تشققات وخطوط الحمل ,,,,,,,,,,, لحقووو

[سلة فواكه]

مساء الخير يابنات
ادري عورت راسكم كل يوم ناطه في القسم عندي سؤال
بس هذا اول حمل لي وماعرف شي
وانتو عاد ياحلوات لازم تتحملوني
ابي اسال عن التشققات والخطوط الي تصير للحامل
وين تصير يعني في البطن او الفخذ او وين بالضبط ؟؟؟؟؟
متى تظهر هل في الحمل او بعد الولاده ؟؟؟؟
شلون نقدر نتجنبها ؟؟؟؟
اذا صارت شلون نقضي عليها ؟؟؟
ارجوكم يااابنات اي وحده تعرف شي عن هالخطوط والتشققات تفيدني
لاني شايفه في خصري طالع لي كم نقطه حمره مادري شنو سالفتهم
يالله انطر ردودكم على احر من الجمر
والله يرزق كل وحده فيكم ما تحب وما تتمنى يااارب

 

[شمعة الإسلام]

هلا وغلا فيك
أنصحك بكريم زبدة الكاكاو روعه بس أنتبهي في أصلي وفي تقليد
موجود في الصيدليات
أنا أستخدم الكريم من الشهر الثالث في اليوم مرتين
وقبل الأستخدام ضروري جدا تتحممين عشان أذا حطيتي الكريم يمتصه الجسم بسررعه
وأحط الكريم على البطن وعلى الجنوب وعلى الفخوذ
وأي أستفار أنا في الخدمـــــــــــــــــــــــــــــــــه ,,

 

[سلة فواكه]

حبيبتي شموعه
زبده الكاكو ابدا ما ناسب بشرتي
سبب لي حبوب وحكه وحساسيه

 

[سامية الروح]

هلا وغلا فيك
أنصحك بكريم زبدة الكاكاو روعه بس أنتبهي في أصلي وفي تقليد
موجود في الصيدليات
أنا أستخدم الكريم من الشهر الثالث في اليوم مرتين
وقبل الأستخدام ضروري جدا تتحممين عشان أذا حطيتي الكريم يمتصه الجسم بسررعه
وأحط الكريم على البطن وعلى الجنوب وعلى الفخوذ
وأي أستفار أنا في الخدمـــــــــــــــــــــــــــــــــه ,,

شمعة الإسلامـ مــــــــاقصرت ...

واحب اضيف ان الكريم يستمر باستخدمـه حتى بعد الولادة بحوالي شهرين أو أكثر ...

وأنا استخدمت كريمـ بالمرز أيضا مع بداية الشهر الثالث ..


والله يسسسسسسهل ولادتك ويقر ناظريك .. ويرزق كل محرومـ .

 

[الكتكوتة الحلوة]

أنصحك بزيت زيتون وملح وتتدهني فيه البطن و المناطق التي تظهر فيها الخطوط

 

[مولد الشمس]

اهلين اخت سلة فواكة انا مثلك اول حمل لي وخايفة يخرب جسمي فاستخدمت زبدة الكاكاو من الشهر الثاني للبطن والصدر والايدي من فوق والارداف والفخوذ وباطن الساق
المهم قريت في موقع انقليزي زيادة حرص فينصحون بزبدة الكاكاو بس مكتوب ان في بعض النساء ماينفع معاهم فأحسن شي زيت الزيتون فأنا صرت استخدم يوم زيت زيتون ويوم زبدة الكاكاو
وينصح ايضا وذلك لحماية البشرة من الجفاف والسواد
بإستخدام صابون اللي مكتوب عليها soup free يعني من غير صابون
وعدم التعرض لأشعة الشمس لأن بشرة الحامل حساسة
استخدام 2 ملاعق زيت زيتون و 2 ملاعق سكر بني مطحون للوجة والرقبه مرة في الاسبوع
استخدام 4 ملاعق زيت زيتون و4 ملاعق سكربني مطحون للجسم كامليرطب البشرة ويخفف من السواد
انا قريت هذي المعلومات فبل يومين وقلت اليوم ان شاء الله ادخل واكتبها للكروشات لفيت الموضوع انفتح قلت فرصة اكتب اللي قريتة عشان كلنا ان شاء الله نستفيد
يارب نقوم بالسلامة واحنا حلوين من غير خطوط ولا تغير في لون البشرة

 

[أعيش بشكل صحيح]

من الخبرات والتجارب منذ القديم زيت اللوز المر يدهن به الجسم مرتين في اليوم من الكوع وحتى نهاية الساقة لمنع التشققات

ويوجد ايضا زيت اسمه bio oil للتشققات البيضاء وايضا لجفاف الجلد وممتاز لصحة الجلد والبشرة انما اسالي عنه اعتقد انه يصلح للحامل .. وغير متواجد في السعودية موجود في دبي ولندن واستراليا

 

[مولد الشمس]

صحيح bio oil قالت لي علية وحدة صيدلية قالت لي انة ما يضر بالحامل لانة زيت مستخلص من المكسرات انا في استراليا ومتوفر في كل مكان

 

[soom]

هلا خواتي،،
أنا بصراحة طلعت لي الشقوق من بداية الرابع تقريبا"،، و كانت على شكل حروق حمراء على وردية،، و على طول استخدمت ""زيت اللوز"" بس حسيت انه ما منه فايده،، و عقب عطتني الدكتورة كريم اسمه ""pregnacare cream"" و أحس أشوي فادني بس طبعا ما راحت الشقوق،، و استخدمت بعد ""زبدة الكاكاو"" اللي مثل الفازلين،، بس ما استفدت منها وايد،، أحس انها اترطب البشرة..
و لين اللحين الشقوق موجودة،، و أنا مليت من استخدام الكريمات و بدون فايده..

و يوم سألت الدكتورة اذا اتروح و له لا مع استخدام الكريمات،، قالت لي انها ما تروح 100% ،، بس على الاقل اتخف بعد الولادة..

اتمنى اني افدتكم..و الله يقومكم بالسلامة

 

[أم فاطم]

والله البنات ما قصروا
بس انا اعتقد ان النقاط الحمراء ما هيه خطوط حمل وانما تظهر على شكل خطوط بيضاء في اماكن متفرقة حول السرة وفي اطراف البطن وفي الفخذين من الاعلى وفي الصدر ومثل ما قالوا الاخوات اهم شي ترطيب البشرة
والله ييسر لك الحمل والولادة ويرزقك ما تتمنين

 

[روعة روح]

اهلا سلة فواكه
حبيبتي مشكلة زبده الكاكاو ريحتها مزعجه
وزيت الزيتون يلطخ ملابسك وصعبه مرتين باليوم تحطينه

والقصد من كل الاثنين انهم يرطبون <<<عشان كذا دوري على البديل

نصيحه من مجرب
حاول اسبوعيان تسوين صنفره لجسمك لتجديد خلايا الجلد
ويوميا استخدمي جل بيبي جونسون فيه برائحه الازهار المنعشه حلو مرخ ويرطب وله رحه حلوه
استخدميه مرتين في اليوم
اما المناطق الافخاذ والخصر والبطن والصدر لانه بعد الولاده بيكبر بسبب الحليب ويتشقق من تحت

هذا اذا كانت بشرتك جافه خليهم 3 مرات

 

[سلة فواكه]

شكرا يابنات من كل قلبي على ردودكم الحلوه
بس محد فهم سؤالي
انا سالت عن التشققات والخطوط شنهي ووين تطلع ومتى تطلع هل في الحمل او بعد الولاده
محد جاوبني على اسئلتي هذا الي ابي اعرفه

 

[***فوفة***]

الأخت سلة فواكه //

خطوط الحمل طبعا تظهر أثناء أشهر الحمل وإذا انتي في الثالث على طول بتلاحظينها على البطن والأرداف والصدر

وتخف تدريجيا من بعد الولادة إلى 6أشهر ويبقالها أثر خفيف وبالنسبة للزيوت والكريمات ماأعرف أنا استخدمت زيت الزيتون

بس مااستفدت وحولت على زيت اللوز بس بصراحة مقرف وثقيل ويبغاله تدليك مع الوضع وأنا أخاف لاأدلك منطقة البطن

ماصدقنا الجنين يثبت!!!!!!!

 

[ام عبودي]

التشققات هي عبارة عن خطوط حمراء مثل العروق وليس نقاط ومع مرور الوقت تتحول التشققات الى اللون الابيض

وتظهر في المناطق الممتلئة ( الصدر - اليد من فوق الكوع - البطن- الخاصرة - الفخذ - الساق)

وإذا كنتي رشيقه وجسمك مشدود فنسبة إصابتك فيها أكبر .. لكن مو شرط انك تصابين فيها

أنا بحملي الأول ولله الحمد ماجاني شئ

وخالتي طوال حملها ماجاها شئ وقبل ماتولد بيومين طلعت لها تشققات اسفل البطن​

 

[دلوعة مملكتنا]

تطلع مع الحمل وممكن ما تلاحظينها لان اول حمل لج والبطن شاد


بس من تولدين بتنصدمين خخخخ


بتشوفين بطنج اسسسسسسسسود ومتدلدل وينتفض ( اول يوم ولادة هذا )

بس سبحان الله يرجع كل شي مكانه مع الشد ولكن الخطوط مكانها تخف ولكن ما تروح

تظهر بوسط البطن وتحته وعلى الفخاذ
ويقول لج تبدأ حمرا وبعدين تتحول لبيضاء

والتفسير انه اذا بعدها حمرا ممكن تروح اما اذا خليتيها لين تصير بيضا خلاص انسي انها تروح لانها تتحول الى الياف ما تروح


والله يرزقج احلى نونووو ياسلة

متابعة لج بشدة وحبيت افيدج مثل ما تفيدينا دووووم

 

[ana wow]

شوفو عزيزتي كلام البنات كله حلو وبرافو عليهم بس نصيحه انصحك ايها وعن تجربه استخدمي زيت اللوز واستخدمي الكوكو بتر واستخدمي زيت الزيتون استخدمي كل اللي كتبوه لك البنات لانه كريمات وزيوت جدا مفيده بس الاهم وقت وطريقه وضع الكريم

1- اهم شي تبدين على طول بالترطيب من الان من اليوم الى طول العمر (( لا تستني حتى توصلي لشهور الاخيرة ))
2- وهذي المعلومه المهمة جدا جدا جدا يجب وضع كريم الترطيب او الزيت في الحمام والبشرة منديه عشان المسام يكون متفتح وادهني لين تحسي بشرتك تشربت الكريم ...


قالت لي طبيبه جلديه يوم كنت بامريكا وسالتها عن السترش ماركس قالت حطي اي شي للترطيب بعد الحمام وبخلال 3 الدقائق الاولى عشان المسام يكون مفتوح بعد الثلاث دقايق يتسكر المسام وتقل فايدة الكريم ... وسلامتكم انشالله تستفيدو يابنات حتى المعلومه هذي عامه لطريقه وضع الكريم مو لفتره الحمل بس ولا تنسوني من دعوتكم الحلوة .

 

[haven]

ما قصرتوا يالاخوات؛؛انا بالشهر الخامس واعاني من جفاف البشرة
بشوف وبجربلي الكريم الي ذكرتولنا اياه

 

[سلة فواكه]

بنات انا الحين في الثامن يعني راحت علي لا بدايه الشهور ولا شي
وشفتو الكم نقطه الي قلت لكم عنها ,, صار بينها خطوط يعني تاكدت انها خطوط حمرا على بنفسجيه
سمعت عن كريم من مذركير اسمه مساج كريم يقولون يخففها
رحت طيران وخذته ويااارب اشوف لفايده لان زبده الكاكو خربت بطني وسببت لي حساسيه وحكه فظييييعه
بنات الا بسالكم الحكه ذابحتني عادي الوحده اخر شهورها بطنها يحكها ؟؟

 

[ana wow]

بنات انا الحين في الثامن يعني راحت علي لا بدايه الشهور ولا شي
وشفتو الكم نقطه الي قلت لكم عنها ,, صار بينها خطوط يعني تاكدت انها خطوط حمرا على بنفسجيه
سمعت عن كريم من مذركير اسمه مساج كريم يقولون يخففها
رحت طيران وخذته ويااارب اشوف لفايده لان زبده الكاكو خربت بطني وسببت لي حساسيه وحكه فظييييعه
بنات الا بسالكم الحكه ذابحتني عادي الوحده اخر شهورها بطنها يحكها ؟؟

اي عادي الحكه طبيعيه فترة الحمل انا كنت احس بحكة ببطني عشان الجلد يتمدد كل ماحسيتي بحكة جيبي اي كريم ودهني بطنك

 

[قطرات الورد]

سلولتناااااااا تشتكي ....ها نحن نلبي

عزيزتي
سلة فوووواكه
مبروك الحمل والله يتممه عليك يارب
هذا الموضوع
مدحوا فيه زيت للتشققات واقرائي تجارب العضوات
http://www.niswh.com/vb/showthread.php?t=14617​

وهذي صورته

وتلقينه في صيدليات بووتس في دبي
وأيضا داخل الموضوع أماكن تواجده
في بعض الدول لكن مو موجود بالسعوديه
دعواتي لك​

بالتوفيق والشفاء العاجل ​