تصفية الصور من الشوائب

[جوريه السعوديه]

سؤالي لكم..كيف ممكن اصفي الصوره من الشوائب بالفوتوشوب...الوجه مثلا...يعني مثل صور الديجيتال في الاستديوهات ... واذا فيه برنامج خاص ممكن تعطوني ...​

بليزز ضروري تساعدوني ... واشكركم مقدما...​

​

 

[[ معجبة بـأبي ]]

وعليكم السلام و رحمة الله


حياج الله عزيزتي في قسم التصوير ..


بس أتوقع خواتي في قسم التصميم لهم خبرة أكثر في هالمجال خاصة انه يتعلق بـ تعديل الصورة مو بس التصوير ..

و حياج الله ..

 

[فراشه]

في طرق عديدة لها..

منها بشكل يدوي، وأقدر أعطيك أكثر من طريقة بعد..

أو بتنزيل فلتر يسوي لك الشغل جاهز..

إذا تبغين الطريقة اليدوية بجهز درس سريع إن شاء الله..

أما الفلتر فمن بين الفلاتر اللي لقيتها على النت هذا الفلتر

DIGITAL GEM Airbrush Pro Plug-In

وهو من ضمن فلاتر خاصة بـ Kodak

شوفي شغله على السريع

قبل

بعد

هذي وصلة الموقع، دخلي واختاري Download من فوق، بيطلب الاسم والإيميل، وأول ما تعبين

البيانات بيعطيك التحميل على طول بدون تأخير..

ولا تنسين تتصفحين الموقع وتشوفين باقي الفلاتر، لأنها كلها تحل مشاكل التصوير وعيوبه..

أنا توني منزلته وما جربته للحين..

 

[جوريه السعوديه]

... مشكورييين الله يعطيكم العاااافيه ...

​

 

[جوريه السعوديه]

فراشه​

معليش بتـعّـبك معي​

بس ياليت تعطيني الطرق الله يعافيك​

 

[[ معجبة بـأبي ]]

وااو شكله حلوو ..


شكلي انا بعد باستفيد منه مب بس جوريه *_^


الله يعطيج العافية فراشتنا

 

[فراشه]

إن شاء الله يا جورية بكره أجهزهم لك..

حياك الله يا معجبة بأبي.. بس الفلتر يبغيله تسجيل وانا ما دورت السيريال..

انتظريني بكره إن شاء الله بالسيريال أو بفلتر أحسن منه :flex:

 

[[ معجبة بـأبي ]]

إن شا الله يالغالية

 

[جوريه السعوديه]

الله يعطيك العافيه

 

[فراشه]

هذا الدرس سويته وهي أفضل طريقة لتنقية الصور..

جربيها خطوة بخطوة بتلاقينها سهلة جداً..

بس في الفوتوشوب الأخير cs3 فلتر اسمه Surface Blur ما أذكر موجود في النسخ اللي قبل..

وهو تأثيره أجمل، لكن استغنيت عنه هنا بفلتر Smart Blur وهو يفي بالغرض..

http://up.x333x.com/uploads/f1035bc6c3.jpg

والنتيجة النهائية

جربي الطريقة وإن شاء الله بتعجبك..

معجبة انتظريني إن شاء الله بالسيريال لأني ما لحقت أدور عليه..

 

[[ معجبة بـأبي ]]

ما شااا الله درس حلووو


افا عليج الغاليه خلاص ما يحتاي ، إن شا الله بيرب طريقتج ^^

بارك الله فيج

 

[*السهم الجريح*]

مشكوره حبيبتي مرررررررره الدرس مفيد ورائع

 

[فراشه]

العفو يا الحلوات انا تعلمت الدرس بسببكم..

بالصدفة طحت عليه وانا ادور دروس في موقع أجنبي..

واذا في أي استفسار تراني حاضرة..

 

[جوريه السعوديه]

مشكوووووره و ماقصرتي الله يعطيك العافيه

 

[سنكرسT]

يعطيك العا فيه بس حبيت أسأل
ليش الفلتر أحياناَ مايضبط مع الصور الصغيره

 

[مشاعر طفله]

عوااافي يالغلا

 

[..حور..]

فراشة غناتي الصور مو طالعه
ارفعيها من موقع ثاني
لان نفسي انظف الوجهه بطريقة احترافيه
وسمعت مافي ع الطريقة اليدوية
بس مااعرف ليها

ومشكورة ياقمر​