تزيين الشبكة ؟

[asma.a]

مرحبا غالياتي

انا عضوة جديدة معكم

وحبيت المنتدى بصراااحه


ووايد استفدت منه


بنات انا ملكتي قريبة

ولحد الان افكر بطريقة لتقديم الشبكة وكاسات العصير

ابغى افكار مبتكرة وحلوة منكم

 

[asma.a]

يلا يابنات

مافي احد رد علي

 

[امنيات&]

ايش رايك بالخربز او الشمام تجيبيه وتفرغيه وتعبيه العصير الي تبينه بعدين تجيبي المصاص الي مزين وبالوان الصيف يعني الاصفر والاخضر وحطيه في سبت حوله ورد ابيض وشجر اخضر بشكل حلو عاد انتي اختاري السبت الي يناسب شكل الخربز وخلي بنت صغيره تشيله وقت زفتك وتدخله ام الخواتم حطيها في كاستين صغيره وعبيها كلين ناعم وحطي فيها الخواتم وكاسه لك وكاس له ويفرغه في يدك ويطلع الخاتم والعكس ترى الحركه قديمه بس هذا الي افتكرته اتمنى اني افدتك

 

[اعاند احساسي]

اهلا حبيتي
والف مبروك

بالنسبه للعصير ممكن تجيبي كاسه كبيره مره وتحطي بداحلها فواكه مقطعه مكعبات وبعدين في وحه الكاسه تجيبي اعواد الخشب الي تنباع في اي سوبر ماركت وتحطي فيه من قطع الفواكه يصير بعد الزفه لماتجوه تشرب العصير العريس ياخذ عود خشب وياكلك وانتي نفس الشي الفكره مره حلوه وان شاءلله اكون قدرت اوصلك هيه
انا عملتها في شبكتي وكل الناس سالوني عن الكاسه يقوله شكلها مره غريب والفكره حلوه بس على الفكره الكاسه كانت مره كبيره وكنت متثتبها على فلين يعني شالوه الكاسه اربعه حريم وطلعوها على الكوشه وطبعا من خارج الكاسه مزينتها بشرايط وورود بس مره طلعت الفكره حلوه

وبالنسبه للدبل عملت نفس فكرت الاخت بس ماجبت اكليل جبت الترتر الصغير الناعملون ذهبي وفضي وحطيت دبلتي في الذهبي ودبلته في الفضي بس برضوه طلعت الفكره نايس مره
واي استفسار انا حاضره