تزوجت وندمت واحسس مستقبلي ضاع :(

[آودي :D]

السلام علييكم ورحمة الله وبركاته
انا بنت ملتزمه ولا أزكي نفسي علىى اللهَ
داييم كنت اشوف نفسي اكبر من سني واتحمل مسؤلييه اكثر من البنات اللي حولي
خالتي ككنت احبهاا حييل واقدرها وداييم ببيتها تذاكر لي تدرسني
ككانت تحبني وتفضلني علىى كل البنات وهذا الشيء اللي خلاني ملتزمه مثلها
المهم خالتي هذي عندها 3 اولاد وبنت ومرضت بالسرطان لمدة 8 شهوور وكتب الله انها تمووت
ماتت وتركت عيالها وانا كنت حيل متعلقه فيها
بعد شهر بالضبط من وفاتها جو اهل زوجها وخطبوني علىى اساس اني اعرف قصتها وككنت داييم عند عيالها فترة سفرها مع زوجها للعلاج في الخارج
المهم امي ابووي جدي كل الناس كانو معارضيين بسس انا وافقت اييه وافقت
رغم رفض امي ورفض ابوووي وكان وقتها نفسية تعبانه بسبب وفاتها وحسييت انها قدمت لي بحياتها اشياء كبييره
لازم ارد لها هالفضل بتربية عيالها
وتزوجت وكان زواجي ثالث العييد هالسنه
رغم رفض الجمييع
صحيح اعطااني مهر كبيير بس بدون ولازواج ولاشيء
حتىى وربي جهازي نص جهاز هـع
يوم كذا في الظهر جا اخذني من بييت اهلي لبييته
اصلا انا كنت رافضه زواج
بسس احس امي زعلانه مني للحين وابوي واخواني بعد
والحرييم وانتم تعرفون الحرييم كل ماشافووني داخله مكان بدأو كلام
هذي اللي تزوجت زوج خالتها هذي البزر بتربي عيال فلانه
ككلهم يقولون زي كذا ماحد شجعني حتىى امي تقول صحيح احب اختي بسس مو لهالدرجه
وربي مدري الاقيها من ويين حتى اهل زوجي ماحبوني ولاوحده فيهم تكلمني اروح وارجع وانا نفس مانا
بسس امه وابوه وبسس
حتىى هو
انساااااااان ناشف جاااااااف عاطفيا وربي من بداية الزواج للحين ماقالي كلمه وحده حلووه
يجي من العمل الظهر وينام للعصر بعدين ياخذ العيال ويوديهم عند اهله ويرجعهم المغرب بعدييين يروح يسهر لاخر الليل
هذا هو حاله تخيلوو كل يوم من تزووجته
اجلسس في البييت طول اليوم لوحدي طفشانه تخيلو الوحده اللي عايشه فيها
بعد ماكنت في بييت حمووله مايفضى من النااس
ولايعبرني ولاحتىى مقدر اني انا ضحييت بمستقبلي علشان عياله
داييم ساككت واذا تكلم يهزئ
وبنته مخليها عند اهله اترجىى يجيبها يقول بعديين ربي العيّآل اول
احسسسس تعبت وانا وربي ماتزوجت الا علشان ابي الاجر في تربية هالايتام
امي زوجي كل النااس عليي محد مساعدني
كتبت مشكلتي بالله كيف اخلي اهلي يرضون عني وكييف اغير من زووجي
وربي صغييره وماعندي خبره عمري 22 سنه
وهل انا على حقق في موافقتي ولا اتعسس خمس شهور مرو علي

 

[غلا روووحي]

الله يجزاااج كل الخير والله يوووفقج بالعكس مو غلطانة دااامج اخترتي هالشي بنفسج وتبين الاجر تأكدي ان رب العالمين معاج
الحين ابدأي بالعيال وعلميهم الدين والوضوء والصلاة وابدأي بزوجج وتفنني معاااه صدقيني بيتغير بس لاتنسين خالتج توها متوفية ويبي لج وقت
وبالتوووفيق ولاتيايسين

 

[رنودة**]

الله يعينك يا اختى

انت غلطتي انك تزوجتيه

ولازم تصبري على مايتعود عليك وعلى الحياة الجديدة معاك

ترى فراق الزوجة الولى صعب الله يصبره ويصبرك

 

[الجروح]

ما أدري وش أقولك .. أنت دفنتي نفسك بالحيا

أنت صحيح بغيتي الأجر والثواب ورد جزء من فضل خالتك عليك

لكن خالتك راحت عند رب غفور وتركت العيال لرب رحيم ما ينسى عبيده

وأنا ما أعارضك على اللي سوتيه .. لأ ..

لكن أعارضك إنك ما سألتي عنه وعن سلوكه قبل موافقتك إنك ترتبطي فيه

ما عليه أنا بربي أيتام وبكسب فيهم أجر لكن في نفس الوقت أبي استمتع

وأعيش حياة حلوة مع زوج يقدرني ويلبي احتياجاتي..

أنت الآن تزوجتي وخلاص ...

وأنصحك إنك تجلسي معه جلسة هادية وتشوفيه هو راغب فيك كزوجة وشريكة وحبيبة

ولا بس زوجة ومربية ثقة أئتمن عيالي عليها وبس

وشوفيه بيعاملك بالحسنى ولا تسريح بأحسان

والعيال ما بيضيعوا فوقهم رب كريم

أنت لساك صغيرة والله بيعوضك خير إن شاء الله

وعليك بكثرة الاستغفار والدعاء بالثلث الأخير من الليل

وربي يفرج همك ويسخرلك زوجك


وعذرا عالإطالة

​

 

[الشتاء الدافئ]

الله يسعدك ويعطيك على قد نيتك ...اكيد تسرعتي لما تزوجت بدون رضا اهلك فانتي صغيره ومشاعرك مسيطره عليك وماسمعتي كلام اهل الخبره حولك...ومع ذلك انتي ماسويتي خطأ او حرام تزوجتي على سنة الله ورسوله واذا انتي قادره تتحملين نتيجة اختيارك فلازم تصبرين على زوجك وتعطينه فرصه يتعود عليك لان خمسه شهور فتره قصيره ...وبعدين هو متوقع انك تزوجتيه عشان الاطفال وبس لذلك متوقع انك ماتحبينه ...اعرفي نمطه وتعاملي معه على هالاساس ..اهلك مع الوقت بيرضون خاصة اذا شافوك مبسوطه وسعيده ...اذا زوجك جيد من نواحي كثيره لاتندمين على زواجك به ...ومافيه اجمل من المصارحه بين الزوجين ...تكلمي معه وفضفضي له في لحظة صفاء بينكم واقنعيه يجيب بنته عشان تكملين مهمتك الساميه اللي نذرتي حياتك لها وربيها بين اخوانها ...والله عليك ياوفيه ...امثالك بيننا قليل ...الله يسعدك ويسعد ام ربتك ...

 

[وحيده في دنياي]

انتي استعجلتي بزواجك منه
الله يفرج همك

 

[أنثى بريئه]

أسغفري ربك ..وأطلبي رضا والديك ...حبي أديهم رجولهم لحد مايرضوا عنك ...وأطلبي منهم يدعولك بالتوفيق وتيسير أمورك ...واللي صار صار ...هذا نصيبك وكيفي نفسك مع وضعك ...وإن شاء الله تتبدل أوضاعك إذا رضا والديك عنك

 

[المتغيرة للأفضل]

اعانك الله اختي وجزاك الله كل خير انت ضحيت بنفسك لهدف سامي زوجك يمكن لازال تحت تاثير الصدمه وهو بحاجة لوقت كافي ليخرج من حزنه اصبري عليه واعرفي بوصلته ونمطه لتستطيعي التعامل معه

 

[الفارسه الجميله]

السلام هليكم اختي...

لا تندمين ومستقبلج ما ضاااع الله يحفظج من كل شر انتي ما قصرتي ونيتج صافيه وان شاء الله ربج يفرجهااا

لا اتخربين بيتج اصبري واتبعي نصائح الاخوات وانت بعدج خمس شهور ما تكفي عشان الزوج يتأقلم بس انتي سوى كل واجباتج الزوجيه واهتمي في البيت والعيال واصبري على زوجج ولا تفكرين كثير ولا تقدرين نفسج مثل ما قالوا الخوات اجلسي معااا جلسه وكلميه شوفي شو يبي واشو محتاج وحاولي تتقربين منه اكثر بس بدون حنه ولا كلام زااااايد خليج هاديه في تصرفاتج وان شاء الله راح يحن قلبه عليييج .....

الله يسعدج ياااااارب ,,,,

 

[لهب]

الله ييسر امورج ويرزقج على قد نيتج .. اختي الحبيبه انتي نيتج طيبه وسبحان الله انتي ما عرفتي زوجك .. والخوات ما قصرن بصراحه كلامهم صح الف على الف .. ربي يهديه لج ويبارك لك لج في زواجك .. استغفري وعسى ان يفرج الله همك

 

[عزيزةفكل حالاتي]

لالالالالا ابدا ولاتندمين ابدا هذا امتحان من الله يختبر صدقك وايمانك اصبري حيفرجها رب العالمين شوية صبر الله يثيبك و يعوضك خير

 

[الماسه2006]

هلا عزيزتي لقد قرأت قصتك ولن أعاتبك سأسألكي سؤال هل استخرتي قبل الموافقه على الزواج ورضا الوالدين من رضى الله ويمكن والديك برفضهم يشوفون الصالح لكي وانتي لا ترينه بحكم سنك فكان لابد تستجيبين للنقاش مع والديكي لرفضهم هذا الشاب هذه النقطه الأولى واجعليها درسا لكي يااخيتي فلا تتسرعي في تقرير الامور المصيريه لوحدك مهما الانسان كبر فلابد أن يستشير ربه بالأول ويستخيره وبالثاني والدي وصديقاتي والآن تزوجتيه فاجلسي وتفاهمي معه بالأول من جميع جوانب القصور وحينها تقررين تجلسين ولا ترجعين بيت أهلك وتخبرين والديكي بقرارك وعليكي بصلاة الليل والاستغفار ألف صباحا وألف مساء فلها سحر كبير وفقكي الله ....والله يهدي الجميع لكي ويكتبلك اللي فيه الخير.

 

[ندى العشق]

شوفي حبيبتي ....انت ان شاء الله ماغلطتي والله سبحانه بيرزقك لانهم ايتام ... الناس لاتعطينهم وجه اهم شي حياتك انتي بالنسبة له هو ترى نفسيته لسى تعبانه ....وانتي اخذك علشان عياله وطلعته من البيت ...هو نفسيته ...اقترحي عليه تسافرون تغيرون جو ...ودي العيال لاهله لية واعزمية على عشاء .....اسال الله العلي القدير الواحد الاحد الفرد الصمد
ان يسخره لك ويوفقك ويرزقك من حيث لاتحتسبين ....

 

[papero0o]

ماراح نتكلم بلي فات و نقول لية تزوجيتة و غلط و من هل كلام
انتي صغيرة بلعمر و قريبة لخالتك و من حبك للخير أخذتك العاطفة و حبيتي تضحين بنفسك بس عشان عيال خالتك
امك و ابوك كانو معاهم حق
بس احنى راح نتكلم عن الوضع الحين و كيف تكسبين رضى زوجك اهم شي و اهلك
و نسكتين الناس ..

اول شي حاولي تغيرين من جو البيت دخلي لة الفرفشة و الحب و الحركة بعد وفاة امهم . .
سوي عزيمة ببيتك اعزمي حمولتك و اهلك و بيني انك حرمة قد المسؤلية
و اذا اهلك قالو لك تزوجتة لاتقولين بس انة عشان العيال
قولي الحمد لله اخذ هل انسان الي نعرفة و يعرفنا و الحمد لله عاقل و رجال
احسن من الشباب هذا الوقت .. بيني قدامهم انك سعيدة م متفاهمة مع زوجك ..
و انتي دخليت على ارمل مو مطلق مثلا او متزوج
يعني مادخليت على ضرة
وصلي لهم هل معلومة ... وصلي لهم حبك لعيال خالتك ....
لول احد في جلسة و قال هذي البزر الي تزوجت فلان و تربي عيالة ردي ولا تسكتين
قولي الحمد لله انة اخذني ولا اخذ حرمة ثانية ماندري وش تسوي مع عيال خالتي . تحنهم ولا لاء ترعاهم ولا لاء تخاف الله فيهم ولا لاء
و هذا قسمتي و نصيبي و راضية فية

و صدقيني يا اختي و انتي الحمد لله ملتزمة و مؤمنة و شكلك عاقلة
دامك بديتي في هل طريق و تبغين الاجر لاتخافين الله مايضيع اجر احد

و بنسبة لزوجك حاولي تدلعين علية و تكسبينة انتي الحين زوجتة حلالة
...............


الله يسخرة لك يارب و يسخرك له​

 

[NEW GIRL]

الله يسهل امرك اعرف وحدة تزوجت من ارمل علشان اولاد وحدة عزيزة عليها بس بعد مدة شعرت بالندم وانها ياليتها سمعت كلام اهلها والله حياتها مملة وهم كبار واصغرهم 18 سنة بس كأنهم بزران وكذب عيني عينك وكل ماتنصحهم يقلبوا السالفة عليها وهم ضحايا وانهم مغلوبين على أمرهم وهي مسكينةتخاف الله فيهم والابو سلبي يخاف من البنت الكبيرة وهي المسيطرة

 

[همسني الشوق]

خلصاااااااااااا لا تفكرين بالي فات
الحين كملي للي بدايتي فيهاااا
خليك ايجابيه درجه اولى احتسبي الاجر
خلي كل لللي حولك يرضون فيك اندفعي بقوه ولا تسمحين لاحد يحطمك
تذكري اجرك عند رب العلمين
تذكري ان عندك رب ندعي اخر ليل
با العكس انا معك واحياك على شجعتك
الله معك وبا التوفيق

 

[آودي :D]

الله يسعدكم مشكورين علىى ردودكم :icon26::icon26:
مدري شنو اقول بسسَ :icon26::icon26:

حتىى انا موقادره اتأقلم علىى الوضع الجدييد
كيف اخليهم هم يتأقلمون
والله الشاهد كل يوم اصحىى ابكي وانام ابكي
اتذكرها في كل مكان من البيت صحيح الفرشش كله تغير
لكن كل شيء يذكرني فيها وحتى عيالها
اوقف اسويلهم اكل يقولون الله زي ماما كذا كانت تسوي
اغسل ملابس يجوني يااه زي ماما كذا كانت تسوي
كل شيء يقولون زي ماما زي ماما
وهذا شيء يخليني ابكي وربي لاني احسهم فاااااااقدينها
وكل شوي يتذكرونها يكسرون خاطري
وحتىى هو بعد طيب وربي انسان ملتزم
ويخاف الله وكاان يحبها حييييييل
والدليل مافارقها ولايوم مرضت وتعالجت بالكيماوي
وربي حتى يوم دخلت غيبوبه قعدت شهر في غيبوبه
كان جالس علىى راسها طول اليوم مافارقها من اول يوم ليين ماتت
وحتىى انا بعد كنت اتذككر مراحل علاجها ويوم شعرها طاااح
ويوم ماتت ويوم غسلوها كل هالمشاهد شفتها
موراضيه تروح عن بالي افتح المطبخ مواعينها تذكرني فيها حتىى ضحكتي صارت نفسس ضحكتها وربي حتى العيال يلاحظون
انا موقادره انساها كيف اخلي عيالها ينسونها
هم يعاملوني للحين على اساس اني بنت خالتهم ا
للي تجيهم ضيفه وتروح
اللي قعدت معاهم فترت مرض امهم بسس بترجع لان امهم بترجع
وربي احسس فيهم يوم يجون ينامون مايقدرون
اللي يبكي واللي يجي يسأل ليه ماما قبل تموت شعرها طاح
وكل شيء ااااااااااه وربي ماساه
هم صغار
اكبر واحد ثالث ابتدائي
وواحد ثاني ابتدائي
واحد بعد مادرس
والبنت عمرها سنتيين
حتى بعد وفاة امها باسبوع ابوهم اشترىى لهم دباب
على اساس ينسون صار لهم حادث والبنوته
تقطعت اصابييييع رجولها
شفتووووووو كيف ماساه ورىى ماساااااااااه
وربي كل كلمه اثرت فيني :icon26::icon26:
وكل كلمه بتجي بسمعها وبنفذها :icon26::icon26:
والله يجزاككم خيير بس بليز لحد يحطمني ويخليني:icon26:
اندم اني تزوجت مابوصل لهالمرحله :icon26::icon26:

 

[اصغرزوجة]

اختي ........ انت ماغلط ابد ولا تتندمي ولازم تعرفي ان رب العالمين هوه اختار الي فيه الخير .......

والي لازم تعرفيه اول سنه زواج دائما تكون صعبه لان انت ماتكوني اتعودت علي زوجك وزوجك لسا مااتعود

عليك وفترة خمسة شهور قليل جدا لازم تكون اقل شي الفترة سنه او سنتين عشان زوجك يتعود عليك

وانت تتعودي علي زوجك وعلي وضعك الجديد والحمدلله علي نعمة النسيان او التناسي لان لولا النسيان

لبقينا في زمرة الاحزان وانطوينا داخل بحر من الهموم وصدقيني انشاء الله رح تنجحي لانك الحمدلله

ماشتتي العيله وباقي البنت انشاء الله تاخذيها وتربيها لان مهما يكون رح تكون بحاجة لشخص قريب منها

ويفهمها واخوات زوجك لو ماكانوا مقتنعيين فيك ماخطبوك لاخوهم بس انت ينقصك شوية صبر وخبرة في

تربية الاولاد وانشاء الله قدالمسؤولية الله يوفقك​

 

[كيمياء الحسن]

اختي الغاليه صباحك فل وخير ...
خلاص عزيزتي صار اللي صار انتي اردتي واهلك اردو ولكن الله بعزته فعل مايريد ...
ياغلاي الحين وشلون ودك تراضين اهلك وانتي اتخذتي قرارك بقناعه ؛؛يعني انا اعتقد مابقى بقلوبهم زعل عليك بس انتي اللي محسسه عمرك باانهم زعلانين عليك لانك انصدمتي بالواقع اللي ماتوقعتيه ابد ولانك صغيره بعمرك ماحسبتيها صح وفكرتي بالعاطفه مافكرتي بالعقل اسمعي مني اهلك ماعاد بقلوبهم زعل لاتشغلين عمرك به الموضوع انتي بمشكله اخرى انتي غرضك الاول تربية الايتام مافكرتي بحياتك والحين فقدتي تلك السعاده وبداتي تبحثين عنها ونسيتي هدفك وهو تربيه عيال خالتك ... اتمنى انك تفهمين شيء واحد انتي انسانه ولكي حقوق ولازم تحصلي عليها وان كان هدفك من الزواج ابناء خالتك لازم تصري على اخذ حقوقك ومن كان بالامس زوج خالتك فهو اليوم زوجك ومسئول عنك افهمي زوجك ان لكي حقوق ويجب عليه احترامها انتي زوجه ولستي مربيه يمكن فاهم وجودك بحياته غلط لازم توضحي له الصورة ... والبنت التي تعيش مع اهله يجب ان تعود لبيتها ومع اخوته فهذا هدفك من البدايه ويجب ان تتمسكي به وتحاربي من اجله انتي لم تعودي مخيره بين القبول او الرفض عزيزتي انتي اصبحتي مسيره زوج وابناء وانتي من قبل بذلك فلاتتخلي عن ذلك دام زعلتي كل اللي حولك علشان هالمصير لاتفلت الاموره كلها من بين يديك اثبتي للكل انك قادره على تحمل القرار والسلوك فيه بنجاح لاتستسلمي بل طالبي حتى النفس الاخير ....
مع صادق امنياتي لكي بحياه سعيده في ظل وجود زوجك وابناءك الثلاثه حاربي على هذه الحياه وستنجحي باذن الله ...
ولاتنسي قول نبينا محمد عليه افضل صلاة وازكى تسليمفي مامعناه(( انا وكافل اليتيم كهاتين واشار على السبابه والوسطى ولم يفرق بينهم)) واجرك من رب العالمين ... ولكن اتمنى ان لاتنسي وجودك ....

 

[صدق العطاء]

الله يعطيهم العافية البنات مو مقصرين في الرد

الله يستر عليك

دمتي بحفظ الرحمن​