تستاهلين يا السعوديه

وردة كرستاليه

رقة المشاعر

الله يسلم ها الايادي
تسلمون على المرور
وآآآآآآآآمين الله يديم عز السعوديه​
 
هلاآ ؤ غلاآ بـ ياآ بعدهاآ سماآي

طرح راآئع عزيزتي ،،

شي طبيبعي بتلاآقين الدؤلة المستهدفة داآئماً السعؤدية ،

خلصؤاآ شغلهم في الدؤل الثاآنية يؤاآ ع السعؤدية ،،

قاآلؤا ليش المرأة ماآ تسؤق السياآرة ؟؟ السعؤدية ما عطت المرأة حقؤقهاآ

بمعنى آخر إنهم يدخلؤن نفسهم عرض طيب ، غصب

مع إنه الاسلاآم عطى المرأة كاآمل حقوقهاآ

بس الغرب يحاآلؤن يدخلؤن من نقاآط الضعف عند الحريم و يستغلؤنهاآ

ؤ في شيء ثاآني ،،

انه مب كل الشعب يفكر بنفس المنطق ،،

يعني في ناآس يشؤفؤن القؤاآنين اللي حاطته الدؤلة مصدر فخر لهم ،

ؤ ناآس ثاآنية تعتبر تخلف ،، فعشاآن جي تشؤفين انه يبؤن يتعدؤن الحط الأحمر

ماآ يفكرؤن اذا كاآن في مصلحتهم أؤ لاآ

ؤ بعد اختلاآف الؤاآزع الديني من شخص لشخص يسبب هذه الأشياآء


بالنسبة للقنؤاآت اللي تظهر هذه الأشياآء ،، ليش يظهرونهاآ ؟؟

يأخذؤنهاآ حجة انه كيف دؤلة مثل السعؤدية إسلاآمية ؤ مركز الإسلاآم يستؤي فيهاآ جي

ؤ كأن الإنساآن في هذه الدؤلة ماآ يخطئ أبدا ،، لاآزم يمشي مستقيم ؤ يكؤن صاآلح

الإنساآن خلق ؤ هؤ مكتؤب له إذا تقي أؤ شقي

في أي مكاآن كاآن ~~

بس سبحاآن الله بعض الناآش كيف يكؤن تفكيرهم

الله يهديهم ،،


يعطيج العاآفية غاآليتي ع المؤضؤع

لي عؤدة لمتاآبعة النقاآش

دمتي بؤد


 
سلاااام عليكم ورحمة الله وبركاته
هلااااوغلااااا بخواتي الغاليات سعوديات بما اني لست سعوديه
لكن كلنا نفتخر بالسعوديه ونفتخر كاننا خليجين وانا عربيني وخاصتنا اننا< مسلمين >
ننتمي الى دين كل العالم يحسدنا عليه فيه صدق والامان والعدل والمساواه والله يثبتنا على دينا ويرفع رايت الاسلام امين يارب العالمين ويعز امتنا من كل حاسد وحاقد اللهم امين
واهني كل البنات المنتدى وخاصتنا السعوديات الله يديم علينا وعليكم الافراح ان شالله وسموحه منكم وتقبلو مروري اختكم غلااا زايد
 

فديتك ياسعوديه
وفديت أرضك وترابك وناسك

اموت أنا وتبقى السعوديه
 
اهني السعوديه وشعبها بمناسبة اليوم الوطني ودام عزك ياوطن
 
أولا اهنئ المملكة حكومة وشعبا بمناسبة اليوم الوطني

بالنسبة لما ذكرته عن استهداف وسائل الاعلام "الخاصة" للسعودية فهذا لعدة أسباب:

دور المملكة كثقل سياسي في المنطقة وصاحبة قرار في كثير من القضايا

التعداد السكاني الكبير بالمقارنة مع دول الخليج

السعوديين انفسهم مع احترامي للمحترمين منهم بس هناك سوء استخدام كبير للتكنلوجيا والانترنت يتوازى مع ذلك عدد السكان بمعنى ان مثلا نحن سكان عمان مثلا مليونين انتوا ما شاء الله في السعودية مليونين هذا عدد اللي يستخدموا النت اذا ماكان اكثر
في المقابل كم عدد سكان كويت أو الامارات أو قطر أو البحرين .. ما يجوا مدينة معاكم .. طيب كم عدد اللي يسيئوا استخدام التكنلوجيا؟؟ احسبيها انتي بنفسك

تعالي للمنتديات اللي عسى ماوحده تهاوشت مع زوجها جات كتبت عنه تعرفي ليش لأنها موضة .. لو عملتي احصائية وبأمانة بتحصلي 99% من مشاكل واستشارات الجنس والزواج والأسرة والحماة واخوات الزوج من السعوديات تعرفي ليش لانها موضة ، لانها ماتعرف تستخدم النت بالطريقة المثلى ، لان السعوديات كثيير ماشاء الله لاقوة الا بالله

طبعا السبب الجميل اللي طرحته الأخت عن القنوات الفضائية وهذا اكبر دمار وتشويه للسمعة السعودية للأسف .. قمة التناقض لما تتكلمي عن دولة تطبق الدين الاسلامي ومحافظة عليه ويطلع منها ابن عثيمين وابن باز ومن امرائها من يملك أكبر شركة انتاج اغاني ومجون في الوطن العربي

انا اللي يقهرني فعلا كمسلمة قبل كل شي لما أروح الأراضي المقدسة في نساء تزجر في الشوارع بمنتهى الجلافة من بعض منتسبي هيئة الأمر بالمعرف والنهي عن المنكر اذا مالتزمت بالقواعد والنظم "الاسلامية" وفي المقابل في السعوديةحفلات لراشد الماجد ومحمد عبده .. أذكر جملة لاخوي لما شاف الرقص في المدرجات للي يطلعوا ملثمين ويترنحوا كأنهم سكارى قال "هذولا خدام الحرم!!!!" .. الحرم هذا مش للسعوديين الحرم هذا للمسلمين فحز بخاطري اسلامهم قبل هويتهم وجوازاتهم


يعني حتى من باب الاعراف والرجولة مايقوم الرجل يرقص ... يعني تصير حفلات في عمان مثلا بس ممنوووووووووع الرقص تجي الشرطة تجلسه واذا ماطاع تشيله هذا القانون

طيب خليك من الاغاني والقنوات المخصة للشات اللي تارسة التلفزيون اللي كلها فتاة المدينة اميرة مكة امبراطور القطيف شيخة الرياض

خلينا نتكلم عن ال بي سي والمستقبل ووووو اللي شكلها لبناني ومضمونها شو؟؟؟؟ سعوووووووووووودي

ليش تتوقعي تتكلم عن السعودية ؟ لان اصحابها يبوا ينتقدوا الحكومة والمجتمع وطبعا مايقدر ينتقد بلسان ابن الوطن فأجر له واحد بلسان شامي يتكلم عنه بكل وقاحة

اعذريني ترا الكلام عن الأوطان يثير الغيرة والحفيضة ... واللي بيته من زجاج مايرمي الناس بحجر مثل مايقولوا لكن للأمانة الحديث عن السعودية يعني الحديث عن الجانب الاسلامي فينا .. نتمناها دايما على أفضل مايكون

طي

 
دلوعة مكه

سكة تايهين

شهد المملكه2

شاكره لكم مروركم العطر

غلا زايد //
وعليك السلام غاليتي وياهلا والله فيك وشاكره لك حبيبتي وهذا والله العشم فيك وفي ديرتك وفي كل اهل الخليج والمسلمين الصادقين عموما
والله يحفظ لديار المسلمين الامان
 
اختي الغاويه

تسلمين حبيبتي وبالنسبه لمسألة التدخل بشؤون السعوديه الداخليه حدث ولا حرج وبعيد عن السياسه ودهاليزها انا اشوف ان احترام القوانين اينا كانت واجب وطني
بس كون اشخاص من داخل السعوديه يطالبون بتغيير وتبديل بعض القوانين والقرارت بغض النظر عن هذي القوانين هذا مو مبرر اننا نعتبر ها الدوله ظالمه لشعبها كون السعوديه ما تسمح بقيادة المراءه للسياره نحكم عليها انها دوله تهضم حقوق المراءه وان المراءة تفتقر لأبسط حقوقها ؟!!!! عجيب امرهم!!!!
ولو اي حاقد يشغل مخه رح يوصل لأن المراءه عندنا ماخذه حقها ومحترمها اكثر من اي دوله وتعيش بطريق تواكب طبيعتها مو ملزومه تسوق السياره ولا تزاحم الرجال في الطوابير البنكيه ولا في المكاتب مسؤله من ولي امرها وهو ملزوم انه يلبي احتياجتها وهذا اللي سنه لها الدين الحنيف

وفعلا معاك حق خطاء السعودي بالف وكأن الاسلام محصور للسعودين فقط وهم بس اللي يمثلونه !!!!
الله يهدي الجميع ويعطيك العافيه


الاعلاميه طموحه

تسلمين على التهنئه والله يديم الخير للمسلمين عموما
بس عندي تعليق على اللي كتبتيه :
انا اعرف ان اغلب واكثرالمنتديات للسعودين واغلب الاعضاء في اي منتدى سعوديين واكثر مستخدمين النت سعودين
وهذا شي طبيعي وله علاقه بالمستوى الاقتصادي اكثر من علاقته بالعدد السكاني
الحين تلاقين اغلب السعودين يمتلكون اكثر من جهاز في البيت الواحد لان كل اعضاء الشعب تقريبا لهم رواتب او مكافأة بطريقه مباشره اوغير مباشره هذا غير الزيادات والحوافر
هذا هو بنظري سبب كثرة استخدامنا للنت ولو تنتبهين فيه دول عربيه اكبر منا عدد سكان ومع ذالك استخدامهم للتكنلوجيا قليل او ضئيل بالنسبه لنا بس انتي حصرتي المقارنه بالعدد بين السعوديه والخليج وانما اتكلم عن العرب عموما


اما مسألة سوء استخدام النت مااعتقد ان ها الشي محصور على السعودين فقط فيه سوء استخدام فضيع عندنا في الشرق الاوسط عموما مو بس السعودي السيء في الاستخدام !!


اماعن نقطة ان من ارضنا خرج منها ابن باز وغيرها وبنفس الوقت من شعبها اللي يمتلك اكبر شركة مجون وطرب
اولا ابن باز وابن عثيمين هم فخر للمسلمين قبل لا يكونون فخر للسعوديه ديرتهم بس ما يتقارنون ولا ينكتبون بسطر واحد مع مالك وملاك شركات الانتاج الهابطه لانهم مثلهم مثل ملاك القنوات الفضائيه مايمثلون السعوديه هم يمثل انفسهم ولو تعرفين ان الاغلب منهم مو فاتحين ها الشركات عندنا في السعوديه هذا اذا ما كان بعضهم مو عايشين عندنا اصلا يعني ارتباطهم بالسعوديه ارتباط جواز وجنسيه لا اكثر ولا اقل ولا اعتقد انهم كفوا احد يحكم على السعوديه من خلالهم وهم اولا واخيرا تجار ماتهمهم الا مصالحهم الماديه وبس



واعذريني اختي بالنسبه لكلامك الاخير عن الحرام والاغاني والرقص انتي مو شايفه انه فيه هضم لكثير من الايجابيات
يعني انتي ماكتبتي الا السلبيات اللي شفتيها طيب وين الايجابيات اللي شفتوها
مع اني -وهذا الحق- لو اشوف انسانه غلطت في اي دوله مستحيل اقول هذي الدوله الفلانيه !! -ولاتقولوا المثل اللي يبط الكبد الشر يعم والخير يخص - لان لو سوينا مقارنه عادله بين سلبيات وايجابيات السعوديه من كل النواحي والله والله والله -وكلمة حق مو تعصب لوطني- رح تغطي الايجابيات بكثيييييييييير وتصبح السلبيات لا تذكر

والله لو الحرمين بدوله ثانيه لا صارت علوم !!

وبتكلم بكل عدل ظهرت في سنه من السنوات ظاهره منبوذه وسيئه جدا في دوله من دول الخليج وانتشرت عندهم وصارت قنواتهم واعلامهم يتكلم فيها وبشكل كبير لما تحركوا المسؤلون وحاولوا يحاربون ها الظاهر ومع ذالك لم يذكر في الوسائل الاعلام العربيه ولا كأن فيه شي
ولما سعودي يعمل مايخل الادب او غيره تنقلب الدنيا علينا !!!!

وبضرب لك مثال بسيط بس مدرسة للأطفال ابتدائيه كانت يحتفل باليوم الوطني في سنه من السنوات وكان من ضمن فقرات الحفل ان الاطفال يجلسون بحيث يشكلون كلمة(عبد الله)-الملك- وعادي انا مااشوف فيها شي وطبعا الحفل كان مصوره
وبعد كم سنه تفاجئنا بنفس هذا المقطع بعنوان
(السعوديين يسجدون للملك) !!!!
لا تقولون ان السعوديه مالها اعداء من -بعض المسلمين- اللي يتجهون لها في صلاواتهم 5 مرات في اليوم !!

بس انتي كتبتي ( اعذريني ترا الكلام عن الأوطان يثير الغيرة والحفيضة )

بس انا ماذكرت اسم اي دوله بسوء وكان كل كلامي عن اعداء السعوديه اللي في الداخل قبل الخارج



شاكره لك واتمنى يكون صدرك رحب لردي
 
بس انتي كتبتي ( اعذريني ترا الكلام عن الأوطان يثير الغيرة والحفيضة )

بس انا ماذكرت اسم اي دوله بسوء وكان كل كلامي عن اعداء السعوديه اللي في الداخل قبل الخارج
أنقر للتوسيع...


لا انتي فهمتي كلامي بصورة غلط .. انا اقصد بشكل عام الكلام عن الأوطان سواء انتي أو نحن دائما يثير الغيرة فبعض الاحيان ياخذك الحوار لمناحي اخرى ومايكون منطقي ويكون نابع عن عاطفة بحته

بعطيج مثال كلامج عن النت مثلا .. لو ترجمت كلامك بكلمات اوضح انتي تقولي انكم تستخدموا النت بشكل كبير لان الناس عندها فلوس .. وانا ماكنت اقول ليش تستخدموا النت بكثرة انا كنت اتكلم عن الاستخدام السئ

هذا ماتحكمه فلوس هذا تحكمه اخلاق وأمور اجتماعية اخرى

ولا تفهمي كلامي ان بس السعوديين هم اللي يستخدموا بشكل سئ

انا اقول تعداد كبير + استخدام سيئ = صورة مشوهة واسعة

والسعودية متصدرة للدول العربية لولوج للانترنت والمستخدم السعودي أكثر استخداما للانترنت من المستخدم الأوروبي

مع الأخذ بعين الاعتبار أن 33% يستخدمونه في الشات ، 15% للعلاقات الرومنسية ، 13% للمواد الجنسية والطامة الكبرى أكثر من النص 53% يستخدمونه للبريد الألكتروني

25% فقط يستخدمونه للاخبار السياسية الغيرمتاحة في الداخل

طيب كم عدد مستخمين الانترنت معاكم؟؟

أكثر من 7 مليون مستخدم والحسابة تحسب!!!!

يعني كيف تبي االصورة المنعكسة عن السعوديين على الأقل بينا نحن كعرب

الواقع هذا انفرض عليكم والحكومة جالسة تحاربة.. ولا ماكان أسست أكبر مدينة لمراقبة وحجب المواقع في العااااالم (مدينة الملك عبدالعزيز للعلوم والتقنية) .. ولا في فايدة

القدر وضع السعودية في الواجهة سياسيا ودينيا وسكانيا واقتصاديا.. بس للأسف كثير من أبناء السعودية ساهموا في تثبيت الصورة المشوهة عن أطهر أرض في الدنيا
 
التعديل الأخير:
اختي :اعلاميه طموحه
شاكره لك التوضيح بس مو شرط الحديث عن الاوطان تحكمه العاطفه الانسان المنصف يقدر يتحدث بعقل ومنطق من دون عاطفه او انحياز لوطنه

وانا اللي ربطته بالمستوى الاقتصادي هو كثرة الاستخدام للنت عند السعودين
مااقصد الاستخدام السىء له علاقه باالمستوى المادي

بالعكس الاستخدام السىء للنت موجود بكل دوله ولا انكر انه موجود بكثره عندنا بس حكمه العدد الكبير للسكان مثل ماقلتي

بس لو طلعتي نسبة السعودين من الاستخدام السىء بتقل النسبه من سوء استخدام العرب للنت ؟!!!
رح تظل النسبه كبيره


سؤال صريح :
نسبة استخدام السعودي السيئه للنت تعطي الحق لاي شخص انه يحكم على دول عظيمه انها دوله سيئه ؟!!!

وهذا اللي انا كنت اقصد بكلامي من يقول السعوديه مافيها سلبيات انسانه ناكر ومو واقعي ابدا بالعكس انا اتكلم عن الاعداء اللي في الداخل قبل الخارج
الاعداء اللي يحملون الجنسيه السعوديه قبل الاعداء في الخارج

بس اعتراضي ليه بس السعوديه نتبع سلبياتها واخطاء بعض اللي يحملون جوازها

وبالمقابل مافيه دوله خليجيه ولا عربيه ولا اسلاميه تعرضت للي تعرضت له السعوديه

بختصار :
لانكون -اي دوله- عون للعدو على دوله اسلاميه اينا كانت السعوديه او غيره

شاكره لك اختي على رحابت صدرك للنقاش
وبأذن الله جهازك الله يتمم لك عليه بالعافيه ويخرج بسلامه :shiny:


 
يجب تسجيل الدخول أو التسجيل كي تتمكن من الرد هنا.
عودة
أعلى أسفل