يارب فرج هممي
New member
- إنضم
- 2013/11/18
- المشاركات
- 41
السلام عليكم ورحمة الله وبركاته انا من قبل 7شهور كتبت مشكلتي وراح اكتبها ثاني مره واحكمو تكفوون من بعد الله انا تطلقت ظلم من زوجي يوم من الايام راحت بنتي لروضه كانت الروضه العصر لانهها خاصه وديتها انا وابو عيالي ورجعت وكان البيت اصلا حوسه انا عندي بنت وولد قلت بنظفه يعني من قلب بنظف لانه صاير حوسه من العاب عيالي واغراض ثانيه المهم هو حط تسجيل تحت الكنب وجلست انظف واهاوش ولدي اذ حاس شي لان البيت بس انا وهو والرجال من الخباثه اللي فيه طعني في ظهري انا ووين والقذاره او انا اسوي علاقات وين وويشهد على رب عينه ماتنام اني انظلمت ماعمر احد لمسني غيره ولا سويت الحرام انا والله اني اخاف ربي واخاف على نفسي وعيالي المهم جاء اليوم الثاني قال من اللي جايك في البيت وجايب اخوانه واخواني للبيت عاد توني قايمه مدري وش السالفه لقيت من امي وخواتي مليون اتصال والباب يطق الجرس حسبت شي صاير له شي او احد ميت وضع عساكم ماتشوفونه يارب حتى مانزلت ملابس انوم وفتحت الباب لقيت اخوي وعلمني بسالفه انا انجنيت بكيت انهرت بس لاحياه لمن تنادي ويجي اخوه في المجلس قال روحي مع اخوك وخلي العيال قلت انا ماسويت شي انا انظلمت قال فلان جايب ادله عليك وتسجيل واثباتات قل اخوي امشى واطلع من البيت منهاره قلت لاخوي وصلني لبيت اهله لامه وابوه وبكيت وعلمتهم بسالفه وجاب ولدي لي لان ولدي اصغر من البنت عمره سنتين والبنت 7سنوات طبعآ اخذو البنت والولد معي الحين وكل اهله صدقوه وصرت انا الوساخه اللي تحب الريجيل ولها علاقات المهم بعد اربع شهور ارسل الورقه وانا حاليا عند اهلي لي حول 8شهور وبنتي ماشفتها ولاجابها لي بس يرسل لولد ميه اوميتين ريال وعقب طلعت الروح عند اهلي الحياه صعبه صعبه ريال واحد ماشفته منهم ابوي يدعي علي في اطالعه والداخله امي كذالك وجودي مثل عدمه انا انذليت انهنت المذله بانواعه شفتها ابوي متضايق بعد من ولدي ولدي يعني حيل متعبني كل شي يخربه حتى امي نفس الشي انا اصلي وادعي واصوم بس مااحس ربي يقبل دعواتي يعني انا انظلمت ودعوة المظلوم مستجابه واحس ابوي وامي ابد مو راضين عني مع اني مااقصر في شغل البيت بس ابوي مايتقبل اي شي مني اي شي اسويه مستحيل ياكل منه حتى القهوة اذسويتها مايشربها ورضا الله من رضاء الوالدين واحس ان ربي مايقبل دعوتي عشانهم مع اني والله ماغلط وهو اللي حطني في الوظع هذا هو اللي كسرني عقب ماكان الكل يحترمني هو ذلني عقب ماكان الناس تقدرني وتعملي الف حساب انا انكسرت احس لو اموت يمكن ارحم من اللي قاعد يصير وبعض الاحيان اقول تفرج ان شاءلله وتطلع مشاكل ثانيه وبعض الاحيان افكر انا وش سويت عشان كل هذا يصيير معي انا ماغلط واعرف الحرام من الحلال طبعآ عمري 28وعمره هو 46 تكلم اخوي اله انه يرجعني رفض تكلمت انا معه بكيت انهرت مصر ان كان عندي رجال في البيت حلفت له بالله وبعيالي اني ماسويت ربع اللي قلته عني بس لاحياه لمن تنادي تكلم ابوه انه يرجعني بس برضو مصر وانا والله ثم والله اني ماغلطت في الحرام اني احبه اكثر من امي وابوي وانا ودي انتظر بس كلامه معي محطمني يقول لو مايبقى حرمه الا انتي مارجعت لك ارشدوني علمني اللي يصير مني او منه او عقاب من الله انا بحياتي كلها ماسويت الغلط او فتحت فرجي لغير زوجي انا اخاف ربي والله اني اخاف ربي ابي دعواتي تكون مجابه ادعي بين الصلاه والاقامه ادعي اذ نزل مطر ادعي في سجودي بس مو معقوله ولادعوه ربي استجابها لي اللهم لااعتراض بس اللي يصيري مو طبيعي ابد ابد تكفون ادعو ان ربي يفرج همي والله اني تعبت والله اني تعبت وانظلمت يارب نصرك ياكريم
