لقي هذي وماصدق..
واما عن المحاولات فأنا حاولت نرجع وكتبت ردوده لي في هذا الموضوع ..الظاهر ماراح يرتاح الا اذا جرب الزواج الثاني.
 
البي قال:
حبيباتي اذا من ناحية اني انا افضل منها فهذا الشيء كل من يعرفها يقول كذا .. مع اني مااحب اتكلم عن نفسي كثير ومن يوم بدأت اكتب مشكلتي وانا أخلي الكلام عن نفسي على جنب.ز لكن بقولكم اش اللي كان يحبب طليقي فيني اول ماعرف عني اني حبوبة ومرحة وجميلة ومن عائلة كبيرة (للمعلومية هو غير جميل ولا عادي اقل من العادي بكثيييير )وبعدين خطبني ورفضت وجلس سنة مارضي يخطب غيري رغم محاولات اهله..وبعد سنه رجع مرة ثانية ووافقت لأني قلت في نفسي اكيد انه يحبني والدليل انه رجع ووقلت مافي احسن من كذا..وبعدين شافني تعلق فيني بزيادة وصار معروف بالشيء هذا عند الناس من كثر ماهو واضح عليه التعلق الشديد فيني ..والله العظيم ما أكذب عليكم انه حتى اسمي كان يقول اني احب الاسم هذا واقول ياليت اتزوج وحدة بهذا الاسم وتحقق له سبحان الله..وله قصايد كتبها فيني وانتشرت مع الناس وصارو يعرفونها..هذا غير اني كنت طباخة على مستوى ويعتمد علي كثير في العزايم لدرجة انه كان يستعرض بطبخي عند زملاءه واهله لدرجة الكرف..
أنقر للتوسيع...


عيل اكيد ماعطينكم بعين .. الله ييسر لكم
 
طيب اذا فينا عين كيف نعرف بالضبط ..انا قد رحت عند راقية وكانت رقيتها جماعية وما اثرت فيني قلت اكيد مافيني شيء..وهو نفس الشيء قد راح عند شيوخ ويقول انه ماتأثر..
لكن انا كان عندي مشكلة احياناً ماأحب الجنس معاه بس هذا الشيء لما اكون زعلانة..واذا متراضين اكون عادية..لكن فيه مرة من المرات كنا مبسوطين وعادي وحسيت انه اذا رجع البيت بينام معاي وجلست اتألم من معدتي بسبب هذا الاحساس ويوم رجع البيت طلبت انه يقرا عليه وقرأ وتأثرت وبكيت وبعدين استفرغت اكرمكم الله..
وتكرر نفس الموقف ونفس الا حساس لكن كان وقت ماكان نايم معاي ويوم خلص قرأ علية ونفس الشيء استفرغت..وبعدين جلسنا شهر وتطلقت..
 
حبيبتي وكلي أمرك لله... وأستخيري ربك..

واستشيري أحد من أقاربك له رأي وعقل سديد...

وانتي تقولين ما لقيت أحد مثل مشكلتي ..والله فيه ناس أشد منك بكثير ..

ولو تسمعين قصص الناس كان قلتي أنا بنعمه...

وتهجدي في الثلث الاخير من الليل واقرأي في صلاتك سورة البقره يوميا واستمري عليها..

صدقيني حبيبتي بتحسين براحه نفسيه وسعاده..>>من تجربه
وأكثري من الدعاء لأنه مستجاب في الثلث الأخير من الليل...

وتحري أوقا ت اجابة الدعوه...مالك غير الله هو اللي بيسعدك...

والله يسعدك حبيبتي سعاده دائمه لاتشوبها الأحزان ....
 
اختي البكاء بعد القراءة دليل والأستفراغ أكبر دليل ولو تابعتي القراءة مع العلاج بالزيت والماء المقروء عليه اما ان تشفين ان كانت بسيطة او تتطور الحالة الى صراخ وصياح ومعاناة ويتكلم عادة الجن الذي يسكن الشخص المعيون بعد متابعه طويلة وصبر من المريض صبر على العلاج والرقية .. ومن الاستفراغ واضح انك معيونة اختي انصحك تذهبين لشيخ وتتابعين عنده العلاج مع الاستعمال بالمنزل لمدة اسبوعين وسيتبين كل شئ ان شاء الله
 
الله يكتب لك الي فيه الخير و يعوضك..
من رجا الله ما خاب..فلا تلجأي الا الى الله..انا من رايي خلاص لا تفكرين فيه..واذا يبيك هو يجي لك..خاصة انه الحين عارف انك مستعدة ترجعين له..اما اذا جاك احد كويس في هالفترة فلا تترددين توكلي على الله وتزوجي لانك صغيرة..وراح تنسينه مع الوقت صدقيني..
 
حاولي تردين له باي طريقه علشان بنتك لو تحترقين:icon28::icon28::icon28::icon28::icon28::icon28::icon28::icon28::icon28::icon28::icon28::icon28::icon28::icon28::icon28: الف مره
 
حبيبتي البي 00
كيفك ان شاء الله أحسن 00
وكيف بنوتتك 00
شوفي حبيبتي اولا انا مطلقة لي خمس سنوات ونص 00
وطليقي الى الان لم يتزوج 00
لكن اهله يدوروا له عروسه والود ودهم اليوم قبل بكرة يتزوج00
خطب كم مرة ولم يتم الموضوع 00
اسمعي حبيبتي 00حقولك كلمة وحطيها وسط قلبك00
اعتبري طليقك ماااااااااااااااااااات00
وتكيفي مع الوضع 00وادعي دائما 00
ان الله يخرج حبه من قلبك 00
والله انها مجربة وانا كنت ادعيها 00
كمان لا تعلقي بنتك بأبوها 00
ولا تخليها تتصل فيه 00والله يا حبيبتي انك فكرتيني بنفسي اول ما اطلقت 00
اما دحين والله إني احمد الله اني تطلقت منه 00
اشغلي وقتك واخرجي ولا تحبسي نفسك في البيت 00
لانك حتفكري فيه00
ولا تنسي الاستغفار والدعاء والصدقة 00
ومني انا والله ما انساكي من دعائي 00
ودمتي بود00
:icon26::icon26::icon26:​
 
مشكورين حبيباتي ..
ضحكة فجر طيب ليه ماتزوجتي اكيد يجيك خطاب وترفضين..وليه طليقك ماتزوج الى الحين؟
اما عن الرقية من يوم تطلقت وانا ماقد رحت لأحد يقرى .. احس اني خلاص يائسة وش فايدة القراءة خاصة انه ماكان عندي مشكلة الا في النوم مع زوجي والحين خلاص تطلقت..لا تفهموني غلط ادري انه القرآن بركة لكن اخاف اتعلق في بزيادة كفاية اللي انا فيه..لدري انكم بتضحكون علي لكن اعذروني على التفكير هذا اللي انا فيه يشيب الراس..
سلة تمر بالله اش اسوي اكثر مما سويت عشان نرجع لأني بصراحة ماأبغى أذل نفسي كثير حتى لوكنت احبه واموت فيه اخاف بعدين اندم على رجاي فيه..ويمكن يكرهني ويحتقرني ..وانا ماودي اهين نفسي ..
 
يا البي ابيك تصحصحييييييييييييييين معاي.. ولا تزعلين مني..
انت متعلقة بأوهااااااااااااااام..انت تقولين انك كلمتيه في ايام العدة و بينتي له انك مستعدة ترجعين له..صح؟
طيب هو لو يبيك كان رجعك على طول دام انه عرف انك مازلت تبينه..
وبصراحة رفعت ضغطي كلمته انتظريني سنة!!!!!!!!! يعني هو بيشوف نفسه انبسط مع الاخت ولا لا.. ان جازت له نساك!
وان ما عجبته عنده خط رجعه الي هو انت الي قاعدة تنتظرينه!!!!!!!!!
والله ما ودي اضيق صدرك بس انا هذي وجهة نظري و من رايي بعد لا تتعلقين بفكرة العين..صح ان كل شي وارد لكنها بتتعبك اكثر.. انت حافظي على الاوراد اليومية و اقراي على نفسك وو كثري دعااااااااااء
اللهم الهمني رشدي و قني شر نفسي.. اللهم ارني الحق حقا و ارزقني اتباعه و ارني الباطل باطلا و ارزقني اجتنابه..
وغيرها من الادعيه عسى الله ان يفرج همك و ينسيك اياه.. من جد شاغلتني مشكلتك و بالي معك الله يفرج همك ياااااااااااااااااارب انه على كل شيء قدير.
 
ياعمري وربي نزلتي دمعتي ,, الله يهون عليك ويحنن قلب أبو بنتك عليها أكثر من الأول يارب ,,
الله يعوضك خير ان شاء الله ,, ولا تبكين وأنا أختك دموعك غالية, التجئي بالدعااااء لرب السماوات والارض ,وصدقيني بتلقين راحتك,,
وحاولي تتوظفين لو ف مدرسة خاصة أو تحفيظ وخذي بنتك معاكي,,غيري جووو حتى لو الراتب قليل أهم شي الطلعة من البيت ,, وكل مااحتجتي تفضفضين عن اللي باخلك تعالي هنا وحنا كلنا خواتك وبنسمعك ,,
 
مشكورين حبيباتي...
مشكلتي اني انسى ايام وارجع اتذكره لانه قريبي ومن جماعتنا والحزن يتجدد دائما كل ما جت سيرته او سيرة زواجه ..كل هذا وهو مابقي تزوج اجل ليلة زواجة اش بيصير فيني واش بيصير فيني لو شفت زوجته..الله المستعان بس.
 
إذا حابه طليقك يرجعك تناسيه طنشيه أكيد إنه مطئن من ناحيتك بأنك مازلت تعيشين على خياله وأنك ماعندك هم إلا تتبع أخباره وإنتظار مكالمته مع إبنته فلذلك هو ينفر أكثر ويريد أن يجرب غيرك لأنه شعر بغيرتك من بعيد فهذا هو الرجل كل ممنوع عنده مرغوب وهو أخبرك أن تنتظري سنه لأنه أناني ويريد أن يجرب ومن من الرجال لايحب التغير وإذا فكر بإرجاعك هو متأكد أنه سيرجعك على ضره يعني هو مالي يده منك وهذا طبعا بسبب تعلقك الغريب به حتى بعد طلاقك جربي إخرجي لحياتك إهتمي بنفسك وبصحتك وبعلاقاتك الإجتماعيه وبما أنه قريبك سيصله كل شيء عنك ويمكن يفكر بإرجاعك خوفا أن تضيعي منه
 
لو ردك بترجعين ؟؟؟؟
ماأدري ليه احس انه بيرجعك
لو موعشانك عشان بنته !!

والله اعلم
 
غاليتي لقد أحزنني وضعك كثير لأني مريت بنفس وضعك لذلك خذيها مني إلجئي إلى الله سبحانه وتعالى لأنه الوحيد القادر على إخراجك مما أنت فيه . و أنصحك أن تقرأي سورة البقرة كل يوم في جلسة واحدة بنية حل مشكلتك وكذلك لاتنسي أن تداومي على الإستغفار و أسأل العلي القدير أن يفرج همك إنه قادر على ذلك سبحانه .
 
هلا اختي

انت تقولين انك عشتي ايام حلوه وايام مررررررررررررة

والمشاكل كثيرة

ولو تكتبين الايجابيات والسلبيات ,,, احتمالية السلبيات ترجح ... صح او لا ؟؟

ممكن تقولين مسكينة اللي خذته ,,, حاولي ما تتذكرين الحلو ,,,, تذكر معاناتك معه .....

اذا هو يبيك كان فكر يرجعك ,,,, لكن دامه خطب وبيتزوج معناته ما فكر بحياته معك ,,,

ولا اظن ان فيه انثى تحب تعيش مع واحد ما يبيها

انت الان في مرحلة ثااانية تجاوزتي مرحلة وجودك معه

ليه تلتفتين لورا

فكري باليوم وبكرة

ادرسي ,,, التحقي بدور تحفيظ ,,, ادخلي دورات تجديد وتطوير

الفراغ مو من صالحك

وادعي ربك يعوضك باحسن منه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل