تصرفاتي مع قريباتي اسالكم بالله ردوا عليها

[محد قدي 2009]

السلام عليكم
ومن العايدين
طبعا لي معرف ثاني بس خصصت هذا المعرف لهمومي

استغرب من تصرفاتي
قبل فتره ولدت سلفتي اول طفل ولا فكرت اروح لها الا بعد ماظغطت امي عليها قالت خلينا نروح لها رحت لها وانا مالي نفس رحت ولا معي هدية يديني فاضية
ولما ولدت انا قبل كذا جاءت لي بدري وقدمت هدية غالية وفلوس
وهي لما تزوجت رحت لها وماقدمت لها هدية
ومابيني وبين سلفتي غير السلام عليكم وكيفك يعني علاقة سطحية اصلنا اعرفها من قبل في الحارة والمدرسة
قبل فتره ولد عمي تزوج وحده من خارج الديره من يوم ماشفت الحرمه وقلت لازم ازورها وقدرها واتعرف عليها
المهم ماكملت شهر ونصف وقررت اروح لها اصلنا لسه محد راح لها من الاقارب بس انا مطفوقها ابغي اروح
فكرت ايش اقدم لها هدية اخذا اسورة بنتي الصغيرة وبعتها واشتريت سلسال ذهب وتعليقه واشتريت لها مجموعة منظفات من بودي شوب وعطر من الشركة العربية للعود وصحن حلاوة ب250 من حلويات سعد الدين
رحت لها وقدمت الهديه
امس جلست مع نفسي وفكرت ليش اقدر واحترم الغريبه وسلفتي او اي وحده تقرب لي ا تقدرني مافكرت اقدم لهم شئ
وحتي كل قريباتي اتخاسر فيهم الريال وماقدم لهم الهدية لكن اي غريبه سواء صديقه او جاره ا...........
اقدم لهم اغلي حاجة لو اظطر ابيع ذهبي

هل تصرفي شاذ

 

[فديتني اهبل]

لاتعليق

اول ماقريت كلامك قلت يمكن انتي ماتهتمين لهالاشياء
بس لمن كملت غيرت رااااي

اتوقع حاقده عليهم او تغارين منهم او اوا و

 

[عبقرية منسية]

كلامك صحيح اكثر النساء كذا
تحترم وتقدر وتبر الغريبة
وتكرة وتحقد وتخذل القريبة
الله يهدي الجميع

 

[محد قدي 2009]

فوووووق

 

[سنية وافتخر]

غلطانه القريب اولى من البعيد بالعكس القرريب لما تهدينه ماينساها لك اتمنى تفكررري في حركاتك يجبوووون لك هدايا وترررروحين يدك فاضية عيب عيب انا حتى لو ماتوفررر مال اهديها على الاقل\\ اسوي لها اكله او قهوووة المهم مااروح يدي فاضية\\\

 

[حلمي الكبير]

سبحان كلامك فسر لي مواقف ناس حوالينا كثير بس الظاهر ان صحيح ان اللي مايجري ورا الناس يجرو وراه للمعلوميه انا مش مؤمنه بهذا الكلام بس يمكن يفسر شي في زمننا هذا
تصرفك الأول كمان غريب ليش معرفين ؟؟
وتصرفك الثاني اغرب انتي نفسك مستغربه وتقولي شاذ فكيف تبغي الردود!!!
تقبلي مروري

 

[حكايا روح]

سلفتك ماسوت لك شي ليه تعاميلها كذا بكرة الدنيا تدور لاتدري وش بيصير لك والقريب اولى وسند لك اكثر من البعيد مايصير كذا اختي فكري يعقلك وانتي ماكتبتي هالكلام الا وانتي حاسة بتأنيب الضمير

 

[معادلةصعبة]

والله يا اختي الكريمه هذا تصرف شاذ مليون بالميه وخاصه اذا سلفتك ماجاك منها شئ يضرك ليش تعاملينها بهالاسلوب
بس اذا شفتي شئ منها شي يمكن نعذرك
وهذه التصرفات شاذه مع سلفتك او مع غيرها
لان ديننا دين الا سلام وهذه التصرفات ليس من تصرفات الاسلام ولا من تصرفات قدوتنا محمد صلوات ربي وسلامه عليه

 

[طفولة انثى]

بصراحه تصرف شاذ جدا" وشكل الغيره
تلعب دور كبير في تصرفك حاولي تخففين من غيرتك
والحسد والحقد اللي جواتك
حكمي عقلك بكل امورك
تقبلي مروري بصدر رحب....

 

[محد قدي 2009]

فوووووق

 

[وردة كرستالية]

يييييييييييييييييييييييييا كثرهم النوعيات هذي امي ياما قدرت ناااااااااااااااااااااااااااس وقرايب وتودي اخر شي محد يقدر امي
صدق وقاااااااااااااااااااااحه يبغون علاقاتهم مع البعيد والقريب بالطقاق ترى القريب ماسوى واهتم وقدر الا انه اصيل يتعامل باصله لا اكثر وياليت تحسنين من اسلوبك صعبه اروح وايدي فاضيه

 

[في داخلي حكايه]

عزيزتي ما اقدر الومك على تصرفاتك .. لأنك استغربتي هالشي على نفسك ..
هذا دليل انك كنتي تحت ضغط نفسي معين .. تذكري يمكن كنتي على قرب بموعد (( الدوره الشهريه )) مثلا ..
او انك كنتي زعلانه من موقف حصل لك وضايقك كثيـــــــــــــر ..
او ببساطه ماكان لك مزاج هذاك اليوم ...!!


حبيبتي لاتقسين على نفسك كثير .... هذا موقف وعدى .. خلاص انتهى .. يعني العبره باللي جاي

لاعاد تفكرين بالماضي .. لأنك ماعاد تقدرين ترجعين الثواني .... فكري باللي جاي ..

وان كنتي ندمانه بالفعل ..

في اقرب فرصه عوضي سلفتك .. مثلا اعزميها على بيتك .. اوهنأيها في اقرب مناسبه سعيده تخصها ...


وانتهت السالفه ...
بنات لاتحطمونها اكثر .. قدروا موقفها جايه تكتب لكم شي غريب حصل لها وتبي حل .. وتهاجمونها ...!

 

[وردة كرستالية]

في داخلي صح عليك يالغاليه تقدر تغير من نفسها

 

[محد قدي 2009]

ان شالله