تطبيقى لأرز مطعم شوايه الخليج

[ماء القمر1]

السلام عليكم ورحمه الله وبركاته


انا مااعرف المطعم بسلامته ولاكنى طبقت لكم الارز هههههه

شوفو الدجاج بعد التحمير

وهذى الطريقه من صاحيه الموضوع

الدجاج ​

مثل ماقلت قبل ​

انا سويته بطريقتي ​

تنظفي الدجاجه زين مازين بطريقتك ​

وجهزي التتبيله ​

ملعقتين زبادي​

ملقعه كركم ​

ملح ​

بهارات وفلفل اسود​

خل ​

عصرة ليمون << لاترمي الليمون رح تحتاجيها بعد شوي ​

ملعقه صلصه ​

شوية بس صفار الزعفران ​

واخلطيهم ​

جيبي الدجاجه ​

وحطي تحتها قصدير​

وتبلي الدجاجه من فوق وتحت
وحطي عليها شرايح فلفل رومي رح يعطيها نكهه تجنن​

وحطي نص او ربع ليمون بقشره << اللي استخدميتها بالتتبيله قبل ​

لاحظي الليمونه فوق صدر الجاجه مو مرة واضحه من كثر ماعصرتها المسكينه

​

المهم ​

ترجعي تقفلي بالقصدير على الدجاجه مضبوط

تحطيها بصينيه وبالفرن ​

ولعي الفرن من تحت تقريبا ساعه ​

وبعدين فكي القصدير وحمريها من فوق....​

ملاحظه :
*اذا حبتي تطبخيها من غير قصدير عادي حطيها بدون لف واطبخيها مثل ​

ماذكرت من تحت وبعدين من فوق.. بس القصدير للتغيير بس ..​

*واذا حبتي تكون الدجاجه وكانها مشويه ولعي عليها من فوق بس ​

وخليها تقريبا ساعه وهي رح تنضج وكانها مشويه وبتطلع تجنن​

بس هنا خلي رف الفرن بالوسط ​

نرجع لموضوعي ​

نخلي الدجاج في الفرن ونروح عالرز ​

نجي للرز ​

تجيبي اربع بصلات وتقطيعهم شرايح ​

وتقلينهم بالزيت الين تاخذ لون بني غامق ​

بس لا توصلينها للحرق​

كمية البصل اللي تشوفيها بالصورة ترى مو كلها ​

لسى بقي نص قدهم بالمقلى ​

بس انا صورت هذي عشان اكسب وقت ..​

الحين اذا خلصتي البصل ​

مثل الصورة جهزي الاتي
تجيبي ​

طماطم < انا استخدمت 4​

وفلفل حار ​

وفلفل رومي<< انا استخدمت وحدة ​

وبقدونس او كزبرة ​

ونعناع ناشف << ممكن طازج عادي​

وملعقة صلصه ​

ومكعبين ماجي ​

وبيالة مويه وحطيهم كلهم بالخلاط .. خلاط الكاس​

واخلطيهم زين عشان ينفرم البصل والطماطم وما يبقالهم اثر​

وارجعي صبي الخلطه بالقدر​

تكون حاطه فيه شوي زيت وملعقه كبيرة قرفه​

الحين قلبي الخلطه هذي مع الزيت والقرفه ​

الين تبدا تفور <<كل ماقلبتي اكثر رح تغمق اكثر ​

واذا بدت تفور ​

حطي عليها مويه مغليه مناسبه لنضج الرز ​

وحطي بعد ليمون ناشف ..​

واضيفي الرز المغسول والمنقوع ..​

واضبطي الملح ..​

وخليه الين ينضج ....​

الحين بهالوقت ممكن تقطعي سلطه ​

تغسلي المواعين ​

تجهزي السفرة ​

<< تحب تستغل الوقت

​

وبعد ما ينضج الرز ​

وتحمري الدجاج ​

تكون كبستك جاهزة ​

​

لو تحبي الرز يكون اغمق ​

عادي حمري البصل بزيادة​

والقصدير لما تفكيه حتلاقي ان الدجاج ​

تحتها صوص يجنن​

صبيه فوقها وهي عالرز ​

رح يصير شكل الدجاجه وطعمها جنان ​

وهنا الدجاج من قريب​

وجربوها وخبروني ​

تراها كثير لذيذه ​

وبالعافيه على قلوبنا وقلوبكم ​

واللي حابه تسال تتفضل ​

لكل اللي سالوا عن الرز ​

انا استخدمت رز ابو بنت ​

اللي سال عن كمية النعناع او الكزبرة ​

انا حطيت بالنظر بس غالبا الكزبرة تكون نصف الحزمه ​

والنعناع كم عود بس ...​

ولكم فائق احترامى

 

[أحلى الحلا]

يعطيك العافية على الاكله الحلوة

 

[ممتنة]

واشوف اختي تمدح مطعم الشواية

لا تلوموني تري مااعرف الاسم مااني من الرياض

شكله طعم بقووووه يسلمو ياقمر

واذا ماغلبني العجز بجربه

 

[بنت مكه 1100]

والله شي ماشاء الله يعطيك العافيه

 

[أم ايلانه]

يعطيك العافية

 

[غلا روحي99]

طــــــــــــرح رائــــــع

يسلم قلبك غلاي

كلك ذوووــــــــــق

لاهانك ربِ

 

[احبس الانفاس]

يسلم يدك ويعطيكي العافيه​

 

[كنز حبايبي]

ماشالله صدق مطعم الشوايه ومطعم ارومنسيه لا يعلى عليهم يعطيك العاااافيه ومطعم شوايه يعطون الاعاب بالونه مكتوب عليها شوايه ههههههههههههه للمعلومه

 

[الجواااان]

يسلمو

 

[بشريكو]

ماشاءالله تسلم الايادي ......

 

[هدوء أميرة]

 

[الامومه]

فعلا لذيذ يعطيك العافيه

 

[ماء القمر1]

الله يعافيكم حبايب قلبى


هلا فيكم


نورتو

 

[غالية على نفسي]

يعطيكي الف عافية شكلة شهي جدا

 

[وزيره]

يسلمووو الايادي

 

[رحماك ربي##]

:icon30:الله وش ذا الزين الله يجزاك خير
زوجي يموت على شي اسمه شواية الخليج
بسالك نفس طعم تزيين المطعم ؟

 

[دلووووووعة زوجي]

مشكوره شكلها يفتح النفس

 

[لمار9994]

واووووووووو تسلم يدينك انا اموت في المطعم ذا بسويه بكره غدا لنا

 

[مزون الشرقيه]

آآآآآآآههه عليك ياشواية الخليج

شي عجيب رزهم واكلهم يسيل له اللعاب

شكرا لك على الطرح الجيد

والله ساحت سعابيلي


الله يسعدك

 

[فتو89]

مشكوره كبسه رااااااااااااااااااااااااائعه وفوق الرائعه تسلمين