السلام عليكم ورحمة الله
.
.
.
اخواتي الغاليات.. اريد احكيلكم قصة" قريبتي" اللي بصراحه اول مره تمر عليه مثل قصتها الغريبه!
عل وعسى تطمنوني .. والقى عندكم الحل باذن الله .
.
.
قريبتي انسانه الله عطاها من الجمال اللي الكل يشهد عليه ما شالله عليها.. انسانه طيبه وحبوبه.. . تزوجت من قريبها.. لهم اقل من شهرين.. زوجها انسان اجتماعي مرح وطيب وكريم ما شالله عليه
.
.
تقولي زوجها وايد طيب معاها ويحبها ويخاف عليها.. وكريم وياها لابعد حدود..
بس مشكلتها انه ما لمسهاولا حاول يتقرب منها لليوم ! تقولي في شهر عسلهم .. حزت النوم ينام عطرف السرير وهي عالطرف الثاني ! ولا يحضنها ولا حتى يمسك ايدها ! :dunno:
تقولي فالبدايه قلت يمكن انه ما يريد يبادرها اول الايام.. بس الايام تطوف والحال مثل ما هو !
خلص شهر العسل ورجعوا لبيتهم *بيتهم ملحق فبيت ابوه.. فيه وامه وخواته* تقولي طول الوقت مع اهله.. لدرجة ان امه تحوشهم تقولهم انا ابا اشوف احفادي.. كيف بشوفهم وانتوا طول الوقت ويانا :nosweat:
تقولي لاحظت انه قدّام اهله بيمسك ايدها وبيجلس جنبها.. بس اذا كانوا رواحهم ابدا ما يجي صوبها :dunno:
بدت تتعب من التفكير.. تقولي اخذت مقلب فالعرس! ماتوقعته جذي! قل رقادها واكلها.. بدت تشك انه فيها شي يخليه ينفر منها :dunno: تخيلوا لما تمسك ايده شو يقولها؟ يقولها احس انج تدغدغيني اذا مسكتي ايدي.. لا تمسكينها مايعجبني !!!! تقول انا زين مني تجرات ومسكت ايده.. ويقولي جذي ! هذا بدال ما هو اللي يبدا ويمسك ايدي ! تقولي احس اني ملكت الدنيا اذا جلس جنبي قدام اهله! *قدام اهله* والله حرام!
لين جا اليوم اللي انفجرت ما قدرت تمسك نفسها اكثر.. قالتله انا خلاص ما اقدر امثل على اهلك زياده..انته قدامهم شي وعندي شي ثاني.. اذا شي فيني مو عاجبك قولي.. مستعده اكون اللي تبيها.. انا ماسويت شي عشان تعاملني بهالطريقه.. انت ما تحسسني اني زوجتك.. انا كني وحده من خواتك.. واذا نمنا كنّي نايمه بجنب اخوي!!! يقولها انت زوجتي مش اختي.. انا عندي بس اختين ! قالتله انته دايما تكلمني عن عيالنا شو بنسميهم وكيف بنربيهم.. كيف تبا العيال وانته تعاملني بهالطريقه كيف؟ قالها انت بس هالشي اللي مضايقج الحين؟ نحن بعدنا عرسان مو مستعجلين عالعيال ! تقولي انا قصدي شي وهو قصده شي ثاني :dunno:
.
.
تقولي الحين احاول ما اتضايق من هالاسلوب وياي.. بتصبر وتحاول تشوف اجابياته وياها .. يكفيها حبه وحترامه لها :in_love:
الحين يا حبيباتي المتزوجات.. هل هذا الشي طبيعي؟ طبيعي انه ما يبادر باي شي.. اااي شي وياها كل هالمده؟ :no: وشو تنصحوني اقولها؟؟ والله ساعات اتبلم ما عرف شقولها! والمشكله انه ما تقدر تخبر امه والا خواته! لانهن الله يهديهن .... :shutup: ولا تقدر تزعل وترد بيت اهلها.. لانه مو حلوه فحق زوجها ولا هي قاصره شماتتهم * رفضت اكثر من شخص تقدمولها قبل زوجها* وهي ماتريد فضايح ولا مشاكل :no:
وانا بعد ماقدر اخبر حد عندي عشان ينصحني وانصحها.. يعني مالي حد غيركم ربي لا هانكم :blushing:
