تطلقت .. فهل من يدعي لي بتفريج همي ..؟ محتاجه دعواتكم

اللهم اجبر بخاطرها وخفف عليها مصابها وعوضها خير مما اخذت منها

ماعليه يااختي انسي دامك ماارتحتي في حياتك معاه ومااستقريتي كان هذا هو الحل اللي تراضيتو عليه

عليك الحين انك تاخذين لك فترة استجمام مع الله

غيري حياتك للاحسن اقتربي من ربي اكثر هالفتره عشان تقدرين تتخطين هالازمه عليك بالدعا في اوقات الاجابه واخر الليل وادعي انك تنسيه وان ربي يعوضك احسن منه
رح تحسي براحه
شوفي جوانبك الايجابيه وانك تقدري تتخطي الظروف الصعبه باذن الله

شوفي مصايب غيرك وتهون عليك مصيبتك


الله يقويك ويصبرك ويعوضك
 
حبيبتي الله يصبرك ويعوضك خير انشاء الله وعسى ان تكرهو شيئا وهو خيرا لكم
 
الله يثبتك ويصبرك ويمسح على قلبك
الخيرة فيما اختاره الله لك
والله يعوضك بالاحسن منه​
 
الله يعوضك ياقلبي..
وماتدرين يمكن خيره لك ..الله يصبرك ويفرج همك
 
الله يجيركي في مصيبتك ويخلفكى خيرمنها والله الاتشتكي وابكيلك
 
الله يعوضك احسن منه نصيحه احذفيه من قلبك وعقلك ولا هو بيحاول يرجع عشان يكمل التعذيب لا امثاله يحبون يعيشون في دائرة الحب والهجر والبعد والخيانه ابعدي عن ذا الجو الموبوء
 
أسأل الله أن يفرّج همّك ويعوّضك خيراً ممّا أخذ منك
 
الله يعوضك بخير منه واسمحيلي مثل هذا الي يجاهر بمعاصيه بعد ان سترها الله عليه لا يتندم الانسان على فراقه
بل احمدي الله انه خلصك منه قبل ان ياتي الابناءوتكبر الامور
لعل الله اراد لك خيرا
وكوني واثقه بالله سيبدلك الله برجل ينسيك ايامك مع هذا

وتاكدي ان الله تعالى عند ظن عبده به فليظن العبد بربه ما شاء
فتفائلي خيرررررا انتي في بدايه الطريق
 
شكرا لكم جميعا وجزاكم الله خيررر والله فرحت بدعواتكم وبكيت من اثرها في نفسي

يابنات انا حاااسه بالغبنه حاسه بالقهررر حاسه بشعوور يكتمنيييييي

لين اخر لحظه وهو مطلعني الغلطااانه

واللي تقول بيرجع فعلا هو رجع انا اول ماوصلني خبر طلاقي ارسل لي رساله على الايميل ورديت على كلامه وتحسبت وقلت لاعاد ترد

طريقته استفزازيه مو هو اللي قبلت فيه زوج

طيب خلاص تطلقنا ليش التجرررريح ليشششششش

انا تعبت نفسيا وربي مقهوووره

نفسي يرجع عشان اذله واكرشه ..

كل مره توصل بيننا للطلاق ويرجع واقبل فيه

هو يحب التملك انا حاسه بالغبنه يعني خلاص طلقتني ليش لسه تجرح !! ليش ليين اخر لحظه تبغى تطلع برئ ؟؟؟؟؟؟؟

خلاص سواء مذنب او برئ اللي بيننا انتهى


امس حلفت ودعيت على نفسي اذا ارسلت له حرف < لاني كنت واثقه انه راح يرسل

وفعلا ارسل وجلست اقول لاترسلي ياتناهيد لاترسلي .. واليوم جلست اقلب كلامه وماقدرت ماارد عليه مااااااااااقدرت يتوقع انه ربط لي لساني وانه كسرني بالطلاق وانا والله كررهته بس الغبنه هي اللي تحز بقلبي
انا الغيت ايميلي بس بعد ماعطيته كم كلمه :( ولو انه مايستاهل الغي ايميله عشانه

وغيرت رقمي ولو انه مو كفوو اغير الرقم وصديقاتي يعرفوني عليه عشانه

بس خلاااص احسس بكتمه اذا شفت رساله منه



كرهت شي اسمه حب اذا هذي نهاااااااايته !!!!!
 
لساتج باول الطريق هونيها وتهون

توج صغيره لا ضيقين علي حالج
والله ما يسوي انج تدمرين نفسيتج علي انسان مايسوي
 
حبيبتي تناهيد انا قريت مواضيعك السابقه والله ياقلبي قولي الحمدلله انتي مطلقه مطلقه منه اذا مو الحين بعد الزواج الحمدلله انك لسه بنت وبس ملكه

الله يعوضك خيرا منه عاجلا غير اجل ويرزقك الذريه الصالحه ويسعدك دنيا واخره

اعتبريه تجربه ومرت وخليها تقويك مو تكسرك
 
ياقلبي دوبي شفت ردك ياغاليه لاتبكين ولا تنقهرين الحمدلله انفكيتي قبل الزواج

القهر لونو دخل بك وذللك مزبوط وكسر ظهرك بولد او بنت يسقيك المره به

عيشي حياتك وانبسطي المفروض تفرحين مو تزعلين انو انكشف بدري

خلي التجربه هذي تقويك واحمدي الله الف مره وقولي ياربي عوضني خيرا منه

روحي حبيبتي امسحي دموعك اللي ما يستاهلها خذي دش بارد ومع الدش اغسليه من قلبك وعقلك انتعشي والبسي احلى لبس حطي مكياج واتعطري واطلبي احلى عشى وكيك اعزمي اهلك خلي جو البيت فرحه سوي حفله بمناسبه الفكه منو ((ترى هذي لها تاثير كبير على نفسيتك جربي وقولي فجر قالت شوفي نفسيتك بعد الحفله كيف راح تكون))

دايما رددي قولي انا خساره فيه هو اللي خسران وانا استاهل احسن منه وما استحق الا الافضل خلي كلماتك لنفسك ايجابيه

لاتفكرين بسلبيه قهرني ابغى اقهره مغيوضه منه لا انتبهي ترددين مثل هذي العبارات

الله يعوضك خير منه
 
الحمدلله والشكر صدقيني انها خيره لك والله اختاره لك خلاص ابدئي حياه جديده وانسي كل شي حلم وصحيتي منه والله يسعدك ويرزقك بماهو افضل منه
 
الخيره فيما يختاره الله ..الله يعوضك بخير منه
 
حبيبتي الطلاق نعمة من رب العالمين ,, تخيلي لو حرام الطلاق , وانك تعيشين مع انسان ما تبينه طول عمرك ,,

بالعكس قولي الحمد لله اني افتكيت من الهم والغثى , الحين انت حرة مافي زوج يتحكم فيك ويقول لك انا ابيك تسوين كذا وانت لازم تسمعين كلامي , ولا واحد يسب ويشتم ويلعن وما يحترمك

كل ما اتذكرتيه اتذكري سئياته اللي هي اكثر من حساناته , وقولي الحمد لله اللي فكني منه

الحياة حلوة , وحلو تعيشين حياتك مرتاحة ومبوسطة بدول مشاكل وهموم , فاذا الحياة مع الزوج كلها مشاكل وهم ليش تزعلين من فرقاه ,, بالعكس الحياة حلوة , وقدامك ان شاء الله حياة احلى واحلىى

خطيي لمستقبلك واشغلي نفسك بوظيفة اذا انت مو موظفة , واذا انت موظفة اعطي وظيفتك كل اهتمامك وعيشي لنفسك وبس , لا تفكرين في احد خليك انانية دوري على اللي يسعدك , صدقيني كذا ترتاحين وتعيشين مرتاحة ومبسوطة

والله يعوضك بخير منه ويكتبلك اللي فيه الخير ​
 
شوفي أختي العزيزة الله وكيلك ارتبطنا برجال ناضجين متزنيين لم يكن لهم ماضي ومع ذلك الحياة تفاجئك بمشاكلها وتجاربها ومطباتها فما بالك بالزواج من شخص اقل كلمة عنه (مراااااااهق)وباين من كلامك أنك إنسانة متزنة أكثر منه وماشاء الله عقلك كبير وصاحبة قرار...انسيه واحمدي ربك أنه ألهمك تتخذي هذا القرار وإنتي لساكي عل بر ....وبإذن واحد أحد فرد صمد بتبشرينا بارتباطك برجل بكل معنى الكلمة شخص يحمل كل مواصفات الرجولة دين والتزام وشهامة وكرم عاجلا غير آجل ياااااااااااااارب...عيشي حياتك انظري للأمام ولاتلتفتي للوراء نهائيا...وربي يخترلك الخير..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل