اختي في قصه تقول ان في رجل فقير انحكم عليه بالاعدام ,, طلب الرجل قبل ان يعدمونه ان يقابل الملك وبعد اصرار شديد منه تمت الموافقه , كان عند الملك حصان يحبه ويموت عليه ومقرب منه وكل يدري يمكانه الحصان عند الملك عرض الرجل على الملك ان يعلم الحصان الطيران خلال سنه واذا ما علمه الطيران يتم اعدامه , وافق الملك على شرط اذا مرت سنه وما تعلم الحصان راح تنقطع رقبه الرجل وينعدم ..
لما طلع الرجل من السجن وعرفت الناس بقصته ساله الجميع عن سبب هالخطوه الجريئه , يعني لو شنو يصير مستحيل الحصان يطير
اجاب الرجل ان خلال هالسنه يصير خير اما هو بيموت او الملك يموت او الحصان يموت ,, الى ما تخلص السنه يحلها الف حلال ...
انا ذكرت القصه اختي عشان باقي لج سنه ونص ليما تخلصين وتتوظفين وعندها يصير خير , هل انت ضامنه الوظيفه انج دايركت من تخلصين تتوظفين ؟.؟؟ هل انت ضامنه ظروفج تحملين وتولدين في وقت الوظيفه مثلا ؟؟؟ هل انت تعرفين زوجج بعد العشره والزواج كيف بيكون ؟؟؟
انت الحين في وقت خطوبه المفروض احلى اوقات عمرج لا تضيعين الوقت في التفكير في اي شئ ,, وقت الي تصير الصجيه يحلها الله ,,, انتي تتكلمين عن شي ممكن يصير بعد سنوات ,, انتي من اول ما تتزوجين فهميه ان لج مصروف وان رابتج لج وهو ثمن تعبج وطلوعج من البيت ووضحي له بطريقتج انج غير اي وحده ثانيه اذا كان يبي يقارن مثلا ( هذا في حاله كان زوجج غني وعنده ) ...
الله يوفقج ويسعدج
