تزوج زوجي ولا كني اصدرت قراري الصعب

الحالة
مغلق و غير مفتوح للمزيد من الردود.
فطووووووووووووووووووومه
انتي صح
لا اله الا الله محمد رسوول الله
الله يزيدك من الصبر والعقل والحكمه
ويوفقك ويعوضك بعيالك ويجعلهم من الصالحين
 
يااااالله ذكرتيني جرووحي
الله يووفقج حببيتي
ويااااااااريت ني سويت مثلج
لكن قدر الله ماشاء فعل
انا زوجي تزوج عليه وناا بعمرج يعني من ثلاث سنين
الله يسهل امرج وامري وكل مكرووبه
 
صراحة اول مرة اقرا عن وحدة تزوج عليها زوجها وردة فعلها بهذي الحكمة
يستاهل ماجاه والله يرده لك ردا جميلااااااا
 
تكملة خواااااااتي اصابعي عورتني والله بس اشوف ردودكم واقول لازم اكمل عشان مااخركم هو كل ابوع يزورعياله وياخذهم وياه طبعا انا اتفقت معاه ان هو يدفع رواتب الخدامات وراتب هندي الزراعه ويسدد فواتير البيت النت والتلفون وتلفونات العيال انا بس علي مصروفي الخاص ولاكل حق البيت حتى ملابس عياله هو يشتريها لهم او يعطيهم فلوس وانا اشتري لهم دام انه قادر خليه يدفق خربانه خربانه ....عاد انا اشتغلت على عمري من اول شهر كنت حاسه انه بيرجع لي مستحيل يستمر مع غيري بقول لكم اسرار مهمه لاكن اخر الموضوع خلونا نكمل اللي صار مره اخذ عيالي دبي يوم رجعوا يقول ولدي الصغير ابوي مسكني على جنب ويسالني عنج ع باله ابني الصغير مابيخبرني ههههه فديته ابني طبعا ...كانوا يقولن لي عيالي ابوي مب حلو نفس اول قلت كيف؟قالوا شعر ويهه طال قلت الحمدلله يمكن التزم.......وكل مره يرجعون يكون ماخذلهم هدايا ومعطيهم فلوس وانا استقبلهم والقط البيزات منهم طمااااااااعه ومن بيني وبينكم ابغي اي شي من ريحته توصلني اخبار من سلفاتي ان حرمته تقعد بالاسبوع عند اهلها ومايطلها مكان وانه دوم برى البيت بصراحه استغربت هو ماكان جي لااااااا ونزل وزنه واااايد قلبي يعورني بس فقلبي اقول هو اختارفجاه مرضت طلع عندي حصى في المراره وقرروا لي عمليه عاجله قلت لاخوي قبل اسوي العمليه اذا دخلت غرفة العمليات دق عليه خبره لازم بعد تراه مهما كان زوجي وفعلادق عليه وكانوا معزومين عند عمه طلع يركض من عند اهله ع المستشفى سبحان الله اول ماطلعت من العمليات حطت عينه عليه والله تخيلوا اخواني كلهم وعيالهم وعمي وخالي وخواتي بس ماحطت عيني الاعليه اول ماشفته غطيت ويهي باللحاف الابيض والنيرس عاد ماقصرت داعسه فيني الله يغربلها ماخلتني قربه شوي خخخخخ والله شو استانست يوم شفته كل الموجودين والله ماادري وينهم المهم عقب مارجعت بيتي كان هذا عقب عرسه ب 6اشهر ياني اخوي واااااااصل حده يقول استحي ع ويهج زوجك ماسوا شي غلط حرااااااااااام عليج ارجعي له الريال متبهذل واااايد ومريض انا يوم قال مريض صرخت فويهه قلت له شووووووووووو؟قال هيه وبيسوون له عمليه بعد ساعتها انفجرت وبكيت خلااااااااااااااص انتهى شموخى وحان وقت انكساري شو حد يسووي بقلبه؟احبح موووووووووت والله قال بس هو بيسافر يسوي عمليته برى البلاد قلت له ليش هو شو مشكلته قال مابخبرج؟اذا خايفه عليه دقي واساليه ؟؟؟؟؟؟؟؟؟؟؟؟ تورطت انا وهووووووووووب ادق على بنت اخوه واسالها عنه قالت مااقدر اقول لج ابوي محذرني مانخبرج اهااااااااااا خطه متفق عليها اخوي واخوه الله يسامحهم قلت لها زين انتي عرسج الاسبوع الياي كيف وعمج مريض فالت هو بيسافر يوم عرسي في الليل ويمكن حرمته تسافر معاه لاااااااااااااااااااااااااااااااااااااا هني انجنيت قلت انا اولى اكون جنبه بس كبريائي مايسمح لي ياااااااااااااربي شو اسوي قالت بنت اخوه لازوم تحضرين العرس ولا بزعل والله قلت اوكي انا اللي يهمني زوجي الحين .سرت عند ابني قلت له دق على ابوك دور لك اي عذر قال ابوي مايرد علي باالله خفت والله شو مستوي له حاولت اطمن قلبي وسرت المارينا خذت لي فستان رووووووعه شوي عليه لعرس بنت اخوه وكلمتني اختي قالت ابا منج عشر الف ضروري هي موضفه بس ماتغلى عليهاوهي نفس قياسي بالظبط كلمتني امي قالت لي تجهزي نظفي حلاوه جسمج كامل بنسير عمره نفس يوم عرس بنت اخو زوجك وعاد انا صدقت نظفت جسمي كامل بالحلوى وويهي بعدالمهم رتبت اغراض السفر للعمره بس اختي جهزت لي شنطه شكبرها قلت لها حق شو قالت خليها فسيارتج عقب بتعرفين ليش المهم يا يوم العرس وسرت صالون سويت ميكب سبيشل وتسريحه ولااروع ودخلت عليهم فاعة العرس تصدقون الكل فرح يوم شافني لان كل الناس اللي نعرفهم يحبوني وانا احبهم بعد والله حضرت العرس ورقصنا واستانسنا انا وسلفاتي وبنات اخوانه وخواته طبعا غير اللي يكرهوني وحرمته قاعده فطاوله هي واهلها يطالعوني يتمنون اني اطيح من الكوشه واتكسر هههههههههه لاكن ربي وياي يوم قرب العرس يخلص نادوني اهلي وخواته وسلفاتي كلهم غرفة العروس في القاعه ودف علي اخوي قال لي اسمعي فلان الحين بيسافر عنده عمليه خطيره تبين وياه ولا بيطلقج الحين غصب عنه بخليه يطلقج وفجاه يدق علي اخوه الكبير بتطلعين معاه ولا لا بسرعه قرري عاااااااااد هني كل اللي يسحبوني ويسكرون باب القاعه ع الحريم ويلبسون عبايتهم وانا مذهوله ع بالي المعرس بيدخل بالغط علينا وادور عباتي وكنت بلبسها سحبتها امي مني وفجاه اسمع االزغاريد وامي تسحبني صوب الباب واتفاجا باخوي وزوجي عند الباب وانا بكامل كشختي ويقول اخوي يله لبسي عباتج حتى هو نفسه مصدووووووم ماكن يعرف بشي من خطة اخوي واخوي وتلبسني امي عباتي واختي تعطيني شنطتي الصغيره وتقول لي كل اغراضج يديده في شنطة سيارتج من والى ...........زعرفت ليش طلبت 10000مني الخاينه ودخل ابوي وابو زوجي علي وانا مبققه بعيوني مثل الهبلا يقول ابوي وعمي يله فكينا منكم اطلعوا والله وطلعت كاني عروس والزغاريد خواتي وسلفاتي وحريم اخواني واهلنا وركبنا سيارتي انا وياه هو يسوق طبعا يانا اخوه قال له تحرك دبي فندق اتلانتس حاجزين لكم هناك ورحلتكم باجر الساعه3العصر سويسرا ؟؟؟؟؟؟؟؟؟يااااااااااااااااربي تحركنا من القاعه كاني في حلم حتى عيالي مادري عنهم والله ومادري شو عندي من اغراض ........... خلاااااااص تعبت بريح شوي وبكمل لكم ردة فعل زوجته واللي استوى في النهايه وعندي مجموعة اشياء بتفيدككم ان شاءالله وطبعا بخبركم بخوات زوجي ال2شو صار معهم بريح شوي وبكمل لكم............يتبع
 
يا الله من جد قصتك ولا الافلام
الله يسعدك ياشيخه و يعوض صبرك خير
 
صراحه عجبتيني والله الله يحفظك ويباركلك يارب مرررررره ماني عارفه شوووووو اقولك

من فرحتي انو في زوجاااات زيك اقوياء ماشاءالله عليك يلي اعرفه انو اي زوجه زوجها بيتزوج عليها تستسلم وتتضعف

انتي مثال للزوجه الحكيمه وادا مارجعتي زوجك لقراره كفايه انك رجعتيه ورجعتي الكل لقيمتك وعرفتيهم مين فاطمه
وكفايه انك عرفتيهم ان زوجك مايقدر يستغنى عنك
 
واااااااو والله من اول القصه وانا ابكي وحتى زوجي جاء يضاحكني قلت له الله على الرجال ما لهم امان وهو مبقق عيونه :sadwalk: مو عارف ايش فيني الله يخليه لي ولا يحرمني منه حبيب قلبي :icon26:
ويريح بالك ويرد لك زوجك يارب العالمين بس تصدقين الحين فرحانه موت:24:
 
أعصاااااابي تعبت وماني حاااااااااسة بالي حواليني ههههههههه
ربي يسعدك يارب
فعلا الرجااااال مايملى عينهم غير التراااب
 
وااااااااااااااااااااااااااااااااااااو ماشاء الله تبارك الله فيك قوووووووووووووووووووووووويه وعرفتي ترجعيه
الله يوفقك بستناكي
 
ماشاء الله لا قوة إلا بالله
الله يسخر زوجك لك ويجعله مايشوف من الحريم غيرك وربي يسعدك ويفرج همك ويطمن بالك من كل ما يغلك ويستر عليك <<<<<<< وحدة معجبة بالتصرف :31::31::31:بس بسرعة من أول ماشفت القصة الساعة ثلاث الظهر وأنا ماقفلت اللاتوب كل بعد شوي راجعة أشوف وأقرأ <<<<< ماقلت لك معجبة بتصرفك ههههههههه :31:
 
زوار هذا الموضوع الآن : 176 (71 عضو و 105 ضيف) **دلوعة بابا**, نور1199, غزت2000, يابعدي ياأنا, ام حمدان2, ميوسه, صريحه جداً, رياح الكفن, g1del, لهفة الأنفاس, دهيسه, H O N E Y, n1n2, يا بعد حيي, أريد أن أكون, ملاذ الخواطر, بحر ماله حدود, اهات الحزن, MOON_ LIGHT, (قلب صافي), &دلال&, قويه بروحي, سعدية الحورية, جرحني الحبيب, سحاب الملح, خيوط النور, وعد الكويت, المحترمه, فقدتك Y, 6flah, بنت شماليه, ام نووور, ام رنون, ام بلقيسه, بنت العمده, حمامه بيضاء, فاااطمه, حساسه بقوه, um_rqawy, حلوه.., ام الحلوين66, ضمة ورد, xxx10, شواطئ المحبة, احب الورد, nana9379, اسماء احمد, نسيت عمري, فلونه123, دمعة المظلوم, ام خلودة, قيثاره, براء, ام تولين ولين, روض الياسمين, توباز, انثى رقيقة, قمر الرياض, دانة_بوظبي, الاماسة, المتمرده, جامعة الحنان, انا قلبه, دلوعه مودي, reemar, إسراء2010, هيل وقهوة, ام شوكلاته, Butterfly sprin, ام اسامة وابي
 
فرحتينا يالله كملي القصة

ان شاء الله بس صفت القلوب ورجعتوا لبعض..

والله أصعب شي ع المره انها تبعد عن اللي تحبه بإيرادتها :(
بس احيييج على قوتج وصبرج..ما شاء الله علييج..
 
الصراحه مادري شاقولج حكيمه وتصرفج صح انا لما زوجي يقولي باعرس بالمزح طبعا اقوله من باعنا بعناه لو كان غالي

ننتظر التكمله فديتج

احببتك في الله :)
 
الله يهدي سركم بس ابي اعرف ايش سوا في زوجته الثانيه بليز لا تطولين الله يوفقك:31::21:​
 
الحالة
مغلق و غير مفتوح للمزيد من الردود.
عودة
أعلى أسفل